ᐄᑉᕈᐃᓄᑦ 10:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᓇᓪᓕᐊᑦ ᒨᓯᓯᐅᑉ ᐱᖁᔭᖏᓐᓂᒃ ᒪᓕᖏᑦᑐᖅ ᓂᑲᒋᔭᐅᓇᓂ ᑐᖁᑕᐅᖁᔭᐅᕗᖅ ᖃᐅᔨᓯᒪᔫᒃ ᒪᕐᕉᒃ ᐱᖓᓱᓪᓘᓐᓃᑦ ᓇᓗᓁᕐᓯᓂᖏᑦ ᒪᓕᒡᓗᒋᑦ.

ᐄᑉᕈᐃᓄᑦ 10:28 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᓴᒧᐃᓕ ᐂᑉᐸᖏᑦ 12:9

ᓱᖕᒪᓪᓕ ᓈᓚᓚᐅᓐᖏᓚᑎᑦ ᐊᑕᓂᐅᑉ ᐅᖃᐅᓯᖓᓂᒃ? ᓱᖕᒪᑦ ᐱᐅᖏᑦᑐᐊᓗᖕᒥᒃ ᐱᓂᐊᓚᐅᕐᐲᑦ? ᔪᕅᐊ ᕼᐃᑍᑎᒥᐅᑕᖅ ᐅᓇᑕᕐᑐᓂ ᑐᖁᑕᐅᑎᓚᐅᕐᐸᑦ; ᐊᒧᓁᑎᒥᐅᓄᑦ ᑐᖁᑕᐅᑎᓚᐅᕐᐸᑦ, ᓄᓕᐊᖓᓗ ᓄᓕᐊᕐᑖᕆᓪᓗᒍ!

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 13:14

ᐃᒻᒥᖕᓅᕐᑎᑦᓱᒫᕐᐸᒃᑲ ᓯᖁᑦᑎᖃᑦᑕᐅᑎᖁᓪᓗᖏᑦ, ᐃᕐᓂᕇᑦ ᐊᑖᑕᒋᑦ, ᐊᑕᓂᖅ ᐅᖃᕐᐳᖅ, ᓂᑲᒋᓂᐊᓐᖏᓚᒃᑲ ᓇᒡᓕᒋᓂᐊᓐᖏᓚᒃᑲᓘᓐᓃᑦ, ᐊᓯᕈᕐᑕᐅᖁᓪᓗᒋᑦ.’”

ᒨᓯᓯ ᓯᑕᒪᖏᑦ 15:36

ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ, ᐃᓅᖃᑎᒌᒡᔪᐊᑦ ᑕᖕᒫᕐᓯᒪᔪᑦ ᓯᓚᑖᓅᕐᑎᑉᐹᑦ ᐅᔭᖅᑲᓄᓪᓗ ᒥᓪᓗᕐᓗᒍ, ᑐᖁᑉᐹᑦ.

ᒫᑎᐅᓯᐅᑉ ᐊᒡᓚᖏᑦ 18:16

ᑖᑦᓱᒪᓕ ᓈᓚᖏᑉᐸᑎᑦ, ᐊᑕᐅᓯᕐᒥᒃ ᒪᕐᕉᖕᓂᒡᓘᓐᓃᑦ ᐃᓚᖃᕐᓗᑎᑦ, ‘ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.’ ᑍᒫᒃ ᒎᑎᐅᑉ ᐅᖃᐅᓯᖏᓐᓂ ᐅᖃᕐᓯᒪᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 8:17

ᐱᖁᔭᑦᓯᓐᓂ ᑎᑎᕋᕐᓯᒪᔪᖃᕐᐳᖅ ᐃᓅᒃ ᒪᕐᕉᒃ ᖃᐅᔨᓯᒪᓂᖏᒃ ᓱᓕᕘᒃ;

ᕉᒪᒥᐅᓄᑦ 9:15

ᒨᓯᓯᒧᑦ ᐅᖃᓚᐅᕐᒪᑦ, “ᓂᑲᒋᔪᒫᕐᐸᒃᑲ ᓂᑲᒋᔪᒪᔭᒃᑲ, ᓇᒡᓕᒋᔪᒫᕐᐸᒃᑲᓗ ᓇᒡᓕᒋᔪᒪᔭᒃᑲ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:1

ᑕᕝᕙ ᐱᖓᔪᒋᓕᕐᑕᖓᓂᒃ ᐃᓕᑦᓯᓐᓄᑦ ᑎᑭᓛᓕᕐᐳᖓ. “ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.”

ᒨᓯᓯ ᑕᓪᓕᒪᖏᑦ 19:13

ᓂᑲᒋᔭᐅᔭᕆᐊᖃᓐᖏᓚᖅ, ᐃᓴᕆᐊᓕᒥᐅᑦ ᑕᕝᕙ ᓴᓗᒻᒪᕐᑕᐅᒐᔭᕐᐳᑦ ᑐᖁᑕᐅᔪᒃᓴᐅᖕᒪᑦ ᐸᓯᔭᒃᓴᐅᖏᑦᑑᑉ ᑐᖁᑕᐅᓂᕕᓂᖓᓂᑦ, ᖃᓄᐃᓕᐅᕐᓂᓕᒫᑦᓯᒍᑦ ᖃᓄᐃᖏᑦᓯᐊᖁᓪᓗᓯ.”

ᒨᓯᓯ ᑕᓪᓕᒪᖏᑦ 19:15

“ᐃᓄᖕᒥᒃ ᐊᑕᐅᓯᑐᐃᓐᓇᕐᒥᒃ ᖃᐅᔨᓯᒪᔪᖃᕐᑎᓪᓗᒍ ᓈᒻᒪᓐᖏᓚᖅ ᐊᖑᒻᒥᒃ ᐱᕋᔭᒃᓯᒪᔪᒥᒃ ᐸᓯᔭᒃᓴᐅᑎᑦᓯᓇᓱᒋᐊᒃᓴᖅ; ᒪᕐᕉᒃᐸᑎᒡᓕ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.

ᐄᑉᕈᐃᓄᑦ 12:25

ᐃᒃᐱᒍᓱᑦᓯᐊᕆᑦᓯ ᐅᖃᓪᓚᒃᑐᖅ ᓈᓚᒍᒪᖏᓪᓗᒍ ᐱᖁᓇᓯ. ᑍᒃᑯᐊ ᓄᓇᕐᔪᐊᕐᒦᓪᓗᓂ ᐅᖃᓪᓚᒃᑎᓪᓗᒍ ᓈᓚᒍᒪᓚᐅᖏᑦᑐᑦ ᕿᒫᕕᒃᓮᕈᑎᓚᐅᕐᒪᑕ, ᐅᕙᒍᓪᓕ ᐊᖏᓂᕐᓴᒥᒃ ᕿᒫᔪᓐᓇᕐᓂᐊᓐᖏᓚᒍᑦ ᕿᓚᖕᒦᑦᑑᑉ ᐅᖃᐅᓯᖏᓐᓂᒃ ᓈᓚᒍᒪᓂᐊᖏᒃᑯᑦᑕ.

ᐄᑉᕈᐃᓄᑦ 2:2

ᐂᖏᓕᓂᑦ ᐅᖃᐅᓯᐅᓚᐅᕐᑐᑦ ᓱᓕᓚᐅᕐᒪᑕ ᓇᓪᓕᐊᑦ ᒪᓕᖏᑦᑐᖅ ᐊᔪᕐᑐᓕᔪᓪᓗ ᓱᒋᐊᕐᑕᐅᖃᑦᑕᓚᐅᕐᐳᖅ ᐱᓂᐊᕐᓂᖏᓐᓄᑦ.

ᔧᒥᓯᐅᑉ ᐊᒡᓚᖏᑦ 2:13

ᐃᖅᑲᑐᕐᑕᐅᓂᕐᒧᑦ ᓂᑲᒋᔭᐅᒐᔭᓐᖏᓚᖅ ᓂᑲᒍᓱᓐᖏᑦᑐᒧᑦ; ᓂᑲᒍᓱᖕᓂᖅ ᓵᓚᖃᕐᑎᑦᓯᔪᓐᓇᕐᐳᖅ ᐃᖅᑲᕐᑐᕐᑕᐅᓂᒃᓴᒥᒃ.