ᕼᐊᐸᑲᐅᑉ ᐊᒡᓚᖏᑦ 3:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᓄᖅᑲᕐᒪᑦ, ᓄᓇᕐᔪᐊᖅ ᐊᐅᓚᓕᕐᐳᖅ; ᑕᑯᓴᕐᒪᑦ ᐃᓅᖃᑎᒌᒡᔪᐊᑦ ᓴᔪᓕᕐᐳᑦ. ᖃᖅᑬᑦ ᐃᓱᖃᖏᑦᑐᒥᑦ ᓯᐊᒻᒪᓕᕐᐳᑦ; ᐱᖑᐊᕐᔪᐃᓪᓗ ᓄᖑᓱᐃᑦᑐᑦ ᑭᕕᓕᕐᐳᑦ, ᑍᑦᓱᒪᓂᐊᓗᒃ ᑖᑦᓱᒪ ᐱᓱᒡᕕᒋᕙᓚᐅᕐᑕᖏᑦ.

ᕼᐊᐸᑲᐅᑉ ᐊᒡᓚᖏᑦ 3:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:26

ᐊᑖᑕᕕᑦ ᓮᒻᒪᕐᑎᑦᓯᓂᖓ ᐊᔪᖏᓐᓂᕐᓴᐅᕗᖅ ᖃᖅᑲᑐᖄᓗᐃᑦ ᐃᓱᖃᖏᑦᑐᒧᑦ ᓮᒻᒪᕐᑎᑦᓯᓂᖓᓂᑦ, ᐃᓱᖃᖏᑦᑐᒧᑦ ᐱᖑᐊᓗᐃᑦ ᐱᒃᓴᖃᕐᓂᐊᓗᖏᓐᓂᑦ; ᑖᒃᑯᐊ ᔫᓯᐱᐅᑉ ᓂᐊᖁᖓᓃᑦᓴᕆᐊᖃᕐᐳᑦ, ᖃᐅᖓᓃᓪᓗᑎᒡᓗ ᖃᑕᓐᖑᑎᒥᓂᑦ ᐊᕕᓯᒪᓚᐅᕐᑐᒥᑦ.

ᔫᐱᐅᑉ ᐊᒡᓚᖏᑦ 21:18

ᐃᕕᒃᑎᑐᑦ ᐊᓄᕆᒧᑦ ᐊᐅᓚᑕᐅᔪᑎᑐᑦ ᑍᒤᓐᖏᓛᑦ, ᐅᕝᕙᓗ ᓴᓂᕐᑎᑐᑦ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᓐᖏᓚᑦ?

ᔫᐱᐅᑉ ᐊᒡᓚᖏᑦ 9:5

ᖃᐅᔨᔭᒃᓴᕈᓚᐅᕋᓂ ᖃᖅᑲᓂᒃ ᓄᑦᓯᓲᖑᕗᖅ, ᓂᓐᖓᐅᑎᑐᐊᕈᓂᒋᑦ ᑕᕝᕙ ᓄᖑᑎᑉᐰᑦ.

ᐃᓐᖏᕈᑎᑦ 103:17

ᐊᑕᓂᐅᓪᓕ ᓇᒡᓕᖕᓂᖓ ᓄᖑᓐᓂᐊᖏᑦᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᑐᕌᕐᐳᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ, ᐃᓱᐊᕐᑐᓕᓂᖓᓗ ᕿᑐᕐᖓᖏᑕ ᕿᑐᕐᖓᖏᓐᓄᑦ.

ᐃᓐᖏᕈᑎᑦ 104:32

ᓄᓇᕐᔪᐊᖅ ᑕᑯᓴᕐᒪᒍ, ᑕᕝᕙ ᓴᔪᒃᐱᓗᓕᕐᐳᖅ, ᖃᖅᑬᑦ ᐊᒃᑐᕐᒪᒋᑦ ᑕᕝᕙ ᐳᔫᓕᕐᐳᑦ.

ᐃᓐᖏᕈᑎᑦ 35:5

ᓂᐊᖂᔭᒃᓮᑦ ᓴᓂᖏᑎᑐᑦ ᑎᒃᑕᐅᓕᕐᓕᑦ ᐊᓄᕆᒧᑦ, ᐊᑕᓂᐅᓪᓗ ᐂᖏᓕᖓᑕ ᕿᒫᑎᓪᓕᒋᑦ.

ᐃᓐᖏᕈᑎᑦ 68:16

ᓱᖕᒪᑦ ᑕᑯᓐᓇᕐᐱᓰ ᑐᓱᓪᓗᓯ, ᖃᖅᑲᐅᔪᓯ ᓄᕗᖃᐅᕐᑐᑦ ᐅᓄᕐᑐᓂᒃ, ᑕᑯᓐᓇᕐᓗᓯᐅᒡᓗ ᖃᖅᑲᖅ ᒎᑎᐅᑉ ᐃᓂᒋᔪᒪᔭᖓ, ᑕᕝᕙᓂ ᐊᑕᓂᖅ ᐃᓂᖃᕐᓂᐊᕐᐳᖅ ᐃᓱᖃᖏᑦᑐᒧᑦ.

ᐃᓐᖏᕈᑎᑦ 90:2

ᖃᖅᑬᑦ ᓴᖅᑭᓚᐅᖅᑳᕐᑎᓐᓇᒋᑦ, ᐅᕝᕙᓗ ᓄᓇᕐᔪᐊᖅ ᓯᓚᕐᔪᐊᕐᓗ ᐱᓐᖑᕐᑎᑕᐅᓚᐅᖅᑳᕐᑎᓐᓇᒋᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ ᒎᑏ ᒎᑎᐅᕗᑎᑦ.

ᐃᓐᖏᕈᑎᑦ 97:5

ᖃᖅᑬᑦ ᐊᐅᒃᐳᑦ ᓂᓚᒃᑎᑐᑦ ᐊᑕᓂᐅᑉ ᓇᔫᑎᓂᖓᓄᑦ, ᐊᑕᓂᐅᑉ ᓇᔫᑎᓂᖓᓂ ᓄᓇᕐᔪᐊᓕᒫᖅ ᑍᒤᑉᐳᖅ.

ᒨᓯᓯ ᐂᑉᐸᖏᑦ 15:14

ᐃᓄᐃᑦ ᑕᒪᑐᒥᖓ ᑐᓴᕋᒥᒃ, ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᖁᐊᕐᓵᑲᓪᓚᖕᓂᕐᒧᓪᓗ ᐱᓕᔅᑎᐊᒥᐅᑦ ᕿᒪᒃᓯᓚᐅᕐᐳᑦ.

ᒨᓯᓯ ᐂᑉᐸᖏᑦ 15:15

ᑕᕝᕙ ᐄᑐᒥᐅᑦ ᐊᖓᔪᖅᑳᖏᑦ ᖁᓚᓕᕐᐳᑦ; ᒧᐊᐱᒥᐅᓪᓗ ᐱᔪᓐᓇᕐᑐᖁᑎᒋᔭᖏᑦ ᓴᔪᓕᕐᓗᑎᒃ; ᑬᓇᓂᒥᐅᓪᓗ ᐃᓄᓕᒫᖏᑦ ᓴᐱᓕᑦᓯᐊᕐᐳᑦ.

ᒨᓯᓯ ᐂᑉᐸᖏᑦ 15:17

ᑕᒪᐅᓐᖓᐅᑎᓚᐅᕐᐸᑎᑦ ᑲᓐᖓᕐᓲᑎᒋᓪᓗᒋᓪᓗ ᓇᖕᒥᓂᖅ ᖃᖅᑲᖁᑎᖏᓐᓄᑦ, ᑕᕝᕗᖓ ᐃᓂᒃᓴᒧᑦ ᐃᕝᕕᑦ ᐊᑕᓃᖅ, ᓂᕈᐊᕐᓯᒪᔭᕐᓄᑦ ᐃᓂᒃᓴᕆᔪᒪᓪᓗᒍ, ᑐᒃᓯᐊᕐᕕᒡᔪᐊᕐᒧᑦ ᐃᕝᕕᑦ ᓇᖕᒥᓂᖅ ᓴᓇᓚᐅᕐᑕᕐᓄᑦ.

ᒨᓯᓯ ᐂᑉᐸᖏᑦ 19:18

ᖃᖅᑳᓘᓪᓗ ᓮᓁᑉ ᖄᖓ ᐳᔪᕐᒧᑦ ᐅᓕᒃᓯᒪᕗᖅ ᐊᑕᓂᐅᑉ ᐊᖅᑲᕐᕕᒋᖕᒪᒍ ᐃᑯᐊᓚᔪᒧᑦ. ᐳᔪᖓᓗ ᖁᒻᒧᐊᒃᐳᖅ ᐃᒐᐅᑉ ᐳᔪᖓᑎᑐᑦ, ᐃᓄᐃᓪᓗ ᓴᔪᒃᐳᑦ ᐊᖏᔪᒥᒃ.

ᒨᓯᓯ ᐂᑉᐸᖏᑦ 21:31

ᐊᖑᓴᓪᓗᕐᓕ ᓇᒡᔪᖕᒦᓗᓂ ᓄᑲᑉᐱᐊᒥᒃ ᓂᕕᐊᕐᓯᐊᒥᒡᓘᓐᓃᑦ ᑐᖁᑦᓯᒃᐸᑦ, ᑕᕝᕙ ᐱᓇᓱᐊᕐᕕᐅᔭᕆᐊᖃᕋᔭᕆᕗᖅ ᑕᒪᒃᑯᐊ ᐱᖁᔭᐅᔪᑦ ᒪᓕᒃᑕᐅᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:6

ᕿᓚᖕᒧᑦ ᑕᑯᓴᓕᕆᑦᓯ, ᐊᒻᒧᓪᓗ ᕿᕕᐊᕐᓗᓯ ᓄᓇᒧᑦ; ᕿᓔᑦ ᐳᔪᕐᑐᑦ ᐊᓯᐅᔪᒫᕐᐳᑦ, ᓄᓇᕐᔪᐊᕐᓗ ᐱᑐᖃᓐᖑᕈᒫᕐᐳᖅ ᐊᓐᓄᕌᑐᑦ, ᐃᓄᖏᓪᓗ ᐊᓇᓐᖏᕐᑎᑐᑦ ᑐᖁᕋᕈᒫᕐᐳᑦ; ᐱᐅᓕᒃᓯᓂᕋᓕ ᐃᓱᖃᖏᑦᑐᒧᑦ ᐃᓕᖓᕗᖅ, ᓇᓛᒎᕐᓂᕋᓗ ᓄᖑᑎᑕᐅᔪᒫᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 51:8

ᖁᐱᕐᕈᓄᑦ ᖃᓪᓗᓈᕐᑕᓂᒃ ᓂᕆᓲᓄᑦ ᓂᕆᔭᐅᔪᒫᕐᒪᑕ, ᖁᐱᕐᕈᓄᓪᓗ ᓄᕕᕐᓵᒃᓴᓂᒃ ᓂᕆᓲᓄᑦ ᓂᖃᐅᓗᑎᒃ; ᓴᐳᑦᔨᓂᕋᓕ ᐃᓱᖃᖏᑦᑐᒧᑦ ᓱᕐᕋᖕᓂᐊᓐᖏᓚᖅ, ᐱᐅᓕᒃᓯᓂᕋᓗ ᑭᖑᕚᖑᖃᑎᒌᓕᒫᓄᑦ.

ᒤᑲᐅᑉ ᐊᒡᓚᖏᑦ 5:8

ᔧᑰᓪᓗ ᑭᖑᕚᖏᑕ ᐊᒥᐊᒃᑯᖏᑦ, ᔫᑎᐅᖏᑦᑐᓃᑦᓱᒫᕐᐳᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ. ᓛᔭᑐᑦ ᐆᒪᔪᐃᑦ ᐊᑯᕐᖓᓐᓂ, ᓛᔭᑐᓪᓗ ᐱᕈᕋᑖᑎᑐᑦ ᓰᐲᑦ ᐊᑯᕐᖓᓐᓂ, ᐊᖅᑯᓵᕈᓂᒋᓪᓗ ᐅᐸᒃᑐᕈᒫᕐᐰᑦ ᐊᓕᒃᑐᕐᓗᒋᓪᓗ, ᑭᓇᒧᓪᓘᓐᓃᑦ ᓴᐳᑎᔭᐅᔪᓐᓇᕐᓂᐊᓐᖏᓚᑦ.

ᓇᕼᐅᒥᐅᑉ ᐊᒡᓚᖏᑦ 1:5

ᖃᖅᑲᕐᔪᐊᑦ ᓴᔪᒃᐳᑦ ᐊᑕᓂᐅᑉ ᓵᖓᓂ, ᐱᖑᐊᕐᔪᐃᓪᓗ ᐊᐅᒃᐳᑦ ᑖᑦᓱᒪ ᓵᖓᓂ; ᐊᑕᓂᖅ ᓴᖅᑭᒻᒪᑦ ᓄᓇ ᓴᔪᒃᐱᓗᒃᐳᖅ; ᓄᓇᕐᔪᐊᓕᒫᖅ ᐃᓄᓕᒫᖏᓪᓗ ᑕᕝᕙᓂ ᐃᓂᖃᕐᑐᑦ ᓴᔪᒃᐳᑦ.

ᕼᐊᐸᑲᐅᑉ ᐊᒡᓚᖏᑦ 1:12

ᐊᑕᓃᖅ, ᐃᓱᖃᖏᑦᑐᒥᑦ ᒎᑎᐅᔪᑎᑦ ᒎᑎᒋᕙᒋᑦ, ᐃᑦᔪᕐᓁᑦᑐᑎᑦ ᐃᓱᖃᖏᑦᑐᑎᓪᓗ ᑐᖁᔪᒫᓐᖏᓚᒍᑦ. ᐊᑕᓃᖅ ᑍᒃᑯᐊ ᑍᒤᑎᑦᐸᑎᑦ ᐃᖅᑲᕐᑐᕐᑕᐅᑦᔪᑎᒃᓴᑦᑎᓐᓄᑦ; ᕾᕐᑑᔪᑎᑦ, ᓱᒋᐊᕐᑕᐅᑦᔪᑎᒃᓴᑦᑎᓐᓄᑦ ᐋᖅᑭᒃᓯᒪᕙᑎᑦ.

ᕼᐊᐸᑲᐅᑉ ᐊᒡᓚᖏᑦ 3:10

ᖃᖅᑬᓪᓗ ᐃᓕᖕᓂᒃ ᑕᑯᒐᒥᒃ ᓴᔪᓕᕐᐳᑦ; ᐃᒦᓪᓗ ᐃᒃᑑᓕᔮᕐᓗᑎᒃ ᖁᕕᓕᕐᐳᑦ ᕿᓚᖕᒥᑦ. ᐃᒪᕐᔪᐊᕐᓗ ᐃᒃᑑᓕᔮᓕᕐᐳᖅ ᓄᓇᐅᑉ ᐊᑖᓂᑦ, ᐃᒪᐅᓪᓗ ᐃᖏᐅᓕᖕᓂᖓ ᐳᕐᑐᓯᓪᓗᓂ.

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᓘᑲᓯᐅᑉ ᐊᒡᓚᖏᑦ 1:50

ᓂᑲᒍᓱᒃᐳᖅ ᓯᕘᕋᒋᔨᒥᓄᑦ, ᑭᖑᕚᕇᓂᑦ ᑭᖑᕚᕇᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 17:26

ᐃᓅᖃᑎᒌᒡᔪᐊᓪᓗ ᐱᓐᖑᕐᑎᓯᒪᕔᑦ ᐃᓄᖕᒥᑦ ᐊᑕᐅᓯᕐᒥᑦ, ᐃᓂᖃᕐᑎᓪᓗᒋᑦ ᓄᓇᕐᔪᐊᒥ ᓇᓂᑐᐃᓐᓇᖅ, ᓄᓇᖃᑎᒌᒡᔪᐊᓪᓗ ᐱᕕᒃᓴᖃᕐᑎᑉᐰᑦ ᐊᑐᓂᑦ, ᐃᓂᒋᓂᐊᕐᑕᖏᑕᓗ ᐊᕕᒃᑐᕐᓯᒪᕕᒃᓴᖏᑦ ᐋᖅᑭᒃᓱᕐᓯᒪᕔᑦ,

ᒨᓯᓯ ᑕᓪᓕᒪᖏᑦ 32:8

ᖁᑦᓯᖕᓂᕐᐹᒍᔪᖅ ᐃᓅᖃᑎᒌᒡᔪᐊᓂᒃ ᓄᓇᑖᕐᑎᑦᓯᓕᕋᒥ; ᐃᓅᖃᑎᒌᑦ ᓇᓂ ᓄᓇᖃᕐᑐᒃᓴᐅᖕᒪᖔᑕ ᐋᖅᑭᒃᓱᐃᓚᐅᕐᐳᖅ, ᐃᓅᖃᑎᒌᒡᔪᐊᓪᓗ ᐊᑐᓂᑦ ᐊᖓᔪᖅᑳᖃᐅᕐᑎᓚᐅᕐᐰᑦ.

ᒨᓯᓯ ᑕᓪᓕᒪᖏᑦ 33:15

ᑖᑦᓱᒪ ᐱᖑᖁᑎᖏᑦ ᓄᑕᐅᖏᑦᑐᑦ ᐱᕈᕐᑐᓄᑦ ᐱᕈᕐᕕᐅᖃᑦᑕᕐᓕ ᐱᐅᓂᕐᐹᓂᒃ, ᐅᓕᒃᑕᐅᓯᒪᓚᐅᕐᓕᑦ ᓂᕿᒃᓴᓄᑦ ᑍᒪᓐᖓᓕᒫᖅ,

ᐄᑉᕈᐃᓄᑦ 13:8

ᔩᓱᓯ ᙭ᔅᑑᓯ ᐊᓯᑦᔨᓚᐅᕐᓯᒪᓐᖏᓚᖅ ᐃᑉᐸᒃᓴᖅ ᐅᓪᓗᒥᓗ ᐃᓱᖃᖏᑦᑐᒧᓪᓗ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᐃᓗᐊᕐᓮᔩᑦ ᐊᒡᓚᖏᑦ 5:5

ᖃᖅᑬᓪᓗ ᓴᔪᒃᐱᓗᓚᐅᕐᐳᑦ ᐊᑕᓂᐅᑉ ᓵᖓᓂ, ᓮᓁᒥ ᐊᑕᓂᐅᑉ ᓵᖓᓂ, ᐃᓴᕆᐊᓕᐅᑉ ᒎᑎᖓᑕ.