19 ᐊᑕᓂᖅ ᒎᑎ, ᐱᔪᓐᓇᕐᓂᖃᕐᕕᒋᒐᒃᑯ; ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᒻᒪᒋᑦ, ᖃᖅᑲᓂ ᐃᓐᓈᕈᕐᓂᓗ ᖁᐂᑦᑖᖁᓇᖓ ᖃᓄᐃᓕᖁᓇᖓᓗ.
ᔨᕈᐃᐊᐅᓪᓗ ᐃᕐᓂᖏᑦ ᐱᖓᓱᑦ ᑍᑲᓃᓚᐅᕐᐳᑦ ᐅᑯᐊ: ᔪᐊᐱ, ᐊᐱᓮ, ᐊᓴᕼᐃᐅᓗ. ᑖᓐᓇᓗ ᐊᓴᕼᐃᐅᓪ ᑎᐊᕐᑎᑐᑦ ᑐᒃᑐᖓᔪᑎᑐᑦ ᓱᑲᑦᑑᑎᒋᔪᓐᓇᓚᐅᕐᐳᖅ;
ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᑉᐰᑦ; ᖁᐃᑦᓵᖏᑦᓯᐊᕐᑎᓪᓗᖓ ᖃᖅᑲᐅᑉ ᖄᖏᓐᓂ ᐳᕐᑐᔪᓂ.
ᐊᑕᓃᖅ, ᓇᒡᓕᒋᕙᒋᑦ ᐱᔪᓐᓇᐅᑎᒋᒐᒃᑭᑦ.
ᒎᑎᑦᑕ ᐊᑎᑎᑉᐹᖓ ᓴᓐᖏᓂᕐᒥᒃ ᓄᑭᑖᕐᑎᓪᓗᓂᖓ, ᐊᖅᑯᑎᒐᓗ ᐊᑲᐅᓯᑦᓯᐊᕐᑎᑉᐹ.
ᐃᑎᒐᒃᑲ ᑐᒃᑐᖓᔫᑉ ᐃᑎᒐᖏᑎᑐᑦ ᑍᒤᑎᑉᐰᑦ, ᐃᓂᖃᕐᑎᑉᐹᖓᓗ ᖁᑦᓯᒃᑐᓂ.
ᐊᒡᒐᒃᑲ ᐃᓕᓐᓂᐊᕐᑎᑉᐰᑦ ᐅᓇᑕᕐᓂᕐᒥᒃ, ᑕᓖᒃᑲᒃ ᕿᓗᓯᔪᓐᓇᖁᓐᓗᒋᒃ ᐱᑎᒃᓯᒥᒃ ᑲᓐᓄᔭᒥᒃ.
ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?
ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.
ᒎᑏ, ᓴᐳᑎᓚᐅᓐᖓ, ᐊᑎᕐᓄᑦ, ᐅᓇᑕᕈᑎᓗᖓᓗ ᓴᓐᖏᔫᓂᕐᓄᑦ.
ᔨᕉᓴᓕᒥᐅᑦ ᐸᓂᖏᑦ ᐊᖏᒻᒪᕆᖁᕙᑦᓯ; ᒐᓯᐅᓖᑦ ᑐᒃᑐᖓᔪᓪᓗ ᐊᖅᑯᑎᒋᓗᒋᑦ, ᐸᒡᕕᓴᖁᓇᓯ ᑲᒪᖁᓇᓯᓗ ᓇᒡᓕᒃᑎᒌᖕᓂᖅ ᓈᒻᒪᒃᓯᖏᓐᓂᖓᓂ.
ᑕᑯᒋᑦ, ᒎᑎ ᐱᐅᓕᔨᒋᕙᕋ, ᑕᑎᒋᓗᒍ ᑲᑉᐱᐊᓱᖕᓂᐊᓐᖏᓚᖓ; ᐄᓛᒃ, ᐊᑕᓂᖅ ᒎᑎ ᐱᔪᓐᓇᕐᑎᑦᓯᔨᒋᒐᒃᑯ ᐃᓐᖏᐅᑎᒋᓪᓗᒍᓗ, ᑖᓐᓇ ᐃᓛᒃ ᐱᐅᓕᔨᑖᕆᒐᒃᑯ.”
ᐅᖃᕐᑐᒃᓴᐅᕗᑦ, ‘ᐊᑕᓂᒃᑯᑦ ᑭᓯᐊᓂ ᓇᓛᒎᕐᓂᕐᑕᖃᕐᐳᖅ ᐱᔪᓐᓇᕐᓂᕐᑕᖃᕐᓗᓂᓗ. ᑖᑦᓱᒧᖓ ᐃᓄᓕᒫᑦ ᐅᐸᒍᑎᔪᒫᕐᐳᑦ, ᐃᓘᓐᓇᑦᓯᐊᖏᓪᓗ ᑖᑦᓱᒥᖓ ᐊᑭᕋᕐᑐᕐᑐᑦ ᑲᓐᖑᓱᒃᑎᑕᐅᔪᒫᕐᐳᑦ.
ᑕᕝᕙ ᐊᑕᓂᖅ ᖁᕕᐊᒋᓕᕐᓂᐊᕐᐸᓯ, ᐃᖏᕐᕋᑎᑦᓱᒫᕐᐸᑦᓯᓗ ᓄᓇᐅᑉ ᐳᕐᑐᓂᕐᐹᖏᑎᒍᑦ; ᓂᕆᑎᑦᓱᒫᕐᓗᓯᓗ ᓯᕗᓕᕕᓂᓯ ᔧᑰᑉ ᓂᕿᒋᕙᓚᐅᕐᑕᖏᓐᓂᒃ, ᐊᑕᓂᐅᑉ ᖃᓂᖓ ᑍᒫᒃ ᐅᖃᕐᐳᖅ.”
ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐊᑭᕋᕐᑐᕐᑎᓯ ᐃᓕᑦᓯᓐᓂᒃ ᐅᖃᐅᓯᖃᓚᐅᕐᐳᑦ, ‘ᐋᕼᐊ! ᓄᓇᖓᑕ ᖃᖅᑲᑐᖃᖏᑦ ᐱᑖᕆᕙᕗᑦ.’
ᓄᑭᖃᕐᑎᑦᓱᒪᕙᒃᑲ ᐊᑕᓂᕐᒥ; ᐱᓱᒍᒫᕐᐳᑦ ᑖᑦᓱᒪ ᐊᑎᖓᓂ.” ᑍᒫᒃ ᐊᑕᓂᖅ ᐅᖃᕐᐳᖅ.
ᑖᑦᓱᒧᖓ ᑐᓂᓯᕕᐅᖁᓪᓗᓯ ᐱᔪᓐᓇᕐᓂᕐᒥᒃ, ᐱᓐᓇᕐᓇᕐᓂᕐᔪᐊᖓᑕ ᐊᒥᒐᖏᓐᓂᖓᓄᑦ ᓴᓐᖏᔫᑎᑕᐅᖁᓪᓗᓯ ᐊᓂᕐᓂᖓᒍᑦ ᐃᓗᑦᓯᒍᑦ,
ᑖᑦᓱᒪ ᓄᓇᒃᑯᑦ ᐳᕐᑐᔪᑎᒍᑦ ᐃᖏᕐᕋᑎᓚᐅᕐᐹ, ᐱᕈᕐᓰᕕᖕᒥᓗ ᐱᕈᕐᑐᓂᒃ ᓂᕿᖃᓚᐅᕐᐳᖅ; ᐅᔭᖅᑲᓪᓗ ᐊᑯᓐᓂᖏᓐᓂᑦ ᐃᒍᑦᑍᑦ ᓰᕐᓇᐅᑎᖏᓐᓂᒃ ᓇᓂᓯᖃᑦᑕᓚᐅᕐᐳᖅ; ᓇᐹᕐᑐᐃᓪᓗ ᐱᕈᕐᑐᖏᓐᓂᒃ ᐅᕐᓱᒃᓴᓕᖕᓂᒃ ᓇᓂᓯᖃᑦᑕᓚᐅᕐᐳᖅ ᐅᔭᕋᓛᓂᑦ.
ᐃᓴᕆᐊᓕᒥᐅᖑᔪᓯ, ᖁᕕᐊᓱᒃᑐᒃᓴᐅᕗᓯ! ᐊᑦᔨᖃᓐᖏᓚᓯ, ᐊᑕᓂᕐᒧᑦ ᐱᐅᓕᔭᐅᓯᒪᔪᓂᒃ. ᑖᓐᓇ ᓴᐴᓗᑕᕆᒐᑦᓯᐅᒃ ᐃᑲᔪᕐᑎᒋᓪᓗᒍ, ᓴᕕᒡᔪᐊᕆᓪᓗᒍᓗ ᓵᓚᖃᐅᑎᒋᓪᓗᒍ! ᐊᑭᕋᓯ ᐃᓕᑦᓯᓐᓄᑦ ᕾᕙᖕᓂᐊᕐᐳᑦ ᐃᓚᓐᓂᕐᓴᕐᓗᑎᒃ; ᐃᓕᑦᓯᓕ ᑐᒃᓯᐊᕐᕕᖏᑦ ᐳᕐᑐᔪᒦᑦᑐᑦ ᑐᓪᓕᕋᕐᓂᐊᕐᐸᓯ.”
ᓱᓇᓕᒫᓂᒃ ᐱᔪᓐᓇᕐᐳᖓ ᙭ᔅᑑᓯᒥ ᐱᔪᓐᓇᕐᑎᑦᓯᔨᓐᓂ.
ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.