ᕼᐊᐸᑲᐅᑉ ᐊᒡᓚᖏᑦ 3:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐊᓂᓚᐅᕐᐳᑎᑦ ᐃᓄᖁᑎᑎᑦ ᐱᐅᓕᔭᕐᑐᕐᓗᒋᑦ, ᐊᖓᔪᖅᑳᕐᔪᐊᖑᖁᓪᓗᒍ ᓂᕈᐊᕐᓯᒪᔧᑦ ᐱᐅᓕᔭᕐᑐᕐᓗᒍ. ᐱᐅᖏᑦᑐᓕᔪᑦ ᐊᖓᔪᖅᑳᖓᑦ ᐅᕐᕈᑎᓚᐅᕐᐸᑦ ᒪᓕᒃᑎᖏᓪᓗ ᓄᖑᑦᓯᐊᓚᐅᕐᐸᑎᑦ.

ᕼᐊᐸᑲᐅᑉ ᐊᒡᓚᖏᑦ 3:13 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 5:20

ᑍᒤᒻᒪᑦ ᑍᕕᑎ ᐰᓕ-ᐱᕋᔨᒻᒧᐊᕐᐳᖅ, ᑍᑲᓂᓗ ᐱᓕᔅᑍᓂᒥᐅᑦ ᓵᓚᒋᕔᑦ; ᐅᖃᕐᐳᕐᓗ, “ᐊᑕᓂᖅ ᓯᕗᓂᓐᓂ ᓵᓚᖃᕐᐳᖅ ᐊᑭᕋᑦᑎᓐᓂᒃ, ᐃᒪᕐᒧᑦ ᖄᒥᐅᑦᔭᐅᔪᐊᑎᑐᑦ.” ᑍᒤᒻᒪᑦ ᑖᓐᓇ ᓄᓇ ᑍᔭᐅᓚᐅᕐᐳᖅ ᐰᓕ-ᐱᕋᔨᒻᒥᒃ.

ᐃᓐᖏᕈᑎᑦ 105:15

ᐅᖃᕐᓗᓂ, “ᐅᕐᓱᕐᑎᕐᓯᒪᔭᒃᑲ ᐊᒃᑐᕐᓂᐊᕋᓯᒋᒃ, ᐅᖃᕐᑎᒃᑲᓗ ᐋᓐᓂᕐᑕᐅᑦᑍᓕᓕᑦ!”

ᐃᓐᖏᕈᑎᑦ 105:26

ᑖᑦᓱᒪ ᐱᔨᓂ ᒨᓯᓯ ᑎᓕᓚᐅᕐᐹ, ᐂᕉᓂᓗ ᓂᕈᐊᕐᓯᒪᔭᓂ.

ᐃᓐᖏᕈᑎᑦ 110:6

ᐃᓅᖃᑎᒌᒡᔪᐊᑦ ᐊᑯᕐᖓᓐᓂ ᐃᖅᑲᕐᑐᐃᔪᒫᕐᐳᖅ, ᓄᓇ ᑕᑕᑎᑦᓱᒫᕐᐹ ᑐᖁᖓᔪᑦ ᑎᒥᕕᓂᖏᓐᓂᒃ, ᓄᓇᖃᑎᒌᑦ ᐊᖓᔪᖅᑳᕐᔪᐊᖏᑦ ᓯᖁᒥᑦᓱᒫᕐᐰᑦ.

ᐃᓐᖏᕈᑎᑦ 137:7

ᐊᑕᓃᖅ ᐃᖅᑲᐅᒪᒋᑦ, ᐄᑐᒥᒥᐅᑦ ᔨᕉᓴᓕᒥᒃ ᓵᓚᖃᓕᕐᑎᓪᓗᒋᑦ, ᐅᖃᓚᐅᕐᒪᑕ, “ᐅᕐᕈᑎᓪᓗᒍ, ᐅᕐᕈᑎᓪᓗᒍ, ᑐᓐᖓᕕᖏᓐᓄᑦ ᑎᑭᓪᓗᒍ ᓄᖑᓪᓚᕆᒡᓗᒍ!”

ᐃᓐᖏᕈᑎᑦ 20:6

ᒫᓐᓇᓕ ᖃᐅᔨᒪᕗᖓ ᐊᑕᓂᐅᑉ ᐅᕐᓱᕐᑎᕐᓯᒪᔭᓂ ᐃᑲᔪᕐᓂᐊᕐᒪᒋᑦ; ᑐᓴᕐᓂᐊᕐᐹᓗ ᕿᓚᖕᒥᑦ ᐃᑦᔪᕐᓁᑦᑐᒥᑦ ᐱᐅᓕᕐᓯᓂᕐᒥᓄᑦ ᓴᓐᖏᔪᒧᑦ ᑕᓕᕐᐱᖕᒥᓄᑦ.

ᐃᓐᖏᕈᑎᑦ 28:8

ᐊᑕᓂᖅ ᓴᓐᖏᔫᑦᔪᑎᒋᕙᕋ, ᐅᕐᓱᕐᑎᕐᓯᒪᔭᖓᑕ ᓴᐳᑦᔭᐅᕕᒋᓗᒍ ᕿᒫᕕᒃᓴᕆᖕᒪᒍ.

ᐃᓐᖏᕈᑎᑦ 68:7

ᒎᑏ, ᐃᓄᖁᑎᕕᑦ ᓯᕗᓂᖓᓃᓚᐅᕋᕕᑦ ᐊᐅᓪᓚᕐᑎᓪᓗᒋᑦ, ᐱᓱᖃᑦᑕᐅᓚᐅᕐᐳᑎᑦ ᐃᓄᖃᖏᑦᑐᒃᑰᕐᑎᓪᓗᒋᑦ. ᓰᓚ

ᐃᓐᖏᕈᑎᑦ 77:20

ᐃᓄᖁᑎᑎᑦ ᓰᐱᑎᑐᑦ ᑲᑎᓐᖓᔪᑎᑐᑦ ᑕᓯᐅᓚᐅᕐᐸᑎᑦ ᒨᓯᓯᐅᑉ ᐂᕉᓂᐅᓪᓗ ᐊᐅᓚᑦᓯᓂᖏᑦ ᐊᑐᕐᓗᒋᑦ.

ᐃᓐᖏᕈᑎᑦ 99:6

ᒨᓯᓯᓗ ᐂᕉᓂᓗ ᑐᓂᕐᕈᓯᕐᑎᑦᓯᔨᖁᑎᒋᕔᑦ, ᓴᒧᐃᓕᑦᑕᐅᖅ ᑖᑦᓱᒪ ᐊᑎᖓᓄᑦ ᑐᒃᓯᐊᕐᑎᐅᓚᐅᕐᐳᖅ; ᑖᒃᑯᐊ ᐊᑕᓂᕐᒧᑦ ᑐᒃᓯᐊᓚᐅᕐᐳᑦ, ᑖᑦᓱᒪᓗ ᑐᓴᓚᐅᕐᐰᑦ.

ᐂᓮᐊᓯᐅᑉ ᐊᒡᓚᖏᑦ 63:11

ᑕᕝᕙ ᐃᓄᖁᑎᖏᑦ ᐃᖅᑬᓕᓚᐅᕐᐳᑦ ᑍᒃᑯᓂᖓᑐᖃᖅ, ᒨᓯᓯ ᒎᑎᐅᑉ ᐱᔨᖓ ᐃᓅᑎᓪᓗᒍ ᐊᑐᕐᑕᐅᕙᓚᐅᕐᑐᓂᒃ, ᐅᖃᕐᓗᑎᒃ, “ᓇᐅᒡᓕᑍᒪ ᐃᒪᒃᑯᑦ ᐃᑳᕐᑎᑦᓯᓚᐅᕐᑐᖅ? ᐰᕐᓯᔨᖁᑎᖏᓪᓗ ᓰᐱᖁᑎᒥᓂᒃ? ᓇᐅᒡᓕ ᑍᒪ ᐊᓂᕐᓂᕐᒥᓄᑦ ᐃᑦᔪᕐᓁᑦᑐᒧᑦ ᓇᔪᕐᑕᐅᑎᑦᓯᓚᐅᕐᑐᖅ ᑖᒃᑯᓂᖓ?

ᐂᓮᐊᓯᐅᑉ ᐊᒡᓚᖏᑦ 64:1

ᐊᑏ ᕿᓚᒃ ᐊᓕᒡᓗᒍ ᐊᖅᑲᓚᐅᕆᑦ, ᖃᖅᑳᓗᐃᑦ ᓴᔪᒃᐱᓗᖕᓂᐊᕐᒪᑕ ᓇᔫᑎᓂᕐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 13:14

ᐊᕙᓗᕐᔪᐊᕐᓗ ᓯᖁᑦᑎᕈᒫᕐᐸᕋ ᖃᑯᕐᑕᒧᑦ ᒥᖑᐊᓚᐅᕐᑕᓯ, ᐅᕐᕉᕋᕐᑎᑦᓱᒫᕐᐸᕋ ᒪᓂᖅᑲᒧᑦ, ᑐᓐᖓᕕᕕᓂᑐᐃᓐᓇᐅᓕᕐᓗᓂ; ᐅᕐᕉᒃᐸᑦ ᐃᓕᑦᓯᑦᑕᐅᖅ ᑐᖁᔪᒫᕐᐳᓯ ᐊᑯᕐᖓᓐᓂ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓᐅᒐᒪ ᐊᑕᓂᖅ.

ᐂᒨᓯᐅᑉ ᐊᒡᓚᖏᑦ 9:1

ᐊᑕᓂᖅ ᑕᑯᓚᐅᕐᐸᕋ ᓇᖏᕐᑐᖅ ᑐᓂᕐᕈᓯᕐᕕᐅᑉ ᓴᓂᐊᓂ, ᐅᖃᕐᓗᓂᓗ, “ᑐᒃᓯᐊᕐᕕᒡᔪᐊᑉ ᓱᑲᖏᑕ ᓄᕗᖏᑦ ᐊᓇᐅᒃᑭᑦ ᑐᓐᖓᕕᖓ ᓴᔪᖁᓪᓗᒍ, ᑖᒃᑯᓄᖓᓗ ᐃᓄᓕᒫᑦ ᓂᐊᖁᖏᑦ ᓯᖁᒥᑕᐅᖁᓪᓗᒋᑦ, ᐊᒥᐊᒃᑯᖏᓪᓗ ᑐᖁᑦᓱᒫᕐᐸᒃᑲ ᓴᕕᒡᔪᐊᒧᑦ; ᐊᑕᐅᓯᕐᒥᒡᓘᓐᓃᑦ ᕿᒫᔪᖃᕐᓂᐊᓐᖏᓚᑦ, ᓇᓪᓕᐊᓐᓂᒡᓘᓐᓃᑦ ᐊᓐᓇᒃᑐᖃᕐᓂᐊᕋᓂ.

ᔮᓱᐊᑉ ᐊᒡᓚᖏᑦ 10:11

ᐊᒧᕅᑎᒥᐅᑦ ᕿᒫᑎᓪᓗᒋᑦ ᐃᓴᕆᐊᓕᒥᐅᓂᒃ, ᐊᖅᑲᕐᑎᓕᕐᑎᓪᓗᒋᑦ ᐱᑦ-ᕼᐅᕋᓐᒥᑦ, ᐊᑕᓂᖅ ᓇᑕᖅᑯᕐᓇᕐᔪᐊᓂᒃ ᐊᖏᔫᑎᓂᒃ ᕿᓚᖕᒥᑦ ᑲᑕᒐᕐᑎᑦᓯᕗᖅ ᓄᓇ ᐊᔨᑲ ᑎᑭᓪᓗᒍ, ᑖᒃᑯᐊᓗ ᑐᖁᑕᐅᓚᐅᕐᐳᑦ ᑕᒪᒃᑯᓄᖓ; ᓇᑕᖅᑯᕐᓇᕐᔪᐊᓄᑦ ᑐᖁᑕᐅᔪᑦ ᐅᓄᕐᓂᕐᓴᐅᓚᐅᕐᐳᖅ ᐃᓴᕆᐊᓕᒥᐅᓂᑦ ᓴᕕᒡᔪᐊᒧᑦ ᑐᖁᑕᐅᔪᓂᑦ.

ᔮᓱᐊᑉ ᐊᒡᓚᖏᑦ 10:24

ᑎᑭᐅᑎᒐᒥᑦᔪᒃ ᔮᓱᐊᑉ ᓵᖓᓄᐊᕐᑎᑉᐰᑦ, ᔮᓱᐊᑉ ᐃᓴᕆᐊᓕᒥᐅᑦ ᐅᓇᑕᕐᑎᖏᓐᓄᑦ ᐊᖓᔪᖅᑳᑦ, ᑲᒪᔨᐅᔪᓪᓗ ᐱᖃᑎᒋᓚᐅᕐᑕᓂ ᕾᖁᕔᑦ ᐅᖃᐅᑎᓪᓗᒋᓪᓗ, “ᒪᐅᖓ ᖃᒡᓕᒋᐊᕐᓗᓯ, ᐊᖓᔪᖅᑳᕐᔪᐊᑦ ᖁᖓᓯᖏᑎᒍᑦ ᑐᑎᓚᐅᕐᓯᐅᒃ.” ᑕᕝᕙ ᕾᓪᓗᑎᒃ, ᖁᖓᓯᖏᑎᒍᑦ ᑐᑎᒻᒥᓕᕐᐰᑦ.

ᔮᓱᐊᑉ ᐊᒡᓚᖏᑦ 10:42

ᔮᓱᐊᓪᓗ ᐊᖓᔪᖅᑳᕐᔪᐊᓕᒫᑦ ᓵᓚᒋᕔᑦ ᓄᓇᖁᑎᓕᒫᖏᓪᓗ ᐊᑕᐅᓯᐊᕐᓗᑎᒃ ᐅᓇᑕᕆᐊᕐᓗᒋᑦ, ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑦᑕ ᐅᓇᑕᕈᑎᓚᐅᕐᒪᒋᑦ ᐃᓴᕆᐊᓕᒥᐅᑦ.

ᔮᓱᐊᑉ ᐊᒡᓚᖏᑦ 11:12

ᔮᓱᐊᓪᓗ ᓵᓚᒋᓚᐅᕐᐰᑦ ᐃᒡᓗᒐᓴᓕᒫᑦ ᐊᖓᔪᖅᑳᕐᔪᐊᓕᒫᖏᓪᓗ, ᐊᑕᖏᕐᓗᒋᓪᓗ ᑐᖁᓚᐅᕐᐰᑦ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᓯᒪᖕᒪᒍ.

ᔮᓱᐊᑉ ᐊᒡᓚᖏᑦ 11:8

ᐊᑕᓂᐅᓪᓗ ᐃᓴᕆᐊᓕᒥᐅᑦ ᓵᓚᖃᕐᑎᑉᐰᑦ, ᐃᓴᕆᐊᓕᒥᐅᓪᓗ ᑐᖁᕅᓚᐅᕐᐳᑦ ᒪᓕᒡᓗᑎᒃ ᒥᔅᕆᐸᑦ-ᒤᒻᒧᑦ ᓮᑐᓂᒧᓪᓗ, ᓯᕿᓂᐅᑉ ᓄᐃᕕᖓᓄᑦ ᒥᔅᐱᐅᑉ ᓇᕐᓴᖓ ᑎᑭᓪᓗᒍ; ᐅᓇᑍᓐᓇᓚᐅᕐᐰᓪᓗ, ᐊᑕᖏᕐᓗᒋᑦ ᑐᖁᔪᐃᓐᓇᐅᓚᐅᖃᕐᑎᓐᓇᒋᑦ.