ᕼᐊᐸᑲᐅᑉ ᐊᒡᓚᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓂᕆᐅᓇᖏᑦᑐᒃᑯᑦ ᑕᕝᕙ ᐊᑭᓕᒃᓴᖃᕐᕕᒋᔭᑎᑦ ᒪᑭᑲᓪᓚᖕᓂᐊᓐᖏᓛᑦ? ᑐᐸᓕᕐᓂᐊᓐᖏᓛᑦ ᐃᓕᖕᓂᒃ ᓵᓚᖃᕐᓗᑎᒃ? ᑎᒡᓕᒐᕐᕕᐅᓕᕐᓗᑎᓪᓗ ᑖᒃᑯᓇᓐᖓᑦ.

ᕼᐊᐸᑲᐅᑉ ᐊᒡᓚᖏᑦ 2:7 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:1

ᓇᓪᓕᐊᑦ ᐋᖅᑭᒋᐊᕐᑕᐅᖃᑦᑕᕐᑐᖅ, ᓯᑎᓇᓱᐊᕈᓂ, ᑕᕝᕔᓐᓇᖅ ᐊᓯᕈᕐᑕᐅᔪᒫᕐᐳᖅ ᐋᖅᑭᒋᐊᕐᑕᐅᕕᖃᕈᓐᓃᕐᓗᓂ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:8

ᓄᓇᒥ ᐃᑎᕐᓴᓕᐅᕐᑐᖅ ᑕᕝᕗᖓ ᑲᑕᖕᓂᐊᕐᐳᖅ, ᓇᓪᓕᐊᓪᓗ ᐊᕙᓗᒃᑯᑦ ᐃᑎᕐᑐᖅ ᖁᒡᓗᒋᐊᒥᑦ ᑮᔭᐅᓂᐊᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 11:13

ᐃᕗᕅᒥᐅᓪᓗ ᐱᔭᑑᔪᒪᓂᖓ ᓄᖅᑲᕈᒫᕐᐳᖅ, ᔫᑕᐅᓪᓗ ᑭᖑᕚᖏᑕ ᓲᖑᓴᖕᓂᖓ ᓇᑲᑕᐅᔪᒫᕐᐳᖅ; ᐃᕗᕅᒥᐅᑉ ᑭᖑᕚᖏᑦ ᔫᑕᐅᑉ ᑭᖑᕚᖏᓐᓂᒃ ᓯᖕᓇᕕᖃᕈᓐᓃᕈᒫᕐᐳᑦ, ᔫᑕᐅᓪᓗ ᑭᖑᕚᖏᑕ ᐃᕗᕅᒥᐅᑉ ᑭᖑᕚᖏᑦ ᓲᖑᓴᒡᕕᒋᔪᓐᓃᕈᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 41:25

ᐊᖑᒻᒥᒃ ᓂᕈᐊᓚᐅᕐᐳᖓ ᓯᕿᓂᐅᑉ ᓄᐃᕕᐊᑕ ᓇᓛᓂ ᓄᓇᖃᕐᑐᒥᒃ, ᑖᓐᓇ ᐅᓐᓄᐊᓪᓗᐊᑉ ᓇᓛᓂᑦ ᑎᑭᑦᓱᒫᕐᐳᖅ ᑖᑦᓱᒪ ᐊᑎᕋ ᓂᓪᓕᐊᕕᒋᔪᒫᕐᐹ; ᐅᓇᑕᕆᐊᕈᒫᕐᐳᕐᓗ ᐊᐅᓚᑦᓯᔨᐅᔪᓂᒃ ᑐᓪᓕᕋᕐᑐᑎᑐᑦ ᓱᓇᐅᑎᑦᓯᔪᒫᓐᖏᓚᖅ ᒪᕐᕋᕐᑎᑐᑦ, ᒪᕐᕋᓕᐅᕐᑎ ᑍᒫᒃ ᓯᖃᓪᓕᓯᕙᖕᒪᑦ ᒪᕐᕋᕐᒥᒃ ᑐᓪᓕᕋᕐᓗᒍ.

ᐂᓮᐊᓯᐅᑉ ᐊᒡᓚᖏᑦ 46:11

ᐊᖑᓇᓱᒃᑎᒥᒃ ᑎᖕᒥᐊᕐᔪᐊᒥᒃ ᕾᖁᔨᓯᒪᕗᖓ ᓯᕿᓂᐅᑉ ᓄᐃᕕᐊᑕ ᓇᓛᓂᑦ, ᐊᖑᑦ ᐱᓇᓱᐊᕐᑕᐅᖁᔭᓐᓂᒃ ᐱᓇᓱᐊᕐᓂᐊᕐᑐᖅ ᓄᓇᒥᑦ ᐅᖓᓯᒃᑐᒥᑦ ᐱᓯᒪᔪᖅ; ᐅᖃᕇᕐᓯᒪᒐᒪ ᓇᓪᓕᐅᑎᑎᑦᓱᒫᕐᓗᒍᓗ. ᐱᓇᓱᐊᕈᒪᔭᓐᓂᒃ ᐅᖃᕐᓯᒪᒐᒪ; ᑍᒤᓕᐅᕐᓂᐊᕐᓗᖓᓗ.

ᐂᓮᐊᓯᐅᑉ ᐊᒡᓚᖏᑦ 47:11

ᐱᐅᖏᑦᑐᐊᓗᖕᒧᑦ ᑎᑭᑕᐅᔪᒫᕐᐳᓯ, ᐊᖓᒃᑯᖁᑎᑦᓯᒍᑦ ᐊᔪᕐᑕᑦᓯᓐᓂᒃ; ᐊᓯᕈᕐᑕᐅᓇᕐᑐᒧᑦ ᑎᑭᑲᓪᓚᒡᕕᐅᔪᒫᕋᑦᓯ ᓴᖑᑎᑦᓱᓐᓇᓐᖏᑕᑦᓯᓐᓄᑦ. ᓱᒃᑯᑕᐅᓂᕐᒧᑦ ᑎᑭᑕᐅᔪᒫᕋᑦᓯ ᑕᕝᕔᓐᓇᖅ ᓂᕆᐅᒋᓚᐅᓐᖏᑕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 51:11

“ᖃᕐᔪᓯ ᑮᓐᓇᒃᓴᓕᕐᓯᒋᒃ ᓴᐴᓗᑕᓯᓗ ᑎᒍᓗᒋᑦ! ᐊᑕᓂᐅᑉ ᒥᑏᔅᑯᑦ ᐊᖓᔪᖅᑳᕐᔪᐊᖏᑦ ᐊᐅᓚᑦᔭᒃᑎᒻᒪᒋᑦ ᐹᐱᓘᓂᒥᐅᓂᒃ ᐊᓯᕈᐃᔪᒪᓪᓗᓂ ᐃᓱᒪᒋᔭᖃᕐᒪᑦ, ᐊᑕᓂᖅ ᐊᑭᓂᐊᕈᒫᕐᒪᑦ ᑐᒃᓯᐊᕐᕕᒃᔪᐊᖁᑎᓂ ᐱᑦᔪᑎᒋᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 51:57

ᐊᖓᔪᖅᑳᖁᑎᖏᑦ ᓯᓚᑐᔪᖁᑎᖏᓪᓗ ᐋᖓᔮᓕᕐᑎᓐᓂᐊᕐᐸᒃᑲ, ᐊᐅᓚᑦᓯᔨᖏᑦ ᐅᓇᑕᕐᑐᒃᓴᖁᑎᖏᑦ ᐅᓇᑕᕐᑐᒃᓴᓪᓗ ᐊᖓᔪᖅᑳᖏᑦ ᐱᖃᓯᐅᑎᓗᒋᑦ, ᓯᓂᓕᕈᑎᒃ ᑐᐸᒍᒫᓐᖏᓚᑦ; ᐊᖓᔪᖅᑳᖑᓂᕐᐹᖅ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓂᒃ ᐊᑎᖃᕐᑐᖅ ᑕᒪᑐᒥᖓ, ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 8:17

“ᑕᑯᒋᑦ, ᑎᑭᑕᐅᑎᑦᓱᒫᕐᐸᑦᓯ ᖁᒡᓗᒋᐊᕐᔪᐊᓂᒃ ᑐᖁᓐᓇᕐᑐᖃᕐᑐᓂᒃ ᓯᓔᕐᕆᔭᒃᓴᐅᖏᑦᑐᓂᒃ, ᑖᒃᑯᐊᓗ ᑮᔪᒫᕐᐹᓯ,” ᐊᑕᓂᖅ ᐅᖃᕐᐳᖅ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:3

ᐃᓄᐃᑦ ᐅᖃᕐᐸᑕ, “ᐅᐃᒪᓇᕐᑐᖃᓐᖏᓚᖅ ᓯᕘᕋᓇᕐᑐᖃᕋᓂᓗ,” ᑕᕝᕙ ᑕᕝᕔᓐᓇ ᐊᓯᕈᕐᓇᕐᑑᑉ ᑎᑭᑦᓱᒫᕐᐰᑦ ᓲᕐᓗ ᑕᕝᕔᓐᓇᖅ ᐋᓐᓂᐊᓇᕐᑐᒧᑦ ᐊᕐᓇᐅᑉ ᑎᑭᑕᐅᓂᖓᑐᑦ ᐃᕐᓂᓱᓕᕐᑎᓪᓗᒍ, ᕿᒫᔪᓐᓇᕐᑐᖃᕈᒫᓐᖏᓚᕐᓗ.