ᕼᐊᐸᑲᐅᑉ ᐊᒡᓚᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑲᑉᐱᐊᓐᓇᒦᒃ! ᕿᔪᖕᒧᑦ ᐅᖃᖃᑦᑕᕐᑐᖅ, “ᑐᐸᓕᕆᑦ!” ᐅᕝᕙᓗ ᐅᔭᕋᖕᒧᑦ ᑐᓵᖏᑦᑐᒧᑦ, “ᒪᑭᓕᕆᑦ!” ᑖᓐᓇ ᐃᓕᖕᓂᒃ ᑕᑯᑎᑦᓯᔪᓐᓇᕐᐹ? ᑕᑯᒋᑦ, ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᖄᐹᓕᕐᓯᒪᕗᖅ, ᐊᓂᕐᓵᕐᑐᕈᓐᓇᕋᓂᓗ.

ᕼᐊᐸᑲᐅᑉ ᐊᒡᓚᖏᑦ 2:19 ပူးပေါင်းရင်းမြစ်များ

ᐃᓐᖏᕈᑎᑦ 135:15

ᔫᑎᐅᖏᑦᑐᑦ ᒎᑎᓐᖑᐊᖏᑦ ᓯᐅᓪᕕᕆᐅᕗᑦ ᒎᓘᓪᓗᑎᒡᓗ, ᐃᓅᖃᑎᒌᒡᔪᐊᑦ ᐊᒡᒐᖏᓐᓄᑦ ᓴᓇᔭᐅᓯᒪᓪᓗᑎᒃ.

ᐃᓐᖏᕈᑎᑦ 135:17

ᓯᐅᑎᖃᕐᐳᑦ, ᑐᓴᕈᓐᓇᕋᑎᒡᓕ, ᐊᓂᕐᓵᕐᑐᕈᓐᓇᕋᑎᒡᓗ ᖃᓂᕐᒥᒃᑎᒍᑦ.

ᐃᓐᖏᕈᑎᑦ 97:7

ᓴᓇᓯᒪᔪᓂᒃ ᑐᒃᓯᐊᕐᕕᖃᕐᑐᓕᒫᑦ ᑲᓐᖑᓱᒃᑎᑕᐅᓕᑦ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᐅᔪᕆᑦᔪᑎᖃᕐᑐᑦ; ᒎᑎᒋᔭᐅᔪᓯ ᑕᒪᑦᓯ ᑖᓐᓇ ᐹᒻᒪᒃᑎᕐᕕᒋᓯᐅᒃ.

ᐂᓮᐊᓯᐅᑉ ᐊᒡᓚᖏᑦ 26:14

ᑐᖁᖓᓕᕋᒥᒃ ᐆᒻᒪᒃᑲᓐᓂᕐᓂᐊᕈᓐᓃᕐᐳᑦ; ᐊᓂᕐᓂᐅᓕᕋᒥᒃ ᒪᑭᓐᓂᐊᓐᖏᓚᑦ; ᓱᒋᐊᕐᓯᓂᕐᓄᑦ ᐊᓯᕈᓚᐅᕋᕕᒋᑦ, ᐃᖅᑲᕐᑕᐅᓂᐊᕈᓐᓃᕐᓗᑎᒡᓗ.

ᐂᓮᐊᓯᐅᑉ ᐊᒡᓚᖏᑦ 40:19

ᒎᑎᓐᖑᐊᒦᒃ? ᐃᓄᖕᒧᑦ ᓴᓇᓐᖑᐊᕐᑎᒧᑦ ᓴᓇᔭᐅᕙᒃᑐᓂᒃ, ᓴᕕᕋᔭᖕᒥᒃ ᓴᓇᕙᒃᑑᑉ ᓴᓇᔭᓂ ᒥᖑᐊᕐᐸᒃᐹ ᒎᓗᒥᒃ ᐃᓕᓯᕕᒋᓪᓗᒍᓗ ᐊᕐᓵᕐᑑᔭᓂᒃ ᓯᐅᓪᕕᕆᓂᒃ.

ᐂᓮᐊᓯᐅᑉ ᐊᒡᓚᖏᑦ 41:26

ᑭᐊ ᓇᓗᓁᓚᐅᕐᐸᐅᒃ ᐱᒋᐊᕐᓂᖓᓂᑦ? ᑕᒪᑐᒥᖓ ᖃᐅᔨᖁᓪᓗᑕ, ᐊᑐᓚᐅᕐᑎᓐᓇᒍ ᐅᖃᕈᓐᓇᖁᓪᓗᑕ, ‘ᐅᓇ ᓱᓕᔪᖅ.’ ᐃᓛᒃ, ᐱᑕᖃᓐᖏᓚᖅ ᓇᓗᓁᕐᓯᔪᓐᓇᕐᑐᒥᒃ, ᑐᓴᕐᑎᑦᓯᔪᖃᕈᓐᓇᓐᖏᓚᕐᓘᓐᓃᑦ, ᐅᖃᐅᓯᕐᑎᑦ ᑐᓴᕐᑕᐅᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 44:17

ᐊᒥᐊᒃᑯᖓᓂᒡᓗ ᒎᑎᓕᐅᕐᐳᖅ, ᓴᓇᓪᓗᓂ ᐃᓄᓐᖑᐊᓕᐅᕐᐳᖅ. ᐅᑯᕕᒋᓪᓗᒍᓗ ᑐᒃᓯᐊᕐᕕᒋᕚ, ᑐᒃᓯᐊᕐᕕᒋᓕᕋᒥᐅᒃ ᐅᖃᐅᑎᕚ, “ᓴᐳᑎᓚᐅᓐᖓ ᒎᑎᒋᒐᒃᑭᑦ!”

ᐂᓮᐊᓯᐅᑉ ᐊᒡᓚᖏᑦ 46:6

ᑖᒃᑯᐊ ᑮᓇᐅᔭᖃᐅᑎᒥᖕᓂ ᒎᓗᓂᒃ ᐊᒥᒐᖏᑦᑐᓂᒃ ᐱᖃᕐᑐᑦ, ᓯᐅᓪᕕᕆᓂᒡᓗ ᐅᖁᒤᓐᓂᕐᓯᐅᕐᐸᒃᑐᑦ, ᐊᑭᓕᕐᓱᕐᓂᐊᕐᑕᒥᖕᓂᒃ ᑎᓕᓯᕗᑦ ᒎᓗᓕᐅᕐᑎᒥᒃ ᒎᑎᓐᖑᐊᓕᐅᖁᓪᓗᒍ; ᑕᕝᕙ ᑭᖑᓂᖓᒍᑦ ᐹᒻᒪᒃᑎᕐᕕᒋᓪᓗᒍ ᑐᒃᓯᐊᕐᕕᒋᓕᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 57:6

ᐅᔭᕋᖕᓂᒃ ᕾᕋᑦᑐᓂᒃ ᓇᕐᓴᓂᑦ ᐱᓇᓱᐊᕐᐸᒃᐳᓯ; ᓇᓚᐅᑦᑖᕐᓂᒃᑯᑦ ᑐᑭᑖᕈᑎᒋᓪᓗᒋᑦ ᐃᒥᕐᓂᐊᕐᑕᑦᓯᓐᓂᒃ ᑯᕕᓯᓪᓗᓯ ᑐᓂᕐᕈᓯᕐᐸᒃᐳᓯ, ᓂᐊᖂᔭᒃᓴᓂᒡᓗ ᑐᓂᕐᕈᓯᕐᕕᒋᓪᓗᒋᑦ, ᑕᒪᒃᑯᓄᖓ ᓮᒻᒪᕐᑎᑕᐅᔪᓐᓇᕐᐳᖔ?

ᔨᕆᒤᐊᐅᑉ ᐊᒡᓚᖏᑦ 10:14

ᐃᓄᓕᒫᑦ ᓯᓔᒻᒪᑕ ᖃᐅᔨᒪᓇᑎᒡᓗ, ᒎᓗᓕᕆᔨᓕᒫᑦ ᑲᓐᖑᓲᑎᓇᕐᓯᕗᑦ ᒎᑎᓐᖑᐊᒥᖕᓄᑦ; ᓴᓇᔭᖏᑦ ᓱᓕᓐᖏᓚᑦ, ᐊᓂᕐᓂᖃᖏᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 10:3

ᐊᓯᑦᓯ ᐃᓕᖅᑯᓯᖏᑦ ᓱᓕᖏᒻᒪᑕ, ᓇᐹᕐᑐᒥᑦ ᓇᑲᑦᓯᒐᒥᒃ, ᓴᓇᓐᖑᐊᕐᑎᐅᓪᓗ ᓴᓇᓕᕐᐹ ᓴᓇᕐᕈᑎᒥᓄᑦ.

ᔨᕆᒤᐊᐅᑉ ᐊᒡᓚᖏᑦ 10:4

ᐱᐅᓴᕐᑕᐅᕗᕐᓗ ᓯᐅᓪᕕᕆᒥᒃ ᒎᓗᒥᒡᓘᓐᓃᑦ ᒥᖑᐊᕐᓗᒍ, ᓇᑉᐸᕋᒥᑦᔪᒡᓗ ᐊᑦᓱᖏᕐᐹᑦ ᑭᑭᐊᕐᑐᕐᓗᒍ, ᑲᑕᖁᓇᒍ.

ᔨᕆᒤᐊᐅᑉ ᐊᒡᓚᖏᑦ 10:9

ᑲᑦᔪᒃᑕᐅᓯᒪᔭᕇᕐᑐᒥᒃ ᓯᐅᓪᕕᕆᑖᖃᑦᑕᕐᐳᑦ ᑖᕐᓯᓯᒥᑦ, ᒎᓗᑖᕐᐸᒡᓗᑎᒡᓗ ᐆᐸᔾᒥᑦ. ᓴᓇᓐᖑᐊᕐᑎᓄᑦ ᒎᓗᒥᒡᓗ ᐋᖅᑭᒃᓱᐃᔨᓄᑦ ᓴᓇᔭᐅᔭᕇᕌᖓᑕ, ᐊᓐᓄᕌᓕᐅᕐᑕᐅᕗᖅ ᑐᖑᑦᑐᕆᒃᑐᒥᒃ ᐊᐅᐸᓪᓚᕆᒃᑐᒥᒡᓗ ᐱᔭᕇᕐᑕᐅᕗᑦ ᓴᓇᔭᐅᓪᓗᑎᒃ ᓴᓇᓯᑎᐅᓂᕐᐹᓄᑦ.

ᔨᕆᒤᐊᐅᑉ ᐊᒡᓚᖏᑦ 2:27

ᕿᔪᖕᒧᑦ ᐅᖃᕐᐳᑦ, ᐊᑖᑕᒋᕙᒋᑦ, ᐅᔭᕋᖕᒧᓪᓗ ᐅᖃᕐᓗᑎᒃ, ᐃᕐᓂᐊᕆᓚᐅᕐᐸᕐᒪ. ᐅᕙᓐᓂᒃ ᑐᓄᐃᕗᑦ ᓵᓐᖓᔪᒪᓇᑎᒡᓗ ᐅᕙᓐᓄᑦ, ᑭᓯᐊᓂᓕ ᐅᖁᒤᒃᓴᓕᕌᖓᒥᒃ ᐅᖃᕐᐸᒃᐳᑦ, ᐱᐅᓕᔭᐅᔪᒪᓪᓗᑎᒃ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 2:28

“ᒎᑎᓯᓕ ᓴᓇᓚᐅᕐᑕᓯ ᓇᓃᒻᒪᑖ? ᐊᑲᐅᖏᑦᑐᒦᓕᕐᑎᓪᓗᓯ ᐱᐅᓕᓯᔪᓐᓇᕐᐸᑕ ᑍᒃᑯᐊ ᕾᓚᐅᕐᓕᑦ! ᒎᑎᖃᕐᐳᓯ ᓄᓇᓕᖁᑎᑦᓯᑐᑦ ᐅᓄᕐᑎᒋᔪᓂᒃ ᔫᑕᒥᐅᑕᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 51:17

ᐃᓄᓕᒫᑦ ᑐᑭᓯᒪᓐᖏᓚᑦ ᖃᐅᔨᒪᓇᑎᒡᓗ; ᒎᓗᒥᒃ ᓴᓇᓐᖑᐊᕐᑏᑦ ᒎᑎᓐᖑᐊᓕᐊᒥᖕᓂᒃ ᑲᓐᖑᓲᑎᒃᓴᓕᐅᕐᐸᒃᐳᑦ, ᓴᓇᓐᖑᐊᕐᑕᖏᑦ ᓱᓕᖏᒻᒪᑕ ᐊᓂᕐᓂᖃᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 51:47

ᑍᒤᒻᒪᑦ, ᑕᑯᒋᑦ, ᐅᓪᓗᐃᑦ ᓇᓪᓕᐅᑎᔪᒫᕐᐳᑦ ᐹᐱᓘᓂᒥᐅᑦ ᒎᑎᖏᓐᓂᒃ ᓱᒋᐊᕐᓯᔪᒫᕐᓂᕋ, ᓄᓇᓕᒫᖓᑦ ᐱᐅᔪᓐᓃᕐᑎᑦᓱᒫᕐᐸᕋ, ᑐᖁᕋᕐᑕᐅᓂᑯᐃᑦ ᓄᓇᖓᓐᓂ ᓇᓂᑐᐃᓐᓈᕈᒫᕐᐳᑦ.

ᑖᓂᐊᓕᐅᑉ ᐊᒡᓚᖏᑦ 3:1

ᐊᖓᔪᖅᑳᕐᔪᐊᖅ ᓂᐱᑯᓁᓴ ᓴᓇᑎᑦᓯᕗᖅ ᐃᓄᓐᖑᐊᒥᒃ ᒎᓗᒥᒃ, 90ᓂᒃ ᐃᑎᒐᖕᓂᒃ ᐳᕐᑐᑎᒋᔪᒥᒃ ᐃᑎᒐᖕᓂᒡᓗ 9ᓂᒃ ᓴᓂᒧᑐᑎᒋᔪᒥᒃ, ᐃᓕᓪᓗᒍᓗ ᓇᑎᕐᓇᒧᑦ ᑑᕋᒥᒃ ᐊᑎᓕᖕᒧᑦ, ᐹᐱᓘᓂᐅᑉ ᐃᓚᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 3:18

ᓴᐳᑎᖏᒃᑲᓗᐊᕐᐸᑎᒍᑦ, ᐊᖓᔪᖅᑳᕐᔪᐊᖅ, ᖃᐅᔨᒪᖁᕙᑦᑎᒋᑦ, ᒎᑎᑎᑦ ᐱᔨᑦᓯᕈᒪᖏᓐᓇᑦᑎᒍ, ᐃᓄᓐᖑᐊᕐᓗ ᒎᓗ ᓴᓇᔭᐅᑎᓚᐅᕐᑍᑦ ᑐᒃᓯᐊᕐᕕᒋᔪᒪᓐᖏᓚᕗᑦ.”

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 3:7

ᑍᒤᒻᒪᑦ ᑖᒃᑯᐊ ᑐᓴᑐᐊᕋᒥᒃ ᑎᑦᑐᓚᐅᑏᑦ ᐊᑦᔨᒌᖏᑦᑐᑦ, ᓱᐴᒊᓪᓗ ᐊᑦᔨᒌᖏᑦᑐᑦ, ᓄᖃᕐᓯᕋᓖᓪᓗ, ᑐᓴᕐᓂᕋᐅᑏᓪᓗ ᓱᓇᑐᐃᓐᓁᑦ, ᓂᓪᓕᕐᑎᑕᐅᖕᒪᑕ, ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ, ᐅᖃᐅᓯᖃᑎᒌᖏᑦᑐᑦ, ᐹᒻᒪᒃᑎᕐᐳᑦ ᑐᒃᓯᐊᕐᓗᑎᒡᓗ ᐃᓄᓐᖑᐊᒧᑦ ᒎᓗᒧᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᓴᓇᔭᐅᑎᓯᒪᔭᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 5:23

ᐃᓕᖕᓂᒃ ᐊᖏᔪᕈᕐᑎᓯᒪᒐᕕᑦ ᐊᑭᕋᕐᑐᓕᕐᓗᑎᓪᓗ ᕿᓚᖕᒥᐅᑦ ᐊᑕᓂᖓᓄᑦ; ᐃᒡᓗᖓᑕ ᐱᖁᑎᖏᓐᓂᒃ ᐃᒥᐅᑎᓂᒃ ᐃᓕᖕᓄᑦ ᕾᑕᐅᖁᔨᓚᐅᕋᕕᑦ, ᐊᖓᔪᖅᑳᖁᑎᑎᑦ ᓄᓕᐊᑎᓪᓗ ᐊᕐᓇᖁᑎᑎᓪᓗ ᐃᒥᖃᑎᒋᓪᓗᒋᑦ ᕔᓂᒥᒃ ᑖᒃᑯᐊ ᐊᑐᕐᓗᒋᑦ; ᓂᕐᑐᐃᓚᐅᕋᕕᓪᓗ ᒎᑎᖕᓂᒃ ᒎᓘᓂᒃ ᓯᐅᓪᕕᕆᓂᒡᓗ, ᑲᓐᓄᔭᓂᒡᓗ, ᓴᕕᕋᔭᖕᓂᒡᓗ, ᕿᔪᖕᓂᒡᓗ, ᐅᔭᕋᖕᓂᒡᓗ, ᑕᑯᔪᓐᓇᖏᑦᑐᓂᒃ ᑐᓵᔪᓐᓇᖏᑦᑐᓂᒡᓗ ᑐᑭᓯᐊᖏᑦᑐᓂᒃ, ᐅᐱᒋᓚᐅᖏᓐᓇᕕᐅᒃ ᒎᑎ ᐃᕝᕕᑦ ᐃᓅᓯᖓᓂᒃ ᑎᒍᒥᐊᕐᑐᖅ ᖃᓄᐃᓕᐅᕐᓂᓕᒫᓂᒃ.

ᑖᓂᐊᓕᐅᑉ ᐊᒡᓚᖏᑦ 5:4

ᕔᓂᑐᕐᓗᑎᒡᓗ, ᒎᑎᑎᒃ ᒎᓗᐃᑦ ᓯᐅᓪᕕᕇᓪᓗ, ᖃᖁᕐᓖᓪᓗ, ᓴᕕᕋᔧᓪᓗ, ᕿᔪᐃᓪᓗ ᐅᔭᕅᓪᓗ ᓂᕐᑐᕐᐰᑦ.

ᔫᓇᐅᑉ ᐊᒡᓚᖏᑦ 1:5

ᐅᒥᐊᕐᔪᐊᒥᐅᓪᓗ ᓇᖏᐊᕐᓗᑎᒃ ᑐᒃᓯᐊᓚᐅᕐᐳᑦ ᐊᑐᓂᑦ ᒎᑎᒋᔭᒥᖕᓄᑦ, ᐅᒥᐊᕐᔪᐊᓪᓗ ᐅᓯᔭᖏᑦ ᐃᒋᐅᖅᑲᕐᐰᑦ ᐃᒫᓄᑦ ᐅᕿᓐᓂᕐᓴᐅᑎᑕᐅᖁᓪᓗᒍ, ᔫᓇᓕ ᐃᑎᕐᓯᒪᓪᓗᓂ ᐅᒥᐊᕐᔪᐊᑉ ᐃᓗᐊᓄᑦ ᐅᓯᕕᖓᓂ ᐃᓐᓇᖓᓪᓗᓂ ᓯᓐᓇᕆᒃᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 17:29

ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 17:4

ᐊᕐᓇᕐᓗ ᐊᓐᓄᕌᕐᓯᒪᕗᖅ ᓵᑦᑐᒥᒃ ᐊᐅᐸᓪᓚᕆᒃᑐᒥᒃ ᐊᐅᐸᕐᑐᒥᒡᓗ, ᒎᓗᓂᒡᓗ ᐅᔭᕋᖕᓂᒡᓗ ᐱᐅᔪᓂᒃ ᓴᐸᖓᕐᓂᒡᓗ ᐊᓐᓄᕌᒥ ᖄᖓᒍᑦ ᐱᐅᓴᐅᑎᖃᕐᐳᖅ, ᑎᒍᒥᐊᕐᓗᓂᓗ ᖃᓪᓗᑎᒥᒃ ᒎᓗᒥᒃ ᐃᒪᖃᕐᑐᒥᒃ ᓇᕐᕈᓇᕐᑐᓂᒃ ᐊᖑᓐᓂᐊᖃᑦᑕᕐᓂᖓᑕᓗ ᓴᓗᒤᓐᓂᖏᓐᓂᒃ.