ᕼᐊᐸᑲᐅᑉ ᐊᒡᓚᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ “ᑎᑭᖃᑦᑕᕐᐳᑦ ᑲᑉᐱᐊᓱᒃᑎᑦᓯᔭᕐᑐᕐᓗᑎᒃ; ᐅᐸᒃᑕᓕᒫᖏᓪᓗ ᐅᐃᒻᒪᒃᓯᒪᖃᑦᑕᕐᓗᑎᒃ ᑲᑉᐱᐊᓱᖕᓂᕐᒧᑦ. ᓵᓚᖃᕐᓂᕐᒥᒃᑎᒍᑦ ᑎᒍᓯᒪᔭᖏᑦ ᐃᓄᐃᑦ ᓯᐅᖅᑲᑎᑐᑦ ᐅᓄᕐᑎᒋᕗᑦ.

ᕼᐊᐸᑲᐅᑉ ᐊᒡᓚᖏᑦ 1:9 ပူးပေါင်းရင်းမြစ်များ

ᕉᒪᒥᐅᓄᑦ 9:27

ᐂᓮᐊᓯ ᓂᓪᓕᐊᓚᐅᕐᐳᖅ ᐃᓴᕆᐊᓕᒥᐅᓄᑦ: “ᐃᓴᕆᐊᓕᒥᐅᑦ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᒐᓗᐊᕐᐸᑕ, ᐊᒥᐊᒃᑯᑐᐊᖏᑦ ᐅᓄᖏᑦᑐᑦ ᐱᐅᓕᔭᐅᔪᒫᕐᐳᑦ.

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 13:15

ᐱᕈᕐᑐᑦ ᐊᑯᕐᖓᓐᓂ ᐱᕈᕐᑐᖃᑦᓯᐊᕋᓗᐊᕐᐳᖅ, ᐊᓄᕆᓗ ᓯᕿᓂᐅᑉ ᓄᐃᕕᐊᓂᑦ ᑎᑭᓐᓂᐊᕐᐳᖅ ᐊᑕᓂᐅᑉ ᐊᓄᕆᖁᑎᖓ, ᐃᓄᖃᔪᐃᑦᑐᒥᑦ ᐱᔪᖅ; ᐃᒥᕐᑕᕐᕕᖏᓪᓗ ᐳᐊᓚᕖᑦ ᐸᓂᕐᓂᐊᕐᐳᑦ, ᑰᒐᓛᖏᓪᓗ ᐸᓂᕐᓂᐊᕐᐳᑦ; ᓯᕐᓗᐊᖏᓐᓃᑦᑐᓪᓗ ᐱᔪᒥᓇᕐᑐᖁᑎᓕᒫᖏᑦ ᐊᓯᕈᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 1:10

ᐃᓴᕆᐊᓕᒥᐅᓪᓕ ᐃᓄᖏᑦ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᒫᕐᐳᑦ, ᐆᒃᑐᕋᕐᑕᐅᔪᓐᓇᖏᓪᓗᑎᒃ ᓈᓴᕐᑕᐅᔪᓐᓇᖏᓪᓗᑎᒡᓗ; ᑕᕝᕙᓂ ᐅᖃᐅᑦᔭᐅᔪᒫᕐᐳᑦ, “ᐃᓄᖁᑎᒋᓐᖏᓚᑦᓯ,” ᐅᖃᕐᕕᐅᓕᕈᒫᕆᕗᑦ, “ᒎᑎᐅᑉ ᐆᒪᔫᑉ ᕿᑐᕐᖓᖏᑦ.”

ᐃᓯᑭᐊᓕᐅᑉ ᐊᒡᓚᖏᑦ 19:12

ᓂᓐᖓᐅᒪᔪᓄᓪᓕ ᓄᓱᒃᑕᐅᓪᓗᓂ ᐅᕐᕈᑎᑕᐅᕗᖅ ᒪᓂᖅᑲᒧᑦ; ᐆᓇᕐᑐᒥᒃ ᓯᕿᓂᐅᑉ ᓄᐊᕕᐊᓂᑦ ᐊᓄᕌᓕᕐᒪᑦ ᐸᓂᕐᐳᖅ; ᐸᐅᕐᖓᖏᑦ ᐲᔭᕐᑕᐅᓪᓗᑎᒃ, ᓇᑲᖓᓗ ᓯᓕᖕᓂᕐᐹᖅ ᑐᖁᓕᕗᖅ; ᐃᑯᒪᒧᓪᓗ ᓄᖑᑕᐅᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 17:10

ᑕᑯᒋᑦ, ᐱᕈᕐᕕᖓᑕ ᐊᓯᐊᓄᑦ ᐱᕈᕐᓯᐊᕆᔭᐅᓕᕈᓂ, ᐱᕈᕐᐸᓪᓕᐊᖏᓐᓇᕋᔭᕐᐹ? ᓯᕿᓂᐅᑉ ᓄᐃᕕᐊᓂᑦ ᐊᓄᕌᕐᕕᐅᓕᕈᓂ ᑐᖁᓕᒐᔭᓐᖏᓛᖅ? ᐱᕈᕐᕕᒋᔭᖓᑕ ᑐᓐᖓᕕᖏᑎᒍᑦ ᑐᖁᓕᒐᔭᓐᖏᓛᖅ?”

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 15:8

ᐅᐃᒡᒐᕐᓂᖁᑎᖏᑦ ᐅᓄᕐᓂᕐᓴᐅᓂᐊᕐᐳᑦ ᓯᐅᕋᕐᓂᑦ ᓯᒡᔭᒦᑦᑐᓂᑦ; ᐅᓪᓘᑉ ᕿᑎᖓᓂ ᐊᓯᕈᐃᔭᕐᑐᕐᑐᒥᒃ ᑎᑭᑎᑦᓯᓂᐊᕐᐳᖓ ᐃᓅᓱᒃᑐᐃᑦ ᐊᓈᓇᖏᓐᓄᑦ ᕿᒃᓵᖕᓇᕐᑎᑦᓯᓂᐊᕐᐳᖓ; ᓂᕆᐅᓇᖏᑦᑐᒃᑯᑦ ᐋᓐᓂᕐᓇᕐᑐᒃᑯᑦ ᑲᑉᐱᐊᓇᕐᑐᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 4:11

ᑕᒪᓐᓇ ᓇᓪᓕᐅᑎᒃᐸᑦ ᔨᕉᓴᓕᒥᐅᑦ ᐃᓄᖏᑦ ᐅᖃᐅᑎᔭᐅᔪᒫᕐᐳᑦ, ᐊᓄᕆᒥᒃ ᐆᓇᕐᑐᒥᑦ ᕾᔪᖃᕐᓂᕋᕐᑕᐅᓗᓂ ᐃᓄᖃᖏᑦᑐᒥᑦ ᓯᐅᕅᓐᓇᕐᒥᑦ ᐱᔪᒥᒃ, ᓴᓃᔧᔭᕐᑐᑐᐃᓐᓇᖏᑦᑐᒥᒃ ᓴᓗᒻᒪᕐᓮᔭᕐᑐᑐᐃᓐᓇᖏᑦᑐᒥᒡᓗ.

ᔨᕆᒤᐊᐅᑉ ᐊᒡᓚᖏᑦ 4:7

ᓛᔭᑎᑐᑦ ᐃᔨᕐᓯᒪᕕᖕᓂᑦ ᐊᓂᔪᑎᑐᑦ, ᐃᓅᖃᑎᒌᒡᔪᐊᓂᒃ ᐊᓯᕈᐃᔭᕐᑐᕐᑐᖅ ᐃᓂᒋᔭᒥᓂᑦ ᕾᓕᕐᐳᖅ, ᓄᓇᖁᑎᓯᓗ ᓄᓇᓕᕕᓂᑐᐃᓐᓇᓐᖑᕐᑎᓐᓂᐊᕐᐰᑦ ᐃᓄᖃᕈᓐᓃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐃᓐᖏᕈᑎᑦ 139:18

ᓈᓴᕆᐊᖃᕋᔭᕈᒃᑭᑦ, ᑕᕝᕙ ᐅᓄᕐᓂᕐᓴᐅᒐᔭᕐᐳᑦ ᓯᐅᕋᕐᓂᑦ. ᑐᐸᒑᖓᒪ, ᓱᓕ ᑕᕝᕙ ᐃᓕᖕᓃᑉᐳᖓ.

ᔫᐱᐅᑉ ᐊᒡᓚᖏᑦ 29:18

ᐃᓱᒪᖃᓚᐅᕐᐳᖓ, ᑐᖁᓛᕋᓱᒋᓪᓗᖓ ᐊᖏᕐᕋᕐᓯᒪᑦᓯᐊᕐᓗᖓ, ᐅᓪᓗᒃᑲᓗ ᓯᐅᖅᑲᑎᑐᑦ ᐅᓄᕐᑎᒋᓗᑎᒃ ᐊᑯᓂ ᐃᓅᓂᐊᕋᓱᒋᓪᓗᖓ.

ᐃᓗᐊᕐᓮᔩᑦ ᐊᒡᓚᖏᑦ 7:12

ᒥᑎᐊᓂᒥᐅᑦ, ᐊᒪᓕᑬᑎᓪᓗ, ᓯᕿᓂᐅᓪᓗ ᓇᓛᓂᑦ ᐱᓯᒪᔪᑦ ᓇᑎᕐᓇᒥ ᓯᐊᒻᒪᒃᓯᒪᓚᐅᕐᐳᑦ ᓇᕐᓴᒥ ᐱᒡᓕᕐᑕᐅᔮᕐᑐᑎᑐᑦ ᐅᓄᓗᐊᒧᑦ, ᑳᒥᓕᖁᑎᖃᓚᐅᕐᐳᓪᓗ ᓈᓴᒐᒃᓴᐅᖏᑦᑐᓂᒃ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑐᕐᔪᐊᑎᑐᑦ.

ᒨᓯᓯ ᓯᕗᓪᓖᑦ 41:49

ᔫᓯᐱᓗ ᑲᑎᕐᓱᐃᓚᐅᕐᐳᖅ ᓂᐊᖂᔭᒃᓴᓂᒃ ᐊᒥᒐᖏᑦᑐᕐᔪᐊᓂᒃ, ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᓂᒃ, ᐆᒃᑐᕋᕐᑕᐅᔪᓐᓁᓪᓕᓚᐅᕐᐳᓪᓗ ᐆᒃᑑᑎᓄᑦ, ᐆᒃᑐᕋᒐᒃᓴᐅᔪᓐᓃᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 12:17

ᑍᑦᓱᒪᓂᐅᑎᓪᓗᒍ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᕼᐊᔧᐅᓪ ᐅᓇᑕᕆᐊᕐᑐᓚᐅᕐᐳᖅ ᒑᑎᒥᐅᓂᒃ ᓵᓚᒋᓪᓗᒋᓪᓗ ᑎᒍᕔᑦ, ᑖᒃᑯᓂᖓᓗ ᑎᒍᓯᒐᒥ ᔨᕉᓴᓕᒥᐅᓂᒃᑕᐅᖅ ᐱᓇᓱᐊᕈᒪᓕᓚᐅᕆᕗᖅ.

ᑖᓂᐊᓕᐅᑉ ᐊᒡᓚᖏᑦ 11:17

“ᐊᖓᔪᖅᑲᐅᕕᓕᒫᓂ ᐱᔪᓐᓇᕐᓂᕐᔪᐊᕐᑖᖁᒧᑦ, ᐊᖓᔪᖅᑳᕐᔪᐊᖅ ᓯᕿᓂᐅᑉ ᓇᓛᓂᒥᐅᑕᖅ ᑕᐱᕆᓕᕈᒫᕐᐹ; ᑐᓂᓯᕕᒋᓗᒍᓗ ᐸᓂᖕᒥᓂᒃ, ᐊᖓᔪᖅᑲᐅᕕᖓ ᓄᑭᖃᕈᓐᓁᖅᑯᓪᓗᒍ, ᐃᓱᒪᒋᔭᖓ ᑲᔪᓯᔪᒫᓐᖏᓚᖅ, ᐱᕙᓪᓕᕈᑎᒋᓇᒍᓘᓐᓃᑦ.

ᕼᐊᐸᑲᐅᑉ ᐊᒡᓚᖏᑦ 1:17

ᓄᓗᐊᕐᑎᑕᒥᓂᑦ ᐲᔧᖏᓐᓇᖃᑦᑕᕐᓂᐊᕐᐹᑦ? ᐃᓅᖃᑎᒌᒡᔪᐊᓂᒡᓗ ᑍᒪᓐᖓᑦ ᑐᖁᕅᓂᐊᕐᐹᑦ ᓂᑲᒍᓱᖏᓪᓗᑏᒃ?