ᒨᓯᓯ ᓯᕗᓪᓖᑦ 8:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐊᑕᓂᐅᓪᓗ ᓁᒐᒥᒋᑦ ᑐᓂᕐᕈᑏᑦ ᑎᐱᑦᓯᐊᕆᒃᑐᑦ, ᐆᒻᒪᑎᒥᒍᑦ ᐃᓱᒪᓕᕐᐳᖅ, “ᓄᓇᕐᔪᐊᖅ ᓇᕐᕈᓇᕐᑎᓯᑎᓚᐅᕐᓯᒪᓂᐊᕈᓐᓃᕐᐸᕋ ᐃᓄᒃ ᐱᑦᔪᑎᒋᓗᒍ, ᐃᓅᑉ ᐆᒻᒪᑎᒥᒍᑦ ᐃᓱᒪᓕᐅᕈᑎᖏᑦ ᐃᓅᓱᖕᓂᕐᒥᓂᑦ ᐱᒋᐊᕐᓗᒋᑦ ᐱᐅᖏᑦᑐᐊᓘᒐᓗᐊᕐᒪᑕ; ᐊᓯᕈᐃᓚᐅᕐᓯᒪᓂᐊᕈᓐᓃᕐᐳᖓ ᐆᒪᔪᓕᒫᓂᒃ ᑍᒫᒃ ᐊᓯᕈᐃᓚᐅᕐᓂᑦᑐᑦ.

ᒨᓯᓯ ᓯᕗᓪᓖᑦ 8:21 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᐂᑉᐸᖏᑦ 2:15

᙭ᔅᑑᓯᐅᑉ ᑎᐱᑦᓯᐊᕆᒃᓴᐅᑎᒋᕚᑎᒍᑦ ᒎᑎᒧᑦ ᐱᐅᓕᔭᐅᓯᒪᔪᓄᑦ ᐊᓯᐅᔪᒫᕐᑐᓄᓪᓗ.

ᐃᐱᓯᒥᐅᓄᑦ 5:2

ᐃᓅᓕᕆᑦᓯ ᓇᒡᓕᖕᓂᒃᑯᑦ, ᙭ᔅᑑᓯᐅᑦᑕᐅᖅ ᓇᒡᓕᒋᓚᐅᕐᒪᑎᒍᑦ ᐃᓅᓯᓂᓗ ᑐᓂᓚᐅᕐᒪᒍ ᐱᑦᔪᑎᒋᓪᓗᑕ, ᑐᓂᕐᕈᑎᒃᓴᐅᔪᒪᓪᓗᓂ ᑎᐱᑦᓯᐊᕆᒃᓴᐅᑕᐅᓗᓂ ᒎᑎᒧᑦ ᖁᕕᐊᒋᔭᐅᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒨᓯᓯ ᓯᕗᓪᓖᑦ 6:5

ᐊᑕᓂᕐᓗ ᑕᑯᓕᕋᒥ ᓄᓇᕐᔪᐊᕐᒥᐅᑦ ᐃᓄᖏᑕ ᐱᐅᖏᑦᑐᓕᓗᐊᓕᕐᓂᖏᓐᓂᒃ, ᐃᓱᒪᒋᔭᖏᓪᓗ ᐆᒻᒪᑎᒥᖕᓂ ᐱᐅᖏᑦᑐᓂᒃ ᐃᓱᒪᑐᐊᖃᓕᕐᓂᖏᓐᓂᒃ;

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᕉᒪᒥᐅᓄᑦ 3:23

ᐊᑦᔨᒌᖏᑦᑐᖃᖏᒻᒪᑦ ᐃᓘᓐᓇᑦᓯᐊᑎᒃ ᐊᔪᕐᑐᓕᓯᒪᖕᒪᑕ ᒎᑎᐅᓪᓗ ᓂᕐᑐᕐᓇᕐᓂᕐᔪᐊᖓᓄᑦ ᑎᑭᐅᑎᔪᓐᓁᓪᓕᓪᓗᑎᒃ,

ᐃᓯᑭᐊᓕᐅᑉ ᐊᒡᓚᖏᑦ 20:41

ᑐᓂᕐᕈᑏᑦ ᑎᐱᑦᓯᐊᕆᖕᓂᖏᓐᓄᑦ ᐃᓚᓕᐅᕈᒫᕐᐸᑦᓯ, ᓄᓇᓂᑦ ᓯᐊᒻᒪᕐᑎᑕᐅᓯᒪᕕᒋᔭᑦᓯᓐᓂᑦ ᐅᑎᕐᑎᒃᑯᑦᓯ; ᐃᑦᔪᕐᓁᓐᓂᕋ ᐃᓕᑦᓯᓐᓄᑦ ᓴᖅᑭᑎᑦᓱᒫᕐᐸᕋ ᐃᓅᖃᑎᒌᒡᔪᐊᑦ ᑕᒃᑯᐊᓂ.

ᒫᑎᐅᓯᐅᑉ ᐊᒡᓚᖏᑦ 15:19

ᐃᓅᑉ ᐆᒻᒪᑎᖓᓂᑦ ᐃᓱᒤᑦ ᐱᐅᖏᑦᑐᑦ ᓴᖅᑭᑉᐳᑦ, ᐱᔮᕆᓗᓂ ᑐᖁᑦᓯᓂᖅ, ᓄᓕᐊᕇᖕᓂᕐᒥᒃ ᐊᓯᓐᓂᐊᕐᓂᖅ, ᑲᑎᑎᑕᐅᓯᒪᖃᑎᒋᓐᖏᑕᒥᒃ ᐃᓐᓇᖓᖃᑎᖃᕐᓂᖅ; ᑎᒡᓕᖕᓂᖅ, ᐃᓅᖃᑎᒥᒃ ᓴᒡᓗᑎᖃᕐᓂᖅ, ᐅᖃᐅᑎᖃᕐᓗᖕᓂᖅ.

ᒨᓯᓯ ᐱᖓᔪᖏᑦ 1:13

ᑐᓂᕐᕈᓯᕐᓂᐊᕐᑑᑉ ᐆᒪᔫᑉ ᐃᕐᕋᕕᖏᑦ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᓗᒋᑦ, ᑐᓂᕐᕈᓯᕐᑎᑦᓯᔨᐅᓪᓗ ᐊᒡᔭᕐᓗᓂᒋᑦ ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 7:20

ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.

ᒨᓯᓯ ᐱᖓᔪᖏᑦ 1:9

ᑐᓂᕐᕈᓯᕐᑑᑉ ᐆᒪᔫᑉ ᓂᐅᖏᑦ ᐃᕐᕋᕕᖏᓪᓗ ᐃᒥᕐᒧᑦ ᐃᕐᕈᕐᑐᒐᒃᓴᕆᕔᑦ, ᑐᓂᕐᕈᓯᕐᑎᑦᓯᔨᐅᓪᓕ ᐆᑕᒃᓴᕆᕔᑦ ᐊᑕᖏᕐᓗᒋᑦ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᑎᒃᓴᐅᕗᖅ ᐃᑯᐊᓪᓚᒡᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.

ᒨᓯᓯ ᓯᕗᓪᓖᑦ 3:17

ᐊᖑᒻᒧᓪᓗ ᐅᖃᕆᕗᖅ, “ᓄᓕᐊᕐᓂᒃ ᓈᓚᓚᐅᕋᕕᑦ, ᓇᐹᕐᑐᒥᓪᓗ ᓂᕆᓪᓗᑎᑦ ᐃᓂᕐᑎᕈᑎᒋᓚᐅᕐᑕᓐᓂᒃ ᐃᒫᒃ, ‘ᑖᓐᓇ ᓂᕆᕕᒋᑦᑍᓕᓯᐅᒃ,’ ᓄᓇᑦᑕᐅᖅ ᓇᕐᕈᓇᕐᓯᑎᑕᐅᓂᐊᓕᕐᐳᖅ ᐱᑦᔪᑎᒋᓪᓗᑎᑦ; ᐊᒃᓱᕈᕐᓗᑎᑦ ᓂᕿᒃᓴᕐᓯᐅᕐᐸᖕᓂᐊᓕᕐᐳᑎᑦ ᓄᓇᒥ ᐃᓅᓯᓕᒫᕐᓂ.

ᔪᐊᓇᓯᐅᑉ ᐊᒡᓚᖏᑦ 3:6

ᑎᒥᒥᑦ ᐃᕐᓂᐊᖑᔪᖅ ᐃᓄᑐᐃᓐᓇᐅᕗᖅ ᑎᒥᖃᕐᓗᓂ, ᐊᓂᕐᓂᕐᒥᓪᓕ ᐃᕐᓂᐊᖑᔪᖅ ᐊᓂᕐᓂᒃᑯᑦ ᐃᓅᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 53:6

ᐃᓘᓐᓇᑕ ᓰᐱᑎᑐᑦ ᐊᕝᕗᑎᔪᑎᑐᑦ ᑍᒤᓯᒪᒐᑦᑕ; ᑕᒪᑦᑕ ᐊᑐᓂᑦ ᐱᔪᒪᔭᑐᐃᓐᓇᑦᑎᓐᓂᒃ ᐊᑐᓕᕐᓗᑕ, ᐊᑕᓂᐅᓪᓕ ᐱᐅᖏᓐᓂᕗᑦ ᑕᒪᑦᑕ ᑖᑦᓱᒧᖓ ᐱᑎᓚᐅᕐᐰᑦ.

ᐃᓐᖏᕈᑎᑦ 58:3

ᐱᐅᖏᑦᑐᓕᔪᑦ ᐃᒡᓕᐊᕐᒥᑦ ᐊᓂᓚᐅᕋᑎᒃ ᑕᒻᒪᓕᕇᕐᐸᒃᐳᑦ, ᐃᕐᓂᐊᖑᓂᕐᒥᖕᓂᑦ ᓱᓕᖏᑦᑐᓂᒃ ᐅᖃᓪᓚᓕᕐᐸᒃᐳᑦ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᔪᐊᓇᓯ ᓯᕗᓪᓖᑦ 5:19

ᖃᐅᔨᒪᕗᒍᑦ ᒎᑎᒥᐅᑕᐅᒐᑦᑕ, ᓯᓚᕐᔪᐊᒥᐅᓪᓗ ᑕᒪᕐᒥᒃ ᓵᑖᓇᓯᐅᑉ ᐱᔪᓐᓇᕐᓂᖓᓄᑦ ᐊᐅᓚᑕᐅᕗᑦ.

ᕉᒪᒥᐅᓄᑦ 1:21

ᒎᑎᒥᒃ ᖃᐅᔨᒪᒐᓗᐊᕐᐳᑦ ᓂᕐᑐᕐᓇᒍᓕ ᒎᑎᖃᕐᑐᑎᑐᑦ ᖁᔭᒋᓇᒍᓘᓐᓃᑦ, ᐃᓱᒪᒋᔭᖏᑦ ᐊᑑᑎᖃᕈᓐᓃᕐᐳᑦ ᐃᓱᒪᖏᓪᓗ ᐃᒃᐱᒍᓱᖏᑦᑐᑦ ᑖᕐᓯᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 18:12

ᑖᒃᑯᐊᓕ ᑭᐅᒃᐸᑕ, ‘ᐋᒃᑲ, ᑍᒤᑦᓱᒪᓐᖏᓚᒍᑦ, ᐱᓇᓱᐊᕈᒪᔭᑦᑎᓐᓂᒃ ᐱᓇᓱᐊᕈᒪᒐᑦᑕ, ᑕᒪᑦᑕ ᒪᓕᒍᒪᒐᑦᑕ ᐆᒻᒪᑎᑦᑕ ᐱᐅᖏᑦᑐᓕᔪᒪᓂᖏᓐᓂᑦ ᓴᖑᔪᒪᓐᖏᓚᒍᑦ.’”

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:9

ᑭᓇ ᐅᖃᕈᓐᓇᕐᐸ, “ᐆᒻᒪᑎᒐ ᓴᓗᒻᒪᕐᐸᕋ; ᐊᔪᕐᓂᒃᑲ ᐲᔭᕐᑕᐅᓯᒪᖕᒪᑕ ᓴᓗᒤᓐᓂᖃᕈᓐᓃᕐᐳᖓ”?

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᒨᓯᓯ ᐱᖓᔪᖏᑦ 1:17

ᑐᓂᕐᕈᓯᕐᓂᐊᕐᑑᑉ ᐊᓕᒃᑕᒃᓴᕆᕚ ᐊᖕᒪᕐᓗᒍ ᐃᓴᕈᖏᑎᒍᑦ, ᐲᑦᓯᐊᒻᒪᕆᖏᓪᓗᒋᒃ, ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓚᑎᑕᒃᓴᕆᕚ ᕿᔪᐃᑦ ᖄᖓᓂ ᑐᓂᕐᕈᓯᕐᕕᖕᒥ, ᑍᒤᑦᑐᖅ ᑐᓂᕐᕈᓯᕐᓂᐅᖕᒪᑦ ᐃᑯᐊᓚᓗᒍ ᑐᓂᕐᕈᓯᕐᕕᖕᒥ, ᑎᐱᖓᓗ ᐊᑕᓂᐅᑉ ᒪᒪᕆᕚ.’”

ᒨᓯᓯ ᐂᑉᐸᖏᑦ 29:25

ᑕᕝᕙ ᑭᖑᓂᖓᒍᑦ ᑖᒃᑯᓇᓐᖓᑦ ᑎᒍᓗᒋᑦ, ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᑕᒃᓴᕆᕙᑎᑦ ᑐᓂᕐᕈᓯᐅᑎᒋᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᔪᓄᑦ ᐃᓚᓕᐅᑎᖁᓪᓗᒋᑦ, ᑕᒪᒃᑯᐊ ᑎᐱᖏᑦ ᒪᒪᕐᑑᖕᒪᑕ ᐊᑕᓂᕐᒧᑦ; ᑐᓂᕐᕈᓯᕈᑎᐅᓪᓗᑎᒡᓗ ᐃᑯᐊᓚᑦᓯᓂᒃᑯᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 6:17

ᑕᑯᒋᑦ, ᐅᓕᕕᒃᔪᐊᖃᕐᑎᑦᓱᒫᕐᐸᕋ ᓄᓇᕐᔪᐊᓕᒫᖅ, ᐆᒪᔪᓕᒫᑦ ᓄᓇᒥ ᓄᖑᑕᐅᖁᓪᓗᒋᑦ, ᑕᒪᕐᒥᒃ ᐊᓂᕐᓂᖃᕐᑐᑦ ᕿᓚᐅᑉ ᐊᑖᓂ; ᓱᓇᑐᐃᓐᓁᓪᓗ ᓄᓇᒦᑦᑐᓕᒫᑦ ᑐᖁᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 8:6

ᑐᓵᓇᓱᑦᓯᐊᖃᑦᑕᕋᓗᐊᕐᐳᖓ, ᑭᓯᐊᓂᓕ ᐱᐅᔪᒥᒃ ᑐᓴᕐᕕᒋᓚᐅᕐᓯᒪᓐᖏᓚᒃᑲ ᖃᕿᐊᓕᕐᑐᖃᖃᑦᑕᖏᒻᒪᑦ ᐱᐅᖏᑦᑐᓕᓯᒪᓂᕐᒥᖕᓂᑦ, ᐅᖃᕐᑐᖃᕈᓐᓇᖏᒻᒪᓪᓘᓐᓃᑦ, ‘ᑕᒻᒪᕐᑐᐊᓘᕗᖓ.’ ᑕᒪᕐᒥᒃ ᐊᑐᕈᒪᔭᑐᐃᓐᓇᕐᒥᖕᓂᒃ ᐃᓅᓇᓱᑐᐃᓐᓇᓕᕐᒪᑕ ᓲᕐᓗ ᕿᒻᒥᕐᔪᐊᖅ ᐸᖓᓕᒃᓯᔪᖅ ᐅᓇᑕᕆᐊᕈᑕᐅᓕᕋᒥ ᐅᓇᑕᕐᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 65:6

“ᑕᑯᒋᑦ, ᐊᒡᓚᒃᓯᒪᕗᑦ ᓵᓐᓂ; ᓂᐰᑐᐃᓐᓇᕐᓂᐊᓐᖏᓚᖓ ᐊᑭᓂᐊᕈᒫᕐᐳᖓ, ᐃᓛᒃ ᐊᑭᓂᐊᕐᓂᕋ ᓵᖏᓐᓄᑦ ᐱᑎᑦᓱᒫᕐᐸᕋ.

ᐂᓮᐊᓯᐅᑉ ᐊᒡᓚᖏᑦ 48:8

ᑐᓴᓚᐅᕐᓯᒪᖏᓐᓇᑦᓯᐅᑦ ᖃᐅᔨᓚᐅᕐᓯᒪᓇᒋᓪᓗ; ᑍᒪᓐᖔᓗᖕᓂᑦ ᐃᓕᑦᓯᓐᓄᑦ ᑐᓴᕐᑕᐅᑎᓚᐅᕐᓯᒪᓐᖏᓚᒃᑲ. ᖃᐅᔨᒪᒐᒪ ᐅᒃᐱᕆᔭᒃᓴᐅᖏᓐᓂᑦᓯᓐᓂᒃ, ᐃᓅᓕᕐᓂᑦᓯᓐᓂᑦ ᐊᑭᕋᕐᑐᕐᑎᑐᐃᓐᓇᐅᓂᕋᕐᑕᐅᒐᑦᓯ.

ᐂᓮᐊᓯᐅᑉ ᐊᒡᓚᖏᑦ 47:15

ᑕᒪᒃᑯᐊ ᑍᒤᑦᓱᒫᕐᐳᑦ ᐊᒃᓱᕈᕐᓗᓯ ᐱᓇᓱᐊᕐᓯᒪᔭᓯ, ᓄᓇᖃᕐᑐᑦ ᐊᓯᑦᓯᓐᓂᑦ ᓂᐅᕕᐊᕆᓯᒪᔭᓯ ᐃᓅᓱᖕᓂᑦᓯᓐᓂᑦ; ᐃᖏᕐᕋᕙᖕᒪᑕ ᓇᖕᒥᓂᖅ ᐅᐸᒍᒪᔭᒥᖕᓄᑦ; ᑖᒃᑯᐊᓕ ᓇᓪᓕᐊᓐᓄᓪᓘᓐᓃᑦ ᓴᐳᑦᔭᐅᔪᓐᓇᕈᒫᓐᖏᓛᓯ.”

ᐂᓮᐊᓯᐅᑉ ᐊᒡᓚᖏᑦ 47:12

ᐃᓕᓰᕐᓯᓇᓱᖕᓂᕐᒥᒃ ᑲᔪᓯᑐᐃᓐᓇᕆᑦᓯ, ᐊᖓᒃᑰᓵᕐᓂᕐᓂᒡᓗ ᐅᓄᕐᑐᓂᒃ, ᐱᓇᓱᐊᕐᓯᒪᔭᑦᓯᓐᓂᒃ ᓄᑕᕋᐅᓂᑦᓯᓐᓂᑦ; ᑕᒪᒃᑯᓂᖓ ᐃᒻᒪᖄ ᓵᓚᖃᕈᒫᕐᐳᓯ, ᐃᒻᒪᖄ ᑲᑉᐱᐊᓇᕐᑐᒥᒃ ᓴᖑᑎᑦᓯᔪᒫᕐᐳᓯ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᓯᕗᓪᓖᑦ 5:29

ᐊᑎᖃᕐᑎᓪᓗᒍᓗ ᓄᐊᒥᒃ, ᐅᖃᕐᓗᓂ, “ᑕᒫᓐᖓᑦ ᓄᓇᒥᑦ ᐊᑕᓂᐅᑉ ᓇᕐᕈᓇᕐᓯᑎᓚᐅᕐᑕᖓᓂᑦ, ᑖᓐᓇ ᓄᑕᕋᖅ ᐅᖁᒤᒃᓴᕐᓂᑦᑎᓐᓂᑦ ᓴᐳᑦᔨᔪᒫᕐᐳᖅ ᑕᒤᓐᓂᑦ ᐊᒃᓱᕈᕐᓗᑕ ᐱᓇᓱᐊᕐᓂᕆᕙᒃᑕᑦᑎᓐᓂᑦ.”

ᒨᓯᓯ ᓯᕗᓪᓖᑦ 4:12

ᐱᕈᕐᓯᐊᒃᓴᓂᒃ ᐱᕈᕐᑎᑦᓯᓇᓱᒃᑲᓗᐊᕈᕕᑦ, ᓄᓇᐅᑉ ᐱᕈᕐᑎᑦᓯᔪᓐᓇᕐᓂᓕᒫᖓ ᐃᓚᑰᖃᑦᑕᕐᓂᐊᓕᕐᐳᖅ; ᕿᒫᖏᓐᓇᐅᔭᕐᓗᑎᑦ ᐃᓂᓪᓚᔪᐃᑦᑑᓂᐊᓕᕐᐳᑎᑦ ᓄᓇᕐᔪᐊᒥ.”

ᒨᓯᓯ ᓯᕗᓪᓖᑦ 6:7

ᑍᒤᒻᒪᑦ ᐊᑕᓂᖅ ᐅᖃᓕᕐᐳᖅ, “ᐱᓐᖑᕐᑎᓚᐅᕐᑕᒃᑲ ᐃᓄᐃᑦ ᓄᖑᑎᑦᓱᒪᕙᒃᑲ ᓄᓇᒥᑦ, ᐆᒪᔪᓪᓗ ᐹᕐᖑᕐᑐᓪᓗ ᑎᖕᒥᐊᓪᓗ ᖃᖓᑕᕙᒃᑐᑦ, ᐅᒡᒍᐊᓕᕋᒪ ᓴᓇᓚᐅᕋᒃᑭᑦ.”

ᒨᓯᓯ ᓯᕗᓪᓖᑦ 6:13

ᒎᑎᓗ ᓄᐊᒧᑦ ᐅᖃᕐᐳᖅ, “ᓄᓇᕐᔪᐊᕐᒥᐅᑦ ᑎᒥᖃᕐᑐᑦ ᐃᓱᓕᑎᑦᓱᒪᓕᕋᒃᑭᑦ ᓄᖑᑦᓯᐊᕈᒪᓪᓗᒋᑦ; ᓄᓇᕐᔪᐊᓕᒫᖅ ᑲᑉᐱᐊᓱᒃᑎᑦᓯᓂᕐᒥᒃ ᐱᓗᐊᓕᕐᒪᑦ ᑖᒃᑯᑎᒎᓇᖅ; ᑕᑯᒋᑦ ᐊᓯᕈᕐᓂᐊᕐᐸᒃᑲ ᓄᓇᕐᔪᐊᖅ ᐱᖃᓯᐅᑎᓗᒍ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 8:28

ᒨᓯᓯᐅᓪᓗ ᑎᒍᒋᕔᑦ ᐃᑯᐊᓪᓚᒃᑎᓪᓗᒋᓪᓗ ᑐᓂᕐᕈᓯᕐᕕᐅᑉ ᖄᖓᓂ ᑐᓂᕐᕈᑎᒃᓮᑦ ᖄᖓᓐᓂ ᑎᓕᔭᐅᔪᑦ ᐱᓪᓗᒋᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᕐᒥᒃ ᑍᔭᐅᓪᓗᓂ. ᑎᐱᖓ ᒪᒪᕐᑑᓪᓗᓂ, ᑐᓂᕐᕈᑕᐅᖕᒪᑦ ᐊᑕᓂᕐᒧᑦ ᐃᑯᐊᓚᑎᑦᓯᓂᒃᑯᑦ.

ᒨᓯᓯ ᓯᑕᒪᖏᑦ 15:3

ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᓴᒧᐃᓕ ᓯᕗᓪᓖᑦ 26:19

ᒫᓐᓇ ᑍᒤᒻᒪᑦ ᐊᖓᔪᖅᑳᒃ ᐊᖓᔪᖅᑳᕐᔪᐊᕋ ᓈᓚᓚᐅᕆᑦ ᐅᖃᐅᓯᓐᓂᒃ. ᐊᑕᓂᐅᑉ ᓵᑎᑉᐹᑎᑦ ᐅᕙᓐᓄᑦ, ᑐᓂᕐᕈᓯᕈᕕᑦ ᐃᓱᒪᖓ ᐊᓯᑦᔨᕐᓂᐊᕐᐳᖅ; ᐃᓄᖕᓂᓪᓕ ᑍᒤᑎᑕᐅᒍᕕᑦ, ᐊᑕᓂᐅᑉ ᑍᒃᑯᐊ ᓇᕐᕈᓇᕐᓯᑎᓪᓕᒋᑦ, ᓯᖏᑕᐅᓯᒪᒐᒪ ᐊᑕᓂᐅᑉ ᓄᓇᖁᑖᓂᑦ ᓄᓇᒦᓕᕐᐳᖓ ᒎᑎᓐᖑᐊᓄᑦ ᑭᓯᐊᓂ ᑐᒃᓯᐊᕐᕕᖃᕐᓇᕐᑐᒥ.

ᐃᓐᖏᕈᑎᑦ 58:4

ᑐᖁᓐᓇᕐᑐᖁᑎᖏᑦ ᖁᒡᓗᒋᐊᑉ ᑐᖁᓐᓇᕐᑐᖏᑕ ᐊᑦᔨᒋᕔᑦ; ᖁᒡᓗᒋᐊᑦ ᑰᑉᐸᕋᒥᒃ ᐊᑎᓖᑦ ᑐᓵᖏᑦᑐᑦ ᐊᑦᔨᒋᕔᑦ,