Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ᒨᓯᓯ ᓯᕗᓪᓖᑦ 6:9 - ᐊᒡᓔᑦ ᐃᑦᔪᕐᖕᓁᑦᑐᑦ

9 ᐅᑯᐊ ᑕᕝᕙ ᓄᐊᑉ ᑭᖑᕚᖏᑦ, ᓄᐊ ᐃᓱᐊᕐᑐᒥᒃ ᐃᓅᓯᖃᓚᐅᕐᐳᖅ, ᐃᓅᖃᑎᒋᔭᒥᓂ ᐸᓯᔭᒃᓴᐅᓂᖃᕋᓂ; ᒎᑎᒥᒡᓗ ᐃᓅᖃᑎᖃᑦᓯᐊᕐᓗᓂ.

အခန်းကိုကြည့်ပါ။ ကော်ပီ




ᒨᓯᓯ ᓯᕗᓪᓖᑦ 6:9
34 ပူးပေါင်းရင်းမြစ်များ  

ᐅᑯᐊ ᑕᕝᕙ ᓄᐊᑉ ᐃᕐᓂᖏᑕ ᑭᖑᕚᖏᑦ, ᓰᒥᐅᑉ, ᕼᐋᒥᐅᓪᓗ, ᔮᐱᑎᐅᓪᓗ; ᐃᕐᓂᕐᑖᕆᓚᐅᕐᑕᖏᑦ ᐅᓕᕕᒃᔪᐊᕐᓂᐅᑉ ᑭᖑᓂᖓᓂ.


ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.


ᐅᑯᐊ ᑕᕝᕙ ᑭᖑᓕᕇᑦ ᕿᓚᖕᒥ ᓄᓇᒥᓗ ᐱᓐᖑᕐᑎᑕᐅᓚᐅᕐᑐᑦ. ᑍᑦᓱᒪᓂ ᐊᑕᓂᖅ ᒎᑎ ᓄᓇᕐᔪᐊᕐᒥᒃ ᕿᓚᖕᒥᐅᑕᓕᒫᓂᒡᓗ ᐱᓐᖑᕐᑎᑦᓯᑎᓪᓗᒍ,


ᔫᓯᐱᓗ ᓮᒻᒪᕐᑎᑉᐹ, ᐅᖃᕐᓗᓂ, “ᒎᑎᐅᑉ ᐊᑖᑕᒪ ᐂᑉᕋᕼᐋᒻ ᐂᓴᑭᐅᓪᓗ ᒪᓕᓚᐅᕐᑕᖓᑕ, ᑖᓐᓇ ᒎᑎ ᐰᕐᓯᔨᒋᓚᐅᕋᒃᑯ ᐃᓅᓯᓕᒫᓐᓂ ᐅᓪᓗᒥᒧᑦ ᑎᑭᓪᓗᒍ,


ᐅᑯᐊ ᑕᕝᕙ ᐋᑕᒥᐅᑉ ᑭᖑᕚᖏᑕ ᑎᑎᕋᕐᑕᐅᓯᒪᓂᖏᑦ ᐃᒤᓕᖓᕗᑦ. ᒎᑎ ᐃᓄᖕᒥᒃ ᓴᓇᒐᒥ, ᐃᒻᒥᓄᑦ ᐊᑦᔨᐅᑎᓪᓗᒍ ᓴᓇᓚᐅᕐᒪᑦ.


ᐃᓅᑭ ᒎᑎᒥᒃ ᐃᓅᖃᑎᖃᓚᐅᕐᐳᖅ ᒥᑑᓴᓚᐅᑉ ᐃᓅᓂᖓᑕ ᑭᖑᓂᖓᓂ ᐊᕐᕌᒍᓂᒃ 300ᓂᒃ, ᐊᓯᖏᓐᓂᒡᓗ ᓱᓕ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.


ᐃᓅᑭ ᒎᑎᒥᒃ ᐃᓅᖃᑎᖃᑦᓯᐊᕐᓗᓂ ᐃᓅᓚᐅᕋᒥ; ᑐᖁᓚᐅᕋᓂ ᐊᓯᐅᓚᐅᕐᐳᖅ, ᒎᑎᐅᑉ ᐊᐅᓪᓚᕈᑎᓚᐅᕐᒪᒍ.


ᓄᐊ ᐃᕐᓂᖃᓚᐅᕐᐳᖅ ᐱᖓᓱᓂᒃ, ᓰᒻ, ᕼᐋᒻ, ᔮᐱᑎᓗ.


ᐊᑕᓂᕐᓗ ᓄᐊᕐᒧᑦ ᐅᖃᕐᐳᖅ, “ᐅᒥᐊᕐᔪᐊᒧᑦ ᐃᑭᓕᕆᑦ, ᐃᓚᓕᒫᑎᑦ ᐃᓚᒋᓗᒋᑦ; ᖃᐅᔨᓯᒪᓕᕋᒪ ᓵᓐᓂ ᓯᓚᕐᔪᐊᓕᒫᒥ ᐃᓱᐊᕐᑐᒥᒃ ᐱᓇᓱᐊᕐᑐᑑᒐᕕᑦ ᒫᓐᓇ ᐃᓅᔪᓂ.


ᐸᓯᔭᒃᓴᐅᓂᖃᓚᐅᓐᖏᓚᖓ ᑖᑦᓱᒪ ᓵᖓᓂ, ᐅᕙᓐᓂᒃ ᐸᓯᔭᒃᓴᓐᖑᕐᑎᑦᑍᓕᒪᓚᐅᕋᒪ.


ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.


ᐱᓪᓚᕆᒋᔭᐅᔪᓪᓕ ᑐᒃᓯᐊᕐᕖᑦ ᐲᔭᕐᑕᐅᓚᐅᓐᖏᓚᑦ ᐃᓴᕆᐊᓕᒥ. ᑍᒤᒃᑲᓗᐊᕐᒪᑦ ᐂᓴ ᐆᒻᒪᑎᒥᒍᑦ ᓇᓛᒎᖏᓐᓇᓚᐅᕐᐳᖅ ᐃᓅᓯᓕᒫᒥᓂ.


ᐊᑕᓂᐅᑉ ᑕᑯᓐᓇᕐᑕᖓᒍᑦ ᓈᒻᒪᒋᔭᖓᓂᒃ ᐱᓇᓱᐊᓚᐅᕐᐳᖅ, ᐆᒻᒪᑎᒥᒍᓪᓕ ᐸᓯᔭᒃᓴᐅᖏᑦᑑᓚᐅᓐᖏᓚᖅ.


ᐊᖑᑎᑕᖃᓚᐅᕐᐳᖅ ᔫᐱᒥᒃ ᐊᑎᓕᖕᒥᒃ, ᓄᓇᒥ ᐅᔾᒥ ᐊᑎᓕᖕᒥ, ᐊᖑᓪᓗ ᑖᓐᓇ ᐸᓯᔭᒃᓴᐅᓂᖃᓚᐅᓐᖏᓚᖅ ᒪᑭᑕᑦᓯᐊᕐᓗᓂᓗ, ᒎᑎᒧᓪᓗ ᑐᒃᓯᐊᕐᕕᖃᖃᑦᑕᕐᓗᓂ, ᐱᐅᖏᑦᑐᓕᓂᕐᒥᒡᓗ ᐊᑐᕐᑍᓕᒪᓪᓗᓂ.


ᐊᑕᓂᐅᓪᓗ ᐊᐱᕆᕚ, “ᐱᔨᒐ ᔫᐱ ᐃᒃᐱᒋᓯᒪᕕᐅᒃ? ᓄᓇᕐᔪᐊᓕᒫᒥ ᑖᑦᓱᑐᓇᖅ ᓱᖁᓯᔪᐃᑦᑑᑎᒋᔪᒥᒃ ᐱᑕᖃᓐᖏᓚᖅ ᐃᓄᑦᓯᐊᕙᐅᑎᒋᔪᖃᕋᓂᓗ, ᑖᑦᓱᒪ ᑐᒃᓯᐊᕐᕕᒋᖃᑦᑕᕐᐹᖓ ᑲᒪᑦᓯᐊᕋᓱᐊᕐᓗᓂᓗ ᐱᐅᖏᑦᑐᒥᒃ ᖃᓄᑐᐃᓐᓇᑦᓯᐊᖅ ᐊᑐᕐᑍᓕᓪᓗᓂ.”


ᒫᓐᓇᓕ ᐊᒡᓛᑦ ᐱᖃᓐᓇᕆᔭᓐᓄᑦ ᐃᔪᕿᑕᐅᑕᐅᓕᕐᐳᖓ; ᓱᓕᓕ ᑐᒃᓯᐊᕐᓂᒃᑲ ᒎᑎᐅᑉ ᑐᓴᖃᑦᑕᕐᐰᑦ, ᓇᓛᒎᑦᓯᐊᕐᑎᓪᓗᖓ ᐸᓯᔭᒃᓴᐅᑎᓐᓇᖓᓗ, ᐃᔪᕿᑕᒍᑕᐅᕗᖓ.


ᐊᖑᑦ ᐸᓯᔭᒃᓴᐅᖏᑦᑐᖅ ᕿᒥᕐᕈᒍᒃ, ᑕᑯᓐᓇᕈᒡᓗ ᓱᓕᑦᓯᐊᕐᑐᒥᒃ ᐃᓅᓯᖃᕐᑐᖅ. ᐃᓅᑉ ᑖᑦᓱᒪ ᓯᕘᓂᖓ ᓮᒪᓂᐅᖕᒪᑦ.


ᐃᓱᐊᕐᑐᓪᓕ ᐱᐅᓕᔭᐅᓂᖓᑦ ᐊᑕᓂᕐᒥᑦ ᐱᕗᖅ; ᓄᑭᖃᐅᑎᒋᕚᑦ ᐅᖁᒤᑦᑐᖃᕐᑎᓪᓗᒍ.


ᓈᒻᒪᓈᑦᓯᐊᕐᑐᒥ ᐃᓅᔪᑦ ᐊᑐᕐᑕᖓᑦ ᓯᕿᓂᕐᒧᑦ ᓄᐃᕕᐅᓕᕐᑐᑎᑐᑦ ᑍᒤᑉᐳᖅ, ᖃᐅᒻᒪᒃᑎᑕᐅᕙᓪᓕᐊᕗᖅ ᐅᓪᓗᓪᓗᐊᕈᕐᐸᓪᓕᐊᔪᒧᑦ ᖃᐅᒻᒪᒌᑦᓯᐊᓕᕐᕕᐅᔪᑎᑐᑦ.


ᐃᓄᖕᒥᒃ ᐃᓱᐊᕐᑐᒥᒃ ᓄᓇᒥ ᐱᑕᖃᖏᒻᒪᑦ ᐱᐅᔪᒥᒃ ᐱᓂᐊᕐᓂᖃᕐᑐᒥᒃ ᐊᔪᕐᑐᓕᖏᑦᑐᒥᒡᓗ.


ᐊᒡᓛᑦ ᐊᖑᑎᑦ ᑍᒃᑯᐊ ᐱᖓᓱᑦ, ᓄᐊ, ᑖᓂᐊᓕᓗ, ᔫᐱᓗ, ᓄᓇᖃᖃᑕᐅᒐᔭᕐᐸᑕ, ᐊᑲᐅᔪᒥᒃ ᐃᓅᓯᖃᕐᓂᕐᒥᖕᓄᑦ ᓇᖕᒥᖕᓂᑐᐊᖅ ᐱᐅᓕᒐᔭᕐᐳᑦ, ᐊᑕᓂᖅ ᒎᑎ ᐅᖃᕐᐳᖅ.


ᓄᐊ, ᑖᓂᐊᓕᓗ, ᔫᐱᓗ ᑕᕝᕙᓂ ᐊᒡᓛᑦ ᓄᓇᖃᖃᑕᐅᒐᔭᕐᐸᑕ, ᐅᕙᖓ ᐃᓅᑎᓪᓗᖓ, ᐊᑕᓂᖅ ᒎᑎ ᐅᖃᕐᐳᖅ, ᕿᑐᕐᖓᒥᖕᓂᒃ ᐊᒡᓛᑦ ᓴᐳᑦᔨᔪᓐᓇᕋᔭᓐᖏᓚᑦ; ᑖᒃᑯᑐᐊᕐᓕ ᐱᐅᓕᔭᐅᒐᔭᕐᐳᑦ ᐃᓱᐊᕐᑐᒥᒃ ᐃᓅᓂᕐᒥᖕᓄᑦ.


‘ᐱᐅᔪᕆᔪᖅ ᑕᑯᓯᐅᒃ, ᑖᑦᓱᒪ ᑕᕐᓂᖓ ᓱᓕᓂᕐᑕᖃᓐᖏᓚᖅ ᐃᓅᔪᓐᓇᑦᔮᓇᓂᓗ, ᐃᓱᐊᕐᑐᓕᔪᕐᓕ ᐃᓅᔪᒫᕐᐳᖅ ᐅᒃᐱᕐᓂᕐᒥᒍᑦ.’”


ᑖᒃᑯᐊᒃ ᐃᓅᓯᖃᓚᐅᕐᐳᒃ ᒎᑎᐅᑉ ᖁᕕᐊᒋᔭᖓᓂᒃ, ᐊᑕᓂᐅᑉ ᐱᖁᔭᓕᒫᖏᓐᓂᒃ ᐊᑐᕐᑕᐅᑯᔭᖏᓐᓂᒡᓗ ᒪᓕᑦᓯᐊᕐᓗᑎᒃ.


ᑍᑦᓱᒪᓂ ᐊᖑᑎᑕᖃᓚᐅᕐᐳᖅ ᔨᕉᓴᓕᒻᒥ, ᓯᒥᐅᓂᒥᒃ ᐊᑎᓕᖕᒥᒃ, ᐃᓅᓯᖃᕐᑐᒥᒃ ᒎᑎᒧᑦ ᓈᒻᒪᒋᔭᐅᔪᒥᒃ ᑐᓂᓯᒪᑦᓯᐊᕐᑑᓪᓗᓂ, ᑖᓐᓇ ᐅᑕᖅᑭᓚᐅᕐᐳᖅ ᐃᓴᕆᐊᓕᒥᐅᑦ ᐱᐅᓕᔭᐅᕕᒃᓴᖓᓐᓂᒃ, ᐊᓂᕐᓂᐅᑉ ᐃᑦᔪᕐᓁᑦᑑᑉ ᓇᔪᕐᐹ.


ᐊᖑᑎᑕᖃᓚᐅᕐᐳᖅ ᔫᓯᐱᒥᒃ ᐊᑎᓕᖕᒥᒃ ᔫᑎᑦ ᓄᓇᖏᑕ ᐃᓚᖓᓐᓂᑦ ᐊᕆᒪᑎᐊᒥ ᓄᓇᖃᕐᑐᒥᒃ. ᑖᓐᓇ ᔫᑎᑦ ᑲᑎᒪᔨᕐᔪᐊᖏᓐᓄᑦ ᐃᓚᒋᔭᐅᔪᖅ, ᐃᓄᑦᓯᐊᕙᐅᕗᖅ ᓇᓛᒎᕐᑐᒥᒃ ᐃᓅᓯᖃᕐᓗᓂ,


ᑖᒃᑯᐊ ᑭᐅᕚᑦ, “ᑰᓂᓕᐅᓯᐅᑉ ᐅᓇᑕᕐᑐᒃᓮᑦ ᐊᖓᔪᖅᑳᖓᑦᑕ ᑎᓕᕚᑎᒍᑦ, ᑖᓐᓇ ᐅᒃᐱᑦᓯᐊᕐᑑᕗᖅ ᒎᑎᒥᒡᓗ ᐃᒃᐱᒋᔭᖃᑦᓯᐊᕐᓗᓂ, ᔫᑎᓕᒫᑦ ᐊᑲᐅᓂᕋᕐᑕᖓᑦ, ᒎᑎᐅᑉ ᐂᖏᓕᖓᓄᑦ ᐅᖃᐅᑦᔭᐅᓪᓗᓂ ᕾᖁᔭᐅᖁᖕᒪᑎᑦ ᐃᒡᓗᒥᓄᑦ, ᐅᖃᐅᓯᕐᓂᒃ ᑐᓴᕈᒪᓪᓗᓂ ᐃᓕᖕᓂᑦ.”


ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ ᒎᑎᒧᑦ ᓈᒻᒪᒋᔭᐅᓕᕐᓂᖅ ᓴᖅᑭᑎᑕᐅᖕᒪᑦ ᐅᒃᐱᕐᓂᑯᑦ; ᐃᒫᒃ ᑎᑎᕋᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”


ᑕᕝᕙ ᓇᓗᓇᕈᓐᓃᕐᐳᖅ ᐸᓯᔭᒃᓴᐅᔪᓐᓃᕐᑐᖃᕈᓐᓇᖏᓐᓂᖓᓂᒃ ᐱᖁᔭᑎᒍᑦ; ᐅᖃᕐᓯᒪᔪᖃᕐᒪᑦ, “ᐃᓗᐊᕐᑐᓕᔪᖅ ᐃᓅᔪᒫᕐᐳᖅ ᐅᒃᐱᕐᓂᕐᒥᓄᑦ.”


ᐊᑕᓂᐅᑉ ᒎᑎᑦᓯ ᓵᖓᓂ ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᓯ ᑖᑦᓱᒧᖓ.”


ᐅᒃᐱᕐᓂᑯᑦ ᓄᐊ, ᒎᑎᒧᑦ ᖃᐅᔨᑎᑕᐅᓕᕋᒥ ᓯᕗᓂᒃᓴᒥᒃ ᓱᓕ ᑕᑯᒃᓴᐅᖏᑦᑐᓂᒃ, ᒎᑎᒥᒃ ᓈᓚᒡᓗᓂ ᐅᒥᐊᕐᔪᐊᕐᒥᒃ ᓴᓇᓚᐅᕐᐳᖅ ᐃᒡᓗᒥᐅᖃᑎᖏᑕ ᐱᐅᓕᔭᐅᕕᒃᓴᖓᓂᒃ; ᑕᒪᑐᒨᓇᓗ ᓯᓚᕐᔪᐊᕐᒥᐅᑦ ᐃᖅᑲᕐᑐᕐᐰᑦ ᑭᖑᕐᖑᑦᔨᑎᑕᐅᓪᓗᓂᓗ ᐃᓗᐊᕐᓯᑎᑕᐅᓂᕐᒥᒃ ᐅᒃᐱᕐᓂᒥᑦ ᐱᔪᒥᒃ.


ᐃᓕᑦᓯᑦᑕᐅᖅ, ᐅᔭᕋᒃᑎᑐᑦ ᐆᒪᔪᑎᑐᑦ, ᐃᒡᓗᓕᐊᖑᓕᕐᐳᓯ ᐊᓂᕐᓂᒃᑯᑦ ᐃᒡᓗᓕᐊᕆᔭᐅᔪᒧᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᐃᑦᔪᕐᓁᑦᑑᓗᓯ, ᐊᓂᕐᓂᒃᑯᑦ ᑐᓂᕐᕈᓯᕐᑎᑦᓯᔨᐅᖁᓪᓗᓯ ᒎᑎᒧᑦ ᓈᒻᒪᒋᔭᐅᔪᒥᒃ ᔩᓱᓯ ᙭ᔅᑑᓯᒃᑯᑦ.


ᓯᓚᕐᔪᐊᑐᖃᕐᒥᓗ ᓂᑲᒍᓱᓚᐅᓐᖏᓚᖅ, ᐱᐅᓕᓯᓚᐅᕐᐳᕐᓕ ᓄᐊᒥᒃ, ᐊᔪᕆᕐᑑᓯᖃᓚᐅᕐᒪᑦ ᓇᓛᒎᕐᑐᒥᒃ, ᐃᓚᖃᕐᑎᓪᓗᒍ 7ᓂᒃ, ᐅᓕᕕᒡᔪᐊᖃᕐᑎᑦᓯᓚᐅᕐᐳᖅ ᒎᑎᖃᖏᑦᑐᓄᑦ ᓯᓚᕐᔪᐊᕐᒥ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ