ᒨᓯᓯ ᓯᕗᓪᓖᑦ 50:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᔫᓯᐱᓗ ᖃᑕᓐᖑᑎᒥᓄᑦ ᐅᖃᕐᐳᖅ, “ᑐᖁᔭᕆᐊᒃᓯᒐᒪ; ᒎᑎᐅᓪᓕ ᑎᑭᕝᕕᒋᔪᒫᕐᐹᓯ, ᑕᕝᕙᓐᖓᓪᓗ ᓄᓇᒥᑦ ᐊᐅᓪᓚᕐᑎᑦᓱᒫᕐᐹᓯ ᓄᓇᒧᑦ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐊᖏᕈᑎᒋᓚᐅᕐᑕᖓᓂ ᓄᓇᑖᖁᓪᓗᓯ.”

ᒨᓯᓯ ᓯᕗᓪᓖᑦ 50:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᒨᓯᓯ ᓯᕗᓪᓖᑦ 13:15

ᑕᒪᓐᓇ ᓄᓇ ᑕᑯᔧᑦ ᑕᒪᕐᒥᒃ ᑐᓂᓂᐊᕐᐸᕋ ᐃᓕᖕᓄᑦ ᑭᖑᕚᕐᓄᓪᓗ, ᑕᒪᓐᓇᓗ ᐱᒋᔪᒫᕐᐸᑦ ᐃᓱᖃᖏᑦᑐᒧᑦ.

ᒨᓯᓯ ᓯᕗᓪᓖᑦ 13:17

ᒫᓐᓇᓕ, ᒪᑭᓪᓗᑎᑦ ᐃᖏᕐᕋᓕᕆᑦ ᓄᓇᐅᑉ ᑕᑭᓂᖓ ᐃᓱᓕᓪᓗᒍ ᓯᓕᖕᓂᖓᓗ ᐃᓱᓕᓪᓗᒍ, ᑕᒪᓐᓇ ᑕᒪᕐᒥᒃ ᐃᓕᖕᓄᑦ ᑐᓂᓂᐊᕋᒃᑯ.”

ᒨᓯᓯ ᓯᕗᓪᓖᑦ 15:18

ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ,

ᒨᓯᓯ ᓯᕗᓪᓖᑦ 15:7

ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᕐᑎᓚᐅᕐᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”

ᒨᓯᓯ ᓯᕗᓪᓖᑦ 15:8

ᐂᑉᕋᐅᓪᓕ ᐊᐱᕆᕚ, “ᐊᑕᓃᖅ ᒎᑏ, ᖃᓄᕐᓕ ᖃᐅᔨᓂᐊᕐᐳᖓ ᓄᓇᑖᕆᓂᐊᕐᒪᖔᒃᑯ?”

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 21:1

ᐊᑕᓂᖅ ᓵᕋᒧᑦ ᐳᓛᕆᐊᓚᐅᕐᐳᖅ ᐅᖃᕐᓯᒪᓂᓂ ᒪᓕᒡᓗᒍ, ᐊᑕᓂᕐᓗ ᓵᕋᒧᑦ ᐱᓇᓱᐊᓚᐅᕐᐳᖅ ᐊᖏᕐᓯᒪᓂᓂ ᒪᓕᒡᓗᒍ.

ᒨᓯᓯ ᓯᕗᓪᓖᑦ 26:3

ᑕᒫᓂ ᓄᓇᖃᑬᓐᓇᓕᕆᑦ, ᐃᓚᒋᓂᐊᕐᐸᒋᑦ, ᓮᒻᒪᕐᑎᓪᓗᑎᓪᓗ; ᐃᓕᖕᓄᑦ ᑭᖑᕚᕐᓄᓪᓗ ᓄᓁᑦ ᑕᒪᒃᑯᐊ ᑐᓂᔪᒫᕋᒃᑭᑦ, ᐊᖏᕈᑎᒋᓯᒪᔭᕋᓗ ᑲᔪᓯᑎᑦᓱᒫᕐᐸᕋ ᐊᑖᑕᖕᓄᑦ ᐂᑉᕋᕼᐋᒧᑦ ᐅᖃᕕᒍᑎᒋᓚᐅᕐᑕᕋ.

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 3:19

ᐊᐅᒃᑲᕐᓂᖓᕙᖕᓂᐊᓕᕐᐳᑎᑦ ᓂᕿᒃᓴᒥᒃ ᐱᓇᓱᐊᕐᓗᑎᑦ ᐅᑎᓚᐅᖏᓐᓂᕐᓂ ᓄᓇᒧᑦ, ᑕᒫᓐᖓᑦ ᓴᓇᔭᐅᕕᒋᓚᐅᕐᑕᕐᓄᑦ; ᐃᑦᔪᒥᑦ ᐱᓯᒪᒐᕕᑦ ᐃᑦᔪᒧᑦᑕᐅᖅ ᐅᑎᕈᒫᕆᕗᑎᑦ.”

ᒨᓯᓯ ᓯᕗᓪᓖᑦ 35:12

ᓄᓇ ᑐᓂᓚᐅᕐᑕᕋ ᐂᑉᕋᕼᐋᒻᒧᑦ ᐂᓴᑭᒧᓪᓗ ᑐᓂᓂᐊᕆᕙᕋ ᐃᓕᖕᓄᑦ, ᑭᖑᕚᒃᓴᕐᓄᓪᓗᑦᑕᐅᖅ ᑐᓂᔪᒫᕆᕙᕋ ᑭᖑᓂᕐᓂ.”

ᒨᓯᓯ ᓯᕗᓪᓖᑦ 46:4

ᐅᕙᖓ ᑕᐅᓄᖓ ᐄᑦᔨᑉᑎᒧᐊᖃᑎᒋᓂᐊᕐᐸᒋᑦ, ᐊᒻᒪ ᑕᒪᐅᖓ ᐅᑎᕐᑎᑦᓱᒫᕆᕙᒋᑦ; ᔫᓯᐱᐅᓪᓗ ᐊᒡᒐᖕᒥᓄᑦ ᐃᔩᒃᑭᒃ ᓯᑯᓐᖏᕐᑎᑦᓱᒫᕐᐹᒃ.”

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᒨᓯᓯ ᓯᕗᓪᓖᑦ 48:21

ᑕᕝᕙ ᐃᓴᕆᐊᓕ ᐅᖃᕐᐳᖅ ᔫᓯᐱᒧᑦ, “ᑕᑯᒋᑦ ᑐᖁᔭᕆᐊᒃᓯᕗᖓ, ᒎᑎᐅᓪᓕ ᐃᓚᒋᓂᐊᕐᐹᑎᑦ, ᐅᑎᕐᑎᑦᓱᒫᕐᐹᑎᓪᓗ ᓯᕗᓕᕕᓂᕐᐱᑦ ᓄᓇᖓᓄᑦ.

ᒨᓯᓯ ᓯᕗᓪᓖᑦ 50:5

ᐊᑖᑕᒪ ᐊᖏᒻᒪᕆᒃᑎᓚᐅᕐᒪᖓ, ᐅᖃᐅᑎᓪᓗᓂᖓ, ‘ᑐᖁᔭᕆᐊᒃᓯᒐᒪ: ᐃᓗᕕᕐᑕᐅᔪᒪᔪᖓ ᐃᓗᕕᖃᕐᕕᓕᐊᕆᓯᒪᔭᓐᓂ ᓄᓇᒥ ᑬᓇᓂᒥ, ᑍᑲᓂ ᐃᓗᕕᕐᑕᒃᓴᕆᕙᕐᒪ.’ ᒫᓐᓇ ᑍᒤᒻᒪᑦ ᐱᔪᓐᓇᕐᑎᓚᐅᓐᖓ, ᑕᑉᐸᐅᖓ ᐊᑖᑕᒐ ᐃᓗᕕᕆᐊᕐᑐᕐᓂᐊᕋᒃᑯ; ᑕᒪᐅᖓᓗ ᐅᑎᓛᕆᕗᖓ.”

ᔫᐱᐅᑉ ᐊᒡᓚᖏᑦ 30:23

ᖃᐅᔨᒪᔪᖓ ᑐᖁᒧᑦ ᑎᑭᑎᓕᕋᕕᖓ, ᐃᓅᔪᓕᒫᓄᑦ ᑕᒪᓐᓇ ᑐᕌᕐᑕᐅᖕᒪᑦ.

ᒨᓯᓯ ᐂᑉᐸᖏᑦ 12:41

ᑖᒃᑯᐊ ᐊᕐᕌᒍᑦ 430 ᓈᑎᓪᓗᒋᑦ ᐃᓅᖃᑎᒌᑦ ᐊᑕᓂᐅᑉ ᐃᓄᖁᑎᒋᔭᖏᑦ ᐄᑦᔨᑉᑎᒥᑦ ᐊᐅᓪᓚᕐᓯᒪᔪᐃᓐᓇᐅᓕᓚᐅᕐᐳᑦ.

ᒨᓯᓯ ᐂᑉᐸᖏᑦ 12:51

ᑕᕝᕙᓂᓗ ᐅᓪᓗᒥ ᓇᓪᓕᐅᓐᓂᕐᓯᐅᕐᕕᖕᒥ ᐃᓴᕆᐊᓕᒥᐅᑦ ᐃᓄᖏᑦ ᐊᑕᓂᐅᑉ ᐄᑦᔨᑉᑎᒥᑦ ᐊᓂᑎᓚᐅᕐᐰᑦ ᑎᒍᔭᐅᓯᒪᕕᒋᔭᖏᓐᓂᑦ.

ᒨᓯᓯ ᐂᑉᐸᖏᑦ 13:19

ᒨᓯᓯᐅᓪᓗ ᔫᓯᐱᐅᑉ ᓴᐅᓂᖏᑦ ᓇᒃᓴᓚᐅᕐᐰᑦ; ᔫᓯᐱᐅᑉ ᐃᓴᕆᐊᓕᒥᐅᑦ ᐃᓄᖏᑦ ᐊᒃᓱᕈᕐᓗᓂ ᐊᖏᕐᑎᓐᓇᓱᐊᓚᐅᕐᒪᒋᑦ ᑕᒪᑐᒧᖓ, ᐅᖃᕐᓗᓂ, “ᒎᑎᐅᑉ ᐅᐸᒍᒫᕐᐹᓯ; ᑍᒤᒻᒪᑦ ᑕᒫᓐᖓᑦ ᐊᐅᓚᓕᕈᑦᓯ ᓴᐅᓂᒃᑲ ᑕᒫᓐᖓᑦ ᐊᐅᓪᓚᕈᑎᔭᒃᓴᕆᕙᓯ.”

ᒨᓯᓯ ᐂᑉᐸᖏᑦ 3:8

ᑕᒪᐅᓐᖓᕐᓯᒪᕗᖓ ᓴᐳᑎᔭᕐᑐᕈᒪᓪᓗᒋᑦ ᐄᑦᔨᑉᑎᒥᐅᓂᑦ, ᑕᕝᕙᓐᖓᓪᓗ ᐊᐅᓪᓚᕈᑎᔭᕐᑐᕐᓗᒋᑦ ᓄᓇᒧᑦ ᓄᓇᑦᓯᐊᕙᐅᔪᒧᑦ ᐊᔪᕐᓴᕐᓇᖏᑦᑐᒧᓪᓗ ᓈᒪᔪᒧᑦ, ᑖᒃᑯᐊ ᑬᓇᓂᒥᐅᑦ, ᕼᐃᑍᑎᒥᐅᓪᓗ, ᐊᒧᕅᑎᒥᐅᓪᓗ, ᐱᕆᔧᑎᒥᐅᓪᓗ, ᕼᐃᕔᑎᒥᐅᓪᓗ ᔨᐳᓮᑎᒥᐅᓪᓗ ᒫᓐᓇ ᓄᓇᖃᕐᕕᖏᔭᖓᓐᓂ.

ᒨᓯᓯ ᐂᑉᐸᖏᑦ 33:1

ᐊᑕᓂᖅ ᐅᖃᕐᐳᖅ ᒨᓯᓯᒧᑦ, “ᒫᓐᓇ ᓄᓇᒥᑦ ᓇᔪᕐᑕᑦᓯᓐᓂᑦ ᐊᐅᓪᓚᓕᕆᑦᓯ ᐃᓄᒐᓴᒃᔪᐊᑦ ᐄᑦᔨᑉᑎᒥᑦ ᐊᐅᓪᓚᕈᑎᓚᐅᕐᑕᑎ ᐃᓚᒋᓗᖏᑦ, ᓄᓇᒧᑦ ᐂᓕᕐᓗᓯ ᐊᖏᕈᑎᒋᓯᒪᔭᓐᓄᑦ ᑐᓂᔪᒪᓪᓗᒍ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ ᑭᖑᕚᖏᓐᓄᓪᓗ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:5

ᐃᓄᐃᑦ ᑲᑉᐱᐊᓱᓕᕐᐸᑕ ᐳᕐᑐᔪᒦᓐᓂᕐᒥᒃ, ᐊᖅᑯᑎᒥᓗ ᐱᓱᒋᐊᒥ ᑲᑉᐱᐊᓱᓕᕐᐸᑕ; ᓇᐹᕐᑐᖅ ᖃᖁᐊᒐᓕᒃ ᐋᓪᒪᓂᒃ ᐊᑎᓕᖕᓂᒃ ᓄᓇᕋᕐᑖᓕᕐᐸᑦ, ᐱᒡᓕᕐᑕᐅᔮᕐᑐᕐᓗ ᓱᒃᑬᑦᑑᓕᕐᐸᑦ ᐂᕕᒋᔭᒥᓄᑦ ᐃᕿᐊᓱᓕᕐᓗᓂ. ᐃᓄᒡᓗ ᐃᓂᒃᓴᒥᓄᑦ ᐃᓱᖃᖏᑦᑐᒧᑦ ᐂᒃᐸᑦ, ᐃᓄᐃᓪᓗ ᐃᓚᓐᖓᕐᓂᕐᒧᑦ ᕿᒃᓵᒃᑐᑦ ᐱᓱᑲᑕᓕᕐᐸᑕ ᐊᖅᑯᑎᒥ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 12:7

ᐳᔪᕐᓗᒡᓗ ᓄᓇᒧᑦ ᐅᑎᕐᐸᑦ ᐃᓂᒋᓚᐅᕐᑕᒥᓄᑦ, ᐊᒻᒪᓗ ᐊᓂᕐᓂᖅ ᐅᑎᕐᐸᑦ ᒎᑎᒧᑦ ᑐᓂᓯᓚᐅᕐᑐᒧᑦ.

ᒨᓯᓯ ᓯᑕᒪᖏᑦ 32:11

‘ᓱᓕᓪᓗᖓ, ᐄᑦᔨᑉᑎᒥᑦ ᐊᐅᓪᓚᓚᐅᕐᑐᓕᒫᑦ, ᐊᕐᕌᒍᖃᕐᑐᑦ 20ᓂᒃ ᐅᖓᑖᓄᑦ ᑎᑭᓪᓗᒍ, ᑕᑯᓂᐊᓐᖏᓚᑦ ᓄᓇᒥᒃ ᐊᖏᕈᑎᒋᓚᐅᕐᑕᓐᓂᒃ ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᑕᖏᕐᑐᒥᒃ ᐅᕙᓐᓂᒃ ᒪᓕᓚᐅᖏᒻᒪᑕ,

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᒨᓯᓯ ᑕᓪᓕᒪᖏᑦ 1:8

ᑕᒪᓐᓇᓕᒫᖅ ᑕᕝᕙ ᓄᓇ ᐅᕙᖓ ᐊᑕᓂᐅᔪᖓ, ᑐᓂᓂᐊᕐᓂᕋᕐᓗᒍ ᐊᖏᕈᑎᒋᓯᒪᔭᕋ ᓯᕗᓕᕕᓂᑦᓯᓐᓄᑦ, ᐂᑉᕋᕼᐋᒻᒧᑦ, ᐂᓴᑭᒧᓪᓗ, ᔧᑯᒧᓪᓗ, ᑭᖑᕚᓕᒫᖏᓐᓄᓪᓗ, ᑍᒤᒻᒪᑦ ᑕᒪᐅᖓ ᓄᓇᒧᑦ ᐂᓕᕆᑦᓯ ᓄᓇᑖᕆᓗᒍᓗ.”

ᒨᓯᓯ ᑕᓪᓕᒪᖏᑦ 6:10

“ᑍᒫᒃᑕᐅᖅ ᐊᑕᓂᐅᑉ ᒎᑎᑦᓯ ᓯᕗᓕᓯ ᐊᖏᕐᕕᒋᓚᐅᕐᒪᒋᑦ, ᐂᑉᕋᕼᐋᒻ, ᐂᓴᑭ, ᔧᑯᓗ, ᓄᓇᒥᒃ ᑐᓂᓯᕕᒋᓂᐊᕐᓂᕋᕐᓗᒋᑦ ᐊᖏᔪᒥᒃ ᐊᔪᕐᓴᕐᓇᖏᑦᑐᒥᒡᓗ ᐃᒡᓗᒐᓴᒡᔪᐊᓂᒡᓗ ᐃᓕᑦᓯ ᓇᖕᒥᓂᖅ ᓴᓇᓚᐅᓐᖏᑕᑦᓯᓐᓂᒃ.

ᐄᑉᕈᐃᓄᑦ 11:22

ᔫᓯᐱᑦᑕᐅᖅ ᐅᒃᐱᕐᓂᑯᑦ, ᐃᓅᔪᓐᓃᕆᐊᕕᓕᕐᓗᓂ ᐅᖃᐅᑦᔨᓚᐅᕐᐳᖅ ᐃᓴᕆᐊᓕᒥᐅᑦ ᐊᐅᓪᓚᕈᒫᕐᓂᖏᓐᓂᒃ ᐄᑦᔨᑉᑎᒥᑦ, ᐅᖃᐅᑦᔨᓚᐅᕐᐳᕐᓗ ᐃᓗᕕᕐᑕᐅᕕᒋᓛᕈᒪᔭᒥᓂᒃ.

ᐄᑉᕈᐃᓄᑦ 9:27

ᐃᓄᐃᓪᓗ ᐊᑕᐅᓯᐊᕐᓗᑎᒃ ᑐᖁᔭᕆᐊᖃᕐᒪᑕ, ᑭᖑᓂᖓᒍᓪᓕ ᐃᖅᑲᕐᑐᕐᑕᐅᕕᒃᓴᖃᕐᐳᑦ.

ᔮᓱᐊᑉ ᐊᒡᓚᖏᑦ 24:32

ᔫᓯᐱᐅᑉ ᓴᐅᓂᖏᑦ ᐃᓴᕆᐊᓕᒥᐅᑉ ᐃᓄᖏᑕ ᐊᐅᓪᓚᐅᑎᓚᐅᕐᑕᖏᑦ ᐄᑦᔨᑉᑎᒥᑦ ᐃᓗᕕᕐᑕᐅᓚᐅᕐᐳᑦ ᓯᑭᒻᒥ, ᓄᓇᐅᑉ ᐃᓚᖓᓂ ᔧᑰᑉ ᓂᐅᕕᐊᕆᓚᐅᕐᑕᖓᓂ ᕼᐊᒧᕆᐅᑉ ᐃᕐᓂᖏᓐᓂᑦ ᓯᑭᒻᒥᐅᑉ ᐊᑖᑕᖓᓂᑦ, ᑕᕝᕗᖓ ᐊᑭᖃᓚᐅᕐᑐᒧᑦ 100ᓂᒃ ᓯᐅᓪᕕᕆᓂᒃ, ᑕᒪᓐᓇ ᓄᓇ ᐱᒋᔭᐅᓕᓚᐅᕐᒪᑦ ᔫᓯᐱᐅᑉ ᑭᖑᕚᖏᓐᓄᑦ.