ᒨᓯᓯ ᓯᕗᓪᓖᑦ 50:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ‘ᔫᓯᐱ ᐅᖃᐅᑦᔭᐅᔪᒫᕐᐳᖅ, ᕿᓄᕕᒋᕙᒋᑦ ᐃᓱᒪᒋᔪᓐᓁᕕᖃᖁᓪᓗᑎᑦ ᐊᖓᔪᕕᑦ ᐊᔪᕐᑐᓕᓂᕆᓚᐅᕐᑕᖏᓐᓂᒃ, ᐃᓕᖕᓄᑦ ᐱᐅᖏᑦᑐᒥᒃ ᐱᓇᓱᐊᓚᐅᕐᒪᑕ.’ ᒫᓐᓇᓗ ᕿᓄᕕᒋᕙᑦᑎᒋᑦ, ᐃᓱᒪᒋᔪᓐᓁᕐᕕᒋᓚᐅᒃᑭᑦ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᐊᑖᑕᕕᑦ ᒎᑎᖓᑕ ᐱᔨᖏᑦ.” ᔫᓯᐱᓗ ᕿᐊᕗᖅ ᑖᑦᓱᒧᖓ ᐅᖃᓪᓚᒃᑎᓪᓗᒋᑦ.

ᒨᓯᓯ ᓯᕗᓪᓖᑦ 50:17 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᒨᓯᓯ ᓯᕗᓪᓖᑦ 45:8

ᑕᕝᕙ ᐃᓕᑦᓯᓐᓂᐅᖏᑦᑐᖅ ᑕᒪᐅᖓ ᑎᓕᔭᐅᓚᐅᕐᐳᖓ, ᒎᑎᐅᓪᓕ; ᑖᑦᓱᒪᓗ ᐊᑖᑕᒋᔭᐅᑎᓕᓚᐅᕐᐹᖓ ᐰᕉᒧᑦ, ᐃᒡᓗᒥᓄᓪᓗ ᐊᖓᔪᖅᑳᓐᖑᕐᑎᓪᓗᓂᖓ ᐄᑦᔨᑉᑎᐅᓪᓗ ᓄᓇᓕᒫᖓᓄᑦ ᑕᒤᓐᓄᑦ ᐊᐅᓚᑦᓯᔨᓐᖑᕐᑎᓪᓗᓂᖓ.

ᒨᓯᓯ ᓯᕗᓪᓖᑦ 49:25

ᐊᑖᑕᕕᑦ ᒎᑎᖓᑕ ᐃᑲᔪᕈᒫᕐᐹᑎᑦ, ᐊᔪᒐᖃᖏᑦᑑᓪᓗ ᑖᑦᓱᒪ ᒎᑎᐅᑉ ᓮᒻᒪᕐᑎᑦᓱᒫᕐᐹᑎᑦ ᓮᒻᒪᕐᑎᑦᓯᓂᕐᒧᑦ ᕿᓚᖕᒥᑦ ᖁᑦᓯᒃᑐᒥᑦ ᐱᔪᒧᑦ, ᓮᒻᒪᕐᑎᑦᓯᓂᕐᒧᑦ ᐃᑎᔪᒧᑦ ᐃᓗᐊᓂ ᐃᑎᔪᒥ ᐃᓂᖃᕐᑐᒧᑦ, ᓮᒻᒪᕐᑎᑦᓯᓂᕐᒧᑦ ᐃᕕᐊᖏᕐᓂᑦ ᐃᒡᓕᐊᕐᓂᓪᓗ ᐱᔪᒧᑦ.

ᒨᓯᓯ ᓯᕗᓪᓖᑦ 50:16

ᑍᒤᒻᒪᑦ ᔫᓯᐱᒧᑦ ᑎᓕᓯᓚᐅᕐᐳᑦ ᐅᖃᐅᑦᔭᐅᖁᓪᓗᒍ, ᐅᖃᕐᓗᑎᒃ, “ᐊᑖᑕᕕᑦ ᑐᖁᓚᐅᖅᑳᕋᓂ ᐱᖁᓚᐅᕐᐹᑎᒍᑦ, ᐅᖃᕐᓗᓂ,

ᒨᓯᓯ ᓯᕗᓪᓖᑦ 50:18

ᐊᖓᔪᖏᑕᑦᑕᐅᖅ ᐅᐸᒃᓗᒍ ᓵᖓᓄᑦ ᐹᒻᒪᒡᕕᒋᕚᑦ, ᐅᖃᕐᓗᑎᒡᓗ, “ᑕᑯᒋᑦ ᐃᓕᖕᓄᑦ ᐱᔨᐅᕗᒍᑦ.”

ᒨᓯᓯ ᓯᕗᓪᓖᑦ 50:20

ᐃᓕᑦᓯᓕ ᐃᓱᒪᖃᓚᐅᕋᓗᐊᕐᐳᓯ ᐱᐅᖏᑦᑐᒥᒃ ᐅᕙᓐᓄᑦ ᐱᓇᓱᐊᕈᒪᓪᓗᓯ; ᒎᑎᐅᓪᓕ ᑕᒪᓐᓇ ᐱᐅᔪᒧᑦ ᐋᖅᑭᒃᓯᒪᓚᐅᕐᐹ, ᐃᓄᐃᑦ ᐅᓄᕐᑐᕐᔪᐊᑦ ᐃᓅᑎᑕᐅᖁᓪᓗᒋᑦ, ᓲᕐᓗ ᐅᓪᓗᒥ ᑍᒤᒻᒪᑦ.

ᐃᓐᖏᕈᑎᑦ 21:11

ᐃᓱᒪᓕᐅᖃᑎᒌᓚᐅᕐᒪᑕ ᐱᐅᖏᑦᑐᒥᒃ ᐱᓂᐊᕈᒪᓪᓗᑎᒃ ᐃᓕᖕᓄᑦ; ᐃᓱᒪᓕᐅᖃᑎᒌᓯᒪᕗᑦ ᑲᔪᓯᑎᑦᓱᓐᓇᓐᖏᑕᒥᖕᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᒫᑎᐅᓯᐅᑉ ᐊᒡᓚᖏᑦ 10:42

ᓇᓪᓕᐊᑦ ᐃᒥᕐᒥᒃ ᓂᒡᓕᓇᕐᑐᒥᒃ ᐃᒥᕐᑎᑦᓯᔪᖅ ᒪᓕᒡᑎᓐᓂᑦ ᒥᑭᓐᓂᕐᐸᐅᔪᒥᒃ, ᐃᒥᕐᑎᑕᐅᔫᑉ ᐅᕙᓐᓄᑦ ᒪᓕᒡᑎᐅᓂᖓ ᐱᑦᔪᑎᒋᓗᒍ, ᑖᓐᓇ ᓱᓕᒻᒪᕆᒡᓗᖓ ᐅᖃᐅᑎᕙᑦᓯ ᐊᑭᓕᕐᑕᐅᑦᓯᐊᕈᒫᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 18:35

“ᑍᒫᒃᑕᐅᖅ ᐊᑖᑕᒪ ᕿᓚᖕᒦᑦᑑᑉ ᐱᓂᐊᕐᕕᒋᒐᔭᕆᕚᓯ ᐅᒃᐱᕐᑑᖃᑎᑦᓯᓐᓂᒃ ᐃᓱᒪᒋᔪᓐᓁᕐᕕᖃᕐᓂᐊᖏᒃᑯᑦᓯ, ᐆᒻᒪᑎᑦᓯᓐᓂᑦ ᐱᔪᒥᒃ.”

ᒫᑎᐅᓯᐅᑉ ᐊᒡᓚᖏᑦ 25:40

ᑕᕝᕙ ᐊᖓᔪᖅᑳᕐᔪᐊᑉ ᑭᐅᔪᒫᕐᐰᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᖃᑕᓐᖑᑎᒪ ᒥᑭᓐᓂᕐᐹᕆᔭᖏᓐᓄᑦ ᐱᓇᓱᐊᕐᕕᖃᕌᖓᑦᓯ, ᑕᒪᑐᒥᖓ ᐱᓇᓱᐊᕐᕕᒋᓚᐅᕐᐸᑦᓯᓐᖓ!’

ᒫᑎᐅᓯᐅᑉ ᐊᒡᓚᖏᑦ 6:12

ᐱᐅᖏᑦᑐᓕᓂᕗᑦ ᐃᓱᒪᒋᔪᓐᓁᒃᑭᑦ, ᑍᒫᒃᑕᐅᖅ ᐃᓅᖃᑎᑦᑕ ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕋᑦᑎᒍ.

ᒫᑯᓯᐅᑉ ᐊᒡᓚᖏᑦ 10:41

ᐃᓕᓐᓂᐊᕐᑎᑦ ᖁᓕᑦ ᑕᒪᑐᒥᖓ ᑐᓴᕋᒥᒃ, ᔧᒥᓯᒥᒃ ᔪᐊᓇᓯᒥᒡᓗ ᐊᑲᐅᒃᓴᕈᓐᓃᕐᐳᑦ.

ᒐᓔᑎᐊᒥᐅᓄᑦ 6:10

ᑍᒤᒻᒪᑦ, ᐱᕕᒃᓴᖃᕐᓂᑦᑎᓐᓂ, ᐃᓅᖃᑎᓕᒫᑦᑎᓐᓂᒃ ᐱᓂᐊᕐᕕᖃᑦᓯᐊᕐᑐᒃᓴᐅᕗᒍᑦ, ᐅᒃᐱᕐᑑᖃᑎᕗᓪᓕ ᐱᓗᐊᕐᓗᒋᑦ.

ᒐᓔᑎᐊᒥᐅᓄᑦ 6:16

ᑕᒪᑐᒥᖓ ᒪᓕᒡᓗᑎᒃ ᐃᓅᔪᑦ ᖃᓄᐃᖏᑦᓯᐊᕐᓇᕐᑑᑉ ᓈᒃᑭᒋᔭᐅᓂᐅᓪᓗ ᐃᓚᒋᓕᒋᑦ, ᒎᑎᐅᓪᓗ ᐃᓄᖁᑎᓕᒫᖏᑦ ᐃᓴᕆᐊᓕᒥᐅᑦ.

ᐃᐱᓯᒥᐅᓄᑦ 4:32

ᐃᒫᒡᓕ ᐱᓕᕆᑦᓯ, ᐃᓕᑦᓯᓐᓄᑦ ᐱᑦᓯᐊᖃᑦᑕᐅᑎᓗᓯ, ᓂᑲᒋᖃᑦᑕᐅᑎᓗᓯᓗ ᐊᑐᓂᑦ, ᐃᓱᒪᒋᔪᓐᓁᖃᑦᑕᐅᑎᕙᒡᓗᓯᓗ, ᓲᕐᓗ ᒎᑎᐅᑉ ᐃᓱᒪᒋᔪᓐᓁᕐᕕᒋᓚᐅᕐᒪᓯ ᙭ᔅᑑᓯᒃᑯᑦ.

ᔧᒥᓯᐅᑉ ᐊᒡᓚᖏᑦ 5:16

ᑍᒤᒻᒪᑦ ᐊᔪᕐᓂᑦᓯᓐᓂᒃ ᖃᕿᐊᓕᖃᑦᑕᐅᑎᖃᑦᑕᕆᑦᓯ ᐃᓚᑦᓯᓐᓄᑦ, ᑐᒃᓯᐅᑎᖃᑦᑕᐅᑎᓗᓯᓗ, ᐋᖅᑭᒃᑕᐅᖁᓪᓗᓯ. ᐃᓗᐊᕐᑐᓕᔫᑉ ᑐᒃᓯᐊᕐᓂᖓ ᐊᖏᔪᒥᒃ ᐱᔪᓐᓇᕐᓂᖃᕐᒪᑦ ᐊᑑᑎᖃᕐᓗᓂᓗ.