ᒨᓯᓯ ᓯᕗᓪᓖᑦ 50:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐃᕐᓂᖏᑕᓗ ᐊᒡᔭᕐᐹᑦ ᓄᓇᒧᑦ ᑬᓇᓂᒧᑦ, ᐃᓗᕕᕐᓗᒍᓗ ᕾᕈᓱᖕᒧᑦ ᓇᑎᕐᓇᒥ ᒪᒃ-ᐲᓚᒦᑦᑐᒧᑦ, ᒪᒻᕆᐅᑉ ᐅᖓᑖᓃᑦᑐᒧᑦ, ᑖᓐᓇ ᐂᑉᕋᕼᐋᒻ ᓂᐅᕕᐊᕆᓚᐅᕐᑕᖓ ᐱᕈᕐᓰᕕᒃ ᐱᖃᓯᐅᑎᓪᓗᒍ ᐃᐸᕋᓐᒥᑦ ᕼᐃᑍᑎᒥᐅᑕᕐᒥᑦ, ᐃᓗᕕᕐᓯᕕᒃᓴᐅᖁᓪᓗᒍ.

ᒨᓯᓯ ᓯᕗᓪᓖᑦ 50:13 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 23:20

ᑕᕝᕙ ᐱᕈᕐᓰᕕᒃ ᕾᕈᓱᒡᓗ ᑕᕝᕙᓃᑦᑐᖅ ᑐᓂᔭᐅᓚᐅᕐᐳᖅ ᐂᑉᕋᕼᐋᒻᒧᑦ, ᐃᓗᕕᕐᓯᕕᒃᓴᕐᑖᕆᓪᓗᒍ ᕼᐃᑍᑎᒥᐅᓂᑦ.

ᒨᓯᓯ ᓯᕗᓪᓖᑦ 23:9

ᐅᕙᓐᓄᑦ ᑐᓂᓯᖁᓪᓗᒍ ᒪᒃ-ᐲᓚᒥᒃ ᐊᑎᓕᖕᒥᒃ ᕾᕈᓱᖕᒥᒃ, ᑖᑦᓱᒪ ᐱᒋᖕᒪᒍ; ᐱᕈᕐᓰᕕᖁᑎᖓᑕ ᑭᒡᓕᖓᑕ ᐃᓱᐊᓃᑦᑐᖅ. ᐊᑭᖓ ᐃᓗᐃᑦᑑᓗᓂ ᓂᐅᕕᐊᕆᔭᐅᖁᓚᐅᕐᓯᐅᒃ ᐃᓕᑦᓯ ᑕᑯᓐᓇᕐᑎᓪᓗᓯ ᐃᓗᕕᕐᕕᒃᑖᕆᓂᐊᕋᒃᑯ.”

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᒨᓯᓯ ᓯᕗᓪᓖᑦ 25:9

ᐃᕐᓂᖏᒃᑕᓗ ᐂᓴᑭᐅᑉ ᐃᓯᒥᐅᓪᓗ ᐃᓗᕕᕐᐹᒃ ᕾᕈᓱᖕᒥ ᒪᒃ-ᐲᓚᒥ, ᐱᕈᕐᓰᕕᖃᕐᑐᒥ ᐃᐸᕋᓂᐅᑉ ᔪᕼᐊᕆᐅᑉ ᐃᕐᓂᖓᑕ ᓄᓇᖁᑎᕕᓂᖓᓄᑦ ᕼᐃᑍᑎᒥᐅᑕᕐᒧᑦ, ᒪᒻᕆᐅᑉ ᓯᕿᓐᓂᓕᕐᕕᐊᑕ ᓇᓛᓃᑦᑐᒧᑦ.

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 35:29

ᐂᓴᑭᓕ ᐊᓂᕐᓇᖏᕐᐳᖅ; ᑐᖁᒐᒥ ᐃᓚᒥᓄᑦ ᐅᑎᕐᐳᖅ, ᐃᑦᑐᐊᓘᓕᕐᓗᓂ; ᐃᕐᓂᖏᒃᑕᓗ ᐄᓴᐅᑉ ᔧᑰᓪᓗ ᐃᓗᕕᕐᐹ.

ᒨᓯᓯ ᓯᕗᓪᓖᑦ 46:4

ᐅᕙᖓ ᑕᐅᓄᖓ ᐄᑦᔨᑉᑎᒧᐊᖃᑎᒋᓂᐊᕐᐸᒋᑦ, ᐊᒻᒪ ᑕᒪᐅᖓ ᐅᑎᕐᑎᑦᓱᒫᕆᕙᒋᑦ; ᔫᓯᐱᐅᓪᓗ ᐊᒡᒐᖕᒥᓄᑦ ᐃᔩᒃᑭᒃ ᓯᑯᓐᖏᕐᑎᑦᓱᒫᕐᐹᒃ.”

ᒨᓯᓯ ᓯᕗᓪᓖᑦ 47:30

ᓯᕗᓕᓐᓂᓕ ᐃᓗᕕᕐᓯᒪᖃᑕᐅᔪᒪᕗᖓ; ᐄᑦᔨᑉᑎᒥᑦ ᐊᐅᓪᓚᕈᑎᓗᖓ ᑍᒃᑯᐊ ᐃᓗᕕᕐᑕᐅᕕᒋᓯᒪᔭᖏᓐᓂ ᐃᓗᕕᕐᑕᐅᔪᒃᓴᐅᕗᖓ.” ᔫᓯᐱᐅᑉ ᑭᐅᕚ, “ᐅᖃᐅᓯᕆᔭᑎᑦ ᐊᑐᕐᓂᐊᕐᐸᒃᑲ.”

ᒨᓯᓯ ᓯᕗᓪᓖᑦ 50:12

ᑕᕝᕙᓂ ᔧᑰᑉ ᐃᕐᓂᖏᑦ ᐱᓇᓱᐊᓚᐅᕐᐳᑦ ᐊᑖᑕᖓᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ ᑖᑦᓱᒧᖓ;

ᒨᓯᓯ ᓯᕗᓪᓖᑦ 50:14

ᔫᓯᐱᐅᑉ ᐊᑖᑕᓂ ᐃᓗᕕᕇᕋᒥᐅᒃ, ᐅᑎᓚᐅᕐᐳᖅ ᐄᑦᔨᑉᑎᒧᑦ ᖃᑕᓐᖑᑎᓂ ᐃᓚᒋᓪᓗᒋᑦ ᑕᒪᕐᒥᒡᓗ ᐃᓗᕕᕐᓯᔭᕐᑐᕐᑎᓪᓗᒋᑦ ᐊᑖᑕᒥᓂᒃ ᒪᓕᓚᐅᕐᑐᓕᒫᑦ ᐃᓚᒋᓪᓗᒋᑦ.

ᐊᑕᓃᑦ ᐂᑉᐸᖏᑦ 21:18

ᒫᓇᓯ ᑐᖁᖕᒪᑦ ᐃᓗᕕᕐᑕᐅᕗᖅ ᐊᖓᔪᖅᑳᕐᔪᐊᑉ ᐃᒡᓗᖓᑕ ᐱᕈᕐᓰᕕᖓᓂ ᑍᔭᐅᔪᒥ ᐆᔭᐅᑉ ᐱᕈᕐᓰᕕᖓᓂᒃ; ᐃᕐᓂᖓᑕ ᐋᒪᓐ ᑭᖑᕝᕕᕐᓗᓂᐅᒃ ᐊᖓᔪᖅᑳᕐᔪᐊᓐᖑᕆᕗᖅ ᑭᖑᓂᖓᓂ.

ᐋᐴᓯᑕᓖᑦ ᐱᓂᐊᕐᓂᖏᑦ 7:16

ᑎᒥᖏᑦ ᐋᑕᐅᓚᐅᕐᐳᑦ ᓄᓇᒧᑦ ᓯᑭᒻᒧᑦ ᑕᕝᕙᓂ ᐃᓗᕕᕐᑕᐅᓪᓗᑎᒃ, ᐂᑉᕋᕼᐋᒻ ᑮᓇᐅᔭᓄᑦ ᓂᐅᕕᐊᕆᓯᒪᔭᖓᓄᑦ ᕼᐊᒧᕆᐅᑉ ᐃᓚᖏᓐᓂᑦ.