ᒨᓯᓯ ᓯᕗᓪᓖᑦ 5:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐋᑕᒥᓕ ᐊᕐᕌᒍᖃᓕᕐᓗᓂ 130ᓂᒃ, ᐃᕐᓂᖃᓚᐅᕐᐳᖅ ᐃᒻᒥᑐᑦ ᑕᐅᑦᑐᓕᖕᒥᒃ, ᑖᓐᓇᓗ ᐊᑎᖃᕐᑎᖕᐹ ᓰᑎᒥᒃ.

ᒨᓯᓯ ᓯᕗᓪᓖᑦ 5:3 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:25

ᐋᑕᒥᐅᑉ ᓄᓕᐊᓂ ᐱᖃᑎᒋᒃᑲᓐᓂᕐᒪᒍ, ᓄᓕᐊᖓ ᐃᕐᓂᕐᑖᓚᐅᕐᐳᖅ ᐋᑕᒥᐅᑉ ᐊᑎᖃᕐᑎᑉᐹ ᓰᑎᒥᒃ, ᐄᕕ ᐅᖃᓚᐅᕐᒪᑦ, “ᒎᑎᐅᑉ ᐃᕐᓂᕐᒥᒃ ᑐᓂᓯᕕᒋᕚᖓ ᐂᐱᓕ ᐃᓇᖏᕐᓗᒍ, ᑬᓂᐅᑉ ᑐᖁᓚᐅᕐᒪᒍ.”

ᐃᐱᓯᒥᐅᓄᑦ 2:3

ᑕᒪᑦᑕ ᐃᓚᒃ ᑍᑯᑎᑐᓇᖅ ᐃᓅᓯᒪᒐᑦᑕ ᐱᔪᒪᔭᑐᐃᓐᓇᕗᑦ ᐃᒃᐱᒋᔭᕗᓪᓗ ᒪᓕᒡᓗᒋᑦ, ᑎᒥᑦᑕᓗ ᐃᓱᒪᑦᑕᓗ ᐱᔪᒪᓕᑐᐃᓐᓇᕐᑕᖓᓂᒃ ᐊᑐᕐᐸᒃᓗᑕ, ᐃᓕᖅᑯᓯᑐᐃᓐᓇᖅ ᒪᓕᒡᓗᒍ ᑕᒤᓐᓂᒃ ᐊᑦᔨᖃᑐᐃᓐᓇᕐᓯᒪᕗᒍᑦ, ᑍᒤᑎᓪᓗᑕᓗ ᒎᑎᐅᑉ ᓂᓐᖓᐅᓯᖓᑕ ᕿᑐᕐᖓᕆᓚᐅᕐᐹᑎᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:39

ᑎᒥᖃᕐᑐᓕᒫᑦ ᐊᑦᔨᒌᖏᒻᒪᑕ; ᐃᓄᐃᑦ ᐊᑦᔨᒌᒥᒃ ᑎᒥᖃᕐᐳᑦ, ᐅᒫᔪᐃᑦ ᐊᑦᔨᒋᓐᖏᑕᖓᓂᒃ ᑎᒥᖃᕐᐳᑦ, ᑎᖕᒥᐊᓪᓗ ᐊᑦᔨᒋᓐᖏᑕᖓᓂᒃ ᑎᒥᖃᕐᐳᑦ, ᐃᖃᓗᐃᓪᓗ ᐊᑦᔨᒋᓐᖏᑕᖓᓂᒃ ᑎᒥᖃᕆᓪᓗᑎᒃ.

ᕉᒪᒥᐅᓄᑦ 5:12

ᑍᒤᒻᒪᑦ ᐊᔪᕐᓂᖅ ᓯᓚᕐᔪᐊᕐᒧᑦ ᑎᑭᓯᒪᕗᖅ ᐃᓄᒃᑯᑦ ᐊᑕᐅᓯᒃᑯᑦ, ᑐᖁᓗ ᑎᑭᓯᒪᓪᓗᓂ ᐊᔪᕐᓂᒃᑯᑦ. ᑍᒤᒻᒪᑦ ᑐᖁ ᐃᓄᓕᒫᓄᑦ ᑎᑭᓯᒪᕗᖅ, ᐃᓄᓕᒫᑦ ᐊᔪᕐᑐᓕᓯᒪᖕᒪᑕ.

ᔪᐊᓇᓯᐅᑉ ᐊᒡᓚᖏᑦ 3:6

ᑎᒥᒥᑦ ᐃᕐᓂᐊᖑᔪᖅ ᐃᓄᑐᐃᓐᓇᐅᕗᖅ ᑎᒥᖃᕐᓗᓂ, ᐊᓂᕐᓂᕐᒥᓪᓕ ᐃᕐᓂᐊᖑᔪᖅ ᐊᓂᕐᓂᒃᑯᑦ ᐃᓅᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᐃᓐᖏᕈᑎᑦ 51:5

ᓱᓕᔪᒥᒃ ᐊᔪᕐᑐᓕᓂᕐᒥ ᐃᕐᓂᐊᖑᓚᐅᕐᐳᖓ, ᐊᔪᕐᓂᕐᒥᓗ ᐊᓈᓇᒪ ᓇᑦᔨᐊᕆᓕᓚᐅᕐᐹᖓ.

ᔫᐱᐅᑉ ᐊᒡᓚᖏᑦ 25:4

ᖃᓄᕐᓕ ᐃᓄᒃ ᒎᑎᐅᑉ ᓵᖓᓂ ᐃᓱᐊᕐᓂᕋᕐᑕᐅᔪᓐᓇᕐᐹ? ᖃᓄᕐᓗ ᐊᕐᓇᒧᑦ ᐃᕐᓂᐊᖑᓯᒪᔪᖅ ᐃᑦᔪᕐᓁᑦᑑᔪᓐᓇᕐᐹ?

ᔫᐱᐅᑉ ᐊᒡᓚᖏᑦ 14:4

ᑭᓇ ᓴᓗᒪᔪᒥᒃ ᓴᖅᑭᑎᑦᓯᔪᓐᓇᕐᐹ ᓴᓗᒪᖏᑦᑐᒥᑦ? ᐃᓄᓕᒫᑦ ᐃᑦᔪᕐᓁᑦᑐᖃᖏᒻᒪᑕ.

ᓘᑲᓯᐅᑉ ᐊᒡᓚᖏᑦ 3:36

ᓮᓚ ᑬᓇᓂᐅᑉ ᐃᕐᓂᕆᕚ, ᑬᓇᓂ ᐊᕐᐹᒃᓴᑎᐅᑉ ᐃᕐᓂᕆᕚ, ᐊᕐᐹᒃᓴᑎ ᓰᒥᐅᑉ ᐃᕐᓂᕆᕚ, ᓰᒥ ᓄᐊᑉ ᐃᕐᓂᕆᕚ, ᓄᐊ ᓔᒥᑭᐅᑉ ᐃᕐᓂᕆᕚ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:49

ᓲᕐᓗᑦᑕᐅᖅ ᐃᑦᔪᒥᑦ ᓴᓇᔭᐅᓯᒪᔪᖅ ᐊᑦᔨᒋᒐᑦᑎᒍ, ᑍᒫᒃᑕᐅᖅ ᕿᓚᖕᒥᑦ ᐱᓯᒪᔪᖅ ᐊᑦᔨᒋᔪᒫᕆᕙᕗᑦ.

ᒨᓯᓯ ᓯᕗᓪᓖᑦ 5:2

ᑕᕝᕙ ᐱᓐᖑᕐᑎᓚᐅᕐᐹᒃ ᐊᖑᓪᓗ ᐊᕐᓇᕐᓗ, ᓮᒻᒪᕐᑎᓪᓗᒋᒡᓗ, ᑍᓪᓗᒋᒡᓗ “ᐃᓄᖕᓂᒃ.” ᐱᓐᖑᕐᑎᑕᐅᓯᒪᓕᕐᑎᓪᓗᒋᒃ.

ᒨᓯᓯ ᓯᕗᓪᓖᑦ 5:4

ᐋᑕᒥᓗ ᐃᓅᑎᓪᓗᒍ ᐃᕐᓂᕐᑖᓚᐅᕐᓗᓂ ᓰᑎᒥᒃ ᓱᓕ ᐃᓅᓚᐅᕐᐳᖅ ᐊᕐᕌᒍᓂᒃ 800ᓂᒃ: ᓱᓕᓗ ᐊᓯᖏᓐᓂᒃ ᐃᕐᓂᕐᑖᕐᑐᓚᐅᕐᐳᖅ ᐸᓂᒃᑖᕐᑐᕐᓗᓂᓗ.