ᒨᓯᓯ ᓯᕗᓪᓖᑦ 49:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑕᕝᕙ ᐱᖁᓪᓗᒋᑦ ᐅᖃᐅᑎᕔᑦ, “ᐃᓕᔭᐅᔭᕆᐊᖃᕐᐳᖓ ᐃᓅᖃᑎᒋᓚᐅᕐᑕᑦᑎᓐᓄᑦ; ᐃᓗᕕᓛᕐᐸᑦᓯᓐᖓ ᓯᕗᓕᕆᓚᐅᕐᑕᒪ ᐃᓗᕕᕐᑕᐅᕕᒋᓯᒪᔭᖓᓄᑦ ᕾᕈᓱᖕᒧᑦ ᐃᐸᕋᓂᐅᑉ ᕼᐃᑍᑎᒥᐅᑦ ᐱᕈᕐᓰᕕᖓᓄᑦ.

ᒨᓯᓯ ᓯᕗᓪᓖᑦ 49:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:15

ᐃᕝᕕᓪᓕ ᓯᕗᓕᕐᓄᑦ ᐂᔪᒫᕐᐳᑎᑦ ᓮᒪᓗᑎᑦ; ᐃᓗᕕᕐᑕᐅᔪᒫᕐᐳᑎᓪᓗ ᐃᓄᑐᖃᒻᒪᕆᐅᓕᕐᓗᑎᑦ.

ᒨᓯᓯ ᓯᕗᓪᓖᑦ 23:16

ᐂᑉᕋᕼᐋᒻᓗ ᐃᐸᕋᓐ ᐊᖏᖃᑎᒋᒐᒥᐅᒃ; ᐅᖁᒤᓐᓂᕐᓯᐅᑎᒃᑯᑦ ᐋᖅᑭᒃᓱᐃᓕᕐᐳᖅ ᐃᐸᕋᐅᑉ ᐊᑭᒋᖁᓪᓗᒋᑦ ᐅᖃᐅᓯᕆᖅᑲᐅᔭᖏᓐᓂᒃ ᓯᐅᓪᕕᕆᓂᒃ ᕼᐃᑍᑎᒥᐅᑦ ᑕᕝᕙᓃᑦᑐᑦ ᑐᓵᑎᓪᓗᒋᑦ, 400ᓂᒃ ᓯᐅᓪᕕᕆᓂᒃ, ᑍᑦᓱᒪᓂᐅᑎᓪᓗᒍ ᐅᖁᒤᓐᓂᕐᓯᐅᑕᐅᓪᓗᑎᒃ ᓂᐅᕕᕐᑎᑦᓯᕙᒃᑐᓂᑦ ᐊᑐᕐᑕᐅᕙᒃᑐᑦ ᐊᑐᕐᓗᒋᑦ.

ᒨᓯᓯ ᓯᕗᓪᓖᑦ 23:17

ᑍᒫᒃ ᑕᕝᕙ ᐃᐸᕋᓂᐅᑉ ᓄᓇᖁᑎᒋᓚᐅᕐᑕᖓ ᒪᒃ-ᐲᓚᒥᒃ ᐊᑎᓕᒃ ᒪᒻᕆᐅᑉ ᑕᓕᕐᐱᐊᓃᑦᑐᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ, ᐱᕈᕐᓰᕕᒃ ᕾᕈᓱᒡᓗ ᑕᕝᕙᓃᑦᑐᖅ ᐱᖃᓯᐅᑎᒋᓪᓗᒍ, ᓇᐹᕐᑐᐃᓪᓗ ᑕᒪᕐᒥᒃ ᐱᕈᕐᓰᕕᖕᒦᑦᑐᑦ, ᖃᓂᒋᔭᓕᒫᖓᓗ ᑐᓂᔭᐅᕗᖅ.

ᒨᓯᓯ ᓯᕗᓪᓖᑦ 23:20

ᑕᕝᕙ ᐱᕈᕐᓰᕕᒃ ᕾᕈᓱᒡᓗ ᑕᕝᕙᓃᑦᑐᖅ ᑐᓂᔭᐅᓚᐅᕐᐳᖅ ᐂᑉᕋᕼᐋᒻᒧᑦ, ᐃᓗᕕᕐᓯᕕᒃᓴᕐᑖᕆᓪᓗᒍ ᕼᐃᑍᑎᒥᐅᓂᑦ.

ᒨᓯᓯ ᓯᕗᓪᓖᑦ 23:9

ᐅᕙᓐᓄᑦ ᑐᓂᓯᖁᓪᓗᒍ ᒪᒃ-ᐲᓚᒥᒃ ᐊᑎᓕᖕᒥᒃ ᕾᕈᓱᖕᒥᒃ, ᑖᑦᓱᒪ ᐱᒋᖕᒪᒍ; ᐱᕈᕐᓰᕕᖁᑎᖓᑕ ᑭᒡᓕᖓᑕ ᐃᓱᐊᓃᑦᑐᖅ. ᐊᑭᖓ ᐃᓗᐃᑦᑑᓗᓂ ᓂᐅᕕᐊᕆᔭᐅᖁᓚᐅᕐᓯᐅᒃ ᐃᓕᑦᓯ ᑕᑯᓐᓇᕐᑎᓪᓗᓯ ᐃᓗᕕᕐᕕᒃᑖᕆᓂᐊᕋᒃᑯ.”

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 35:29

ᐂᓴᑭᓕ ᐊᓂᕐᓇᖏᕐᐳᖅ; ᑐᖁᒐᒥ ᐃᓚᒥᓄᑦ ᐅᑎᕐᐳᖅ, ᐃᑦᑐᐊᓘᓕᕐᓗᓂ; ᐃᕐᓂᖏᒃᑕᓗ ᐄᓴᐅᑉ ᔧᑰᓪᓗ ᐃᓗᕕᕐᐹ.

ᒨᓯᓯ ᓯᕗᓪᓖᑦ 47:30

ᓯᕗᓕᓐᓂᓕ ᐃᓗᕕᕐᓯᒪᖃᑕᐅᔪᒪᕗᖓ; ᐄᑦᔨᑉᑎᒥᑦ ᐊᐅᓪᓚᕈᑎᓗᖓ ᑍᒃᑯᐊ ᐃᓗᕕᕐᑕᐅᕕᒋᓯᒪᔭᖏᓐᓂ ᐃᓗᕕᕐᑕᐅᔪᒃᓴᐅᕗᖓ.” ᔫᓯᐱᐅᑉ ᑭᐅᕚ, “ᐅᖃᐅᓯᕆᔭᑎᑦ ᐊᑐᕐᓂᐊᕐᐸᒃᑲ.”

ᒨᓯᓯ ᓯᕗᓪᓖᑦ 49:28

ᑖᒃᑯᐊ ᑕᕝᕙ ᐃᓴᕆᐊᓕᐅᑉ ᑭᖑᕚᖏᑦ 12, ᐊᑖᑕᖓᑕᓗ ᑍᒫᒃ ᐅᖃᓪᓚᒡᕕᒋᓚᐅᕐᐰᑦ ᓮᒻᒪᕐᑎᓐᓇᒥᒋᑦ; ᑕᒪᕐᒥᒡᓗ ᓮᒻᒪᕐᑎᓚᐅᕐᐰᑦ ᐊᑐᓂᑦ ᐃᒻᒥᒃᑯᑦ ᐊᑐᒐᒃᓴᖏᓐᓂᒃ.

ᒨᓯᓯ ᓯᕗᓪᓖᑦ 49:33

ᔧᑰᓪᓗ ᐃᕐᓂᓂ ᐱᖁᔨᓂᕆᔭᒥᓂᒃ ᐅᖃᐅᑎᔭᕇᕋᒥᒋᑦ, ᐃᑎᒐᓂ ᐃᒡᓕᕐᒧᐊᕐᑎᑉᐰᑦ, ᐊᓂᕐᓇᒋᕐᓗᓂᓗ, ᐃᓚᓕᐅᑎᓪᓗᓂᓗ ᐃᓅᖃᑎᕕᓂᕐᒥᓄᑦ.

ᒨᓯᓯ ᓯᕗᓪᓖᑦ 50:12

ᑕᕝᕙᓂ ᔧᑰᑉ ᐃᕐᓂᖏᑦ ᐱᓇᓱᐊᓚᐅᕐᐳᑦ ᐊᑖᑕᖓᑕ ᐱᓇᓱᐊᕐᑕᐅᖁᓚᐅᕐᑕᖏᓐᓂᒃ ᑖᑦᓱᒧᖓ;

ᒨᓯᓯ ᓯᕗᓪᓖᑦ 50:13

ᐃᕐᓂᖏᑕᓗ ᐊᒡᔭᕐᐹᑦ ᓄᓇᒧᑦ ᑬᓇᓂᒧᑦ, ᐃᓗᕕᕐᓗᒍᓗ ᕾᕈᓱᖕᒧᑦ ᓇᑎᕐᓇᒥ ᒪᒃ-ᐲᓚᒦᑦᑐᒧᑦ, ᒪᒻᕆᐅᑉ ᐅᖓᑖᓃᑦᑐᒧᑦ, ᑖᓐᓇ ᐂᑉᕋᕼᐋᒻ ᓂᐅᕕᐊᕆᓚᐅᕐᑕᖓ ᐱᕈᕐᓰᕕᒃ ᐱᖃᓯᐅᑎᓪᓗᒍ ᐃᐸᕋᓐᒥᑦ ᕼᐃᑍᑎᒥᐅᑕᕐᒥᑦ, ᐃᓗᕕᕐᓯᕕᒃᓴᐅᖁᓪᓗᒍ.

ᓴᒧᐃᓕ ᐂᑉᐸᖏᑦ 19:37

ᐊᖏᕐᕋᕈᓐᓇᕐᑎᓐᓂᐊᕐᐸᕐᒪ ᑐᖁᖁᓪᓗᖓ ᐊᖓᔪᖅᑳᒪ ᐃᓗᕕᖏᑕ ᓴᓂᐊᓂ, ᐅᓇ ᑕᕝᕙ ᐃᕐᓂᕋ ᓯᒻᕼᐋᒻ, ᐃᓕᖕᓂᒃ ᐱᔨᑦᓯᕈᓐᓇᕐᑐᖅ; ᐱᖃᑎᒋᓚᐅᕈᒃ ᐊᖓᔪᖅᑳᒃ, ᐱᓂᐊᕐᕕᒋᓗᒍᓗ ᓈᒻᒪᒐᓱᒋᔭᕐᓂᒃ ᑖᑦᓱᒧᖓ.”

ᐄᑉᕈᐃᓄᑦ 12:23

ᑕᒪᓐᓇ ᐅᐸᒃᑕᓯ ᒎᑎᐅᑉ ᐊᖓᔪᒃᓕᕐᐹᖁᑎᖏᑕ ᑲᑎᒪᕕᖓ, ᑕᕝᕙᓃᑦᑐᓪᓗ ᐊᑎᖏᑦ ᑎᑎᕋᕐᓯᒪᕗᑦ ᕿᓚᖕᒥ, ᒎᑎᒧᓪᓗ ᑎᑭᑉᐳᓯ, ᑕᒤᓐᓂᒃ ᐃᖅᑲᕐᑐᐃᔪᒧᑦ, ᐃᓄᐃᓪᓗ ᓇᓛᒎᕐᑐᑦ ᐊᓂᕐᓂᖏᑕ ᓈᒻᒪᒃᓯᑎᑕᐅᕕᖏᓐᓄᑦ,