ᒨᓯᓯ ᓯᕗᓪᓖᑦ 49:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᐊᑖᑕᕕᑦ ᒎᑎᖓᑕ ᐃᑲᔪᕈᒫᕐᐹᑎᑦ, ᐊᔪᒐᖃᖏᑦᑑᓪᓗ ᑖᑦᓱᒪ ᒎᑎᐅᑉ ᓮᒻᒪᕐᑎᑦᓱᒫᕐᐹᑎᑦ ᓮᒻᒪᕐᑎᑦᓯᓂᕐᒧᑦ ᕿᓚᖕᒥᑦ ᖁᑦᓯᒃᑐᒥᑦ ᐱᔪᒧᑦ, ᓮᒻᒪᕐᑎᑦᓯᓂᕐᒧᑦ ᐃᑎᔪᒧᑦ ᐃᓗᐊᓂ ᐃᑎᔪᒥ ᐃᓂᖃᕐᑐᒧᑦ, ᓮᒻᒪᕐᑎᑦᓯᓂᕐᒧᑦ ᐃᕕᐊᖏᕐᓂᑦ ᐃᒡᓕᐊᕐᓂᓪᓗ ᐱᔪᒧᑦ.

ᒨᓯᓯ ᓯᕗᓪᓖᑦ 49:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 27:28

ᒎᑎᐅᑉ ᑐᓂᓯᕕᒋᓕᑎᑦ ᕿᓚᐅᑉ ᖃᐅᓯᕐᑎᑦᓯᓂᖓᓂᒃ, ᓄᓇᒥᒡᓗ ᐊᔪᕐᓴᕐᓇᖏᑦᑐᒥᒃ, ᐊᒥᒐᖏᑦᑐᓂᒡᓗ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ,

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 28:21

ᐅᑎᕐᒥᒍᒪᓗ ᖃᓄᐃᖏᓪᓗᖓ ᐊᑕᑕᒪ ᐊᖏᕐᕋᖓᓄᑦ, ᑕᕝᕙ ᐊᑕᓂᖅ ᒎᑎᒋᔪᒫᕐᐸᕋ.

ᒨᓯᓯ ᓯᕗᓪᓖᑦ 28:3

ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ.

ᒨᓯᓯ ᓯᕗᓪᓖᑦ 32:9

ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᒨᓯᓯ ᓯᕗᓪᓖᑦ 35:11

ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 35:3

ᑕᕝᕙᓐᖓᑦ ᐊᐅᓪᓚᕐᓂᐊᓕᕋᑦᑕ ᐱᑎᓕᒧᓐᖓᐅᓗᑕ, ᑍᑲᓂ ᑐᓂᕐᕈᓯᕐᕕᓕᐅᕐᓂᐊᕋᒪ ᒎᑎᒧᑦ ᐅᕙᓐᓂᒃ ᑐᓴᓚᐅᕐᑐᒧᑦ ᐃᓱᒪᔮᕐᓇᕐᑐᒦᑎᓪᓗᖓ ᐅᕙᓐᓂᒡᓗ ᐃᓚᕾᓐᓇᖃᑦᑕᕐᑐᒧᑦ ᓇᒧᓐᖓᕋᓗᐊᕌᖓᒪ.”

ᒨᓯᓯ ᓯᕗᓪᓖᑦ 43:23

ᑖᓐᓇ ᑭᐅᕗᖅ, “ᐃᓱᒫᓗᖏᓪᓗᓯ, ᓯᕘᕋᓂᐊᕋᓯ; ᒎᑎᑦᓯ ᐊᑖᑕᑦᓯᓗ ᒎᑎᖓᑦᑕ ᐃᒻᒪᖄ ᑮᓇᐅᔭᓯ ᐃᒃᐱᐊᕐᔪᖁᑎᑦᓯᓐᓄᐊᕐᓂᕐᐰᑦ; ᐊᑭᓕᐅᑎᒋᓚᐅᕐᑕᓯ ᑮᓇᐅᔧᑦ ᐱᓯᒪᕙᒃᑲ.” ᑕᕝᕙ ᓯᒥᐅᓂ ᑖᒃᑯᓄᓐᖓᐅᑎᕚ.

ᒨᓯᓯ ᓯᕗᓪᓖᑦ 48:3

ᔧᑰᓪᓗ ᔫᓯᐱ ᐅᖃᐅᑎᕚ, “ᒎᑎ ᐊᔪᒐᖃᖏᑦᑐᖅ ᐅᕙᓐᓄᑦ ᓴᖅᑭᓚᐅᕐᒪᑦ ᓄᓇᒥ ᓚᔾᒥ ᑬᓇᓂᐅᑉ ᓄᓇᖓᓂ ᓮᒻᒪᕐᑎᓚᐅᕐᐹᖓᓗ,

ᐃᓐᖏᕈᑎᑦ 84:11

ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.

ᐃᓐᖏᕈᑎᑦ 85:12

ᐄᓛᒃ ᐊᑕᓂᖅ ᐱᐅᔪᒥᒃ ᑐᓂᓯᓂᐊᕐᐳᖅ, ᑕᕝᕙ ᓄᓇᕗᑦ ᐱᕈᕐᑎᑦᓯᓂᐊᕐᐳᖅ ᐱᕈᕐᑐᒥᓂᒃ.

ᒨᓯᓯ ᐂᑉᐸᖏᑦ 18:4

ᐂᑉᐸᖓᑕᓕ ᐊᑎᖓ ᐃᓕᓵᐅᕗᖅ, (ᐃᓔᓯᕆᒥᒃ ᐊᑦᑎᕋᒥᐅᒃ ᒨᓯᓯ ᐅᖃᓚᐅᕐᐳᖅ, “ᓯᕗᓕᕆᓚᐅᕐᑕᒪ ᒎᑎᖓ ᐃᑲᔪᕐᑎᒋᕙᕋ, ᑖᑦᓱᒪᓗ ᓴᐳᑎᓪᓗᖓ ᐰᕉᑉ ᓴᕕᒃᔪᐊᖓᓂᑦ”).

ᒫᑎᐅᓯᐅᑉ ᐊᒡᓚᖏᑦ 6:33

ᒎᑎᐅᑉ ᐊᑕᓂᐅᕕᖓ ᐱᓇᓱᐊᖅᑳᕐᓯᐅᒃ, ᐱᓂᐊᕐᑕᐅᖁᔭᖓ ᓯᕗᓪᓕᐅᑎᓗᒍ, ᑕᕝᕙ ᑕᒪᒃᑯᓂᖓ ᑕᒤᓐᓂᒃ ᐱᔭᕆᐊᖃᕐᑕᑦᓯᓐᓂᒃ ᑐᓂᓯᕕᒋᓂᐊᕐᐹᓯ.

ᐃᐱᓯᒥᐅᓄᑦ 1:3

ᓂᕐᑐᕐᑕᐅᓕ ᒎᑎ ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐊᑖᑕᖓ! ᑖᑦᓱᒪ ᙭ᔅᑑᓯᒥ ᐊᓂᕐᓂᒃᑯᑦ ᓮᒻᒪᕐᑎᑕᐅᔪᑕᐅᔪᓐᓇᕐᑐᓂ ᑕᒤᓐᓂᒃ ᐱᑎᓚᐅᕐᐹᑎᒍᑦ, ᕿᓚᖕᒥᐅᑍᑦ ᓇᔪᕐᑕᖏᓐᓂᒃ ᙭ᔅᑑᓯᒥᐅᑕᐅᓂᑦᑎᓐᓄᑦ.

ᒨᓯᓯ ᑕᓪᓕᒪᖏᑦ 33:1

ᐅᑯᐊ ᑕᕝᕙ ᒨᓯᓯᐅᑉ ᒎᑎᐅᑉ ᐃᓄᖁᑎᖓᑕ ᓮᒻᒪᕐᑎᑦᓯᑦᔪᑎᒋᓚᐅᕐᑕᖏᑦ, ᐃᓴᕆᐊᓕᒥᐅᓄᑦ ᑐᖁᓚᐅᖅᑳᕋᓂ.

ᒨᓯᓯ ᑕᓪᓕᒪᖏᑦ 8:17

ᑍᒤᒻᒪᑦ ᐃᓱᒪᔪᒃᓴᐅᓐᖏᓚᑎᑦ ᐃᓕᖕᓂᒃ ᓇᖕᒥᓂᖅ ᐊᔪᕐᓴᕈᓐᓁᕐᑎᓯᒪᓇᓱᒋᓗᑎᑦ ᐱᔪᓐᓇᕐᓂᕐᓄᑦ ᓴᓐᖏᓂᕐᓄᓪᓗ.

ᐱᓕᐱᒥᐅᓄᑦ 4:19

ᒎᑎᒪᓗ ᑐᓂᓯᕕᒋᓂᐊᕐᐹᓯ ᑭᓐᖒᒪᒋᔭᓕᒫᑦᓯᓐᓂᒃ ᐊᔪᕐᓴᓐᖏᕐᑐᔪᐊᖑᓂᕐᒥᓂᑦ ᐱᓐᓇᕐᓇᕐᑐᕐᔪᐊᒥᑦ ᙭ᔅᑑᓯ ᔩᓱᓯᒥ.

ᑎᒧᑎᒧᑦ ᓯᕗᓪᓖᑦ 4:8

ᑎᒥᒃᑯᑦ ᐱᔭᕆᐅᕐᓴᕐᓂᖅ ᐊᑐᕐᓇᕐᓂᖃᕋᓗᐊᕐᐳᖅ, ᐅᒃᐱᕐᓂᒃᑯᓪᓕ ᐱᔭᕆᐅᕐᓴᕐᓂᖅ ᖃᓄᓕᒫᖅ ᐊᑐᕐᓇᕐᓂᖃᕐᐳᖅ, ᐊᖏᕈᑕᐅᓯᒪᖕᒪᑦ ᒫᓐᓇᒧᑦ ᐊᑐᕐᑐᒥᒃ ᓯᕗᓂᕐᒥᓗ ᐊᑐᕈᒫᕐᑐᒥᒃ.