ᒨᓯᓯ ᓯᕗᓪᓖᑦ 48:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓄᓇᒥᓪᓕ ᐸᑖᓐᒥᑦ ᑎᑭᓐᓇᒪ, ᕅᒋᓕ ᑐᖁᓚᐅᕐᐳᖅ ᓴᓂᐊᓂ ᓇᔫᑎᑎᓪᓗᖓ ᓄᓇᒥ ᑬᓇᓂᒥ, ᐃᖏᕐᕋᑎᓪᓗᑕ ᓄᓇ ᐃᐸᕋᑕ ᓱᓕ ᐅᖓᓯᒋᓪᓗᑎᒍ ᑍᑯᓐᖓᕐᐸᓪᓕᐊᓕᕐᓗᑕ; ᑕᕝᕙᓂᓗ ᐃᓗᕕᓚᐅᕐᐸᕋ ᐃᐸᕋᑕᓕᐊᕆᐊᒥ ᐊᖅᑯᒻᒥ (ᑕᕝᕙ ᐱᑦᓕᐊᒥ).”

ᒨᓯᓯ ᓯᕗᓪᓖᑦ 48:7 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 25:20

ᐂᓴᑭ ᓄᓕᐊᓂᓚᐅᕐᐳᖅ ᕇᐱᑲᒥᒃ ᐊᕐᕌᒍᖃᓕᕐᓗᓂ 40ᓂᒃ, ᐱᑐᐃᓕᐅᑉ ᐸᓂᖓᓂᒃ ᐊᕋᒥᐊᒥᐅᑕᒥᒃ ᓄᓇᒥᑦ ᐸᑖᓐ-ᐊᕌᒻᒥ, ᓔᐸᓂᐅᑉ ᓇᔭᖓᓂᒃ ᐊᕋᒥᐊᒥᐅᑕᐅᑉ.

ᒨᓯᓯ ᓯᕗᓪᓖᑦ 33:18

ᔧᑯᓗ ᖃᓄᐃᖏᑦᓯᐊᕐᓗᓂ ᑎᑭᓚᐅᕐᐳᖅ ᐃᒡᓗᒐᓴᖕᓄᑦ ᓯᑭᒻᒥᒃ ᐊᑎᓕᖕᓄᑦ, ᑬᓇᓂᐅᑉ ᓄᓇᖓᓃᑦᑐᒧᑦ, ᐸᑖᓐ-ᐊᕌᒻᒥᑦ ᐱᓪᓗᓂ; ᐃᒡᓗᒐᓮᓪᓗ ᖃᓂᒋᔮᓂ ᑕᖕᒫᕐᑎᓚᐅᕐᐳᖅ.

ᒨᓯᓯ ᓯᕗᓪᓖᑦ 35:20

ᑕᕝᕙᓂᓗ ᔧᑯ ᐃᖅᑲᐅᒪᑦᔪᑎᒃᓴᒥᒃ ᐃᓗᕕᖓᑕ ᓇᑉᐸᖅᑯᑎᖓᓂᒃ ᓇᑉᐸᕐᓯᕗᖅ, ᐅᓪᓗᒥᒧᓪᓗ ᓱᓕ ᑎᑭᓪᓗᒍ ᑖᓐᓇ ᕅᒋᓕᐅᑉ ᐃᓗᕕᖓᑕ ᓇᑉᐸᖅᑯᑎᒋᕚ.

ᒨᓯᓯ ᓯᕗᓪᓖᑦ 35:9

ᒎᑎᐅᓪᓕ ᔧᑯ ᓴᖅᑭᕝᕕᒋᒃᑲᓐᓂᕐᐹ, ᐅᑎᕐᓯᒪᓕᕐᑎᓪᓗᒍ ᐸᑖᓐ-ᐊᕋᓐᒥᑦ ᓮᒻᒪᕐᑎᓪᓗᒍᓗ.

ᒨᓯᓯ ᓯᕗᓪᓖᑦ 48:6

ᐃᕐᓂᕐᑖᕆᔪᒫᕐᑕᑎᓪᓕ ᑖᒃᑯᐊᒃ ᑭᖑᕐᖓᓂ ᓇᖕᒥᓂᕐᑖᕆᔪᒫᕐᐸᑎᑦ; ᑍᔭᐅᔪᒫᕐᐳᓪᓗ ᖃᑕᓐᖑᑎᖏᑎᑐᑦ ᑭᖑᕐᖑᑦᔨᔪᒃᓴᐅᖁᓪᓗᒋᑦ ᑖᒃᑯᖕᓇᓐᖓᑦ.

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 2:18

“ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕕᒃᔪᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᖅ ᕿᑐᕐᖓᖏᑦ ᓄᖑᑕᐅᖕᒪᑕ.”

ᕉᑎᐅᑉ ᐅᓂᒃᑲᐅᓯᓂᖓ 1:2

ᑖᓐᓇᓕ ᐃᓔᒥᓕᒃ ᐃᕗᕅᑎᐅᑉ ᑭᖑᕚᖏᑕ ᐃᓚᖓᑦ ᓄᓕᐊᖃᓚᐅᕐᐳᖅ ᓁᐅᒥᒥ, ᐃᕐᓂᖏᒃ ᒪᕐᕉᒃ ᐊᑎᖃᕐᐴᒃ ᒪᕼᐊᓚᓐ ᐊᒻᒪ ᓯᓕᐅᓐ; ᐃᕗᕅᑎᒥᐅᖑᕗᑦ ᓄᓇᖃᕐᓗᑎᒃ ᐱᑦᓕᐊᒥ ᔫᑕᒦᑐᒥ. ᑖᒃᑯᐊ ᐃᓚᒌᑦ ᒧᐊᐱᒥᐅᑦ ᓄᓇᖓᓄᐊᓚᐅᕐᐳᑦ ᑕᕝᕙᓃᓕᕐᓗᑎᒡᓗ.

ᓴᒧᐃᓕ ᓯᕗᓪᓖᑦ 1:1

ᐊᖑᑎᑕᖃᓚᐅᕐᐳᖅ ᐃᐅᓪᑳᓇᒥᒃ ᐊᑎᓕᖕᒥᒃ, ᐃᕗᕅᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ, ᓄᓇᖃᕐᐳᖅ ᓄᓇᓕᖕᓂ ᕋᒪᑍᒻ-ᔫᐱᒻᒥ ᖃᖅᑲᓂ ᐃᕗᕅᑎᒥ, ᔨᕈᕼᐋᒻ ᐃᕐᓂᖓ ᐃᕐᖑᑕᕆᔭᐅᓪᓗᓂᓗ ᐃᓕᕼᐅᒧᑦ, ᑐᕼᐆᑉ ᐃᓚᖏᓐᓄᑦ ᐃᓚᒋᔭᐅᓪᓗᓂ, ᔪᐸᒃᑯᑦ ᐃᓚᖏᑕ ᐃᓚᖏᓐᓄᑦ ᐃᕗᕅᒥᐅᓄᑦ.

ᓴᒧᐃᓕ ᓯᕗᓪᓖᑦ 10:2

ᐅᓪᓗᒥ ᕿᒪᒃᑯᕕᖓ, ᑲᑎᓯᓂᐊᕐᐳᑎᑦ ᐊᖑᑏᖕᓂᒃ ᒪᕐᕉᖕᓂᒃ ᕅᒋᓕᐅᑉ ᐃᓗᕕᐊᑕ ᓴᓂᐊᓂ ᔨᐅᓪᔭᒥ ᐱᓐᔭᒥᓂᐅᑉ ᓄᓇᖓᓂ, ᐅᖃᐅᑦᔭᐅᓂᐊᕐᐳᑎᓪᓗ, ‘ᑍᒃᑯᐊ ᓯᐅᑎᖅᑯᕐᑐᔪᑦ ᕿᓂᓚᐅᕐᑕᑎᑦ ᓇᓂᔭᐅᓯᒪᓂᖏᓐᓂᒃ, ᐊᑖᑕᕕᓪᓗ ᐃᓱᒫᓗᒋᔪᓐᓃᕋᒥᒋᑦ ᐃᓕᖕᓂᖔᖅ ᐃᓱᒫᓗᓕᕐᐳᖅ, ᐅᕾᓐᓇᓕᕐᓗᓂᓗ, “ᖃᓄᐃᓕᐅᕐᑐᒃᓴᐅᕗᖓᓕ ᐃᕐᓂᓐᓄᑦ?”’

ᓴᒧᐃᓕ ᓯᕗᓪᓖᑦ 16:4

ᓴᒧᐃᓕ ᑕᕝᕙ ᐱᓇᓱᐊᕐᐳᖅ ᐊᑕᓂᐅᑉ ᐱᖁᔨᑦᔪᑎᒋᔭᖓᓂᒃ, ᐱᑦᓕᐊᒧᓪᓗ ᐂᓪᓗᓂ. ᐃᒡᓗᒐᓮᓪᓗ ᐊᖓᔪᖅᑳᖏᑦ ᓴᔪᒃᐳᑦ ᑎᑭᓐᓂᖓᓂᒃ, ᐅᖃᕐᓗᑎᒡᓗ, “ᓮᒪᓂᒃᑯᑦ ᑎᑭᑉᐲᑦ?”

ᓴᒧᐃᓕ ᓯᕗᓪᓖᑦ 17:12

ᑍᕕᑎ ᐃᕐᓂᕆᔭᐅᕗᖅ ᐃᕗᕅᒥᐅᑕᕐᒧᑦ ᐱᑦᓕᐊᒥ ᔫᑕᒦᑦᑐᒥ, ᔨᓯᒥᒃ ᐊᑎᓕᖕᒧᑦ, ᑖᓐᓇ ᐃᕐᓂᖃᕐᐳᖅ ᓯᑕᒪᐅᔪᕐᑐᓂᒃ. ᐃᓄᑐᖃᐅᓕᕐᐳᖅ ᐊᕐᕌᒍᖃᓕᕐᓗᓂᓗ ᐅᓄᕐᑐᓂᒃ, ᑍᑦᓱᒪᓂ ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ.