ᒨᓯᓯ ᓯᕗᓪᓖᑦ 47:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᔧᑯᓗ ᐅᖃᕐᐳᖅ, “ᐊᖏᒻᒪᕆᒡᕕᒋᓕᓐᖓ”; ᑕᕝᕙ ᔫᓯᐱ ᐊᖏᒻᒪᕆᒃᐳᖅ ᑖᑦᓱᒧᖓ. ᐃᓴᕆᐊᓕᐅᓪᓗ ᓂᐊᖁᓂ ᐅᑯᕚ ᓇᓪᓚᖓᕕᖕᒥᓂ.

ᒨᓯᓯ ᓯᕗᓪᓖᑦ 47:31 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:23

ᑍᒤᒻᒪᑦ ᐊᖏᒻᒪᕆᒃᓗᑎᑦ ᐅᖃᕕᓚᐅᕆᑦ ᒎᑎᐅᑉ ᓵᖓᓂ ᓇᓗᓁᕐᓯᓗᑎᑦ ᐅᕙᓐᓄᑦ ᓱᓕᖏᓐᓂᒃᑯᑦ ᐱᓂᐊᖏᓐᓂᕋᕐᓗᑎᑦ, ᕿᑐᕐᖓᓐᓄᓪᓘᓐᓃᑦ, ᐃᓕᖕᓄᑦ ᐱᑦᓯᐊᕐᓯᒪᒐᒪ, ᑍᒫᑦᓮᓐᓇᖅ ᐱᓇᓱᐊᕐᕕᒋᓚᐅᓐᖓ, ᓄᓇᑦᑎᓐᓄᓪᓗ ᑕᒪᐅᖓᓗ ᓇᔪᕐᑕᕐᓄᑦ.”

ᒨᓯᓯ ᓯᕗᓪᓖᑦ 21:24

ᐂᑉᕋᕼᐋᒻᓗ ᐅᖃᕐᐳᖅ, “ᐅᖃᕕᒃᓗᖓ ᐊᖏᕐᓂᐊᕐᐳᖓ.”

ᒨᓯᓯ ᓯᕗᓪᓖᑦ 24:2

ᐂᑉᕋᕼᐋᒻ ᐱᔨᒥᓄᑦ ᐅᖃᕐᐳᖅ, ᐃᒡᓗᒥᓂ ᐊᖓᔪᒃᓯᕐᐹᒧᑦ, ᐱᖁᑎᓕᒫᖏᓐᓄᑦ ᑕᒤᓐᓄᑦ ᐊᖓᔪᖅᑲᐅᔪᒧᑦ, “ᐊᒡᒐᑎᑦ ᖁᒃᑐᕋᕐᒪ ᐊᑯᓐᓂᖓᓄᐊᓚᐅᒃᑭᑦ.

ᒨᓯᓯ ᓯᕗᓪᓖᑦ 24:26

ᐊᖑᑎᐅᓪᓗ ᓂᐊᖁᓂ ᐅᑯᓪᓗᒍ ᐊᑕᓂᖅ ᑐᒃᓯᐊᕐᕕᒋᕚ,

ᒨᓯᓯ ᓯᕗᓪᓖᑦ 24:3

ᐅᖃᕕᒃᑎᓐᓂᐊᕋᒃᑭᑦ ᐊᑕᓂᐅᑉ ᐊᑎᖓᓂ ᕿᓚᐅᑉ ᓄᓇᐅᓪᓗ ᒎᑎᖓᓄᑦ, ᐃᕐᓂᕐᒪ ᓄᓕᐊᒃᓴᖓᓂᒃ ᓂᕈᐊᖁᓇᒃ ᑬᓇᓂᒥᐅᑦ ᐸᓂᖓᓐᓂᒃ ᓄᓇᖅᑲᑎᖏᔭᓐᓂᒃ.

ᒨᓯᓯ ᓯᕗᓪᓖᑦ 31:53

ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᒨᓯᓯ ᓯᕗᓪᓖᑦ 47:29

ᐃᓴᕆᐊᓕᐅᓪᓕ ᐃᓅᓯᖓᑦ ᐃᓱᓕᓕᕐᒪᑦ, ᐃᕐᓂᓂ ᔫᓯᐱ ᕾᖁᓪᓗᒍ ᐅᖃᐅᑎᕚ, “ᐃᓕᖕᓄᑦ ᖁᕕᐊᒋᔭᐅᒍᒪ, ᐊᒡᒐᑎᑦ ᖁᒃᑐᕋᕐᒪ ᐊᑖᓄᐊᓚᐅᒃᑭᑦ, ᐅᖃᕕᒡᓗᑎᓪᓗ ᑲᔪᓯᑦᓯᐊᕐᓗᑎᑦ ᓱᓕᓂᐊᕐᓂᕋᕐᓗᑎᑦ ᐅᕙᓐᓄᑦ. ᐄᑦᔨᑉᑎᒥ ᐃᓗᕕᕐᓂᐊᕐᓇᖓ,

ᒨᓯᓯ ᓯᕗᓪᓖᑦ 50:25

ᑕᕝᕙ ᔫᓯᐱ ᐅᖃᕕᖁᔨᕗᖅ ᐃᓴᕆᐊᓕᐅᑉ ᑭᖑᕚᖏᓐᓂᒃ, ᐅᖃᕐᓗᓂ, “ᒎᑎᐅᑉ ᑎᑭᕝᕕᒋᔪᒫᕐᒪᓯ, ᑕᕝᕙ ᓴᐅᓂᒃᑲ ᓇᒃᓴᕆᐊᖃᕈᒫᕐᐸᓯ ᑕᒫᓐᖓᑦ ᐊᐅᓪᓚᓕᕈᑦᓯ.”

ᒨᓯᓯ ᓯᕗᓪᓖᑦ 50:5

ᐊᑖᑕᒪ ᐊᖏᒻᒪᕆᒃᑎᓚᐅᕐᒪᖓ, ᐅᖃᐅᑎᓪᓗᓂᖓ, ‘ᑐᖁᔭᕆᐊᒃᓯᒐᒪ: ᐃᓗᕕᕐᑕᐅᔪᒪᔪᖓ ᐃᓗᕕᖃᕐᕕᓕᐊᕆᓯᒪᔭᓐᓂ ᓄᓇᒥ ᑬᓇᓂᒥ, ᑍᑲᓂ ᐃᓗᕕᕐᑕᒃᓴᕆᕙᕐᒪ.’ ᒫᓐᓇ ᑍᒤᒻᒪᑦ ᐱᔪᓐᓇᕐᑎᓚᐅᓐᖓ, ᑕᑉᐸᐅᖓ ᐊᑖᑕᒐ ᐃᓗᕕᕆᐊᕐᑐᕐᓂᐊᕋᒃᑯ; ᑕᒪᐅᖓᓗ ᐅᑎᓛᕆᕗᖓ.”

ᐊᑕᓃᑦ ᓯᕗᓪᓖᑦ 1:47

ᓱᓕᓗ, ᐊᖓᔪᖅᑳᕐᔪᐊᑉ ᐱᔨᖏᑦ ᐅᐱᒍᓱᒋᐊᕐᑐᕐᓯᒪᕗᑦ ᐊᑕᓂᕐᒥᒃ ᐊᖓᔪᖅᑳᕐᔪᐊᑦᑎᓐᓂᒃ ᑍᕕᑎᒥᒃ, ᐅᖃᕐᓗᑎᒃ, ‘ᒎᑎᕕᑦ ᓲᓗᒨᓂᐅᑉ ᐊᑎᖓ ᐃᓕᖕᓂᑦ ᖃᐅᔨᒪᔭᐅᓂᕐᓴᐅᑎᓪᓕᐅᒃ, ᐊᐅᓚᑦᓯᓂᖓᓗ ᐊᔪᖏᓐᓂᕐᓴᐅᑎᓪᓕᐅᒃ ᐊᐅᓚᑦᓯᓂᕆᓚᐅᕐᑕᕐᓂᑦ.’ ᐊᖓᔪᖅᑳᕐᔪᐊᕐᓗ ᐅᑯᕗᖅ ᐅᐱᒍᓱᒡᓗᓂ ᐃᒡᓕᕐᒥᓃᓪᓗᓂ.

ᐄᑉᕈᐃᓄᑦ 11:21

ᔧᑯ ᐅᒃᐱᕐᓂᑯᑦ, ᓮᒻᒪᕐᑎᑦᓯᓚᐅᕐᐳᖅ ᔫᓯᐱᐅᑉ ᐃᕐᓂᖏᖕᓂᒃ ᒪᕐᕉᖕᓂᒃ ᑐᖁᑐᐃᓐᓇᕆᐊᖃᓕᕐᓗᓂ, ᐊᔭᐅᑉᐱᐊᓂ ᐊᔭᑉᐸᒡᕕᒋᓪᓗᓂᐅᒃ ᐅᑯᓪᓗᓂ ᑐᒃᓯᐊᓚᐅᕐᐳᖅ.