ᒨᓯᓯ ᓯᕗᓪᓖᑦ 47:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᔫᓯᐱᓗ ᑕᒤᓐᓂᒃ ᑮᓇᐅᔭᓂᒃ ᐄᑦᔨᑉᑎᒥᑦ ᑬᓇᓂᒥᓪᓗ ᓂᐅᕕᕈᑕᐅᔪᓕᒫᓂᒃ ᑕᒤᓐᓂᒃ ᑲᑎᕐᓱᐃᓚᐅᕐᐳᖅ, ᓂᐊᖂᔭᒃᓴᓄᑦ ᓂᐅᕕᐅᑕᐅᓯᒪᔪᓂᒃ; ᑖᒃᑯᐊᓗ ᔫᓯᐱᐅᑉ ᑮᓇᐅᔧᑦ ᐰᕉᑉ ᐃᒡᓗᖓᓄᐊᕈᑎᕔᑦ.

ᒨᓯᓯ ᓯᕗᓪᓖᑦ 47:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:56

ᓄᓇᓂᓕ ᓇᓂᓕᒫᖅ ᑳᖕᓇᕐᑐᕐᔪᐊᖅ ᓯᐊᒻᒪᕐᐸᓪᓕᐊᓕᕐᒪᑦ, ᔫᓯᐱᐅᑉ ᓂᕿᒃᓴᒃᑯᕕᐅᔪᑦ ᑕᒪᕐᒥᒃ ᒪᑐᐃᕐᓚᐅᕐᐰᑦ, ᓂᐅᕐᕈᑎᒋᖃᑦᑕᓕᕐᓗᒋᓪᓗ ᐄᑦᔨᑉᑎᒥᐅᓄᑦ, ᓄᓇᒥ ᐄᑦᔨᑉᑎᓕᒫᒥ ᑳᖕᓇᕐᑐᕐᔪᐊᖅ ᓇᓪᓕᐅᑎᓯᒪᓕᓚᐅᕐᒪᑦ.

ᒨᓯᓯ ᓯᕗᓪᓖᑦ 41:57

ᓱᓕᑦᑕᐅᖅ, ᓄᓇᕐᔪᐊᕐᒥᐅᓕᒫᑦ ᐄᑦᔨᑉᑎᒧᐊᖃᑦᑕᓕᓚᐅᕐᐳᑦ ᔫᓯᐱᒧᐊᕐᓗᑎᒃ ᓂᐊᖂᔭᒃᓴᒥᒃ ᓂᐅᕕᕆᐊᕐᓗᑎᒃ, ᓄᓇᕐᔪᐊᓕᒫᒥ ᑳᖕᓇᕐᑐᕐᔪᐊᖃᓕᓚᐅᕐᒪᑦ ᓇᓂᑐᐃᓐᓇᓕᒫᖅ.

ᒨᓯᓯ ᓯᕗᓪᓖᑦ 47:15

ᐄᑦᔨᑉᑎᐅᓪᓕ ᓄᓇᖓᓂ ᑬᓇᓂᐅᓪᓗ ᓄᓇᖓᓂ ᑮᓇᐅᔧᕈᑎᓕᕋᒥᒃ, ᐄᑦᔨᑉᑎᒥᐅᑦ ᑕᒪᕐᒥᒃ ᔫᓯᐱᒧᐊᕐᐳᑦ ᐅᖃᕐᓗᑎᒡᓗ, “ᓂᕿᒃᓴᑦᑎᓐᓂᒃ ᑐᓂᓯᕕᒋᓚᐅᕐᑎᒍᑦ; ᓱᖕᒪᑦ ᓵᖕᓂ ᐱᕐᓕᕐᑐᒃᓴᐅᕕᑖ? ᑮᓇᐅᔧᕈᑎᒐᑦᑕ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 11:26

ᓂᐊᖂᔭᒃᓴᓂᒃ ᑭᓯᕐᖔᕐᓯᔪᖅ ᐃᓱᒪᓂᕐᓗᒡᕕᐅᓕᕐᓂᐊᕐᐳᖅ, ᓂᐅᕐᕈᑎᖃᖃᑦᑕᕐᑐᕐᓕ ᓮᒻᒪᕐᑎᑕᐅᓂᐊᕐᐳᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:2

ᐱᔭᕆᐊᖃᒻᒪᕆᒃᐳᓪᓕ ᑲᒪᔨᐅᑎᑕᐅᔪᑦ ᐅᒃᐱᕆᔭᒃᓴᐅᓂᕐᒥᖕᓂᒃ ᓴᖅᑭᑎᑦᓯᔪᒃᓴᐅᓪᓗᑎᒃ ᐊᖓᔪᖅᑳᒥᖕᓄᑦ.

ᐲᑦᑐᕉᓯ ᓯᕗᓪᓖᑦ 4:10

ᐊᑐᓂᑦ ᑐᓂᕐᕈᓯᐊᕐᓯᒪᒐᑦᓯ, ᑕᒪᒃᑯᐊ ᐃᓅᖃᑎᑦᓯᓐᓄᑦ ᐱᔨᑦᓯᕈᑎᒋᓯᐅᒃ, ᐊᑐᑦᓯᐊᖁᓪᓗᓯ ᒎᑎᒥᑦ ᑐᓂᕐᕈᓯᐊᑦᓯᓐᓂᒃ ᐱᑦᓯᐊᕐᓂᖓᑕ ᐱᔪᓐᓇᕐᓯᑎᑦᓯᓂᖓᒍᑦ: