6 ᐃᒻᒧᒃᓯᐅᒐᖁᑎᑎᒡᓗ ᐱᖁᑎᓕᒫᑎᒡᓗ ᓇᒃᓴᓚᐅᕆᕔᑦ, ᑬᓇᓂᐅᑉ ᓄᓇᖓᓂ ᐱᑖᕆᓚᐅᕐᑕᑎᒃ, ᐄᑦᔨᑉᑎᒧᐊᕐᐳᑦ, ᔧᑯᓗ ᑭᖑᕚᓕᒪᓂᓗ ᑕᒪᕐᒥᒃ ᐃᓚᒋᓪᓗᒋᑦ.
ᔧᑯ ᐄᑦᔨᑉᑎᒧᐊᓚᐅᕐᐳᖅ, ᑕᕝᕙᓂ ᑐᖁᓚᐅᕐᐳᖅ ᓯᕗᓕᕕᓂᕗᓪᓗ.
ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: “ᐃᓄᖁᑎᒃᑲ ᓯᕗᓪᓕᕐᒥᒃ ᐄᑦᔨᑉᑎᒧᐊᖅᑳᓚᐅᕐᐳᑦ ᓄᓇᖃᓕᕐᓗᑎᒃ ᑕᕝᕙᓂ; ᐊᒻᒪ ᐊᓯᕆᐊᒥᐅᓄᑦ ᐅᖁᒤᒃᓴᕐᑎᑕᐅᓕᓚᐅᕆᕗᑦ ᐱᑦᔪᑎᒃᓴᖃᕋᑎᒃ.
ᑕᕝᕙ ᔧᑯ ᐄᑦᔨᑉᑎᒧᐊᓚᐅᕆᕗᖅ; ᓄᓇᑖᕐᓗᓂᓗ ᕼᐋᒥᐅᑉ ᓄᓇᖓᓂ.
ᐂᓴᑭᓗ ᑐᓂᓚᐅᕐᐸᕋ ᔧᑯᒥᒃ ᐄᓴᒥᒡᓗ. ᐄᓴᓗ ᓄᓇᒥᒃ ᖃᖅᑲᓕᖕᒥᒃ ᓰᐊᕆᒥᒃ ᓄᓇᑖᕐᑎᓚᐅᕐᐸᕋ, ᔧᑯᓕ ᕿᑐᕐᖓᖏᓪᓗ ᑕᐅᓄᖓ ᐄᑦᔨᑉᑎᒧᐊᓚᐅᕐᐳᑦ.
ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.
ᔧᑯᒃᑯᑦ ᐃᓚᒌᑦ ᐄᑦᔨᑉᑎᒧᐊᕐᒪᑕ ᐄᑦᔨᑉᑎᒥᐅᓂᑦ ᐊᒃᓱᕈᕐᑎᑕᐅᓚᐅᕐᐳᑦ, ᐊᑕᓂᕐᒧᓪᓗ ᐃᓗᖏᕐᓱᕐᓗᑎ ᑐᒃᓯᐊᕐᒪᑕ ᐃᑲᔪᕐᑕᐅᔪᒪᓪᓗᑎᒃ, ᐊᑕᓂᐅᑉ ᑎᓕᓯᕕᒋᓚᐅᕐᐰᑦ ᒨᓯᓯᒥᒃ ᐂᕉᓂᒥᒡᓗ, ᑖᒃᑯᐊᒃ ᓯᕗᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᐴᒃ ᐄᑦᔨᑉᑎᒥᑦ, ᓄᓇᑖᕐᑎᓪᓗᒋᓪᓗ ᑕᒫᓂ ᓄᓇᒥ.
ᓯᕗᓕᕕᓂᓯᓕ ᐄᑦᔨᑉᑎᒧᐊᓕᕐᑎᓪᓗᒋᑦ ᑍᑯᓐᖓᕐᑐᑦ 70ᑐᐃᓐᓇᐅᓚᐅᕐᐳᑦ; ᒫᓐᓇᓕ ᐊᑕᓂᐅᑉ ᒎᑎᑦᓯ ᐅᓪᓗᕆᐊᑎᑐᑦ ᕿᓚᖕᒦᑦᑐᑎᑐᑦ ᐅᓄᕐᓯᑎᓯᒪᓕᕐᐹᓯ.”
ᓯᕗᓕᕕᓂᕐᐳᑦ ᐄᑦᔨᑉᑎᒨᓚᐅᕐᒪᑕ, ᐄᑦᔨᑉᑎᒥᓗ ᐊᑯᓂ ᓄᓇᖃᓚᐅᕐᐳᒍᑦ, ᐄᑦᔨᑉᑎᒥᐅᓂᓪᓕ ᐅᖁᒤᒃᓴᕐᑎᑕᐅᓚᐅᕐᐳᒍᑦ ᓯᕗᓕᕕᓂᕐᐳᓪᓗ.
ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ, ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ;
ᐃᕐᓂᖏᑦ, ᐃᕐᖑᑕᖏᓪᓗ ᐊᖑᑎᑦ ᐸᓂᖏᓪᓗ ᐃᕐᖑᑕᖏᓪᓗ ᐊᕐᓁᑦ; ᑭᖑᕚᓕᒫᓂ ᑕᒪᕐᒥᒃ ᐃᓚᒋᓪᓗᒋᑦ ᐄᑦᔨᑉᑎᒧᐊᓚᐅᕐᐳᖅ.