ᒨᓯᓯ ᓯᕗᓪᓖᑦ 44:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᑖᓐᓇᑦᑕᐅᖅ ᐅᕙᓐᓂᑦ ᐊᐅᓪᓚᕈᑎᓂᐊᕈᑦᓯᐅᒃ, ᖃᓄᐃᓐᓇᕐᑐᒧᑦ ᑎᑭᑕᐅᒃᐸᑦ, ᑕᕝᕙ ᓄᔭᒃᑲ ᖃᑯᕐᑕᐅᓕᕐᑐᑦ ᕿᒃᓵᕕᒃᔪᐊᕐᓂᕐᒧᑦ ᐃᓗᕕᕐᑕᐅᓕᕋᔭᕐᐳᖓ.’

ᒨᓯᓯ ᓯᕗᓪᓖᑦ 44:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:35

ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᒨᓯᓯ ᓯᕗᓪᓖᑦ 42:36

ᑕᕝᕙ ᐊᑖᑕᖓᑦᑕ ᔧᑰᑉ ᐅᖃᐅᑎᕔᑦ, “ᐃᓕᑦᓯ ᐃᓚᓐᖓᕐᑎᓯᒪᕙᑦᓯᓐᖓ ᕿᑐᕐᖓᓐᓄᑦ: ᔫᓯᐱ ᐱᑕᖃᕈᓐᓃᕐᐳᖅ, ᓯᒥᐅᓂᓗ ᐱᑕᖃᕈᓐᓃᕆᕗᖅ, ᑕᕝᕙ ᐱᓐᔭᒥᓂ ᓇᒃᓴᕈᒪᓕᕆᕙᓯ; ᑕᒪᒃᑯᐊ ᑕᒪᕐᒥᒃ ᐅᕙᓐᓄᑦ ᕿᒃᓵᖕᓇᕐᑐᕐᔪᐊᖑᕗᑦ.”

ᒨᓯᓯ ᓯᕗᓪᓖᑦ 42:38

ᑖᓐᓇᓕ ᐅᖃᕐᐳᖅ, “ᐃᕐᓂᕋ ᐃᓕᑦᓯᓐᓄᑦ ᐊᐅᓪᓚᖃᑕᐅᓂᐊᓐᖏᓚᖅ, ᑖᑦᓱᒪ ᐊᖓᔪᐊ ᑐᖁᖓᓕᕐᒪᑦ, ᑖᓐᓇᓗ ᐊᒥᐊᒃᑯᑑᓕᕐᐳᖅ. ᐊᖅᑯᑎᑦᓯᓐᓂ ᑖᓐᓇ ᖃᓄᐃᓐᓇᕐᑐᒧᑦ ᑎᑭᑕᐅᒐᔭᕐᐸᑦ, ᑕᕝᕙ ᓄᔭᒃᑲ ᖃᑯᕐᑍᑦ ᕿᒃᓵᒃᑎᑕᐅᓗᐊᕐᓂᕐᒧᑦ ᐅᒋᐊᕐᑕᐅᓗᖓ ᐃᓕᔭᐅᔪᒫᕐᐳᖓ ᐃᓗᕕᖃᕐᕕᖕᒧᑦ.”

ᒨᓯᓯ ᓯᕗᓪᓖᑦ 42:4

ᔧᑰᓪᓕ ᐱᓐᔭᒥᓂ ᔫᓯᐱᐅᑉ ᓄᑲᖓ ᐃᓚᐅᖁᓚᐅᓐᖏᓛ ᐊᖓᔪᖏᓐᓄᑦ, ᓯᕘᕋᓪᓗᓂ ᑖᓐᓇ ᖃᓄᐃᓐᓇᕐᑐᒧᑦ ᑎᑭᑕᐅᓂᐊᕋᓱᒋᓪᓗᒍ.

ᒨᓯᓯ ᓯᕗᓪᓖᑦ 43:14

ᒎᑎᐅᑉ ᐊᔪᒐᖃᖏᑦᑑᑉ ᓂᑲᒋᔭᐅᔪᓐᓇᕐᑎᓪᓕᓯ ᑖᑦᓱᒧᖓ ᐊᖑᒻᒧᑦ, ᐅᑎᕈᓐᓇᖁᓪᓗᓯ ᖃᑕᓐᖑᑎᓯ ᐃᓚᒋᓕᕐᓗᒍ ᐱᓐᔭᒥᓂᓗ. ᐅᕙᖓᓕ ᕿᑐᕐᖓᓐᓄᑦ ᕿᒃᓵᒃᑎᑕᐅᔭᕆᐊᖃᕈᒪ, ᑕᕝᕙ ᕿᒃᓵᖕᓂᐊᕐᐳᖓ.”

ᒨᓯᓯ ᓯᕗᓪᓖᑦ 44:31

ᑕᑯᒍᓂ ᐃᓅᓱᑦᑑᑉ ᐃᓚᒋᔭᐅᖏᓐᓂᖓᓂᒃ ᐅᕙᑦᑎᓐᓄᑦ, ᑕᕝᕙ ᑐᖁᓂᐊᕐᐳᖅ; ᐅᕙᒍᓪᓗ ᐃᓕᖕᓄᑦ ᐱᔨᐅᔪᒍᑦ ᐊᑖᑕᑦᑕ ᐱᔨᒋᔭᕐᐱᑦ ᓄᔭᖏᑦ ᖃᑯᕐᑕᐅᓕᕐᑐᑦ ᐃᓅᓯᖓᓂᒃ ᕿᒃᓵᕕᒃᔪᐊᕐᓂᕐᒧᑦ ᐅᒋᐊᕐᓯᓂᐊᕐᐳᒍᑦ ᐃᓗᕕᕐᑕᐅᑎᓪᓗᑎᒍᓗ.

ᒨᓯᓯ ᑕᓪᓕᒪᖏᑦ 31:17

ᑕᒪᓐᓇ ᐊᑐᓕᕐᐸᑦ, ᑕᕝᕙ ᓂᓐᖓᒃᕕᒋᔪᒫᕐᐸᒃᑲ; ᕿᒪᒍᒫᕐᐸᒃᑲᓗ ᐊᓚᕐᓗᒋᑦ, ᑕᕝᕙ ᓄᖑᑕᐅᔪᒫᕐᐳᑦ; ᐅᓄᕐᑐᓄᑦ ᐱᓂᕐᓗᖕᓇᕐᑐᓄᑦ ᐊᑲᐅᖏᑦᑐᓄᓪᓗ ᑎᑭᑕᐅᔪᒫᕐᐳᑦ, ᑕᕝᕙ ᐅᖃᓕᕈᒫᕐᐳᑦ, ‘ᒪᑯᐊ ᐱᐅᖏᑦᑐᑦ ᐅᕙᑦᑎᓐᓄᑦ ᑎᑭᑉᐳᑦ ᒎᑎᐅᑉ ᐃᓚᒋᔪᓐᓃᕐᒪᑎᒎᑦ?’