ᒨᓯᓯ ᓯᕗᓪᓖᑦ 43:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᓂᕿᒃᓮᓪᓗ ᔫᓯᐱᐅᑉ ᓵᖓᓂᑦ ᐋᑎᕐᑕᐅᕗᑦ ᑖᒃᑯᓄᖓ, ᐱᓐᔭᒥᓂᐅᓪᓕ ᓂᕆᓂᐊᕐᑕᖏᑦ ᑕᓪᓕᒤᕐᑐᓪᓗᐊᕐᑐᒥᒃ ᐊᓯᓕᒫᒥᓂᑦ ᐊᖏᓂᕐᓴᐅᑎᓪᓗᒋᑦ ᐊᑐᐃᓐᓇᕈᕐᑎᕐᑕᐅᕗᑦ. ᑕᕝᕙ ᓂᕆᕗᑦ ᐃᒥᕐᓗᑎᒡᓗ ᖁᕕᐊᓱᖃᑎᖃᕐᓗᑎᒃ ᑖᑦᓱᒥᖓ.

ᒨᓯᓯ ᓯᕗᓪᓖᑦ 43:34 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 45:22

ᐊᑐᓂᓪᓗ ᑕᒪᕐᒥᒃ ᐊᓐᓄᕌᒃᓴᖏᓐᓂᒃ ᑐᓂᓯᕕᒋᕔᑦ; ᐱᓐᔭᒥᓂᓕ ᑐᓂᓯᕕᒋᕚ ᓯᐅᓪᕕᕆᓂᒃ 300ᓂᒃ ᑮᓇᐅᔭᓂᒃ ᐊᓐᓄᕌᓂᒡᓗ ᑕᓪᓕᒤᕐᑐᕐᓗᒋᑦ ᐊᑎᔭᒃᓴᖏᓐᓂᒃ.

ᓴᒧᐃᓕ ᐂᑉᐸᖏᑦ 11:8

ᑕᕝᕙ ᑍᕕᑎ ᔪᕅᐊᒧᑦ ᐅᖃᕐᐳᖅ, “ᐊᖏᕐᕋᓕᕆᑦ ᐃᑎᒐᑎᑦ ᐅᐊᓴᕆᐊᕐᑐᕐᓗᒋᑦ.” ᔪᕅᐊᓗ ᐊᖓᔪᖅᑳᕐᔪᐊᑉ ᐃᒡᓗᖓᓂᑦ ᐊᓂᑎᓪᓗᒍ, ᑍᕕᑎ ᑐᓂᕐᕈᑎᒥᒃ ᐋᑕᐅᑎᑦᓯᕗᖅ ᐃᒡᓗᖓᓄᑦ.

ᓴᒧᐃᓕ ᓯᕗᓪᓖᑦ 1:5

ᕼᐋᓇᒧᓪᓕ ᑐᓂᓯᕙᒃᐳᖅ ᐊᑕᐅᓯᕐᓯᐅᑎᒥᒃ, ᓇᒡᓕᒋᒻᒪᕆᒃᑲᓗᐊᕐᓗᒍ ᕼᐋᓇ, ᐊᑕᓂᐅᑉ ᒪᑐᓯᒪᓚᐅᕐᒪᒍ ᐃᒡᓕᐊᖓ.

ᔪᐊᓇᓯᐅᑉ ᐊᒡᓚᖏᑦ 2:10

ᐅᖃᐅᑎᓪᓗᒍ, “ᐱᐅᓯᕆᔭᐅᓲᖑᕗᖅ ᐅᐂᓂ ᒪᒪᕐᓂᕐᐹᖅ ᓯᕗᓪᓕᐅᑎᓪᓗᒍ; ᓂᕆᔭᕐᑐᕐᓯᒪᔪᓪᓕ ᐃᒥᕇᕐᓯᒪᓕᕐᐸᑕ, ᑭᖑᓕᐅᑎᓪᓗᒍ ᐅᐂᓂ ᒪᒪᖏᓐᓂᕐᓴᖅ ᐊᑐᐃᓐᓇᕈᕐᑕᐅᓲᖑᕗᖅ; ᐃᕝᕕᓪᓕ ᐅᐂᓂ ᒪᒪᕐᓂᕐᐹᖅ ᑭᖑᓪᓕᐅᑎᖔᕐᐸᑦ.”

ᒫᑎᐅᓯᐅᑉ ᐊᒡᓚᖏᑦ 11:19

ᐃᓅᓪᓕ ᐃᕐᓂᖓ ᑎᑭᒻᒪᑦ, ᓂᕆᖃᑦᑕᕐᐳᖅ ᐃᒥᖃᑦᑕᕐᓗᓂᓗ, ᐃᓄᐃᓪᓗ ᐅᖃᕐᐳᑦ, ‘ᐅᓇ ᐊᖑᑦ ᑕᑯᓯᐅᒃ! ᓂᕆᓗᐊᖃᑦᑕᕐᑐᖅ, ᐅᐂᓂᒥᒡᓗ ᐃᒥᕐᑎᐅᓪᓗᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑕ ᐊᔪᕐᑐᓕᔪᓪᓗ ᐱᖃᓐᓇᕆᔭᖓᑦ!’ ᒎᑎᐅᓪᓕ ᓯᓚᑐᓂᖓ ᓴᖅᑭᑎᑕᐅᕗᖅ ᐱᓂᐊᕐᓂᖏᑎᒍᑦ.”

ᕼᐊᐸᑲᐅᑉ ᐊᒡᓚᖏᑦ 1:6

ᑲᐅᓪᑎᐊᒥᐅᑦ ᐊᐅᓚᑦᓯᔨᓐᖑᕐᑎᓐᓂᐊᕐᐸᒃᑲ, ᐃᓅᖃᑎᒌᒡᔪᐊᑦ ᐆᒥᓱᒃᑎᐊᓗᐃᑦ ᐅᐃᒪᔮᕐᓗᑎᒡᓗ. ᓄᓇᕐᔪᐊᕐᒧᑦ ᓇᒧᑐᐃᓐᓇᖅ ᐃᖏᕐᕋᑲᑕᒃᑐᑦ, ᓄᓇᒋᓐᖏᑕᒥᖕᓂᒃ ᓄᓇᖁᑎᑖᕈᒪᓪᓗᑎᒃ.

ᓲᓗᒨᓂᐅᑉ ᐃᓐᖏᕈᓯᖏᑦ 5:1

ᐱᕈᕐᓰᕕᖁᑎᓐᓄᑦ ᕾᕗᖓ, ᓇᔮᒃ, ᓄᓕᐊᒃᓵᒃ, ᒨᕆᖁᑎᒃᑲ ᓂᕿᓄᓪᓗ ᒪᒪᕐᓴᐅᑎᖁᑎᒃᑲ ᑲᑎᑉᐸᒃᑲ; ᕼᐊᓂᐅᑉ ᐃᓂᖏᑦ ᓂᕆᕙᒃᑲ ᕼᐊᓂ ᓂᕆᖃᓯᐅᑎᓪᓗᒍ, ᕔᓂᖁᑎᓐᓂᒃ ᐃᒥᕐᐳᖓ ᐃᒻᒧᖁᑎᓐᓂᒡᓗ. ᐃᓚᓐᓇᕆᔭᒃᑳ, ᓂᕆᒋᑦᓯ! ᐃᒥᕐᓗᓯᓗ, ᐊᖏᔪᒥᒃ ᐃᒥᕆᑦᓯ, ᓇᒡᓕᒋᔭᐅᔪᓯ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19

ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:6

ᑐᖁᑐᐃᓐᓇᕆᐊᖃᓕᕐᑐᑦ ᓴᓐᖏᔪᒥᒃ ᐃᒥᕐᑎᑦᓱᓐᓇᕐᐸᓯ, ᕔᓂᑐᕐᑎᓪᓗᒋᓪᓗ ᐆᒻᒪᑎᒥᒍᑦ ᖁᕕᐊᓱᖏᑦᑐᑦ;

ᒨᓯᓯ ᓯᕗᓪᓖᑦ 35:24

ᕅᒋᓕᐅᑉ ᐃᕐᓂᖏᒃ ᐅᑯᐊᖑᕗᒃ; ᔫᓯᐱ, ᐱᓐᔭᒥᓂᓗ.