1 ᑳᖕᓇᕐᑐᕐᔪᐊᕐᓕ ᓄᓇᒧᑦ ᐱᕙᓪᓕᐊᑐᐃᓐᓇᕐᐳᖅ.
ᑍᑦᓱᒪᓂᓕ ᓄᓇᒥ ᑳᖕᓇᕐᑐᕐᔪᐊᖃᓚᐅᕐᐳᖅ, ᑕᕝᕙ ᐂᑉᕋᒻ ᐊᐅᓪᓚᓚᐅᕐᐳᖅ ᐄᑦᔨᑉᑎᒧᑦ ᓄᓇᖃᑬᓐᓇᕆᐊᕐᑐᕐᓗᓂ, ᓄᓇᒥ ᑳᖕᓇᕐᑐᕐᔪᐊᖅ ᐱᕙᓪᓕᐊᑐᐃᓐᓇᕐᒪᑦ.
ᑕᕝᕙ ᐊᑕᓂᐅᑉ ᐂᑉᕋᕼᐋᒻ ᐅᖃᐅᑎᕚ, “ᖃᓄᐃᒻᒪᑦ ᓄᓕᐊᑦ ᓵᕋ ᑕᒪᑐᒥᖓ ᐃᔪᕈᓱᒃᐸ ᐅᖃᕐᓗᓂᓗ, ‘ᕿᑐᕐᖓᕐᑖᕈᓐᓇᕋᓗᐊᕐᐳᖔ ᐃᓄᑐᖄᓘᓕᕐᓗᖓ?’
ᑕᕝᕙ ᑕᒫᓂ ᓄᓇᓕᒫᒥ ᑳᖕᓇᕐᑐᕐᔪᐊᖑᓕᕆᕗᖅ, ᓯᕗᓂᖓᒍᑦ ᑍᒤᓚᐅᕐᓂᕐᒥᑐᑦ ᐂᑉᕋᕼᐋᒻ ᐃᓅᑎᓪᓗᒍ. ᐂᓴᑭᓗ ᓄᓇᒧᑦ ᒋᕌᕆᒧᐊᕐᐳᖅ, ᐊᐱᒥᓕᑭᒧᐊᕐᓗᓂ ᐱᓕᔅᑍᓂᒥ ᐊᖓᔪᖅᑳᕐᔪᐊᖑᔪᒧᑦ.
ᑕᕝᕙ ᐃᓴᕆᐊᓕᐅᑉ ᐃᕐᓂᖏᑦ ᓂᐅᕕᕆᐊᕐᑐᓄᑦ ᐃᓚᒋᔭᐅᓚᐅᕐᐳᑦ, ᐃᓄᖕᓄᑦ ᐊᓯᒥᖕᓄᑦ ᓂᐅᕕᕆᐊᕐᑐᓄᑦ, ᓄᓇ ᑬᓇᓂᒥ ᑳᖕᓇᕐᑐᕐᔪᐊᕐᒧᑦ ᑎᑭᑕᐅᓚᐅᕐᒥᖕᒪᑦ.
ᓂᐊᖂᔭᒃᓮᓪᓗ ᐄᑦᔨᑉᑎᒥᑦ ᓇᒃᓴᓚᐅᕐᑕᖏᑦ ᓄᖑᒻᒪᑕ, ᐊᑖᑕᖓᑦᑕ ᐅᖃᐅᑎᕔᑦ, “ᐊᐅᓪᓚᓚᐅᕐᒥᒋᑦᓯ, ᓂᐅᕕᕆᐊᕐᓗᓯ ᓂᕿᒃᓴᑦᑎᓐᓂᒃ.”
ᐰᕉᒧᓪᓗ ᐅᖃᒃᑲᓐᓂᕐᐳᑦ, “ᑕᒪᐅᓐᖓᕐᐳᒍᑦ ᐊᐅᓪᓛᕐᓗᑕ; ᐱᔨᕕᑦ ᐆᒪᔪᖁᑎᖏᑦ ᓂᕿᒃᓴᖃᕈᓐᓃᕐᒪᑕ, ᑳᖕᓇᕐᑐᕐᔪᐊᒧᑦ ᑎᑭᐅᒪᔭᐅᓗᐊᓕᕐᒪᑦ ᑬᓇᓂᐅᑉ ᓄᓇᖓ; ᒫᓐᓇᓕ ᐃᓕᖕᓄᑦ ᕿᓄᕗᒍᑦ, ᐱᔨᑎᑦ ᓄᓇᖃᕈᓐᓇᕐᑎᓚᐅᒃᑭᑦ ᓄᓇᒥ ᒎᓯᓂᒥ.”
ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.
ᑕᕝᕙ ᐊᑕᓂᐅᑉ ᓵᖓᓂ ᐅᖃᐅᓯᖃᕐᑐᒃᓴᐅᕗᑎᑦ ᐃᒤᑦᑐᓂᒃ; ‘ᐊᕋᒥᐊᒥᐅᑕᕐᒥᒃ ᓯᕗᓕᖃᓚᐅᕐᐳᖓ ᑍᒪᓐᖓᑦ ᐃᖏᕐᕋᖃᑦᑕᓚᐅᕐᑐᒥᒃ, ᑖᑦᓱᒪ ᐃᓚᓂ ᐄᑦᔨᑉᑎᒧᐊᕈᑎᓚᐅᕐᐰᑦ ᑕᕝᕙᓂ ᓄᓇᖃᖁᓪᓗᒋᑦ; ᖃᑦᓰᓐᓇᐅᓪᓗᑎᒃ ᑕᕝᕗᓐᖓᓚᐅᕐᐳᑦ; ᑕᕝᕙᓂᓕ ᐅᓄᕐᓯᓚᐅᕐᐳᑦ ᐊᔪᖏᑦᑐᕐᔪᐊᖑᓕᕐᓗᑎᒃ, ᐃᓅᖃᑎᒌᒡᔪᐊᖑᓕᕐᓗᑎᒡᓗ.
