ᒨᓯᓯ ᓯᕗᓪᓖᑦ 42:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᔫᓯᐱᓕ ᐃᖅᑬᕗᖅ ᓯᓐᓇᒃᑑᒪᓂᕆᓚᐅᕐᓯᒪᔭᒥᓂᒃ ᑖᒃᑯᐊ ᐱᓪᓗᒋᑦ; ᐅᖃᐅᑎᓪᓗᒋᓪᓗ, “ᐃᔨᕋᕐᑐᕐᓗᓯ ᖃᐅᔨᓴᕆᐊᕐᓯᒪᕗᓯ; ᓄᓇ ᓇᐅᒃᑯᑦ ᓵᓚᒋᔭᒃᓴᐅᖕᒪᖔᑦ ᖃᐅᔨᔪᒪᓪᓗᓯ.”

ᒨᓯᓯ ᓯᕗᓪᓖᑦ 42:9 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 32:35

ᐊᑕᓂᕐᓕ ᐃᓄᖕᓄᑦ ᑎᑭᑎᑦᓯᓕᕐᐳᖅ ᖃᓂᒪᓇᕐᑐᒥᒃ, ᐂᕉᓂᒥᒃ ᓴᓇᑎᑦᓯᓚᐅᕐᓂᖏᑦ ᓄᕐᕋᓐᖑᐊᒥᒃ ᒎᓗᒥᒃ ᐱᑦᔪᑎᒋᓪᓗᒋᑦ.

ᐄᑉᕈᐃᓄᑦ 11:31

ᐅᒃᐱᕐᓂᑯᑦ ᕅᕼᐋᐱ ᐊᖑᓐᓂᐊᕐᑎ ᑐᖁᑕᐅᖃᑕᐅᓚᐅᓐᖏᓚᖅ ᒎᑎᒥᒃ ᓈᓚᖏᑦᑐᑦ ᑐᖁᑕᐅᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᕐᓯᒪᔪᖁᑎᖏᓐᓂᒃ ᑐᓐᖓᓱᒃᑎᑦᓯᓚᐅᕐᓂᖓᓄᑦ.

ᓘᑲᓯᐅᑉ ᐊᒡᓚᖏᑦ 20:20

ᑕᕝᕙ ᐱᕕᒃᓴᕐᓯᐅᓕᕐᐳᑦ, ᐊᖑᑎᓂᒃ ᐊᑭᓖᕕᖃᕐᓗᑎᒃ ᑎᓕᓯᕗᑦ ᓱᓕᔪᕐᓇᑦᑎᐊᕋᓱᐊᕐᑐᓂᒃ, ᔩᓱᓯ ᐊᐱᕐᓱᕐᓗᒍ ᑭᐅᑦᔪᑎᒃᓮᕈᑦᔨᓇᓱᐊᕐᓂᐊᕐᑐᓂᒃ, ᐱᕖᕈᑦᔨᒍᑎᒃ ᕉᒪᒥᐅᑦ ᐊᐅᓚᑦᑎᔨᖏᓐᓄᑦ ᐱᔭᐅᑎᑦᑐᒪᓪᓗᒍ.

ᓴᒧᐃᓕ ᓯᕗᓪᓖᑦ 26:4

ᑕᕝᕙ ᑍᕕᑎ ᐃᔨᕋᕐᑐᕐᑐᓂᒃ ᑎᓕᓯᕗᖅ, ᖃᐅᔨᓇᓱᐊᕆᐊᕐᑐᖁᓪᓗᒋᑦ ᓴᐅᓕᐅᑉ ᓇᓃᓪᓚᕆᓐᖓᓂᒃ ᖃᐅᔨᔪᒪᓪᓗᓂ.

ᐃᓗᐊᕐᓮᔩᑦ ᐊᒡᓚᖏᑦ 1:24

ᑖᒃᑯᐊᓗ ᑕᑯᔭᕐᑐᕐᓯᒪᔪᑦ ᐊᖑᒻᒥᒃ ᐃᒡᓗᒐᓴᖕᓂᑦ ᐊᓂᓕᕐᑐᒥᒃ ᑕᑯᒐᒥᒃ ᐅᖃᐅᑎᕚᑦ, “ᖃᐅᔨᑎᓚᐅᕐᑎᒍᑦ ᖃᓄᖅ ᐃᒡᓗᒐᓴᖕᓄᐊᕈᓐᓇᕐᒪᖔᑦᑕ, ᑕᕝᕙ ᐱᑦᓯᐊᕐᕕᒋᓂᐊᕐᐸᑦᑎᒋᑦ.”

ᔮᓱᐊᑉ ᐊᒡᓚᖏᑦ 6:23

ᑍᒤᒻᒪᑦ ᐃᓅᓱᒃᑑᒃ ᓄᓇᒥᒃ ᖃᐅᔨᓴᕆᐊᓚᐅᕐᑑᒃ ᐂᒃᓯᓚᐅᕐᐴᒃ ᕅᕼᐊᐱᒥᒃ, ᐊᑖᑕᖓᓂᒃ ᐊᓈᓇᖓᓂᒃ ᐊᓂᖏᓪᓗ ᐃᓚᓕᒫᖏᓪᓗ; ᐱᔨᑲᑖᖏᓪᓗ ᐂᑎᓚᐅᕐᐰᑦ ᐃᓴᕆᐊᓕᒥᐅᑦ ᑕᖕᒫᕐᓯᒪᕕᖓᑕ ᓴᓂᐊᓄᑦ.

ᔮᓱᐊᑉ ᐊᒡᓚᖏᑦ 2:1

ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.

ᒨᓯᓯ ᓯᑕᒪᖏᑦ 13:2

“ᑎᓕᓯᓚᐅᕆᑦ ᐊᖑᑎᓂᒃ ᐃᔨᕋᕐᑐᕐᓗᑎᒃ ᕿᒥᕐᕈᓂᐊᕐᑐᓂᒃ ᓄᓇᒥᒃ ᑬᓇᓂᒥᒃ, ᐃᓴᕆᐊᓕᒥᐅᓄᑦ ᑐᓂᓂᐊᕐᑕᓐᓄᑦ; ᑭᖑᕚᖑᖃᑎᒌᑦ ᐊᑐᓂᑦ ᐊᖓᔪᖅᑳᖏᓐᓂᑦ ᓯᕗᓕᕐᑎᐅᔪᓂᒃ ᐊᑕᐅᓯᕐᒥᒃ ᓂᕈᐊᕐᓗᑎᑦ.”

ᒨᓯᓯ ᓯᕗᓪᓖᑦ 42:34

ᓄᑲᓯ ᓄᑲᕐᓯᕐᐹᖅ ᐅᕙᓐᓄᑦ ᕾᑎᓯᐅᒃ; ᑕᕝᕙ ᖃᐅᔨᓂᐊᕐᐳᖓ ᓄᓇᒥᒃ ᐃᔨᕋᕐᑐᕐᓗᓯ ᖃᐅᔨᓴᕐᑎᐅᖏᓐᓂᑦᓯᓐᓂ ᓴᒡᓗᕿᑦᓯᔨᐅᖏᓐᓂᑦᓯᓐᓂᒡᓗ, ᖃᑕᓐᖑᑎᓯᓗ ᐃᓕᑦᓯᓐᓄᑦ ᑐᓂᓂᐊᕐᐸᕋ, ᑕᕝᕙ ᓂᐅᕕᕈᓐᓇᕐᓯᓂᐊᕐᐳᓯ ᑕᕝᕙᓐᖓᑦ ᓄᓇᒥᑦ.’”

ᒨᓯᓯ ᓯᕗᓪᓖᑦ 42:16

ᐃᓚᓯ ᐊᑕᐅᓯᖅ ᑎᓕᓚᐅᕐᓯᐅᒃ, ᓄᑲᕐᓯᕐᐹᑦᓯᓐᓂᒃ ᐂᒃᓯᖁᓪᓗᒍ, ᐃᓕᑦᓯᓕ ᐅᕙᓂ ᑎᒍᔭᐅᓯᒪᕕᖕᒦᖕᓂᐊᕐᐳᓯ, ᐅᖃᐅᓯᓯ ᓱᓕᖕᒪᖔᑕ ᖃᐅᔨᓴᕐᑕᐅᓂᖏᓐᓂ, ᓱᓕᓂᖃᕐᒪᖔᑦᓯ; ᑍᒤᖏᑉᐸᓪᓕ, ᐰᕉ ᐃᓅᖕᒪᑦ, ᖁᓚᕐᓇᖏᑦᑐᒥᒃ ᓄᓇᒥᒃ ᐃᔨᕋᕐᑐᕐᓗᓯ ᖃᐅᔨᓴᕆᐊᕐᓯᒪᕗᓯ.”

ᓴᒧᐃᓕ ᐂᑉᐸᖏᑦ 10:3

ᐊᒧᓁᑎᒥᐅᑦ ᐊᖓᔪᖅᑳᖁᑎᖏᑦ ᕼᐊᓄᓂᒧᑦ ᐅᖃᕐᐳᑦ ᐊᖓᔪᖅᑳᕐᔪᐊᒧᑦ, “ᑍᕕᑎᐅᑉ ᐅᖃᕆᐊᕐᑐᕐᑎᑕᖏᑦ ᐃᓚᑦᓱᒍᓲᑕᐅᕚᑦ ᐃᓕᖕᓄᑦ, ᐊᑖᑕᖕᓂᒃ ᐅᐱᒍᓱᒋᐊᕐᑐᕐᑐᕆᕕᐅᒃ? ᑎᓕᓯᓚᐅᕐᐳᕐᓕ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᖁᓪᓗᒋᑦ ᐃᒡᓗᒐᓴᑦᑎᓐᓂᒃ, ᓵᓚᒋᔪᒪᓪᓗᑕ!”

ᒨᓯᓯ ᓯᕗᓪᓖᑦ 37:11

ᐊᖓᔪᖏᑕᓗ ᓯᒡᒐᑎᓕᕐᐹᑦ, ᐊᑖᑕᖓᑕᓕ ᑕᒪᓐᓇ ᐃᓱᒪᒥᐅᑕᕆᓕᕐᐹ.