8 ᔫᓯᐱᐅᑉ ᐊᖓᔪᓂ ᐃᓕᑕᕆᒐᓗᐊᕐᒪᒋᑦ, ᑖᒃᑯᐊᓕ ᐃᓕᑕᕐᓯᓚᐅᓐᖏᓚᑦ ᑖᑦᓱᒥᖓ.
ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ, ᔩᓱᓯ ᑕᓯᐅᑉ ᓯᓈᓂ ᓇᖏᕐᐳᖅ; ᐃᓕᓐᓂᐊᕐᑎᑦ ᖃᐅᔨᒪᓐᖏᓚᑦ ᔩᓱᓯᐅᓂᖓᓂᒃ.
ᑍᒫᒡᓗ ᐅᖃᕇᕋᒥ ᑐᓄᒻᒧᑦ ᕿᕕᐊᕐᐳᖅ; ᔩᓱᓯ ᑕᑯᕚ ᓇᖏᕐᑐᖅ, ᖃᐅᔨᒪᓐᖏᓛ ᔩᓱᓯᐅᖕᒪᖔᑦ.
ᑖᒃᑯᐊᒃ ᑖᑦᓱᒥᖓ ᐃᓕᑕᕐᓯᔪᓐᓇᕐᑎᑕᐅᓚᐅᓐᖏᓛᒃ.
ᑕᒪᑦᔭᓗ ᔧᑰᑉ ᐃᓚᒋᔭᖏᑕ ᐅᓂᒃᑳᕐᑕᐅᓂᖏᑦ ᑕᒫᓂ ᐅᖃᐅᓯᐅᓯᒪᕗᑦ. ᔫᓯᐱ ᐃᓅᓱᒃᑐᖅ ᐊᕐᕌᒍᖃᕐᓗᓂ 17ᓂᒃ, ᐆᒪᔪᓂᒃ ᒥᐊᓂᕐᓯᖃᑕᐅᓚᐅᕐᐳᖅ ᐊᖓᔪᓂ ᐃᓚᒋᓪᓗᒋᑦ, ᑖᒃᑯᐊ ᐱᓪᕼᐊᑉ ᔨᐅᓪᐸᐅᓪᓗ ᐃᕐᓂᖏᑦ, ᔧᑰᑉ ᓄᓕᐊᒃᑲᓐᓂᖏᑕ; ᐊᑖᑕᒥᓄᓪᓗ ᐅᓐᓂᕐᓗᒃᓴᓚᐅᕐᐳᖅ ᐊᖓᔪᖏᑕ ᐱᑦᓯᐊᖏᓐᓂᖏᓐᓂᒃ.
ᔫᓯᐱ ᐊᕐᕌᒍᖃᓕᓚᐅᕐᐳᖅ 30ᓂᒃ ᐱᓇᓱᐊᕆᐊᓯᑎᓪᓗᒍ ᐰᕉᑉ ᐊᖓᔪᖅᑳᕐᔪᐊᑉ ᐄᑦᔨᑉᑎᒥ ᐊᖓᔪᖅᑳᒃᑯᕕᖓᓂ. ᔫᓯᐱ ᑕᕝᕙᓐᖓᑦ ᐰᕉᑉ ᓇᔪᕐᑕᖓᓂᑦ ᐊᓂᒐᒥ ᐄᑦᔨᑉᑎᐅᑉ ᓄᓇᓕᒫᖓᓄᑦ ᐃᖏᕐᕋᓕᓚᐅᕐᐳᖅ.
