ᒨᓯᓯ ᓯᕗᓪᓖᑦ 42:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᕉᐱᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓯᒪᓐᖏᓚᑦᓰ ᐊᔪᕐᑐᓕᖁᓇᓯ ᓄᑲᑉᐱᐊᒧᑦ? ᐃᓕᑦᓯᓕ ᓈᓚᒍᒪᓚᐅᓐᖏᓚᓯ, ᑕᕝᕙ ᑖᑦᓱᒪ ᐊᐅᖓᓄᑦ ᐊᑭᓂᐊᕐᑕᐅᓕᕐᐳᒍᑦ.”

ᒨᓯᓯ ᓯᕗᓪᓖᑦ 42:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 4:10

ᐊᑕᓂᕐᓗ ᐅᖃᕐᐳᖅ, “ᖃᓄᐃᓕᐅᕐᓂᕐᐲᑦ? ᓄᑲᕐᐱᑦ ᐊᐅᖓ ᐅᕙᓐᓄᑦ ᓂᓪᓕᐊᖕᒪᑦ ᓄᓇᒥᑦ.

ᒨᓯᓯ ᓯᕗᓪᓖᑦ 42:23

ᖃᐅᔨᒪᓚᐅᓐᖏᓚᓪᓕ ᔫᓯᐱᒧᑦ ᑐᑭᓯᔭᐅᖕᒪᖔᕐᒥᒃ, ᑖᒃᑯᐊ ᐅᖃᓪᓚᖃᑦᑕᐅᑎᓕᕌᖓᒥ ᑐᓵᔨᖃᖃᑦᑕᕋᒥᒃ.

ᒨᓯᓯ ᓯᕗᓪᓖᑦ 45:3

ᔫᓯᐱᓗ ᐅᖃᓕᕐᐳᖅ ᐊᖓᔪᒥᓄᑦ, “ᔫᓯᐱᐅᕗᖓ; ᐊᑖᑕᒐ ᓱᓕ ᐃᓅᕚ?” ᐊᖓᔪᖏᑕᓕ ᑭᐅᔪᓐᓇᓐᖏᓛᑦ, ᖃᓂᓐᖎᓗᐊᕐᓂᑯᒥᖕᓄᑦ ᖁᐊᕐᓵᖓᓕᕋᒥᒃ.

ᒨᓯᓯ ᓯᕗᓪᓖᑦ 50:15

ᔫᓯᐱᐅᓪᓕ ᖃᑕᓐᖑᑎᖏᑦ ᖃᐅᔨᒪᓕᕋᒥᒃ ᐊᑖᑕᖓ ᑐᖁᖓᓕᕐᒪᑦ, ᐅᖃᕐᐳᑦ, “ᔫᓯᐱᐅᑉ ᐆᒥᒋᓂᐊᓕᕐᐹᑎᒍᑦ ᐊᑭᒋᐊᕐᓂᐊᓕᕐᐹᑎᒍᓪᓗ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑕᕗᑦ ᒪᓕᒡᓗᒍ.”

ᐊᑕᓃᑦ ᓯᕗᓪᓖᑦ 2:32

ᐊᑕᓂᖅ ᓱᒋᐊᕐᓯᓂᐊᕐᐳᖅ ᔪᐊᐱᒥᒃ ᐸᓯᔭᒃᓴᐅᖏᑦᑐᓂᒃ ᐃᓄᐊᕐᓯᓂᕆᓚᐅᕐᑕᖓ ᐱᑦᔪᑎᒋᓗᒍ, ᐃᓄᐊᕐᓯᓚᐅᕐᒪᑦ ᐊᑖᑕᒐ ᑍᕕᑎ ᖃᐅᔨᓐᖏᑎᓪᓗᒍ, ᑖᑦᓱᒪᓐᖓᑦ ᑍᒃᑯᐊ ᐃᓄᑦᓯᐊᕙᐅᓂᕐᓴᐅᓚᐅᕐᒪᑕ: ᐋᑉᓄ ᓂᕆᐅᑉ ᐃᕐᓂᖓ, ᐃᓴᕆᐊᓕᒃᑯᑦ ᐅᓇᑕᕐᑐᒃᓴᖏᑕ ᐊᖓᔪᖅᑳᖓᑦ, ᐊᒪᓴᓗ ᔨᑎᕆᐅᑉ ᐃᕐᓂᖓ ᔫᑕᒃᑯᑦ ᐅᓇᑕᕐᑐᒃᓴᖏᓐᓄᑦ ᐊᖓᔪᖅᑳᖅ.

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᑯᕉᓂᑲ ᐂᑉᐸᖏᑦ 24:22

ᐊᖓᔪᖅᑳᕐᔪᐊᖅ ᔪᐊᓯ ᐃᖅᑲᐅᒪᓚᐅᓐᖏᓚᖅ ᐱᑦᓯᐊᕐᕕᐅᓚᐅᕐᓂᕐᒥᓂᒃ ᔨᕼᐅᐃᐊᑕᒧᑦ ᓴᑲᕅᐊᐅᑉ ᐊᑖᑕᖓᓄᑦ, ᐃᕐᓂᖓᓕ ᑐᖁᑉᐹᑦ; ᑐᖁᓕᕐᓗᓂ ᐅᖃᕐᐳᖅ, “ᐊᑕᓂᐅᑉ ᑕᒪᓐᓇ ᑕᑯᓕᐅᒃ, ᐊᑭᓂᐊᕐᓗᓯᓗ!”

ᐃᓐᖏᕈᑎᑦ 9:12

ᑐᖁᑦᓯᔪᕕᓂᕐᓂᒃ ᐊᑭᓂᐊᕐᐸᒃᑑᑉ, ᑖᒃᑯᐊ ᐃᓱᒪᒋᕙᒃᐰᑦ; ᐅᖁᒤᒃᓴᕐᑎᑕᐅᓂᕐᒧᓪᓗ ᐃᑲᔪᕐᑕᐅᔪᒪᓪᓗᑎᒃ ᓂᓪᓕᐊᓂᖏᑦ ᐳᐃᒍᓐᖏᓔᑦ.

ᐃᓯᑭᐊᓕᐅᑉ ᐊᒡᓚᖏᑦ 3:18

ᐱᐅᖏᑦᑐᓕᔪᒧᑦ ᐅᖃᕈᒪ, ‘ᑐᖁᓂᐊᓕᕐᐳᑎᑦ,’ ᐃᓂᕐᑎᖏᒃᑯᕕᐅᒃ ᐱᐅᖏᑦᑐᓕᓂᕐᒥᓂᑦ ᖃᕿᐊᓕᖁᓗᒍ, ᐃᓅᖁᓪᓗᒍᓗ, ᐊᔪᕐᑐᓕᓂᕐᒥᓂᑦ ᖃᕿᐊᓕᓚᐅᕋᓂ ᑐᖁᑐᐃᓐᓇᕐᐸᑦ; ᑐᖁᓂᖓᓄᑦ ᐸᓯᔭᒃᓴᐅᑎᒃᑲᔭᕐᐸᒋᑦ.

ᓘᑲᓯᐅᑉ ᐊᒡᓚᖏᑦ 23:41

ᐅᕙᒍᒃᓕ ᑍᒫᒃ ᐱᔭᐅᑦᔪᑎᒃᓴᖃᕋᓐᓄᒃ ᐱᓂᐊᕐᕕᐅᕗᒍᒃ ᐱᓂᐊᕐᓂᕆᓚᐅᕐᑕᕗᒃ ᒪᓕᒡᓗᒋᑦ; ᐅᓇᓕ ᐊᖑᑦ ᓈᒻᒪᖏᑦᑐᒥᒃ ᐱᓚᐅᓐᖏᓚᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 28:4

ᒪᐅᓪᑕᒥᐅᓪᓕ ᑕᑯᒐᒥᑦᔪᒃ ᐊᒡᒐᖏᓐᓂ ᓂᕕᖓᔪᖅ, ᐃᒻᒥᖕᓄᑦ ᐅᖃᕐᐳᑦ, “ᓇᓗᓇᓐᖏᓚᖅ ᐅᓇ ᐃᓄᐊᕐᑎᐅᖕᒪᑦ, ᐃᒫᓂᑦ ᐱᐅᓕᔭᐅᒐᓗᐊᕋᒥ, ᐊᑭᓂᐊᕐᑕᐅᓂᕐᒥᓄᑦ ᐃᓅᑦᔮᔪᓐᓃᕐᑐᖅ.”

ᕉᒪᒥᐅᓄᑦ 2:15

ᑕᕝᕙ ᓴᖅᑭᑎᑦᓯᕗᑦ ᐱᖁᔧᑦ ᐊᑐᕐᑕᐅᖁᔭᖏᓐᓂᒃ ᐃᓗᒥᐅᑕᖃᕐᓂᕐᒥᖕᓂᒃ, ᐃᒃᐱᒋᔭᒥᒃᑎᒍᓪᓗ ᓇᓗᓁᕐᓯᓪᓗᑎᒃ, ᐃᓱᒪᒥᒃᑎᒍᓪᓗ ᐃᖅᑲᕐᑐᕐᑕᐅᕙᒃᓗᑎᒃ, ᑕᒻᒪᖏᓐᓂᕐᒥᖕᓂᒡᓗ ᖃᐅᔨᑎᑕᐅᕙᒃᑭᓪᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 13:10

ᓇᓪᓕᐊᑦ ᑎᒍᔭᐅᓂᐊᕐᓂᕈᓂ, ᑎᒍᔭᐅᓗᓂ ᑭᓯᐊᓂᐅᓂᐊᕐᐳᖅ; ᓇᓪᓕᐊᓪᓗ ᓴᕕᒡᔪᐊᒧᑦ ᑐᖁᑕᐅᓂᐊᕐᓂᕈᓂ ᑐᖁᑕᐅᓗᓂ ᑭᓯᐊᓂᐅᓂᐊᕆᕗᖅ. ᑕᕝᕙᓂ ᐃᑦᔪᕐᓁᑦᑐᑦ ᕿᓄᐃᓵᖁᔭᐅᕗᑦ ᐅᒃᐱᕐᓂᖃᕐᓗᑎᒃ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:9

ᐃᓄᐃᓪᓗ ᐆᓇᕐᑐᕐᔪᐊᒧᑦ ᐆᑕᐅᕗᑦ, ᒎᑎᐅᓪᓗ ᐊᑎᖓ ᐅᖃᕐᓂᕐᓘᑎᒋᕚᑦ ᑖᓐᓇ ᐱᔪᓐᓇᕐᓂᖃᕐᑐᖅ ᑖᒃᑯᓄᖓ ᑲᑉᐱᐊᓇᕐᑐᓄᑦ, ᖃᕿᐊᓕᓚᐅᓐᖏᓚᓪᓕ ᓂᕐᑐᐃᓇᑎᒡᓗ ᐱᓐᓇᕐᓇᕐᓂᕐᔪᐊᖓᓂᒃ.

ᓴᒧᐃᓕ ᓯᕗᓪᓖᑦ 19:4

ᔫᓇᑕᓂᐅᑉ ᑍᕕᑎ ᐅᐱᒋᑦᓯᐊᕐᓗᒍ ᐊᑖᑕᒥᓄᑦ ᓴᐅᓕᒧᑦ ᐅᖃᐅᑎᒋᕚ, ᐅᖃᐅᑎᓪᓗᒍᓗ, “ᐊᖓᔪᖅᑳᕐᔪᐊᖅ ᐊᔪᕐᑐᓕᑦᑍᓕᓕ ᑍᕕᑎ ᐱᔨᓂ ᐱᓪᓗᒍ; ᐃᓕᖕᓄᑦ ᐊᔪᕐᑐᓕᓚᐅᖏᒻᒪᑦ, ᐱᓇᓱᐊᕐᓯᒪᔭᓕᒫᖏᓪᓗ ᐃᑲᔪᕐᓯᒪᓪᓗᑎᒃ ᐃᓕᖕᓂᒃ;