ᒨᓯᓯ ᓯᕗᓪᓖᑦ 41:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᐰᕉᑉ ᓯᓐᓇᒃᑐᕐᓂᕆᔭᖓᑕ ᒪᕐᕉᓕᖅᑲᖓᓂᖓ ᑐᑭᖃᕐᐳᖅ ᑕᒪᓐᓇ ᒎᑎᐅᑉ ᐋᖅᑭᒃᓯᒪᖕᒪᒍ, ᐊᑯᓂᐅᖏᑦᑐᕐᓗ ᑲᔪᓯᑎᓐᓂᐊᕐᓗᓂᐅᒃ.

ᒨᓯᓯ ᓯᕗᓪᓖᑦ 41:32 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 37:7

ᑕᑯᒋᑦ, ᓂᐊᖂᔭᒃᓴᓂᒃ ᑲᑎᕐᓱᕐᓯᒪᔪᓂᒃ ᕿᓚᒃᓱᐃᑎᓪᓗᑕ ᐱᕈᕐᓰᕕᖕᒥ, ᑲᑎᓯᒪᔭᒃᑲᓕ ᕿᐱᑍᑦ ᓇᑉᐸᕋᒥᒃ ᓇᐸᑦᓯᐊᓕᕐᐳᑦ; ᐃᓕᑦᓯᓗ ᑲᑎᓯᒪᔭᓯ ᑲᑎᓯᒪᔭᒪ ᐊᕙᑖᓄᐊᕐᓗᑎᒃ ᑕᕝᕗᖓ ᐅᑯᕗᑦ.”

ᒨᓯᓯ ᓯᕗᓪᓖᑦ 37:9

ᑕᕝᕙ ᔫᓯᐱ ᓱᓕ ᓯᓐᓇᒃᑑᒪᒃᑲᓐᓂᓚᐅᕐᐳᖅ, ᐊᖓᔪᒥᓄᓪᓗ ᐅᖃᐅᓯᕆᓪᓗᓂᐅᒃ, ᐅᖃᕐᓗᓂ, “ᑕᑯᒋᑦ ᓯᓐᓇᒃᑑᒪᒃᑲᓐᓂᓚᐅᕐᐳᖓ; ᑕᑯᒋᑦ, ᓯᕿᓂᖅ, ᑕᖅᑭᕐᓗ, ᐅᓪᓗᕆᐊᓪᓗ 11ᐃᑦ ᐅᕙᓐᓄᑦ ᐹᒻᒪᒃᑎᓚᐅᕐᐳᑦ.”

ᒨᓯᓯ ᓯᕗᓪᓖᑦ 41:25

ᑕᕝᕙ ᔫᓯᐱ ᐅᖃᕐᐳᖅ ᐰᕉᒧᑦ, “ᐰᕉᑉ ᓯᓐᓇᒃᑐᕐᓯᒪᔭᖏᑦ ᑖᒃᑯᐊᑦᓮᓐᓇᐅᕗᑦ ᐊᑕᐅᓯᐅᓪᓗᑎᒃ; ᒎᑎ ᓇᓗᓁᕐᓯᕗᖅ ᐰᕉᒧᑦ ᖃᓄᐃᓕᐅᕐᓂᐊᓕᕐᓂᕐᒥᓂᒃ.

ᒨᓯᓯ ᓯᕗᓪᓖᑦ 41:28

ᑕᒪᒃᑯᐊ ᐅᖃᐅᑎᒋᔭᒃᑲ ᐰᕉᒧᑦ, ᒎᑎᐅᑉ ᖃᐅᔨᑎᑦᓯᑦᔪᑎᒋᕔᑦ ᐰᕉᒧᑦ ᖃᓄᐃᓕᐅᕐᓂᐊᓕᕐᓂᕐᒥᓂᒃ.

ᒨᓯᓯ ᓯᕗᓪᓖᑦ 41:31

ᐊᔪᕐᓴᕐᓇᖏᑦᑑᓚᐅᕐᑐᖅ ᐱᕈᕐᕕᐅᑦᓯᐊᕐᓇᕐᑑᓚᐅᕐᑐᕐᓗ ᐳᐃᒍᕐᑕᐅᑦᓯᐊᕈᒫᕐᐳᖅ ᑕᒫᓂ ᓄᓇᒥ ᑕᒪᑐᒪ ᑭᖑᓕᕆᔭᖓ ᑳᖕᓇᕐᑐᕐᔪᐊᖅ ᑭᖑᓪᓕᐅᔪᒫᕐᒪᑦ, ᕿᒃᓵᖕᓇᕐᑐᕐᔪᐊᖑᓗᓂᓗ.

ᐂᓮᐊᓯᐅᑉ ᐊᒡᓚᖏᑦ 30:33

ᑍᑦᓱᒪᓂᐊᓗᖕᓂᑦ ᐊᑐᐃᓐᓇᕈᐃᓯᒪᓚᐅᕐᒪᑦ ᐃᑯᐊᓚᑦᓯᕕᒃᔪᐊᒃᓴᒥᒃ; ᐃᓛᒃ ᐊᖓᔪᖅᑳᕐᔪᐊᖓᑦᑕ ᐃᑯᐊᓪᓚᒃᑕᐅᕕᒃᓴᖓᓂᒃ, ᐃᓗᑐᔫᓪᓗᓂ ᓴᓂᒧᑐᔫᓪᓗᓂᓗ, ᐃᑯᐊᓪᓚᖅᑯᑎᒃᓴᖏᑦ ᕿᔪᐃᑦ ᐊᒥᒐᕋᑎᒃ; ᐊᑕᓂᐅᑉ ᐊᓂᕐᓵᕐᓂᖓᑕ ᐃᑯᒪᕐᔪᐊᒥᒃ ᑰᒃᑐᑎᑐᑦ ᐃᑯᐊᓪᓚᒃᑎᑦᓱᒫᕐᐹ.

ᑖᓂᐊᓕᐅᑉ ᐊᒡᓚᖏᑦ 2:45

ᑖᓐᓇ ᑕᕝᕙ ᐅᔭᕋᒃᔪᐊᑉ ᑐᑭᖓ, ᑕᑯᓚᐅᕐᑍᑦ ᐲᕐᑕᐅᔪᖅ ᖃᖅᑲᒥ ᐃᓅᑉ ᐊᒡᒐᖏᓐᓅᖏᑦᑐᖅ, ᓯᖁᒥᑦᓯᓚᐅᕐᑐᖅ ᓴᕕᕋᔭᖕᒥᒃ, ᖃᑯᕐᓕᕐᒥᒡᓗ, ᔭᕐᕋᕐᒥᒡᓗ, ᓯᐅᓪᕕᕆᒥᒡᓗ, ᒎᓗᒥᒡᓗ. ᒎᑎᓪᓚᕆᐊᓘᑉ ᐊᖓᔪᖅᑲᕐᔪᐊᖅ ᑕᑯᑎᓚᐅᕐᐹ ᓯᕗᓂᒃᓴᒥ ᐱᔪᒫᕐᑐᓂᒃ: ᓯᓐᓇᒃᑐᕆᔧᑦ ᓱᓕᔪᖅ ᑐᑭᖓᓗ ᐅᒃᐱᕆᔭᒃᓴᐅᓪᓗᓂ.”

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒫᑎᐅᓯᐅᑉ ᐊᒡᓚᖏᑦ 24:35

ᕿᓚᒡᓗ ᓄᓇᓗ ᓄᖑᔪᒫᕐᐴᒃ; ᐅᖃᐅᓯᒃᑲᓕ ᓄᖑᔪᒫᓐᖏᓚᑦ.”

ᒫᑎᐅᓯᐅᑉ ᐊᒡᓚᖏᑦ 25:34

ᑕᕝᕙ ᐊᖓᔪᖅᑳᕐᔪᐊᖅ ᑕᓕᕐᐱᖕᒥᓃᑦᑐᓄᑦ ᐅᖃᕈᒫᕐᐳᖅ, ‘ᕾᒋᑦᓯ, ᐊᑖᑕᒪ ᓇᒡᓕᒃᑕᖏᑦ, ᐊᑕᓂᐅᕕᒃ ᑭᖑᕐᖑᑎᓕᕐᓯᐅᒃ ᐅᐸᓗᖕᒊᔭᕐᑕᐅᓯᒪᔪᖅ ᐃᓕᑦᓯᓐᓄᑦ ᓄᓇᕐᔪᐊᑉ ᐱᓐᖑᕐᑎᑕᐅᓕᕐᓂᖓᓂᑦ;

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑯᓯᐅᑉ ᐊᒡᓚᖏᑦ 10:40

ᑭᓯᐊᓂᓕ ᑕᓕᕐᐱᓐᓂ ᓴᐅᒥᓐᓂᓘᓐᓃᑦ ᐃᒃᓯᕙᔪᒃᓴᓂᒃ ᐋᖅᑮᔪᓐᓇᓐᖏᓚᖓ, ᐊᑐᐃᓐᓇᕈᕐᑕᐅᓯᒪᔪᓪᓕ ᑭᓯᒥ ᑕᕝᕙᓂ ᐃᒃᓯᕙᔪᒫᕐᒪᑕ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 13:1

ᑕᕝᕙ ᐱᖓᔪᒋᓕᕐᑕᖓᓂᒃ ᐃᓕᑦᓯᓐᓄᑦ ᑎᑭᓛᓕᕐᐳᖓ. “ᒪᕐᕉᒃᐸᑎᒃ ᖃᐅᔨᓯᒪᔫᒃ ᐱᖓᓱᓪᓘᓐᓃᑦ, ᐸᓯᔭᒃᓴᓐᖑᕐᑎᑦᓯᔪᓐᓇᕐᐳᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 9:15

ᑕᕝᕙ ᐂᖏᓖᑦ ᓯᑕᒪᑦ ᕿᓚᕈᑦᔮᕐᑕᐅᕗᑦ, ᐅᐸᓗᖕᒊᕈᑕᐅᓯᒪᔪᑦ ᐃᑲᕐᕋᕐᒥ ᑕᕝᕙᓂ; ᐅᓪᓗᕐᒥ; ᑕᖅᑭᕐᒥ; ᐊᕐᕌᒍᒥᓗ ᑕᕝᕙᓂ; ᑐᖁᑦᓯᖁᓪᓗᒋᑦ ᓯᓚᕐᔪᐊᑉ ᐃᓄᖏ ᑕᒪᕐᒥᒃ ᐱᖓᓲᓕᓗᒋᑦ ᐊᑕᐅᓯᖅ ᐱᖓᓲᑦᔪᑎᖏᑦ ᑐᖁᑉᐰᑦ.