ᒨᓯᓯ ᓯᕗᓪᓖᑦ 41:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᐰᕉ ᔫᓯᐱᒧᑦ ᐅᖃᕐᐳᖅ, “ᓯᓐᓇᒃᑑᒪᓚᐅᕋᒪ, ᑭᓯᐊᓂᓕ ᓇᓪᓕᐊᓐᓄᓪᓘᓐᓃᑦ ᑐᑭᓯᓇᕐᓯᑎᑕᐅᔪᓐᓇᓐᖏᓚᑦ; ᑐᓴᐅᒪᕙᒋᓪᓕ ᐅᖃᐅᑎᒋᔭᐅᓯᒪᒐᕕᑦ ᐅᕙᓐᓄᑦ ᓯᓐᓇᒃᑑᒪᒥᒎᖅ ᑐᓴᕈᕕᑦ ᑐᑭᓯᓇᕐᓯᑎᑦᓯᔪᓐᓇᕋᕕᑦ.”

ᒨᓯᓯ ᓯᕗᓪᓖᑦ 41:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 40:8

ᑖᒃᑯᐊᒃ ᑭᐅᕘᒃ, “ᐊᑐᓂᑦ ᓯᓐᓇᒃᑑᒪᖅᑲᐅᕗᒍᒃ, ᓇᓪᓕᐊᓐᓂᒡᓘᓐᓃᓪᓕ ᑐᑭᓯᑎᑕᐅᔪᓐᓇᓐᖏᓚᒍᒃ.” ᔫᓯᐱᐅᓪᓗ ᐅᖃᐅᑎᕚᒃ, “ᒎᑎ ᑭᓯᒥ ᑐᑭᓯᑎᑦᓯᔪᓐᓇᕐᑐᑑᕗᖅ, ᐅᖃᐅᑎᓚᐅᕐᓯᓐᖓ ᑖᒃᑯᓂᖓ.”

ᒨᓯᓯ ᓯᕗᓪᓖᑦ 41:8

ᐅᓪᓛᖑᓕᕐᑎᓪᓗᒍᓕ ᐃᓱᒪᔮᓕᕐᐳᖅ; ᑎᓕᓯᓪᓗᓂᓗ ᕾᖁᔨᕗᖅ ᐄᑦᔨᑉᑎᒥ ᐊᖓᒃᑯᓕᒫᓂᒃ ᐃᓕᓯᒪᔪᓕᒫᓂᒡᓗ; ᐰᕉᓪᓗ ᓯᓐᓇᒃᑐᒥᓂᒃ ᐅᓂᒃᑲᐅᑎᓕᕐᐰᑦ, ᓇᓪᓕᐊᓐᓂᒡᓘᓐᓃᓪᓕ ᑐᑭᓕᐅᕆᔪᖃᕈᓐᓇᓚᐅᓐᖏᓚᖅ ᐰᕉᒧᑦ.

ᑯᕉᓂᑲ ᐂᑉᐸᖏᑦ 26:5

ᒎᑎᒥᒃ ᑕᑎᖃᓚᐅᕐᐳᖅ ᓴᑲᕅᐊ ᐃᓅᑎᓪᓗᒍ, ᑖᑦᓱᒪ ᐃᓱᒻᒥᕐᑐᖃᑦᑕᓚᐅᕐᒪᒍ ᒎᑎᒥᒃ ᓯᕘᕋᒋᔭᖃᖁᓪᓗᒍ; ᐊᑕᓂᕐᒥᒃ ᑕᑎᖃᕐᓂᓕᒫᖓᓂ, ᒎᑎᐅᑉ ᐱᕙᓪᓕᐊᑎᑦᓯᐊᓚᐅᕐᐹ.

ᐃᓐᖏᕈᑎᑦ 25:14

ᐊᑕᓂᐅᑉ ᐃᔨᕐᓯᒪᔭᓂ ᖃᐅᔨᔭᐅᑎᑉᐰᑦ ᓯᕘᕋᒋᔨᒥᓄᑦ; ᐊᖏᖃᑎᒌᒍᑎᒥᓂᒡᓗ ᑕᑯᑎᓐᓂᐊᕐᐰᑦ.

ᑖᓂᐊᓕᐅᑉ ᐊᒡᓚᖏᑦ 2:3

ᐅᖃᐅᑎᕔᓪᓗ, “ᓯᓐᓇᒃᑐᓚᐅᕋᒪ ᐃᓱᒪᔮᕈᑎᒋᔭᓐᓂᒃ, ᑐᑭᓯᔪᒪᕗᖓᓗ ᖃᓄᖅ ᑐᑭᖃᕐᒪᖔᑦ.”

ᑖᓂᐊᓕᐅᑉ ᐊᒡᓚᖏᑦ 4:18

“ᑍᒫᒃ ᑕᕝᕙ ᐅᕙᖓ, ᐊᖓᔪᖅᑳᕐᔪᐊᖅ ᓂᐱᑯᓁᓴ, ᓯᓐᓇᑑᒪᓚᐅᕐᐳᖓ, ᑍᒪᓕ ᐃᕝᕕᑦ ᐱᐊᓪᓴᔮᕆ, ᐅᖃᐅᑎᓚᐅᓐᖓ ᑕᒪᓐᓇ ᖃᓄᖅ ᑐᑭᖃᕐᒪᖔᑦ, ᓯᓚᑐᔪᑦ ᐊᖓᔪᖅᑲᐅᕕᓐᓃᑦᑐᑦ ᓇᓪᓕᐊᑦᑕᓘᓐᓃᑦ ᑐᑭᖓᓂᒃ ᐅᖃᐅᑎᔪᓐᓇᖏᒻᒪᖓ, ᐃᕝᕕᓪᓕ ᐊᔪᖏᓐᓇᕕᑦ, ᒎᑏᑦ ᐃᑦᔪᕐᓁᑦᑐᑦ ᐊᓂᕐᓂᖏᑕ ᓇᔪᕐᒪᑎᑦ.”

ᑖᓂᐊᓕᐅᑉ ᐊᒡᓚᖏᑦ 4:9

ᐅᖃᐅᑎᓚᐅᕐᐸᕋᓗ, ᐱᐊᓪᓴᔮᕆ, ᐊᖓᒃᑯᐃᑦ ᐊᖓᔪᖅᑳᖓᑦ, ᖃᐅᔨᒪᕗᖓ ᒎᑎᑦ ᐊᓂᕐᓂᖏᑕ ᐃᓂᒋᖕᒪᑎᑦ, ᓇᓗᓇᕐᑐᓂᒡᓗ ᓴᐱᕈᑎᖃᖏᓐᓇᕕᑦ, ᐃᒫᒃ ᓯᓐᓇᒃᑐᓚᐅᕐᐳᖓ; ᑐᑭᖓᓂᒃ ᐅᖃᐅᑎᓚᐅᓐᖓ.

ᑖᓂᐊᓕᐅᑉ ᐊᒡᓚᖏᑦ 5:12

ᑖᓐᓇ ᑖᓂᐊᓕ, ᐊᖓᔪᖅᑳᕐᔪᐊᑉ ᐊᑎᖃᑎᓚᐅᕐᑕᖓ ᐱᐊᓪᓴᔮᕆᒥᒃ, ᐃᓱᒪᖃᑦᓯᐊᕐᒪᑦ ᖃᐅᔨᒪᑦᓯᐊᕐᓗᓂᓗ, ᑐᑭᓯᒪᑦᓯᐊᕐᓗᓂᓗ, ᓯᓐᓇᒃᑐᐃᓪᓗ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᐅᖃᐅᓰᓪᓗ ᓇᓗᓇᕐᑐᑦ ᑐᑭᖏᓐᓂᒃ ᐅᖃᐅᓯᖃᕈᓐᓇᕐᓗᓂ, ᓇᓗᓇᕐᑐᓂᒡᓗ ᓇᓗᓁᕐᓯᔪᓐᓇᕐᓗᓂ; ᕾᖁᓚᐅᕈᒃ ᐅᖃᐅᑎᓂᐊᕐᒪᑎᑦ ᑎᑎᕋᕐᓯᒪᔪᑦ ᖃᓄᖅ ᑐᑭᖃᕐᒪᖔᑕ.”

ᑖᓂᐊᓕᐅᑉ ᐊᒡᓚᖏᑦ 5:14

ᑐᓴᓚᐅᕋᒪ ᒎᑎᑦ ᐊᓂᕐᓂᖏᑕᒎᖅ ᐃᓚᒋᖕᒪᑎᑦ, ᖃᐅᔨᔪᓐᓇᕋᕕᒡᒎᖅ ᐃᓱᒪᑖᕈᓇᕐᓗᑎᓪᓗ ᑐᑭᓯᔪᓐᓇᕐᓗᑎᓪᓗ ᓯᓚᑐᓂᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 5:16

ᑐᓴᓚᐅᕋᒪ ᓇᓗᓇᕐᑐᑦ ᑐᑭᖏᓐᓂᒃ ᓇᓗᓁᕐᓯᔪᓐᓇᕋᕕᒡᒎᖅ, ᐊᔪᕐᓇᕐᑐᓪᓗᒎ ᑐᑭᓯᔭᒃᓴᐅᖏᑦᑐᑦ ᓇᓗᓇᕈᓐᓁᕐᑎᑦᓱᓐᓇᕋᕕᒋᑦ, ᑎᑎᕋᕐᓯᒪᔪᑦ ᐅᑯᐊ ᐅᖃᓕᒫᕈᓐᓇᕈᕕᒋᑦ ᐅᖃᐅᑎᓗᖓᓗ ᖃᓄᐃᓕᖕᒪᖔᑕ, ᐊᐅᐸᓪᓚᕆᒃᑐᒥᒃ ᐊᓐᓄᕌᕐᑎᑦᓱᒪᕙᒋᑦ ᐅᔭᒥᒡᓗᑎᓪᓗ ᒎᓗᒥᒃ, ᐊᖓᔪᖅᑳᓐᖑᕐᑎᑦᓱᒪᕙᒋᓪᓗ ᐊᖓᔪᖅᑲᐅᓂᕐᒪ ᑐᖏᓕᖏᑕ ᐱᖓᔪᐊᓐᓄᑦ.”