ᒨᓯᓯ ᓯᕗᓪᓖᑦ 40:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐅᓪᓗᐃᑦ ᐱᖓᓱᑦ ᐊᓂᒍᕐᒪᑕ, ᐰᕉ ᐃᓅᓕᕐᕕᒃᓯᐅᓕᕐᐳᖅ, ᓂᕆᕕᒃᔪᐊᕐᑎᑦᓯᕗᓪᓗ ᐱᔨᒥᓄᑦ ᑕᒤᓐᓄᑦ, ᑐᑭᑖᕈᑎᖃᕐᐳᕐᓗ ᐃᒥᕐᑎᑦᓯᔩᑦ ᑲᒪᔨᖓᓐᓂᒃ ᓂᐊᖂᔭᓕᐅᕐᑏᓪᓗ ᑲᒪᔨᖓᓐᓂᒃ ᐱᔨᖏᑕ ᐊᑯᕐᖓᓐᓂ.

ᒨᓯᓯ ᓯᕗᓪᓖᑦ 40:20 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 14:6

ᐃᕉᑕᓯᐅᑉ ᐃᓅᓕᕐᕕᒃᓯᐅᕐᕕᖓᓂ ᐃᕉᑎᐊᓯᐅᑉ ᐸᓂᖓ ᑖᓂᓯᕐᐳᖅ ᓇᓪᓕᐅᓐᓂᕐᓯᐅᕆᐊᕐᓯᒪᔪᓕᒫᓄᑦ ᑕᑯᓐᓈᕐᑕᐅᓪᓗᓂ, ᐃᕉᑕᓯᐅᓪᓗ ᖁᕕᐊᒋᒻᒪᕆᒃᐹ.

ᒨᓯᓯ ᓯᕗᓪᓖᑦ 40:19

ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐰᕉᑉ ᑐᑭᑖᕐᕕᒋᔪᒫᕐᐹᑎᑦ ᕿᒥᑕᐅᖁᓪᓗᑎᑦ ᓇᐹᕐᑐᒥ! ᑎᖕᒥᐊᓂᓪᓗ ᑎᒦᑦ ᓂᕆᔭᐅᔪᒫᕐᐳᖅ.”

ᒨᓯᓯ ᓯᕗᓪᓖᑦ 40:13

ᐅᓪᓗᐃᑦ ᐱᖓᓱᑦ ᐊᓂᒍᕐᐸᑕ ᐰᕉᑉ ᑐᑭᑖᕐᕕᒋᔪᒫᕐᐹᑎᑦ ᐅᑎᕐᑎᓪᓗᑎᓪᓗ ᐱᓇᓱᐊᕐᕕᒋᓚᐅᕐᑕᕐᓄᑦ; ᐰᕉᓪᓗ ᐃᒥᐅᑎᖓ ᑖᑦᓱᒧᖓ ᑐᓂᖃᑦᑕᓕᓛᕆᕙᑦ ᓯᕗᓂᖓᓂᑎᑐᑦ, ᑖᑦᓱᒪ ᐃᒥᕐᓂᐊᕐᑕᖏᓐᓂᒃ ᑲᒪᔨᐅᓂᕆᓚᐅᕐᑕᕐᑐᖅ.

ᒫᑯᓯᐅᑉ ᐊᒡᓚᖏᑦ 6:21

ᐃᕉᑍᐊᓯ ᐱᕕᒃᓴᖃᑦᓯᐊᓕᑍᓐᓇᓚᐅᕐᐳᖅ ᐃᕉᑕᓯᐅᑉ ᐃᓅᓕᕐᕕᒃᓯᐅᕐᕕᖓᓂ ᐊᖓᔪᖅᑳᖁᑎᒥᓂᒃ ᓂᕆᑎᑦᓯᓕᕐᒪᑦ ᒐᕙᒪᖁᑎᖏᑕ ᖁᕝᕙᓯᖕᓂᕐᐹᖁᑎᖏᓐᓂᒃ, ᐅᓇᑕᕐᑐᒃᓴᖁᑎᖏᑕᓗ ᐊᖓᔪᖅᑳᒻᒪᕆᖏᓐᓂᒃ, ᒐᓕᓕᐊᒥᐅᓄᓪᓗ ᐊᐅᓚᑦᓯᔨᐅᔪᓂᒃ.

ᐊᑕᓃᑦ ᐂᑉᐸᖏᑦ 25:27

ᐊᕐᕌᒍᒥ ᐊᐅᓪᓚᕈᑦᔭᐅᓯᒪᓂᖏᑕ 37ᒋᓕᕐᑕᖓᓐᓂ ᔨᕼᐅᐃᐊᑭᓐ ᔫᑕᐅᑉ ᐊᖓᔪᖅᑳᕐᔪᐊᖓ, ᑕᖅᑮᑦ 12ᖓᑦᑕ ᐅᓪᓗᖏᑕ 27ᖓᓐᓂ, ᐃᕗᓪᒥᕈᑖᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ, ᐊᖓᔪᖅᑳᕐᔪᐊᓐᖑᕋᒥ ᔨᕼᐅᐃᐊᑭᓐ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᓯᐊᕐᕕᒋᓚᐅᕐᐹ ᑎᒍᔭᐅᓯᒪᕕᖕᒥᓪᓗ ᐊᓂᑎᓪᓗᓂᐅᒃ.

ᒫᑎᐅᓯᐅᑉ ᐊᒡᓚᖏᑦ 25:19

“ᑕᒪᑐᒪ ᑭᖑᓂᖓᒍᑦ ᐊᑯᓂ ᓂᐸᒪᓚᐅᕐᓗᓂ ᐱᔩᑦ ᐊᖓᔪᖅᑳᖓᑦ ᐅᑎᕐᐳᖅ, ᑮᓇᐅᔭᖏᓐᓂᒃ ᖃᐅᔨᓴᖃᑎᒋᓕᕐᐰᑦ.

ᔫᐱᐅᑉ ᐊᒡᓚᖏᑦ 3:1

ᑕᒪᑐᒪ ᑭᖑᓂᖓᒍᑦ ᔫᐱ ᓂᓪᓕᕐᐳᖅ ᐃᓅᓕᕐᕕᓂ ᐅᖃᕐᓂᕐᓘᑎᒋᓪᓗᓂᐅᒃ.

ᐃᔅᑕᐅᑉ ᐊᒡᓚᖏᑦ 1:3

ᐊᖓᔪᖅᑲᐅᓂᖓᑕ ᐊᕐᕌᒍᖏᑕ ᐱᖓᔪᖓᓐᓂ, ᓂᕆᕕᒃᔪᐊᕐᑎᑦᓯᓚᐅᕐᐳᖅ ᐊᖓᔪᖅᑳᖁᑎᓕᒫᒥᓂᒃ ᐱᔨᓕᒫᒥᓂᒡᓗ; ᐊᖓᔪᖅᑳᓕᒫᓄᑦ ᐱᔪᓐᓇᕐᓂᖃᕐᑐᓕᒫᓄᓪᓗ ᐴᕐᓯᐊᒥ ᒥᑎᐊᒥᓗ, ᓄᓇᓕᖕᓂ ᐊᐅᓚᑦᓯᔩᑦ ᐊᖓᔪᖅᑳᓕᒫᓪᓗ ᑕᕝᕙᓃᑉᐳᑦ.

ᒨᓯᓯ ᓯᕗᓪᓖᑦ 21:8

ᓱᕈᓯᕐᓗ ᐊᖏᒡᓕᕙᓪᓕᐊᕗᖅ, ᐊᒫᒪᔪᐃᕐᓗᓂᓗ; ᐅᓪᓗᕐᒥᓗ ᐂᓴᑭᐅᑉ ᐊᒫᒪᔪᐃᕐᕕᐊᓂ, ᐂᑉᕋᕼᐋᒻ ᓂᕆᕕᒡᔪᐊᓕᐅᓚᐅᕐᐳᖅ.

ᐃᓐᖏᕈᑎᑦ 105:19

ᔫᓯᐱᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᓚᐅᖅᑳᕐᑎᓐᓇᒋᑦ, ᐊᑕᓂᐅᑉ ᐆᒃᑐᕋᓚᐅᕐᐹ ᓱᓕᓂᖓ ᓇᓗᓁᕐᑕᐅᖁᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 52:31

ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᐊᐅᓪᓚᕈᑦᔭᐅᓯᒪᓂᖓᑕ 37ᖓᓐᓂ ᐃᕗᓪᒥᕈᑖᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐹᐱᓘᓂᒥ, ᔨᕼᐅᐃᐊᑭᓐ ᑎᒍᔭᐅᓯᒪᕕᖕᒥᑦ ᐊᓂᑎᓚᐅᕐᐹ ᑕᖅᑮᑦ 12ᖓᑦᑕ ᐅᓪᓗᖏᑦᑕ 25ᖓᓐᓂ.

ᐊᑕᓃᑦ ᓯᕗᓪᓖᑦ 3:15

ᓲᓗᒨᓂ ᑐᐸᒃᑲᒥ, ᑕᑯᒋᓪᓗ, ᖃᐅᔨᓕᕐᐳᖅ, ᑕᒪᓐᓇ ᓯᓐᓇᒃᑑᒪᓂᐅᖕᒪᑦ. ᑕᕝᕙ ᔨᕉᓴᓕᒧᐊᕐᐳᖅ, ᐊᑕᓂᐅᑉ ᐃᒃᓯᕕᖓᑕ ᐊᖏᖃᑎᒌᒍᑎᓂᒃ ᐃᓗᓕᖃᕐᑑᑉ ᓵᖓᓂ ᓇᖏᕐᐳᖅ, ᑐᓂᕐᕈᓯᕐᓗᓂᓗ ᐆᑕᒃᓴᓂᒃ ᑐᓂᕐᕈᑎᓂᒃ ᐃᓚᖃᑦᓯᐊᕐᓂᕐᒧᓪᓗ ᑐᓂᕐᕈᑎᓂᒃ, ᑕᒪᑐᒪ ᑭᖑᓂᖓᒍᑦ ᓂᕆᕕᒡᔪᐊᕐᑎᑦᓯᕗᖅ ᐱᔨᓕᒫᒥᓂᒃ.