ᒨᓯᓯ ᓯᕗᓪᓖᑦ 37:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖓᔪᖏᑕᓗ ᐊᐱᕆᕚᑦ, “ᐅᕙᑦᑎᓐᓄᑦ ᐊᖓᔪᖅᑳᓐᖑᓛᕐᑐᕆᕖᑦ? ᐊᐅᓚᑦᓯᓕᕐᓗᑎᓪᓗ ᐅᕙᑦᑎᓐᓂᒃ?” ᑕᕝᕙ ᐆᒥᒋᒋᐊᓪᓚᓕᕐᐹᑦ ᓯᓐᓇᒃᑐᕐᓂᖓᓄᑦ ᐅᖃᐅᓯᖏᓐᓄᓪᓗ.

ᒨᓯᓯ ᓯᕗᓪᓖᑦ 37:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:41

ᐄᓴᐅᓪᓗ ᔧᑯ ᐆᒥᒋᓕᕐᐹ ᓮᒻᒪᕐᑎᑕᐅᓯᒪᓂᖓᓄᑦ ᐊᑖᑕᖓᑕ ᓮᒻᒪᕐᑎᓚᐅᕐᒪᒍ, ᐄᓴᓗ ᓂᐱᖃᕐᓗᓂ ᐃᒻᒥᓄᑦ ᐅᖃᓕᕐᐳᖅ, “ᐊᑖᑕᒪ ᕿᒃᓵᒍᑕᐅᕕᒃᓴᖓ ᖃᒡᓕᖕᒪᑦ; ᑭᖑᕐᖓᒍᑦ ᓄᑲᕋ ᔧᑯ ᑐᖁᓛᓕᕐᐸᕋ.”

ᒨᓯᓯ ᓯᕗᓪᓖᑦ 37:4

ᐊᖓᔪᖏᓪᓕ ᖃᐅᔨᓕᕋᒥᒃ ᐊᑖᑕᖓᑕ ᓇᒡᓕᒋᓂᕐᓴᕆᖕᒪᒍ ᐃᕐᓂᓕᒫᒥᓂᑦ ᑕᒤᓐᓂᑦ, ᑕᕝᕙ ᐆᒥᒋᓕᕐᐹᑦ ᐊᒡᓛᑦ ᑐᓐᖓᓇᕐᑐᓂᒃ ᐅᖃᐅᑎᔪᓐᓁᓪᓕᓪᓗᒍ.

ᒨᓯᓯ ᓯᕗᓪᓖᑦ 37:9

ᑕᕝᕙ ᔫᓯᐱ ᓱᓕ ᓯᓐᓇᒃᑑᒪᒃᑲᓐᓂᓚᐅᕐᐳᖅ, ᐊᖓᔪᒥᓄᓪᓗ ᐅᖃᐅᓯᕆᓪᓗᓂᐅᒃ, ᐅᖃᕐᓗᓂ, “ᑕᑯᒋᑦ ᓯᓐᓇᒃᑑᒪᒃᑲᓐᓂᓚᐅᕐᐳᖓ; ᑕᑯᒋᑦ, ᓯᕿᓂᖅ, ᑕᖅᑭᕐᓗ, ᐅᓪᓗᕆᐊᓪᓗ 11ᐃᑦ ᐅᕙᓐᓄᑦ ᐹᒻᒪᒃᑎᓚᐅᕐᐳᑦ.”

ᒨᓯᓯ ᓯᕗᓪᓖᑦ 42:10

ᑖᒃᑯᐊ ᐅᖃᐅᑎᕚᑦ, “ᐊᖓᔪᖅᑳᖅ ᑍᒤᓐᖏᓚᒍᑦ, ᐃᓕᖕᓄᑦ ᐱᔨᐅᕗᒍᑦ ᓂᕿᒃᓴᓂᒃ ᓂᐅᕕᕆᐊᑐᐃᓐᓇᕐᐳᒍᑦ.

ᒨᓯᓯ ᓯᕗᓪᓖᑦ 44:18

ᑕᕝᕙ ᔫᑕᐅᑉ ᐅᐸᒃᓗᒍ ᐅᖃᐅᑎᕚ, “ᐊᖓᔪᖅᑳᕋ, ᕿᓄᕕᒋᕙᒋᑦ ᐱᔩᑦ ᓈᓚᒡᓗᒍ ᐅᖃᕈᓐᓇᕐᑎᓚᐅᕈᒃ, ᐱᔩᓪᓗ ᓂᓐᖓᐅᑎᑦᑍᓕᓗᒍ; ᐰᕉᑐᑦ ᐃᓱᒪᓇᕋᕕᑦ.

ᒨᓯᓯ ᓯᕗᓪᓖᑦ 49:26

ᐊᑖᑕᕕᑦ ᓮᒻᒪᕐᑎᑦᓯᓂᖓ ᐊᔪᖏᓐᓂᕐᓴᐅᕗᖅ ᖃᖅᑲᑐᖄᓗᐃᑦ ᐃᓱᖃᖏᑦᑐᒧᑦ ᓮᒻᒪᕐᑎᑦᓯᓂᖓᓂᑦ, ᐃᓱᖃᖏᑦᑐᒧᑦ ᐱᖑᐊᓗᐃᑦ ᐱᒃᓴᖃᕐᓂᐊᓗᖏᓐᓂᑦ; ᑖᒃᑯᐊ ᔫᓯᐱᐅᑉ ᓂᐊᖁᖓᓃᑦᓴᕆᐊᖃᕐᐳᑦ, ᖃᐅᖓᓃᓪᓗᑎᒡᓗ ᖃᑕᓐᖑᑎᒥᓂᑦ ᐊᕕᓯᒪᓚᐅᕐᑐᒥᑦ.

ᒨᓯᓯ ᓯᕗᓪᓖᑦ 50:18

ᐊᖓᔪᖏᑕᑦᑕᐅᖅ ᐅᐸᒃᓗᒍ ᓵᖓᓄᑦ ᐹᒻᒪᒡᕕᒋᕚᑦ, ᐅᖃᕐᓗᑎᒡᓗ, “ᑕᑯᒋᑦ ᐃᓕᖕᓄᑦ ᐱᔨᐅᕗᒍᑦ.”

ᐃᓐᖏᕈᑎᑦ 118:22

ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᑖᓐᓇ ᐱᒋᐊᕐᕕᐅᓕᕐᐳᖅ ᑐᓐᖓᕕᒋᔭᐅᔪᒧᑦ.

ᒨᓯᓯ ᐂᑉᐸᖏᑦ 2:14

ᑖᑦᓱᒪᓗ ᑭᐅᕚ, “ᑭᐊ ᐅᕙᑦᑎᓐᓄᑦ ᐊᖓᔪᖅᑳᓐᖑᕐᑎᑉᐹᑏᑦ ᐃᖅᑲᕐᑐᐃᖁᓪᓗᑎᑦ, ᑐᖁᓐᓂᐊᓕᕆᕕᖔ ᑍᑦᓱᑐᓇᖅ ᐄᑦᔨᑉᑎᒥᐅᑕᕐᑐᑦ ᑐᖁᓚᐅᕐᑕᕐᑐᑦ?” ᒨᓯᓯᓗ ᓯᕘᕋᓕᕐᐳᖅ ᐃᓱᒪᓕᕐᓗᓂᓗ, “ᐃᓄᖕᓂᑦ ᖃᐅᔨᔭᐅᓐᓂᕐᐳᖓ ᖃᓄᐃᓕᐅᕐᓂᕆᓚᐅᕐᑕᓐᓂᒃ.”

ᓘᑲᓯᐅᑉ ᐊᒡᓚᖏᑦ 19:14

ᓄᓇᖃᑎᖏᑕ ᑖᓐᓇ ᐊᖓᔪᖅᑳᖅ ᐆᒥᒋᒐᒥᑦᔪᒃ, ᑎᓕᓯᕗᑦ ᐅᖃᕆᐊᕐᑐᕐᑐᓂᒃ, ‘ᐅᓇ ᐊᖓᔪᖅᑳᕐᔪᐊᕐᑖᕆᔪᒪᓐᖏᑕᕗᑦ.’

ᓘᑲᓯᐅᑉ ᐊᒡᓚᖏᑦ 20:17

ᔩᓱᓯᐅᑉ ᐃᓄᐃᑦ ᑕᑯᓴᕐᓗᒋᑦ, ᐅᖃᐅᑎᕔᑦ, “ᐅᖃᐅᓰᑦ ᐃᒤᓕᔪᑦ ᖃᓄᖅ ᑐᑭᖃᕐᐹᑦ? ‘ᐅᔭᕋᒃ ᐃᒡᓗᓕᐅᕐᑎᓂᑦ ᓇᕐᕈᒋᔭᐅᔪᖅ ᐊᑐᖏᓐᓂᕋᕐᑕᐅᓪᓗᓂ ᑖᓐᓇ ᐊᑐᕆᐊᖃᕐᓂᕐᐹᖑᓕᕐᐳᖅ ᑎᕆᖅᑰᓕᕐᓗᓂ.’

ᐋᐴᓯᑕᓖᑦ ᐱᓂᐊᕐᓂᖏᑦ 7:35

“ᒨᓯᓯ ᐃᓴᕆᐊᓕᒥᐅᓂᑦ ᓇᕐᕈᒋᔭᐅᓚᐅᕐᑐᖅ ᐅᖃᐅᑦᔭᐅᓪᓗᓂ ‘ᑭᐊ ᐊᐅᓚᑦᓯᔨᓐᖑᕐᑎᒻᒪᑏᑦ ᐃᖅᑲᕐᑐᐃᔨᓐᖑᕐᑎᓪᓗᑎᓪᓗ ᐅᕙᑦᑎᓐᓅᑦ?’ ᑖᓐᓇ ᑎᓕᔭᐅᓚᐅᕐᐳᖅ ᒎᑎᒧᑦ, ᐊᐅᓚᑦᓯᔨᐅᖁᓪᓗᒍ ᓴᐳᑦᔨᔨᐅᖁᓪᓗᒍᓗ, ᐂᖏᓕᒥᒃ ᐊᖅᑯᑎᖃᕐᓗᓂ ᐅᕐᐱᒐᕐᓂ ᐃᑯᐊᓚᔪᒥ ᑕᑯᓚᐅᕐᑕᖓᓂᒃ.

ᒨᓯᓯ ᑕᓪᓕᒪᖏᑦ 33:16

ᓄᓇᐅᑉ ᑐᓂᕐᕈᑎᖏᓐᓂᒃ ᐱᐅᓂᕐᐹᓂᒃ ᑕᑕᑎᓚᐅᕈᒃ, ᐊᑕᓂᖅ ᓂᕐᑐᕐᓇᕐᓯᑎᑕᐅᓕ ᐅᕐᐱᖕᓂᑦ ᐃᑯᐊᓚᔪᓂᑦ ᐅᖃᓪᓚᓚᐅᕐᓯᒪᔪᖅ. ᑕᒪᒃᑯᐊ ᓮᒻᒪᕐᑎᑕᐅᓇᕐᑐᑦ ᔫᓯᐱᐅᑉ ᑭᖑᕚᖏᓐᓄᑦ ᑎᑭᓚᐅᕐᓕᑦ, ᖃᑕᓐᖑᑎᖏᑕᓗ ᑭᖑᕚᖏᑕ ᐊᖓᔪᖅᑳᖏᓐᓄᑦ ᑎᑭᓪᓗᓂ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᓴᒧᐃᓕ ᓯᕗᓪᓖᑦ 10:27

ᐃᓚᖏᓪᓕ ᐊᑭᕋᕐᑐᕐᑐᑦ ᐅᖃᕐᐳᑦ, “ᖃᓅᖅ ᑖᑦᓱᒧᖓ ᐱᐅᓕᔭᐅᔪᓐᓇᕋᑦᑕ?” ᑕᕝᕙ ᑖᑦᓱᒥᖓ ᓇᕐᕈᓕᕐᐳᑦ, ᐂᑦᑐᕐᓇᒍᓗ ᐱᑖᒃᓴᖏᓐᓂᒃ. ᓴᐅᓕᓕ ᓮᒪᓂᖃᑦᓯᐊᓚᕐᐳᖅ.

ᓴᒧᐃᓕ ᓯᕗᓪᓖᑦ 17:28

ᐊᖓᔪᐊᓕ ᐃᓔᐊᑉ ᐊᖓᔪᒃᓕᕐᐹᑉ ᑕᒪᒃᑯᓂᖓ ᐅᖃᕐᑎᓪᓗᒍ ᐊᖑᑎᓄᑦ ᑐᓴᕐᐳᖅ; ᐃᓔᐊᓗ ᓂᓐᖓᒃᐳᖅ ᑍᕕᑎᒧᑦ, ᐅᖃᕐᓗᓂᓗ, “ᖃᓄᐃᒻᒪᑦ ᑕᒪᐅᓐᖓᓚᐅᕐᐲᑦ? ᑭᓇᒧᓪᓕ ᓰᐲᑦ ᕿᒪᒃᐱᒌᑦ ᐃᓄᖃᔪᐃᑦᑐᒦᑦᑐᑦ? ᐱᐅᔪᕆᓃᑦ ᖃᐅᔨᒪᕙᕋ ᐅᖃᒻᒥᓂᐅᓃᓪᓗ ᐆᒻᒪᑎᒃᑯᑦ, ᕾᓚᐅᕐᐳᑎᑦ ᐅᓇᑕᕐᑐᓂᒃ ᑕᑯᔭᕐᑐᑐᐃᓐᓇᕐᓗᑎᑦ.”

ᓴᒧᐃᓕ ᓯᕗᓪᓖᑦ 18:8

ᓴᐅᓕᐅᑉ ᑕᒪᓐᓇ ᖁᕕᐊᒋᓐᖏᓛ, ᓂᓐᖓᒃᓗᓂᓗ ᐅᖃᕐᐳᖅ, “ᑍᕕᑎᒥᒃ ᑐᖁᑦᓯᓂᕅᕗᑦ 10,000ᓂᒃ, ᐅᕙᓐᓂᓪᓕ 1,000ᓂᒃ; ᓱᓇᒦᒃ ᐱᒃᑲᓐᓂᕐᑐᒃᓴᐅᕚ ᐊᖓᔪᖅᑲᐅᕕᖕᒥᒃ ᑭᓯᐊᓂ?”