ᒨᓯᓯ ᓯᕗᓪᓖᑦ 37:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᐃᕐᓂᖏᑕᓕ ᐸᓂᖏᑕᓗ ᑕᒪᕐᒥᒃ ᓮᒻᒪᕐᓴᕋᓱᐊᕋᓗᐊᕐᐹᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓕ, ᐅᖃᕐᓗᓂᓗ, “ᕿᒃᓵᒻᒪᕆᒡᓗᖓ ᑐᖁᖓᔪᑦ ᐃᓂᖓᓄᐊᖔᕈᒪᓕᕐᐳᖓ ᐃᕐᓂᕋ ᐅᐸᒡᓗᒍ.” ᑕᕝᕙ ᐊᑖᑕᖓᑕ ᑍᒫᒃ ᕿᒃᓴᕕᒡᔪᐊᕈᑎᒋᓚᐅᕐᐹ.

ᒨᓯᓯ ᓯᕗᓪᓖᑦ 37:35 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 2:11

ᔫᐱᐅᑉ ᐱᖃᓐᓇᕆᔭᖏᑦ ᐱᖓᓱᑦ ᐃᓕᐹᓯ ᑎᒪᓁᑎᒥᐅᑕᖅ, ᐱᐅᓪᑖᓗ ᓲᕼᐂᑎᒥᐅᑕᖅ, ᔪᐸᕆᓗ ᓁᒪᑍᑎᒥᐅᑕᖅ. ᑐᓴᕋᒥᒃ ᔫᐱᐅᑉ ᐊᖏᔪᒥᒃ ᐋᓐᓂᐊᓂᖓᓂᒃ ᑕᑯᔭᕐᑐᕐᐳᑦ ᓮᒻᒪᕐᓮᔪᒪᓪᓗᑎᒃ ᑖᑦᓱᒥᖓ.

ᓴᒧᐃᓕ ᐂᑉᐸᖏᑦ 12:17

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᒪᑭᑎᓐᓇᓱᐊᖃᑦᑕᓚᐅᕐᐹᑦ ᓇᑎᕐᒥᑦ; ᒪᑭᑦᑐᒪᓚᐅᓐᖏᓚᕐᓕ, ᓂᕆᖃᑕᐅᔪᒪᓇᓂᓗ ᑖᒃᑯᓄᖓ.

ᒨᓯᓯ ᓯᕗᓪᓖᑦ 42:38

ᑖᓐᓇᓕ ᐅᖃᕐᐳᖅ, “ᐃᕐᓂᕋ ᐃᓕᑦᓯᓐᓄᑦ ᐊᐅᓪᓚᖃᑕᐅᓂᐊᓐᖏᓚᖅ, ᑖᑦᓱᒪ ᐊᖓᔪᐊ ᑐᖁᖓᓕᕐᒪᑦ, ᑖᓐᓇᓗ ᐊᒥᐊᒃᑯᑑᓕᕐᐳᖅ. ᐊᖅᑯᑎᑦᓯᓐᓂ ᑖᓐᓇ ᖃᓄᐃᓐᓇᕐᑐᒧᑦ ᑎᑭᑕᐅᒐᔭᕐᐸᑦ, ᑕᕝᕙ ᓄᔭᒃᑲ ᖃᑯᕐᑍᑦ ᕿᒃᓵᒃᑎᑕᐅᓗᐊᕐᓂᕐᒧᑦ ᐅᒋᐊᕐᑕᐅᓗᖓ ᐃᓕᔭᐅᔪᒫᕐᐳᖓ ᐃᓗᕕᖃᕐᕕᖕᒧᑦ.”

ᔨᕆᒤᐊᐅᑉ ᐊᒡᓚᖏᑦ 31:15

ᐃᒫᒃ ᐊᑕᓂᖅ ᐅᖃᕐᐳᖅ, “ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᕐᓗ ᕿᑐᕐᖓᖏᑦ ᓄᖑᑕᐅᖕᒪᑕ.”

ᐃᓐᖏᕈᑎᑦ 77:2

ᐅᖁᒤᒃᓴᕐᓂᕐᒪ ᓇᓪᓕᐅᓐᓂᖓᓂ ᐊᑕᓂᖅ ᕿᓂᓚᐅᕐᐸᕋ; ᐊᒡᒐᒃᑲ ᐃᓵᖓᑎᓚᐅᕐᐸᒃᑲ ᐅᓐᓄᐊᒃᑯᑦ ᓄᖅᑲᓚᐅᕐᓇᖓ; ᑕᕐᓂᕋ ᓮᒻᒪᕐᓴᕐᑕᐅᔪᒪᓚᐅᓐᖏᓚᕐᓘᓐᓃᑦ.

ᒨᓯᓯ ᓯᕗᓪᓖᑦ 45:28

ᐃᓴᕆᐊᓕᓗ ᐅᖃᕐᐳᖅ, “ᓈᒻᒪᒃᓯᕗᖓ; ᐃᕐᓂᕋ ᔫᓯᐱ ᓱᓕ ᐆᒪᕗᖅ; ᐊᐅᓪᓚᕐᓗᖓ ᑕᑯᔭᕐᑐᕐᓂᐊᕐᐸᕋ ᑐᖁᓚᐅᖅᑳᕐᓇᖓ.”

ᒨᓯᓯ ᓯᕗᓪᓖᑦ 42:31

ᐅᖃᐅᑎᓚᐅᕐᐸᕗᓪᓕ, ‘ᓴᒡᓗᕿᑦᓯᔨᐅᖏᓐᓂᕋᕐᓱᑕ, ᓄᓇᒥᒡᓗ ᐃᔨᕋᕐᑐᕐᓗᑕ ᖃᐅᔨᓴᕆᐊᕐᓯᒪᖏᓐᓂᕋᕐᓱᑕ;

ᒨᓯᓯ ᓯᕗᓪᓖᑦ 31:43

ᓔᐸᓂᐅᑉ ᔧᑯ ᑭᐅᕚ, “ᐅᑯᐊᒃ ᐊᕐᓈᒃ ᐸᓂᒋᕚᒃᑲᒃ; ᕿᑐᕐᖓᖏᓪᓗ ᐱᒋᕙᒃᑲ, ᐅᑯᐊᓗ ᐆᒪᔪᑦ ᐆᒪᔪᖁᑎᒋᕙᒃᑲ, ᑕᑯᔭᑎᓪᓗ ᑕᒪᕐᒥᒃ ᑕᒪᒃᑯᐊ ᐱᖁᑎᒋᕙᒃᑲ, ᐅᓪᓗᒥᓕ ᖃᓄᐃᓕᐅᕆᐊᖃᓕᕐᐳᖓ ᐸᓂᓐᓄᑦ ᐅᑯᓄᖓ ᕿᑐᕐᖓᖏᓐᓄᓪᓗ ᐃᕐᓂᐊᕆᓚᐅᕐᑕᖏᓐᓄᑦ?

ᒨᓯᓯ ᓯᕗᓪᓖᑦ 25:8

ᐂᑉᕋᕼᐋᒻ ᐊᓂᕐᓇᖏᓚᐅᕐᐳᖅ ᐃᑦᑐᐊᓘᓕᕐᓗᓂ, ᐃᓄᑐᖃᐅᓪᓗᓂ ᐊᕐᕌᒍᖏᑦ ᐅᓄᕐᑐᐊᓘᓕᕐᓗᑎᒃ, ᐃᓚᒋᓚᐅᕐᑕᒥᓄᓪᓗ ᐃᓚᓕᐅᑎᓪᓗᓂ.

ᒨᓯᓯ ᓯᕗᓪᓖᑦ 35:29

ᐂᓴᑭᓕ ᐊᓂᕐᓇᖏᕐᐳᖅ; ᑐᖁᒐᒥ ᐃᓚᒥᓄᑦ ᐅᑎᕐᐳᖅ, ᐃᑦᑐᐊᓘᓕᕐᓗᓂ; ᐃᕐᓂᖏᒃᑕᓗ ᐄᓴᐅᑉ ᔧᑰᓪᓗ ᐃᓗᕕᕐᐹ.

ᓴᒧᐃᓕ ᐂᑉᐸᖏᑦ 12:23

ᒫᓐᓇᓕ ᑐᖁᖕᒪᑦ; ᓱᖕᒪᓕ ᓂᕆᑦᑍᓕᔪᒃᓴᐅᕗᖔ? ᓄᑕᕋᑯᓗᒃ ᐃᓅᓕᕐᑎᒃᑲᓐᓂᕈᓐᓇᕐᐸᕌ? ᐅᓪᓗᐃᑦ ᐃᓚᖓᓂ ᓇᔪᕐᑕᖓᓄᐊᓛᕐᐳᖓ, ᑭᓯᐊᓂᓕ ᐅᕙᓐᓄᑦ ᐅᑎᕐᓂᐊᕈᓐᓃᕐᐳᖅ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:10

ᐊᒡᒐᖕᓄᑦ ᓱᓕᐊᒃᓴᒥᒃ ᐱᓯᒪᒍᕕᑦ ᐱᓇᓱᐊᕈᒃ ᐊᒃᓱᕈᕐᓗᑎᑦ, ᓯᕗᓂᕆᔭᕐᓂ ᐃᓗᕕᕐᒥ ᓱᓕᐊᒃᓴᖃᖏᒻᒪᑦ, ᓱᓕᐊᒃᓴᒧᓪᓗ ᐸᕐᓇᖕᓂᖃᕋᓂ, ᖃᐅᔨᒪᓂᕐᑕᖃᕋᓂᓗ, ᓯᓚᑐᓂᕐᑕᖃᕋᓂᓗ.

ᒨᓯᓯ ᓯᕗᓪᓖᑦ 48:11

ᐃᓴᕆᐊᓕᓗ ᔫᓯᐱᒧᑦ ᐅᖃᕐᐳᖅ, “ᐃᓕᖕᓂᒃ ᑕᑯᓂᐊᕋᓱᒋᔪᓐᓃᓚᐅᕐᐳᖓ; ᑕᑯᒋᓪᓕ ᒎᑎᐅᑉ ᕿᑐᕐᖓᕐᓂᒃ ᐊᒡᓛᑦ ᑕᑯᑎᑉᐹᖓ.”

ᓴᒧᐃᓕ ᐂᑉᐸᖏᑦ 19:1

ᔪᐊᐱ ᐅᖃᐅᑦᔭᐅᕗᖅ, “ᑕᑯᒋᑦ ᐊᖓᔪᖅᑳᕐᔪᐊᑉ ᑍᕕᑎ ᕿᐊᑦᔪᑎᖃᕐᐳᖅ ᕿᒃᓵᒍᑎᖃᕐᓗᓂᒡᓗ ᐋᑉᓴᓚᒻᒥᒃ.”

ᑯᕉᓂᑲ ᓯᕗᓪᓖᑦ 7:22

ᐃᕗᕅᒻ ᑖᒃᑯᐊ ᐊᑖᑕᖓᑦᑕ ᕿᒃᓵᒍᑎᒋᓚᐅᕐᐰᑦ ᐅᓪᓗᓂᒃ ᐅᓄᕐᑐᓂᒃ, ᖃᑕᓐᖑᑎᖏᓪᓗ ᑖᑦᓱᒧᖓ ᐂᕗᑦ ᒪᓂᒍᕆᐊᕐᑐᕐᓗᒍ.

ᐃᓐᖏᕈᑎᑦ 77:3

ᒎᑎ ᐃᖅᑲᓚᐅᕐᐸᕋ, ᕿᒃᓵᒃᑎᓪᓗᖓ; ᐃᓱᒪᒃᓴᕐᓯᐅᕐᑎᓪᓗᖓ, ᐊᓂᕐᓂᕋ ᓴᓐᖐᓕᓚᐅᕐᐳᖅ. ᓰᓚ