ᒨᓯᓯ ᓯᕗᓪᓖᑦ 37:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᑖᑦᓱᒪᓗ ᐃᓕᑕᕆᕚ, ᐅᖃᕐᓗᓂᓗ, “ᐅᓇ ᐃᕐᓂᕐᒪ ᐅᓕᖓ; ᐃᕐᓂᕋ ᐆᒪᔪᒧᑦ ᐃᕐᓯᓇᕐᑐᒧᑦ ᓂᕆᔭᐅᓐᓂᕐᐳᖅ; ᔫᓯᐱ ᓇᓗᓇᓐᖏᓚᖅ ᓄᖑᑕᐅᑦᓯᐊᕐᑐᕕᓂᖅ.”

ᒨᓯᓯ ᓯᕗᓪᓖᑦ 37:33 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 44:28

ᐂᑉᐸᖓᑕᓕ ᕿᒪᓚᐅᕐᐹᖓ, ᐅᖃᓚᐅᕐᐳᖓᓗ, ᓇᓗᓇᓐᖏᓚᖅ ᐊᓕᒃᑐᕐᑕᐅᓯᒪᖕᒪᑦ; ᑍᒪᓐᖓᓪᓗ ᑕᑯᓚᐅᕐᓯᒪᔪᓐᓃᕐᐸᕋ.

ᒨᓯᓯ ᓯᕗᓪᓖᑦ 37:20

ᐊᑏ ᑲᑐᑎᓗᒍ, ᑐᖁᓚᐅᕐᓚᕗᑦ ᐃᑎᕐᓴᒧᓪᓗ ᑲᑕᒃᑎᓪᓗᒍ; ᐅᖃᓛᕋᑦᑕ ᐆᒪᔪᒧᑦ ᐃᕐᓯᓇᕐᑐᒧᑦ ᓂᕆᔭᕕᓂᐅᓂᕋᕐᓗᒍ, ᑕᕝᕙ ᖃᐅᔨᓛᕐᐳᒍᑦ ᓯᓐᓇᒃᑐᕆᓚᐅᕐᑕᖏᑦ ᖃᓄᐃᓕᖓᓛᕐᒪᖔᑕ.”

ᔪᐊᓇᓯᐅᑉ ᐊᒡᓚᖏᑦ 13:7

ᔩᓱᓯᐅᑉ ᑭᐅᕚ, “ᒫᓐᓇ ᑐᑭᓯᖏᒃᑲᓗᐊᕐᐳᑎᑦ ᓱᖕᒪᑦ ᑍᒤᓕᐅᕐᒪᖔᕐᒪ, ᑭᖑᕐᖓᒍᓪᓕ ᑐᑭᓯᔪᒫᕐᐳᑎᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:15

ᓯᓔᑦᑐᖅ ᐅᖃᐅᓯᐅᔪᓕᒫᓂᒃ ᐅᒃᐱᕈᓱᒃᐳᖅ, ᓯᕗᓂᒃᓴᕐᓯᐅᕐᑑᓪᓕ ᐊᖅᑯᑎᒋᔭᓂ ᐅᑦᔨᕐᑐᕐᐰᑦ.

ᐊᑕᓃᑦ ᐂᑉᐸᖏᑦ 2:24

ᓵᕝᕕᒋᓪᓗᓂᒋᑦ, ᐊᑦᑕᕆᓇᒋᑦ ᓱᐊᒃᐰᑦ ᐊᑕᓂᐅᑉ ᐊᑎᖓᓂ ᖃᓄᐃᓕᔭᐅᖁᓪᓗᓂᒋᑦ. ᑕᕝᕙ ᐊᒃᓵᖕᓂᒃ ᒪᕐᕉᖕᓂᒃ ᓇᐹᕐᑐᓂᑦ ᓴᖅᑭᑦᑐᖃᕐᓗᓂ ᑖᒃᑯᐊ ᐃᓅᓱᒃᑐᑦ 42ᖑᔪᑦ ᑕᒪᕐᒥᒃ ᐅᒋᐊᕐᑕᐅᕗᑦ.

ᐊᑕᓃᑦ ᓯᕗᓪᓖᑦ 13:24

ᑖᓐᓇᓗ ᐊᐅᓪᓚᕐᐳᖅ, ᐃᖏᕐᕋᓕᕐᑎᓪᓗᒍ ᐊᖅᑯᒻᒥ ᓛᔭᒧᑦ ᑎᑭᑕᐅᒐᒥ ᑐᖁᑕᐅᕗᖅ. ᑎᒥᖓᓗ ᐊᖅᑯᒻᒧᑦ ᑲᑕᒃᓗᓂ, ᓯᐅᑎᖅᑯᕐᑐᔪᖅ ᓛᔭᓗ ᑖᑦᓱᒪ ᑎᒥᐊᑕ ᓴᓂᐊᓃᑐᐃᓐᓇᓕᕐᐴᒃ.

ᒨᓯᓯ ᓯᕗᓪᓖᑦ 37:32

ᐅᓕᒡᔪᐊᖅ ᑕᑭᔪᖅ ᐂᖅᑯᕐᑐᔪᖅ ᓇᒃᓴᕐᐹᑦ ᐊᑖᑕᒥᖕᓄᑦ, ᐅᖃᐅᑎᓪᓗᒍᓗ, “ᐅᓇ ᓇᓂᓚᐅᕐᑕᕗᑦ; ᑕᑯᒍᒃ ᐃᕐᓂᕐᐱᑦ ᐊᓐᓄᕌᕆᖕᒪᖔᒍ ᐊᓐᓄᕌᕆᖏᒻᒪᖔᒍᓗ?”

ᒨᓯᓯ ᓯᕗᓪᓖᑦ 42:38

ᑖᓐᓇᓕ ᐅᖃᕐᐳᖅ, “ᐃᕐᓂᕋ ᐃᓕᑦᓯᓐᓄᑦ ᐊᐅᓪᓚᖃᑕᐅᓂᐊᓐᖏᓚᖅ, ᑖᑦᓱᒪ ᐊᖓᔪᐊ ᑐᖁᖓᓕᕐᒪᑦ, ᑖᓐᓇᓗ ᐊᒥᐊᒃᑯᑑᓕᕐᐳᖅ. ᐊᖅᑯᑎᑦᓯᓐᓂ ᑖᓐᓇ ᖃᓄᐃᓐᓇᕐᑐᒧᑦ ᑎᑭᑕᐅᒐᔭᕐᐸᑦ, ᑕᕝᕙ ᓄᔭᒃᑲ ᖃᑯᕐᑍᑦ ᕿᒃᓵᒃᑎᑕᐅᓗᐊᕐᓂᕐᒧᑦ ᐅᒋᐊᕐᑕᐅᓗᖓ ᐃᓕᔭᐅᔪᒫᕐᐳᖓ ᐃᓗᕕᖃᕐᕕᖕᒧᑦ.”

ᒨᓯᓯ ᓯᕗᓪᓖᑦ 44:20

ᐅᕙᒍᓪᓗ ᐊᖓᔪᖅᑳᑦᑎᓐᓄᑦ ᐅᖃᓚᐅᕐᐳᒍᑦ, ‘ᐊᑖᑕᖃᕐᐳᒍᑦ ᐃᑦᑑᓕᕐᑐᒥᒃ, ᓄᑲᖃᕐᓱᑕᓗ, ᐃᓄᑐᖃᐅᓕᕐᑎᓪᓗᒍ ᕿᑐᕐᖓᕐᑖᕆᓯᒪᔭᖓᓂᒃ; ᑖᑦᓱᒪᓗ ᐊᖓᔪᐊ ᑐᖁᖓᓕᕐᐳᖅ, ᑖᓐᓇᓗ ᑭᓯᒥ ᐊᒥᐊᒃᑯᑑᓕᕐᐳᖅ ᐊᓈᓇᖓᑕ ᐃᕐᓂᐊᕆᓯᒪᔭᖏᓐᓂᑦ; ᐊᑖᑕᖓᑕᓗ ᓇᒡᓕᒋᒻᒪᕆᒃᐹ.’

ᒨᓯᓯ ᓯᕗᓪᓖᑦ 48:11

ᐃᓴᕆᐊᓕᓗ ᔫᓯᐱᒧᑦ ᐅᖃᕐᐳᖅ, “ᐃᓕᖕᓂᒃ ᑕᑯᓂᐊᕋᓱᒋᔪᓐᓃᓚᐅᕐᐳᖓ; ᑕᑯᒋᓪᓕ ᒎᑎᐅᑉ ᕿᑐᕐᖓᕐᓂᒃ ᐊᒡᓛᑦ ᑕᑯᑎᑉᐹᖓ.”