ᒨᓯᓯ ᓯᕗᓪᓖᑦ 37:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑍᒤᒻᒪᑦ ᒥᑎᐊᓂᒥᐅᑦ ᑕᐅᕐᓰᔩᑦ ᐊᖅᑯᓵᓕᕐᐳᑦ; ᑕᕝᕙ ᔫᓯᐱ ᐃᑎᕐᓴᒥᑦ ᐊᒧᓪᓗᒍ ᐊᓂᑎᑉᐹᑦ, ᓂᐅᕐᕈᑎᒋᓪᓗᒍᓗ ᐃᓯᒤᓕᒥᐅᓄᑦ 20ᓂᒃ ᓯᐅᓪᕕᕆᓂᒃ ᐊᑭᖃᕐᓱᓂ; ᑖᒃᑯᐊᓗ ᔫᓯᐱ ᓇᒃᓴᓕᕐᐹᑦ ᐄᑦᔨᑉᑎᒧᑦ.

ᒨᓯᓯ ᓯᕗᓪᓖᑦ 37:28 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 25:2

ᑖᑦᓱᒪᓗ ᕿᑐᕐᖓᕐᑖᕐᑎᑉᐹ ᔨᒻᕋᓐᒥᒃ, ᔫᒃᓵᓐᒥᒡᓗ, ᒥᑖᓂᒥᒡᓗ, ᒥᑎᐊᓂᒥᒡᓗ, ᐃᓴᐸᒃᒥᒡᓗ, ᓱᐊᒥᒡᓗ.

ᒨᓯᓯ ᓯᕗᓪᓖᑦ 37:25

ᑕᕝᕙ ᐃᖏᑉᐳᑦ ᓂᕆᓇᓱᐊᓕᕐᓗᑎᒃ; ᑕᑯᓴᕋᒥᒡᓗ ᑕᑯᕗᑦ, ᐃᓯᒤᓕᒥᐅᓂᒃ ᐅᓄᕐᑐᓂᒃ ᐃᖏᕐᕋᖃᑎᒌᒃᑐᓂᒃ, ᓄᓇᒥᑦ ᒋᓕᐊᑎᒥᑦ ᐱᔪᓂᒃ ᑳᒥᓕᒃᑯᑦ ᐃᖏᕐᕋᔪᓂᒃ, ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᑐᑦ, ᐹᓪᒥᓂᒃ, ᒧᕆᓂᒡᓗ, ᐄᑦᔨᑉᑎᒧᓐᖓᐅᑎᔭᒥᖕᓂᒃ.

ᒨᓯᓯ ᓯᕗᓪᓖᑦ 37:36

ᑍᑦᓱᒪᓂᐅᑎᓪᓗᒍᓕ ᒥᑎᐊᓂᒥᐅᑦ ᓂᐅᕐᕈᑎᒋᕚᑦ ᐄᑦᔨᑉᑎᒥ ᐹᑎ-ᐸᕆᒧᑦ, ᐰᕉᑉ ᐊᖓᔪᖅᑳᖁᑎᖓᓄᑦ, ᐊᖓᔪᖅᑳᒃᑯᕕᖕᒥ ᖃᐅᔨᓴᕐᑏᑦ ᐊᖓᔪᖅᑳᖓᓐᓄᑦ.

ᒨᓯᓯ ᓯᕗᓪᓖᑦ 39:1

ᔫᓯᐱᓕ ᐄᑦᔨᑉᑎᒧᐊᕈᑦᔭᐅᒐᒥ, ᐹᑎ-ᐸᕆᒧᑦ ᐂᑦᑑᑎᒋᔭᐅᕗᖅ, ᐰᕉᑉ ᐊᖓᔪᖅᑳᖁᑎᖓᓄᑦ, ᖃᐅᔨᓴᕐᑎᓄᑦ ᐄᑦᔨᑉᑎᒥᐅᑕᓄᑦ ᐊᖓᔪᖅᑳᖑᔪᒧᑦ, ᑖᓐᓇ ᐃᓯᒤᓕᒥᐅᓂᑦ ᓂᐅᕕᓚᐅᕐᑕᖓ ᑖᑦᓱᒥᖓ ᑎᑭᐅᑦᔨᓚᐅᕐᑐᓂᑦ.

ᒨᓯᓯ ᓯᕗᓪᓖᑦ 40:15

ᐄᑉᕈᐃᑦ ᓄᓇᖓᓂᑦ ᑎᒡᓕᒐᕆᔭᐅᓪᓗᖓ ᐊᐅᓪᓚᕈᑦᔭᐅᓚᐅᕋᒪ; ᐊᒻᒪᑦᑕᐅᖅ ᑎᒍᔭᐅᑦᔪᑎᒃᓴᒥᒃ ᐱᓚᐅᕐᑎᓐᓇᖓ ᐅᕗᖓ ᑎᒍᔭᐅᓯᒪᕕᖕᒧᐊᕐᑕᐅᓯᒪᓪᓗᖓ.”

ᒨᓯᓯ ᓯᕗᓪᓖᑦ 50:15

ᔫᓯᐱᐅᓪᓕ ᖃᑕᓐᖑᑎᖏᑦ ᖃᐅᔨᒪᓕᕋᒥᒃ ᐊᑖᑕᖓ ᑐᖁᖓᓕᕐᒪᑦ, ᐅᖃᕐᐳᑦ, “ᔫᓯᐱᐅᑉ ᐆᒥᒋᓂᐊᓕᕐᐹᑎᒍᑦ ᐊᑭᒋᐊᕐᓂᐊᓕᕐᐹᑎᒍᓪᓗ ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑕᕗᑦ ᒪᓕᒡᓗᒍ.”

ᐃᓐᖏᕈᑎᑦ 105:17

ᑖᒃᑯᐊ ᓯᕗᓂᖓᒍᑦ ᐊᖑᑦ ᑎᓕᓚᐅᕐᐹ, ᔫᓯᐱ, ᑖᓐᓇ ᓂᐅᕐᕈᑎᒋᔭᐅᓚᐅᕐᐳᖅ ᓂᐅᕕᐊᒃᓴᐅᖁᓪᓗᒍ.

ᐃᓐᖏᕈᑎᑦ 83:9

ᐱᓇᓱᐊᕐᕕᒋᓚᐅᒃᑭᑦ ᒥᑎᐊᓂᒥᐅᑎᑐᑦ, ᓯᓰᕋᒥᐅᑎᑐᓪᓗ, ᔮᐱᓂᒥᐅᑎᑐᓪᓗ ᑭᓲᓂᐅᑉ ᑰᖓᓂᒥᐅᑕᑎᑐᑦ,

ᒨᓯᓯ ᐂᑉᐸᖏᑦ 2:16

ᐅᓪᓗᓪᓕ ᐃᓚᖓᓐᓂ ᒨᓯᓯ ᐃᒃᓯᕙᑎᓪᓗᒍ ᐃᒥᕐᑕᕐᕕᖕᒥ ᔩᑕᓘᑉ ᑐᓂᕐᕈᓯᕐᑎᑦᓯᔨᐅᔫᑉ ᒥᑎᐊᓂᒥ, ᐸᓂᖏᑦ 7 ᑎᑭᑉᐳᑦ ᐆᒪᔪᖁᑎᖏᑕ ᐃᒪᖃᐅᑎᖏᓐᓂᒃ ᐃᒻᒥᕐᓯᔭᕐᑐᕐᓗᑎᒃ.

ᒨᓯᓯ ᐂᑉᐸᖏᑦ 21:16

“ᓇᓪᓕᐊᑦ ᐃᓅᖃᑎᒥᓂᒃ ᐃᓱᒪᓯᐅᕆᖏᓪᓗᓂ ᑎᒍᓯᑐᐃᓐᓇᕐᐸᑦ, ᓂᐅᕐᕈᑎᖃᕋᓱᐊᕐᓂᕐᒧᑦ ᐅᕝᕙᓗ ᓯᐊᓛᕐᑖᕆᔪᒪᓗᓂᐅᒃ, ᑖᓐᓇ ᑐᖁᑕᐅᔪᒃᓴᐅᕗᖅ.

ᐂᓮᐊᓯᐅᑉ ᐊᒡᓚᖏᑦ 60:6

ᑳᒧᓕᖕᓂᒃ ᓇᖕᒪᒃᑐᓂᒃ ᓄᓇᓯ ᑕᑕᑦᓱᒫᕐᐳᖅ, ᐱᕈᕇᕋᑖᕐᓂᕐᓂᒡᓗ ᑳᒥᓕᖕᓂᒃ ᒥᑎᐊᓂᒥᑦ ᐄᐸᒥᓪᓗ ᑎᑭᑦᑐᓂᒃ; ᓰᐸᐅᑉ ᓄᓇᓕᒫᖓᓂᑦ ᐱᔪᓄᑦ ᐅᓄᕐᑐᓄᑦ ᑎᑭᐅᑦᔨᕕᒋᔪᒫᕐᐹᓯ, ᒎᓗᓂᒃ ᐳᔫᕐᑎᑕᒐᕐᓂᒡᓗ ᑎᐱᑦᓯᐊᕆᒃᓴᐅᑎᓂᒃ ᓇᒃᓴᕐᓗᑎᒃ, ᐅᖃᐅᓯᖃᕐᓗᑎᒡᓗ ᐊᑕᓂᐅᑉ ᓂᕐᑐᕐᑕᐅᔪᒃᓴᐅᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 38:13

ᐊᒧᕚᓪᓗ ᐃᒥᕐᑕᕐᕕᒃᓴᒥᑦ, ᐊᒃᓗᓈᓄᑦ ᐊᒧᐊᕈᑎᖃᕐᓗᑎᒃ. ᔨᕆᒤᐊᓗ ᖃᐅᔨᓴᕐᑏᑦ ᓇᔪᕐᑕᖏᓐᓂ ᐃᓂᖃᓕᓚᐅᕐᐳᖅ.

ᒨᓯᓯ ᐱᖓᔪᖏᑦ 27:5

ᐃᓅᓱᒃᑐᖅ ᐊᕐᕌᒍᓕᒃ 5ᒥᑦ 20ᒧᑦ, ᑮᓇᐅᔭᓂᒃ 20ᓂᒃ ᓯᐅᓪᕕᕆᓂᒃ, ᑍᒫᓪᓗᐊᖅ ᐊᕐᕌᒍᓕᒃ ᐊᕐᓇᖅ ᐊᑭᖃᕆᐊᖃᕐᐳᖅ 10ᓂᒃ ᑮᓇᐅᔭᓂᒃ ᓯᐅᓪᕕᕆᓂᒃ.

ᒨᓯᓯ ᓯᑕᒪᖏᑦ 25:15

ᒥᑎᐊᓂᒥᐅᓪᓗ ᐊᕐᓇᐅᑉ ᑐᖁᑕᐅᓚᐅᕐᑑᑉ ᐊᑎᖓ ᑰᔾᐱ ᔫᕆᐅᑉ ᐸᓂᖓ; ᐊᑖᑕᖓ ᓯᕗᓕᕐᑎᐅᓚᐅᕐᐳᖅ ᑭᖑᕚᖑᖃᑎᒥᓂ ᒥᑎᐊᓂᒥᐅᓂ.

ᒨᓯᓯ ᓯᑕᒪᖏᑦ 25:17

“ᒥᑎᐊᓂᒥᐅᑦ ᐊᑭᕋᑐᑦ ᐱᓂᐊᕐᕕᒋᒃᑭᑦ ᑐᖁᕋᕐᓗᒋᓪᓗ,

ᒫᑎᐅᓯᐅᑉ ᐊᒡᓚᖏᑦ 26:15

ᐊᐱᕆᓪᓗᓂ, “ᓱᓇᒦᒃ ᐅᕙᓐᓄᑦ ᑐᓂᓯᒐᔭᕐᐱᓯ ᔩᓱᓯ ᐃᓕᑦᓯᓐᓄᑦ ᐱᔭᐅᑎᑯᒃᑰ?” ᑖᒃᑯᐊ 30ᓂᒃ ᓯᐅᓪᕕᕆᓂᒃ ᑐᓂᓯᕗᑦ ᔫᑕᓯᒧᑦ.

ᒫᑎᐅᓯᐅᑉ ᐊᒡᓚᖏᑦ 27:9

ᑕᕝᕙ ᓇᓚᐅᑦᑍᔫᑉ ᔨᕆᒤᐊᐅᑉ ᐅᖃᐅᓯᕆᓚᐅᕐᑕᖏᑦ ᓇᓚᐅᑦᓯᕗᑦ ᐃᒤᓕᔪᑦ, “ᑮᓇᐅᔧᑦ ᓯᐅᓪᕕᕇᑦ 30 ᑎᒍᕔᑦ, ᐃᓴᕆᐊᓕᒥᐅᑦ ᐃᓄᖏᑕ ᐊᖏᖃᑎᒌᒍᑎᒋᓚᐅᕐᑕᖏᑦ ᑖᑦᓱᒧᖓ ᐊᑭᓕᐅᑕᐅᖁᓪᓗᒋᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 7:9

“ᔧᑰᑉ ᐃᕐᓂᖏᑕ ᖃᑕᓐᖑᑎᑎᒃ ᔫᓯᐱ ᓇᓪᓕᒋᔭᑑᓗᐊᕆᓪᓗᒍ ᓂᐅᕐᕈᑎᒋᕚᑦ ᐄᑦᔨᑉᑎᒧᑦ; ᒎᑎᐅᓪᓕ ᐃᓚᒋᓚᐅᕐᐹ,

ᐃᓗᐊᕐᓮᔩᑦ ᐊᒡᓚᖏᑦ 8:22

ᑕᒪᑐᒪ ᑭᖑᓂᐊᒍᑦ, ᐃᓴᕆᐊᓕᒥᐅᑉ ᒋᑎᐅᓂᒧᑦ ᐅᖃᕐᐳᑦ, “ᐊᒐᔪᖅᑳᖑᓚᐅᕆᑦ ᐅᕙᑦᑎᓐᓄᑦ ᐃᕝᕕᑦ ᐃᕐᓂᑎᓪᓗ ᐃᕐᖑᑕᑎᓪᓗ. ᐱᐅᓕᓚᐅᕋᑦᑎᒍᑦ ᒥᑎᐊᓂᒥᐅᑦ ᐱᔪᓐᓇᕐᓂᖏᓐᓂᑦ.”

ᐃᓗᐊᕐᓮᔩᑦ ᐊᒡᓚᖏᑦ 8:24

ᒋᑎᐅᓂᓗ ᐅᖃᒃᑲᓐᓂᕐᐳᖅ, “ᐱᔪᒪᔭᖃᕐᐳᖓ ᐊᑕᐅᓯᕐᒥᒃ, ᐃᓘᓐᓇᓯ ᑐᓂᓯᕕᒋᓯᓐᖓ ᑐᖁᓚᐅᕐᑕᑦᓯ ᐱᖁᑎᕕᓂᖏᓐᓂᒃ ᑎᒍᓚᐅᕐᑕᑦᓯᓐᓂᒃ ᓯᐅᑎᒥᐅᑕᕐᓂᒃ.” (ᒎᓗᓂᒃ ᓯᐅᑎᕈᑎᖃᕐᐸᓚᐅᕐᒪᑕ ᐃᓯᒤᓕᐅᑉ ᑭᖑᕚᖏᑦ.)