ᒨᓯᓯ ᓯᕗᓪᓖᑦ 37:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᒨᓯᓯ ᓯᕗᓪᓖᑦ 37:14 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 13:18

ᑕᕝᕙ ᐂᑉᕋᒻ ᑕᕝᕙᓐᖓᑦ ᓅᓪᓗᓂ, ᓄᓇᑖᕐᐳᖅ ᓇᐹᕐᑐᓕᖕᒥ ᐆᒃᓂᒃ ᐊᑎᖃᕐᑐᓂᒃ ᒪᒻᕆᒦᑦᑐᒥ ᕼᐃᐸᕋᓐᓂᒥ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ.

ᒨᓯᓯ ᓯᕗᓪᓖᑦ 23:19

ᑭᖑᓂᖓᒍᑦ, ᐂᑉᕋᕼᐋᒻ ᓄᓕᐊᓂ ᓵᕋ ᑕᕝᕗᖓ ᕾᕈᓱᖕᒧᑦ ᐃᓗᕕᕐᐹ ᐱᕈᕐᓰᕕᖕᒥ ᒪᒃ-ᐲᓚᒥ ᒪᒻᕆᐅᑉ ᓯᕿᓂᐊᑕ ᓇᓛᓃᑦᑐᒥ ᕼᐃᐸᕋᓐᒥ ᑬᓇᓂᐅᑉ ᓄᓇᖓᓃᑦᑐᒥ.

ᒨᓯᓯ ᓯᕗᓪᓖᑦ 23:2

ᓵᕋᓗ ᑐᖁᓚᐅᕐᐳᖅ ᓄᓇᒥ ᑭᕆᐊᑦ-ᐊᕋᐸᒥ (ᑍᔭᐅᔪᖅ ᕼᐃᐸᕋᓐᒥᒃ) ᑬᓇᓂᒥ, ᐂᑉᕋᕼᐋᒻᓗ ᐅᐸᒃᓗᒍ ᕿᒃᓵᒍᑎᒋᕚ ᓵᕋ ᕿᐊᑦᔪᑎᒋᓪᓗᒍ.

ᒨᓯᓯ ᓯᕗᓪᓖᑦ 29:6

ᐊᐱᕆᒋᕔᑦ, “ᖃᓄᐃᖏᒃᑲᓗᐊᕐᐹ?” ᑖᒃᑯᐊ ᑭᐅᕚᑦ, “ᖃᓄᐃᖏᑦᑐᖅ; ᑕᑯᓕᕈᒃ ᑕᕝᕙ ᐸᓂᖓ ᕅᒋᓕ ᕾᓕᕐᐳᖅ ᓰᐱᖁᑎᖏᓐᓂᒃ ᓇᒃᓴᕐᓗᓂ.”

ᒨᓯᓯ ᓯᕗᓪᓖᑦ 35:27

ᔧᑯᓗ ᐊᑖᑕᒥᓄᐊᕐᐳᖅ ᐂᓴᑭᒧᑦ ᓄᓇᒥ ᒪᒻᕆᒦᑦᑐᒧᑦ, ᐅᕝᕙᓗ ᑭᕆᐊᑦ-ᐊᕋᐸᒧᑦ ᕼᐃᐸᕋᓐᒥᒃ ᑍᔭᐅᔪᒧᑦ, ᑕᕝᕗᖓ ᐂᑉᕋᕼᐋᒻ ᐂᓴᑭᐅᓪᓗ ᓄᓇᑖᕆᓚᐅᕐᑕᖓᓄᑦ.

ᒨᓯᓯ ᓯᕗᓪᓖᑦ 37:15

ᐊᖑᒻᒧᓪᓗ ᑕᑯᔭᐅᒐᒥ ᐱᕈᕐᓰᕕᖕᒥ ᐅᑎᕐᑕᕐᑎᓪᓗᒍ; ᐊᖑᑎᐅᑉ ᐊᐱᕆᕚ, “ᓱᓇᒦᒃ ᕿᓂᕐᐱᑦ?”

ᒨᓯᓯ ᓯᕗᓪᓖᑦ 41:16

ᔫᓯᐱᐅᑉ ᐰᕉ ᑭᐅᕚ ᐅᖃᕐᓗᓂ, “ᐅᕙᖓᐅᖏᑦᑐᖅ; ᒎᑎᐅᓪᓕ ᐰᕉ ᑐᑭᓯᑎᓐᓂᐊᕐᐹ ᑐᑭᓯᔪᒪᔭᖓᓂᒃ.”

ᒨᓯᓯ ᓯᕗᓪᓖᑦ 43:27

ᖃᓄᐃᒻᒪᖔᑕᓗ ᐊᐱᕐᓱᕐᐰᑦ, ᐅᖃᕐᓗᓂ, “ᐊᑖᑕᓯ, ᑍᓐᓇ ᐃᓄᑐᖃᐅᓕᕐᑐᖅ ᐅᖃᐅᑎᒋᓚᐅᕐᑕᓯ ᖃᓄᐃᓐᖏᓛᖅ? ᓱᓕ ᐃᓅᕚ?”

ᓴᒧᐃᓕ ᐂᑉᐸᖏᑦ 11:7

ᔪᕅᐊ ᑎᑭᒻᒪᑦ, ᑍᕕᑎᐅᑉ ᐊᐱᕆᕚ ᔪᐊᐱᒃᑯᑦ ᐅᓇᑕᕐᑐᒃᓮᓪᓗ ᖃᓄᐃᖏᒃᑲᓗᐊᕐᒪᖔᑕ, ᐅᓇᑕᕐᓂᕆᔭᖓᓪᓗ ᖃᓄᐃᒻᒪᖔᑦ.

ᓴᒧᐃᓕ ᐂᑉᐸᖏᑦ 18:32

ᐊᖓᔪᖅᑳᕐᔪᐊᖅ ᐊᐱᕆᕗᖅ ᐃᑎᐅᐱᐊᒥᐅᑕᒧᑦ, “ᐃᓅᓱᒃᑐᖅ ᐋᑉᓴᓚᒻ ᖃᓄᐃᓐᖏᓛᖅ?” ᓂᐅᕕᐊᖑᓯᒪᔪᖅ ᐱᔨ ᑭᐅᕗᖅ, “ᑖᓐᓇᓗ ᐊᑭᕋᕐᑐᕐᑐᓕᒫᓪᓗ ᐃᓕᖕᓄᑦ ᖃᓄᐃᖏᑦᑑᖁᔪᒥᓇᕋᓗᐊᕐᐳᑦ.”

ᐊᑕᓃᑦ ᓯᕗᓪᓖᑦ 2:33

ᑖᒃᑯᐊᒃ ᑐᖁᑕᐅᓂᖏᒃ ᔪᐊᐱᒧᐊᕐᓂᐊᕐᒪᑎᒃ ᑭᖑᕚᖏᓐᓄᓪᓗ ᐃᓱᖃᖏᑦᑐᒧᑦ; ᑍᕕᑎᒧᓪᓕ ᑭᖑᕚᖏᓐᓄᓪᓗ, ᓇᖕᒥᓂᖏᓐᓄᓪᓗ, ᐃᒃᓯᕙᐅᑕᕐᔪᐊᖓᓃᑦᑐᓄᓪᓗ, ᓮᒪᓇᕐᑐᖃᕐᓂᐊᕐᐳᖅ ᐊᑕᓂᕐᒥᑦ ᐱᔪᒥᒃ ᐃᓱᖃᖏᑦᑐᒧᑦ.”

ᐃᔅᑕᐅᑉ ᐊᒡᓚᖏᑦ 2:11

ᖃᐅᑕᒫᓪᓕ ᒧᐊᑎᑬ ᐊᕐᓁᑦ ᐃᒡᓗᖏᑕ ᐃᑎᕐᑕᕐᕕᐊᒍᑦ ᐅᑎᕐᑕᕐᓗᓂ ᐱᓱᑲᑕᒃᐸᓚᐅᕐᐳᖅ, ᖃᐅᔨᒪᓇᓱᐊᕐᓗᓂ ᐃᔅᑕᕐ ᖃᓄᐃᑕᐅᕙᓪᓕᐊᖕᒪᖔᑦ ᖃᓄᐃᖏᑦᓯᐊᕋᓗᐊᕐᒪᖔᓪᓗ.

ᐃᓐᖏᕈᑎᑦ 125:5

ᐱᐅᖏᑦᑐᓕᓂᕐᒧᓪᓕ ᓴᖑᕕᖃᕐᑐᑦ, ᐊᑕᓂᐅᑉ ᐊᐅᓪᓚᕐᑎᓐᓂᐊᕐᐰᑦ ᐱᐅᖏᑦᑐᓕᔪᑦ ᐃᓚᒋᓗᒋᑦ! ᐃᓴᕆᐊᓕᒃᑯᑦ ᓮᒻᒪᕐᑎᑕᐅᓕᑦ!

ᔨᕆᒤᐊᐅᑉ ᐊᒡᓚᖏᑦ 29:7

ᐃᓅᖃᑎᒌᑦᓯᐊᕋᓱᐊᕐᓯᒋᒃ ᐱᕙᓪᓕᐊᖃᑎᒋᑦᓯᐊᕋᓱᐊᕐᓗᒋᓪᓗ ᓄᓇᖃᑎᑖᕆᓚᐅᕐᑕᓯ ᐊᐅᓪᓚᕐᑎᑕᐅᕕᑦᓯᓐᓄᑦ, ᐊᑕᓂᕐᒧᑦ ᑐᒃᓯᐊᕈᑎᒋᖃᑦᑕᕐᓗᒍ, ᐱᔪᓐᓇᕐᓯᑦᓯᐊᕐᐸᑕᓗ ᐱᔪᓐᓇᕐᓯᑦᓯᐊᕐᓂᐊᕆᕗᓯ.

ᒨᓯᓯ ᓯᑕᒪᖏᑦ 13:22

ᐂᓚᐅᕐᐳᑦ ᓯᕿᓂᐅᑉ ᓇᓛᓂᑦ ᓂᒋᑉᒥᑦ ᕼᐃᑉᐳᕌᓂ ᑎᑭᓪᓗᒍ; ᐊᕼᐂᒪᓐ, ᓯᓮᓗ, ᑕᓪᒤᓗ ᐊᓇᑭᐅᑉ ᑭᖑᕚᖏᑦ ᑍᑲᓃᓚᐅᕐᐳᑦ. (ᕼᐃᐸᕋᓐ ᓴᓇᔭᐅᓚᐅᕐᑐᖅ ᔪᐊᓂ ᐄᑦᔨᑉᑎᒦᑦᑐᖅ ᐊᕐᕌᒍᑦ 7ᐃᑦ ᓴᓇᔭᐅᓚᖅᑳᕐᑎᓐᓇᒍ.)

ᓘᑲᓯᐅᑉ ᐊᒡᓚᖏᑦ 19:42

ᐅᖃᕐᓗᓂ, “ᖃᐅᔨᓚᐅᕐᓯᐅᒃᑐᖅ ᐊᑭᕋᕐᑑᑎᖏᑦᔪᑎᒃᓴᖅ! ᒫᓐᓇᓕ ᑭᓯᐊᓂ ᑐᑭᓯᔪᓐᓇᓐᖏᓚᓯ!

ᔮᓱᐊᑉ ᐊᒡᓚᖏᑦ 14:13

ᑕᕝᕙ ᔮᓱᐊᑉ ᓮᒻᒪᕐᑎᑉᐹ ᑬᓚᐱ ᔨᐳᓂᐊᐅᑉ ᐃᕐᓂᖓ; ᑐᓂᕚᓗ ᐃᒡᓗᒐᓴᖕᓂᒃ ᕼᐃᐸᕋᓐᒥᒃ ᓄᓇᑖᖁᓪᓗᒍ ᑭᖑᕐᖑᑎᓕᕐᓗᒍᓗ.

ᔮᓱᐊᑉ ᐊᒡᓚᖏᑦ 14:14

ᕼᐃᐸᕋᓐᓗ ᓱᓕ ᐅᓪᓗᒥ ᓄᓇᒋᔭᐅᕗᖅ ᑬᓚᐱᐅᑉ ᑭᖑᕚᖏᓐᓄᑦ ᔨᐳᓂᐊᐅᑉ ᐃᕐᓂᖓᓄᑦ ᑍᔭᐅᔪᖅ ᑭᓂᔧᑦᒥᒃ ᑖᒃᑯᓄᖓ ᑭᖑᕐᖑᑎᔭᐅᖁᓪᓗᒍ, ᓱᓕᑦᓯᐊᕐᑐᒥᒃ ᓈᓚᓚᐅᕐᓂᖓᓄᑦ ᐊᑕᓂᕐᒥᒃ, ᐃᓴᕆᐊᓕᒥᐅᑦ ᒎᑎᖓᓂᒃ.

ᔮᓱᐊᑉ ᐊᒡᓚᖏᑦ 14:15

ᑍᑦᓱᒪ ᕼᐃᐸᕋᓐ ᑍᔭᐅᓚᐅᕐᐳᖅ ᑭᕆᐊᑦ-ᐊᕋᐸᐅᑉ ᐃᒡᓗᒐᓴᖏᓐᓂᒃ; ᑖᓐᓇ ᐋᕐᐸ ᐱᔪᓐᓇᕐᓂᕐᐹᖑᓚᐅᕐᑐᖅ ᐊᓇᑭᒥᐅᓂᑦ. ᑭᖑᓂᖓᒍᑦ ᑕᒪᓐᓇ ᓄᓇ ᐅᓇᑕᕐᕕᐅᖏᑦᓯᐊᓕᓚᐅᕐᐳᖅ.

ᐃᓗᐊᕐᓮᔩᑦ ᐊᒡᓚᖏᑦ 1:10

ᔫᑕᒥᐅᓪᓗ ᑲᔪᓯᓚᐅᕐᐳᑦ ᑬᓇᓂᒥᐅᓄᑦ ᓄᓇᓕᖕᓄᑦ ᐃᒡᓗᒐᓴᖕᓄᑦ ᕼᐃᐸᕋᓐᒥᑦ, ᓯᕗᓂᖓᒍᑦ ᑍᔭᐅᓚᐅᕐᑑᒐᓗᐊᖅ ᑭᕆᐊᑦ-ᐊᕋᐸᒥᒃ, ᓵᓚᒋᓚᐅᕐᐰᓪᓗ ᐃᓚᒌᑦ ᓯᓮᒃᑯᑦ, ᐊᕼᐂᒪᓐᑯᑦ, ᑕᓪᒤᒃᑯᓪᓗ.

ᓴᒧᐃᓕ ᓯᕗᓪᓖᑦ 17:22

ᑍᕕᑎᐅᓪᓗ ᑐᔪᑏᑦ ᓇᒃᓴᕐᑕᓂ ᕿᒪᒃᐰᑦ ᐱᖁᑎᓕᕆᔨᒧᑦ, ᐅᓪᓚᒡᓗᓂᓗ ᐅᓇᑕᕆᐊᕐᐸᓪᓕᐊᔪᓄᑦ ᐊᓐᖑᑎᕗᖅ, ᐊᖓᔪᓂᓗ ᐅᐸᒃᓗᒋᑦ ᓂᓪᓕᐅᑎᕔᑦ.