ᒨᓯᓯ ᓯᕗᓪᓖᑦ 36:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑕᕝᕙ ᐄᓴᐅᑉ ᑖᒃᑯᐊ ᓄᓕᐊᓂ, ᐃᕐᓂᓂᓗ, ᐸᓂᓂᓗ, ᐃᒡᓗᒥᓂᓗ ᐃᓚᓕᒫᓂ ᐃᒻᒧᒃᓯᐅᒐᖁᑎᓂ, ᐆᒪᔪᖁᑎᓕᒫᓂᓗ ᑕᒪᕐᒥᒃ, ᐱᖁᑎᓕᒫᓂᓗ ᑕᒪᕐᒥᒃ ᐱᑖᕆᓚᐅᕐᑕᓂ ᑬᓇᓂᒥ ᓄᓇᖃᕐᓗᓂ; ᐃᓚᒋᓪᓗᒋᑦ ᐊᐅᓪᓚᕐᐳᖅ ᓄᓇᐅᑉ ᐊᓯᐊᓄᑦ ᔧᑯᒥᑦ ᕿᒪᕉᑎᓪᓗᓂ.

ᒨᓯᓯ ᓯᕗᓪᓖᑦ 36:6 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:5

ᐂᑉᕋᒻ ᓄᓕᐊᓂ ᓴᕅ ᐃᓚᒋᕚ, ᓘᑎᓗ ᐊᖓᔪᐊᑕ ᐃᕐᓂᖓ; ᐱᖁᑎᑎᒡᓗᑦᑕᐅᖅ ᑕᒪᕐᒥᒃ ᐱᑖᕆᓯᒪᔭᑎᒃ, ᐃᓄᖁᑎᑖᕆᓯᒪᔭᑎᒡᓗ ᕼᐊᕋᓐᒥᑦ; ᑕᕝᕙ ᐊᐅᓪᓚᓯᓚᐅᕐᐳᑦ ᑬᓇᓂᒧᑦ. ᓄᓇᒧᓪᓗ ᑬᓇᓂᒧᑦ ᑎᑭᒃᑲᓗᐊᕋᒥᒃ,

ᒨᓯᓯ ᓯᕗᓪᓖᑦ 13:11

ᑍᒤᒻᒪᑦ ᓘᑎᐅᑉ ᔪᐊᕐᑕᓂᐅᑉ ᓇᕐᓴᓕᒫᖓ ᓂᕈᐊᕐᐹ, ᐊᐅᓪᓚᕐᐳᕐᓗ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᐊᕐᓗᓂ; ᑍᒫᒃ ᑕᕝᕙ ᐱᓂᐊᕐᓂᖃᕐᓗᑎᒃ ᐊᕕᓚᐅᕐᐴᒃ.

ᒨᓯᓯ ᓯᕗᓪᓖᑦ 13:6

ᑍᒤᒻᒪᑦ ᓄᓇ ᑕᒪᓐᓇ ᓂᕿᒃᓴᑭᓗᐊᓚᐅᕐᒪᑦ ᑖᒃᑯᖕᓄᖓ ᑲᑎᓐᖓᓗᑎᒃ; ᐊᑐᓂᑦ ᐱᖁᑎᖃᓚᐅᕐᒪᑎᒃ ᐅᓄᕐᑐᐊᓗᖕᓂᒃ ᑲᑎᓐᖓᔪᓐᓁᓪᓕᓚᐅᕐᐴᒃ.

ᒨᓯᓯ ᓯᕗᓪᓖᑦ 17:8

ᑕᒪᓐᓇᓗ ᓄᓇ ᐃᓕᖕᓄᑦ ᑐᓂᓂᐊᕐᐸᕋ, ᑭᖑᕚᒃᓴᕐᓄᓪᓗ ᑭᖑᓂᕐᓂ. ᑕᒪᓐᓇ ᓄᓇ ᓂᐅᕐᕈᐊᖑᕕᒋᔧᑦ, ᑕᒪᓐᓇᓕᒫᕐᓗ ᓄᓇ ᑬᓇᓂ, ᓄᓇᒋᔪᒫᕐᐸᓯ ᐃᓱᖃᖏᑦᑐᒧᑦ; ᐅᕙᖓᓗ ᑖᒃᑯᓄᖓ ᒎᑎᒋᔭᐅᔪᒫᕐᐳᖓ.”

ᒨᓯᓯ ᓯᕗᓪᓖᑦ 25:23

ᐊᑕᓂᐅᓪᓗ ᐅᖃᐅᑎᕚ, “ᐃᓅᖃᑎᒌᒡᔪᐊᓂᒃ ᒪᕐᕈᐃᓂᒃ ᐃᓗᒥᐅᑕᖃᕐᐳᑎᑦ ᐃᒡᓕᐊᕐᓂ, ᐃᓅᒃ ᒪᕐᕉᒃ, ᐃᕐᓂᐊᕆᒍᕕᒋᒃ, ᐃᓅᖃᑎᒌᒍᓐᓇᕈᒫᓐᖏᓚᒃ; ᐂᑉᐸᖓ ᓴᓐᖏᓂᕐᓴᐅᔪᒫᕐᐳᖅ ᐂᑉᐸᕐᒥᓂᑦ, ᐊᖓᔪᒃᓯᕐᓗ ᐱᔨᑦᓯᕈᒫᕐᐳᖅ ᓄᑲᕐᒥᓂᒃ.”

ᒨᓯᓯ ᓯᕗᓪᓖᑦ 28:4

ᑖᑦᓱᒪ ᑐᓂᓯᕕᒋᓕᑎᑦ ᑭᖑᕚᑎᓪᓗ ᐂᑉᕋᕼᐋᒻ ᓮᒻᒪᕐᑎᑕᐅᑦᔪᑎᖏᓐᓂᒃ, ᓄᓇ ᑕᒪᓐᓇ ᐱᑕᕆᓂᐊᕋᕕᐅᒃ ᓂᐅᕐᕈᐊᖑᕕᒋᔧᑦ ᒎᑎᐅᑉ ᑐᓂᓚᐅᕐᑕᖓ ᐂᑉᕋᕼᐋᒧᑦ.”

ᒨᓯᓯ ᓯᕗᓪᓖᑦ 32:3

ᔧᑯᓗ ᑎᓕᓯᕗᖅ ᓯᕗᓂᕐᒥᓂ ᐅᖃᕆᐊᕐᑐᕐᑐᖃᖁᓪᓗᒍ ᐊᖓᔪᒥᓄᑦ ᐄᓴᒧᑦ ᓄᓇᒧᑦ ᓰᐊᕆᒧᑦ ᐄᑐᒥᒦᑦᑐᒧᑦ.

ᒨᓯᓯ ᓯᕗᓪᓖᑦ 36:5

ᐅᕼᐅᓕᐹᒪᓗ ᕿᑐᕐᖓᕐᑖᓚᐅᕐᐳᖅ ᐄᓴᒥᑦ ᔨᐅᓯᒥᒃ, ᔮᓚᒥᒡᓗ, ᑰᕋᒥᒡᓗ. ᑖᒃᑯᐊᓗ ᐄᓴᐅᑉ ᐃᕐᓂᕐᑖᕆᓚᐅᕐᐰᑦ ᑬᓇᓂᐅᑉ ᓄᓇᖓᓃᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 27:13

ᑕᐅᕐᓰᔭᕐᑐᖃᑦᑕᕐᐳᓯᓗ ᔭᕚᓇᒧᑦ, ᑐᐸᐅᓪᒧᑦ, ᒥᓯᑭᒧᓪᓗ; ᐃᓄᖁᑎᑖᕋᓱᐊᕐᓗᓯ ᓯᐊᓛᒃᓴᓂᒃ, ᑲᓐᓄᔭᓂᒡᓗ ᐃᒥᖃᐅᑎᓂᒃ ᓂᐅᕐᕈᑎᒃᓴᑦᓯᓐᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:13

ᓯᓂᒪᓂᒡᓗ, ᓂᕿᒧᓪᓗ ᐃᓚᒃᓴᓂᒃ ᐆᓇᕐᑐᓂᒃ, ᐳᔫᕐᑎᑕᒃᓴᓂᒃ ᑎᐱᑦᓯᐊᕆᒃᑐᓂᒃ, ᑎᐱᑦᓯᐊᕆᒃᓴᐅᑏᓪᓗ ᒨᕐ, ᕗᕌᖕᑭᓐᓯᓐᓯ, ᐅᐂᓃᑦ, ᐅᕐᓱᒃᓴᓂᒡᓗ, ᓂᐊᖂᔭᓴᓂᒡᓗ ᐸᓚᐅᒑᒃᓴᓂᒡᓗ, ᐃᒻᒧᒃᓯᐅᒊᑦ ᓰᐲᓪᓗ, ᕿᒻᒥᕐᔪᐊᑦ ᑲᓕᒐᖏᓪᓗ ᐊᒃᓴᓗᐊᓖᑦ, ᓯᐊᓛᓪᓗ ᓂᐅᕕᐊᖑᓯᒪᔪᑦ, ᑕᕝᕙ ᐃᓄᐃᑦ ᑕᕐᓂᖏᑦ.