ᒨᓯᓯ ᓯᕗᓪᓖᑦ 35:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᒎᑎᐅᓪᓕ ᔧᑯ ᓴᖅᑭᕝᕕᒋᒃᑲᓐᓂᕐᐹ, ᐅᑎᕐᓯᒪᓕᕐᑎᓪᓗᒍ ᐸᑖᓐ-ᐊᕋᓐᒥᑦ ᓮᒻᒪᕐᑎᓪᓗᒍᓗ.

ᒨᓯᓯ ᓯᕗᓪᓖᑦ 35:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 35:1

ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”

ᒨᓯᓯ ᓯᕗᓪᓖᑦ 26:2

ᐊᑕᓂᖅ ᓴᖅᑭᓚᐅᕐᒪᑦ ᐂᓴᑭᒧᑦ ᐅᖃᕐᓗᓂ, “ᐄᑦᔨᑉᑎᒧᐊᕐᓂᐊᕐᓇᒃ; ᓇᔪᕐᑕᐅᖁᔭᓐᓂ ᐅᖃᐅᑎᓂᐊᕐᐸᒋᑦ ᓄᓇᒋᓂᐊᕐᑕᕐᓂᒃ.

ᒨᓯᓯ ᓯᕗᓪᓖᑦ 18:1

ᐊᑕᓂᕐᓗ ᓴᖅᑭᑉᐳᖅ ᐂᑉᕋᕼᐋᒻᒧᑦ ᓇᐹᕐᑐᖃᕐᑐᒥ ᐆᒃᓂᒃ ᑍᔭᐅᔪᓂ ᒪᒻᕆᒥᒃ, ᐃᒃᓯᕙᑎᓪᓗᒍ ᑐᐱᖓᑕ ᐹᖓᓂ ᐅᓪᓘᑉ ᐅᖅᑰᓂᕐᐹᖓ ᓇᓪᓕᐅᑎᓯᒪᑎᓪᓗᒍ.

ᒨᓯᓯ ᓯᕗᓪᓖᑦ 12:7

ᐊᑕᓂᐅᓪᓗ ᐂᑉᕋᒻ ᓴᖅᑭᕝᕕᒋᒐᒥᐅᒃ ᐅᖃᐅᑎᕚ, “ᓄᓇ ᑕᒪᓐᓇ ᑭᖑᕚᒃᓴᕐᓄᑦ ᓄᓇᑖᖑᑎᑦᓱᒫᕐᑕᕋ.” ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ, ᓴᖅᑭᕝᕕᐅᓚᐅᕐᓂᕐᒥᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 7:2

ᓯᑎᐹᓇᓯᐅᑉ ᐅᖃᐅᑎᕚ, “ᐃᓅᖃᑎᒃᑲ ᐊᖓᔪᖅᑳᖑᔪᓯᓗ, ᓈᓚᒃᓯᓐᖓ. ᒎᑎ ᓂᕐᑐᕐᓇᕐᑐᕐᔪᐊᖑᓪᓗᓂ ᓴᖅᑭᓚᐅᕐᐳᖅ ᐂᑉᕋᕼᐋᒻᒧᑦ ᐊᑖᑕᑦᑎᓐᓄᑦ, ᒥᓱᐳᑍᒥᐊᒦᑎᓪᓗᒍ ᕼᐊᕋᓐᒥ ᓄᓇᖃᓚᐅᕐᑎᓐᓇᒍ ᓱᓕ,

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᔨᕆᒤᐊᐅᑉ ᐊᒡᓚᖏᑦ 31:3

ᐊᑕᓂᖅ ᓯᕗᓕᑦᑎᓐᓄᑦ ᓴᖅᑭᑉᐸᓚᐅᕐᐳᖅ, ᐅᖃᕐᓯᒪᓪᓗᓂᓗ, ᓇᒡᓕᒋᕙᑦᓯ ᓇᒡᓕᒍᓱᖕᓂᕐᒧᑦ ᐃᓱᓕᓐᓂᐊᖏᑦᑐᒧᑦ, ᕾᖁᓚᐅᕐᐸᑦᓯᓗ ᓇᒡᓕᒍᓱᖕᓂᓐᓄᑦ ᐱᑦᓯᐊᕐᕕᒋᓪᓗᓯ.

ᒨᓯᓯ ᓯᕗᓪᓖᑦ 32:1

ᔧᑯᓗ ᐊᐅᓪᓚᓕᕐᑎᓪᓗᒍ, ᒎᑎᐅᑉ ᐂᖏᓕᖏᓐᓄᑦ ᐅᐸᒃᑕᐅᕗᖅ.

ᒨᓯᓯ ᓯᕗᓪᓖᑦ 31:3

ᐊᑕᓂᐅᓪᓗ ᔧᑯ ᐅᖃᐅᑎᕚ, “ᓯᕗᓕᕐᐱᑦ ᐃᓚᕕᓪᓗ ᓄᓇᖓᓄᑦ ᐅᑎᓕᕆᑦ, ᐅᕙᖓᓗ ᐃᓚᒋᓂᐊᕐᐸᒋᑦ.”

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 25:20

ᐂᓴᑭ ᓄᓕᐊᓂᓚᐅᕐᐳᖅ ᕇᐱᑲᒥᒃ ᐊᕐᕌᒍᖃᓕᕐᓗᓂ 40ᓂᒃ, ᐱᑐᐃᓕᐅᑉ ᐸᓂᖓᓂᒃ ᐊᕋᒥᐊᒥᐅᑕᒥᒃ ᓄᓇᒥᑦ ᐸᑖᓐ-ᐊᕌᒻᒥ, ᓔᐸᓂᐅᑉ ᓇᔭᖓᓂᒃ ᐊᕋᒥᐊᒥᐅᑕᐅᑉ.

ᕼᐆᓯᐊᑉ ᐊᒡᓚᖏᑦ 12:5

ᐊᑕᓂᖅ ᒎᑎ ᖁᑦᓯᖕᓂᕐᐹᖑᔪᖅ, ᐊᑕᓂᕐᒥᒃ ᐊᑎᖃᕐᐳᖅ.