ᒨᓯᓯ ᓯᕗᓪᓖᑦ 35:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙᓐᖓᑦ ᐊᐅᓪᓚᓕᕐᓗᑎᒃ, ᓄᓇᓖᑦ ᖃᓂᒋᔮᓃᑦᑐᑦ ᑲᑉᐱᐊᓱᖕᓂᕐᔪᐊᕐᒧᑦ ᒎᑎᒥᑦ ᐱᔪᒧᑦ ᑎᑭᑕᐅᕗᑦ, ᒪᓕᒃᓴᖁᓇᒋᑦ ᔧᑰᑉ ᐃᕐᓂᖏᓐᓂᒃ.

ᒨᓯᓯ ᓯᕗᓪᓖᑦ 35:5 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 34:30

ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”

ᒨᓯᓯ ᓯᕗᓪᓖᑦ 35:4

ᑍᒤᒻᒪᑦ ᔧᑯ ᑐᓂᕚᑦ ᑕᒤᓐᓂᒃ ᐃᓅᖃᑎᑐᖃᕆᓐᖏᑕᖏᑕ ᒎᑎᓐᖑᐊᖏᓐᓂᒃ ᐱᒋᔭᒥᖕᓂᒃ, ᓯᐅᑎᒥᐅᑕᓂᒡᓗ ᐊᑐᕐᑕᒥᖕᓂᒃ; ᑖᒃᑯᐊᓗ ᔧᑰᑉ ᓴᐅᕔᑦ ᓄᓇᒧᑦ ᓇᐹᕐᑑᑉ ᐆᒃᒥᒃ ᐊᑎᓕᐅᑉ ᐊᑖᓄᑦ ᓯᑭᒻᒥᐅᑉ ᖃᓂᒋᔮᓄᑦ.

ᑯᕉᓂᑲ ᐂᑉᐸᖏᑦ 14:13

ᐂᓴᐅᓪᓗ ᐃᓚᒋᔭᖏᑕᓗ ᒪᓕᒃᐰᑦ ᒋᕌᕆᒧᑦ ᑎᑭᓪᓗᑎᒃ, ᐃᑎᐅᐱᐊᒥᐅᓪᓗ ᓵᓚᐅᕗᑦ ᐊᒥᐊᒃᑯᔭᐅᓇᑎᒃ; ᓯᖁᒥᑕᐅᕗᑦ ᐅᓇᑕᕐᑐᒃᓴᖏᑦ ᐊᑕᓂᐅᑉ ᓵᖓᓂ ᐅᓇᑕᕐᑎᖏᓐᓄᓪᓗ. ᔫᑕᐅᓪᓗ ᐃᓄᖏᑦ ᐱᑖᓚᐅᕐᐳᑦ ᐅᓄᕐᑐᕐᔪᐊᓂᒃ ᐱᖁᑎᕕᓂᖏᓐᓂᒃ.

ᑯᕉᓂᑲ ᐂᑉᐸᖏᑦ 14:14

ᐃᒡᓗᒐᓮᑦ ᒋᕌᕆᐅᑉ ᖃᓂᒋᔭᖓᓃᑦᑐᓕᒫᑦ ᓵᓚᒋᕔᑦ, ᐊᑕᓂᐅᑉ ᓯᕘᕋᓂᕐᒥᒃ ᑐᓂᓚᐅᕐᒪᒋᑦ. ᐃᒡᓗᒐᓴᓕᒫᓪᓗ ᓇᒡᕚᕐᑕᕐᕕᒋᕔᑦ, ᐱᖁᑎᕐᔪᐊᖃᓚᐅᕐᒪᑕ.

ᑯᕉᓂᑲ ᐂᑉᐸᖏᑦ 17:10

ᐊᑕᓂᐅᓪᓗ ᓯᕘᕋᓇᕐᓂᖓᑕ ᐊᖓᔪᖅᑲᐅᕕᓕᒫᑦ ᓄᓇᓕᖏᓪᓗ ᔫᑕᐅᑉ ᐊᕙᑖᓃᑦᑐᑦ ᑐᕝᕕᒋᓚᐅᕐᐰᑦ, ᐅᓇᑕᕆᐊᒃᓴᕐᓗ ᓯᕘᕋᓕᓚᐅᕐᐳᑦ ᔨᕼᐆᓴᐸᑦᒥᒃ.

ᐃᓐᖏᕈᑎᑦ 105:14

ᑖᑦᓱᒪᓕ ᓇᓪᓕᐊᓐᓄᓪᓘᓐᓃᑦ ᐱᑦᓯᐊᓐᖏᑕᐅᖁᓚᐅᓐᖏᓔᑦ; ᐊᖓᔪᖅᑳᕐᔪᐊᑦ ᓱᐊᓚᐅᕐᐰᑦ ᐃᓄᖁᑎᓂ ᐱᓪᓗᒋᑦ,

ᐃᓐᖏᕈᑎᑦ 14:5

ᑕᕝᕙᓂ ᑲᑉᐱᐊᓱᒃᑐᐊᓘᕗᑦ, ᒎᑎ ᑭᖑᕚᖑᖃᑎᒌᑦ ᐃᓱᐊᕐᑐᑦ ᐊᑯᕐᒐᓐᓂ ᐃᓂᖃᕐᒪᑦ.

ᒨᓯᓯ ᐂᑉᐸᖏᑦ 23:27

“ᐊᑭᕋᕐᑐᕐᑎᓯ ᐅᕙᓐᓂᒃ ᑲᑉᐱᐊᓱᓕᕐᑎᓐᓂᐊᕐᐸᒃᑲ, ᐅᓇᑕᖃᑎᒋᔭᓕᒫᓯᓗ ᓇᓗᓕᕐᓇᕐᑐᒧᑦ ᑎᑭᑕᐅᑎᓐᓂᐊᕐᐸᒃᑲ, ᐊᑭᕋᕐᑐᕐᑎᓯᓗ ᐃᓕᑦᓯᓐᓂᑦ ᕿᒫᑎᓪᓗᒋᑦ.

ᒨᓯᓯ ᐂᑉᐸᖏᑦ 34:24

ᐃᓅᖃᑎᒌᒡᔪᐊᑦ ᓯᕗᓂᑦᓯᓐᓂ ᐊᐅᓪᓚᕐᑎᓐᓂᐊᕐᐸᒃᑲ ᓄᓇᒋᔭᓯ ᑭᒡᓕᖓ ᐊᖏᓂᕐᓴᐅᔪᓐᓇᖁᓪᓗᒍ, ᓇᓪᓕᐊᓐᓄᓪᓘᓐᓃᑦ ᐃᓅᖃᑎᒌᒡᔪᐊᓄᑦ ᐅᓇᖕᒥᔭᐅᓂᐊᓐᖏᓚᓯ ᓄᓇᒋᔭᓯ ᐱᓪᓗᒍ ᐊᕐᕌᒍᒥ ᐱᖓᓱᕕᒡᓗᓯ ᐊᑕᓂᕐᒧᑦ ᒎᑎᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ, ᑐᒃᓯᐊᕆᐊᖃᑦᑕᕐᓂᑦᓯᓐᓂᒃ ᑲᒪᑦᓯᐊᑐᐊᕈᑦᓯ.

ᒨᓯᓯ ᑕᓪᓕᒪᖏᑦ 11:25

ᐃᓄᖕᓄᑦ ᓇᓪᓕᐊᓐᓄᑐᐃᓐᓇᖅ ᐊᑭᕋᕐᑐᕐᑕᐅᔪᓐᓇᕐᓂᐊᓐᖏᓚᓯ; ᐊᑕᓂᐅᑉ ᒎᑎᑦᓯ ᐃᓄᖕᓄᑦ ᓯᕘᕋᒋᔭᐅᑎᓐᓂᐊᕐᒪᓯ, ᑲᑉᐱᐊᒋᔭᐅᑎᓐᓂᐊᕐᐹᓯᓗ ᓇᓂᓕᒫᖅ ᓄᓇᒥ ᐱᓱᒡᕕᒋᔪᒫᕐᑕᑦᓯᓐᓂ, ᑍᒫᒃ ᐅᖃᕐᓯᒪᒐᒥ.

ᒨᓯᓯ ᑕᓪᓕᒪᖏᑦ 2:25

ᐅᓪᓗᒥᒥᑦ ᐱᒋᐊᕐᓗᒍ ᓇᓂᑐᐃᓐᓇᒥᐅᓄᑦ ᐃᓄᖕᓄᑦ ᓯᕘᕋᒋᔭᐅᓕᕐᑎᓐᓂᐊᕐᐸᑦᓯ. ᐃᓕᑦᓯᓐᓂᒃ ᑍᓯᔪᖃᑐᐊᕐᐸᑦ ᑍᒃᑯᐊᓕᒫᖅ ᓴᔪᓕᖃᑦᑕᕐᓂᐊᕐᐳᑦ ᑲᑉᐱᐊᓱᒧᑦ.’”

ᔮᓱᐊᑉ ᐊᒡᓚᖏᑦ 5:1

ᐊᒧᕅᑏᑦ ᐊᖓᔪᖅᑳᕐᔪᐊᓕᒫᖏᑦ ᔪᐊᕐᑕᓂᐅᑉ ᓄᓇᖓᑕ ᓯᕿᓂᖓᑕ ᓂᐱᕕᐊᑕ ᓇᓛᓃᑦᑐᑦ, ᑬᓇᓂᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ ᒥᑎᑎᕆᓂᐊᑉ ᐃᒪᖓᑕ ᑭᒡᓕᖓᓃᑦᑐᑦ ᑐᓴᕋᒥᒃ ᔪᐊᕐᑕᓂᐅᑉ ᑰᖓ ᐊᑕᓂᐅᑉ ᓴᓗᐊᕐᑎᓚᐅᕐᓂᖓᓂᒃ ᐃᓴᕆᐊᓕᒥᐅᑦ ᐃᑳᖅᑳᕐᑎᓐᓇᒋᑦ, ᑲᑉᐱᐊᓱᓕᕐᐳᑦ ᐅᓇᖕᒥᓱᒍᓐᓃᕐᓗᑎᒡᓗ ᐃᓴᕆᐊᓕᒥᐅᓂᒃ.

ᓴᒧᐃᓕ ᓯᕗᓪᓖᑦ 11:7

ᑕᕝᕙ ᐃᒻᒧᒃᓯᐅᒑᒃ ᒪᕐᕉᒃ ᑎᒍᓪᓗᒋᒃ, ᐊᒡᒍᕐᐹᒃ ᒥᑭᓈᕐᑎᕐᓗᒋᑦ ᐊᐅᓪᓚᕐᑎᓪᓗᒋᓪᓗ ᐃᓴᕆᐊᓕᒥᐅᓕᒫᓄᑦ ᐅᖃᕆᐊᕐᑐᕐᑐᓂᒃ ᒪᓕᒃᑕᐅᑎᓪᓗᒋᑦ, ᐃᒫᒃ ᐅᖃᖁᓪᓗᒋᑦ: “ᓇᓪᓕᐊᑦ ᒪᓕᖏᑦᑐᖅ ᓴᐅᓕᒥᒃ ᓴᒧᐃᓕᒥᒡᓗ ᐅᓇᑕᕆᐊᕐᑐᕐᑎᓪᓗᒋᑦ ᐃᒻᒧᒃᓯᐅᒐᑎᑐᑦ ᑍᒫᒃ ᐊᕕᒃᑐᕐᑕᐅᔪᒫᕐᐳᑦ!” ᑕᕝᕙ ᐃᓴᕆᐊᓕᒥᐅᑦ ᐃᓄᖏᑦ ᐊᖏᔪᒥᒃ ᓯᕘᕋᓕᕐᐳᑦ ᐊᑕᓂᕐᒥᒃ, ᕾᓚᐅᕐᐳᓪᓗ ᐊᑕᐅᑦᓯᐅᓕᖓᑦᓯᐊᕐᓗᑎᒃ ᐃᓄᒃᑐᑦ ᐊᑕᐅᓯᕐᑐᑦ.

ᓴᒧᐃᓕ ᓯᕗᓪᓖᑦ 14:15

ᑕᕝᕙ ᐱᓕᔅᑍᓂᒥᐅᑦ ᑕᕝᕙᓃᑦᑐᑦ ᑲᑉᐱᐊᓱᖕᓂᕐᒧᑦ ᐅᐃᒻᒪᒃᐳᑦ; ᐱᕈᕐᓰᕕᖕᒦᑦᑐᑦ, ᐃᓄᓕᒫᑦ; ᐅᓇᑕᕐᑐᒃᓮᓪᓗ ᑕᖕᒫᕐᓯᒪᕕᖕᒦᑦᑐᑦ ᑎᒡᓕᒐᕐᑏᓪᓗ ᓴᔪᓕᕐᐳᑦ ᑲᑉᐱᐊᓱᖕᓂᕐᒧᑦ; ᓄᓇᓗ ᓴᔪᒃᐱᓪᓚᒃᐳᖅ; ᐊᑕᖏᑦᓯᐊᕐᓗᑎᒡᓗ ᑐᑮᕈᑎᑦᓯᐊᕐᐳᑦ.