ᒨᓯᓯ ᓯᕗᓪᓖᑦ 35:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᐃᓴᕆᐊᐅᓕ ᑕᕝᕙᓂ ᓄᓇᖃᕐᑎᓪᓗᒍ, ᕉᐱᓂ ᐃᓐᓇᖓᖃᑎᖃᕐᐳᖅ ᐱᓪᕼᐊᒥᒃ, ᐊᑖᑕᖓᑕ ᐱᔨᒋᓪᓗᒍ ᓄᓕᐊᒃᑲᓐᓂᖓᓂ; ᐃᓴᕆᐊᓪᓗ ᑕᒪᓐᓇ ᑐᓴᕐᐹ. ᔧᑯ ᐃᕐᓂᖃᓚᐅᕐᐳᖅ 12ᓂᒃ.

ᒨᓯᓯ ᓯᕗᓪᓖᑦ 35:22 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 35:18

ᑐᖁᓕᒑᓕᕐᓗᓂᓕ ᐊᓂᕐᓇᖏᕐᓂᐊᓕᕐᓱᓂ, ᐃᕐᓂᕐᑖᓂ ᐊᑦᓯᕐᐹ ᐱᓐ-ᐆᓂᒥᒃ; ᐊᑖᑕᖓᑕᓕ ᐊᑦᓯᕐᐹ ᐱᓐᔭᒥᓂᒥᒃ.

ᓴᒧᐃᓕ ᐂᑉᐸᖏᑦ 13:21

ᐊᖓᔪᖅᑳᕐᔪᐊᕐᓕ ᑍᕕᑎ ᑕᒪᑐᒥᖓ ᑐᓴᕋᒥ ᐱᓂᐊᕐᓂᐅᓚᐅᕐᑐᒥᒃ, ᓂᓐᖓᒃᑐᐊᓘᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 20:3

ᑍᕕᑎ ᑎᑭᓐᓇᒥ ᐃᒡᓗᒥᓄᑦ ᔨᕉᓴᓕᒧᑦ, ᓄᓕᐊᓂ ᖁᓖᑦ ᐅᑎᕐᕕᒋᓚᐅᕐᐰᑦ ᑲᒪᖁᓚᐅᕐᑕᓂ ᐃᒡᓗᒥᓂᒃ, ᖃᐅᔨᓴᕐᑎᒧᓪᓗ ᑲᒪᒋᔭᐅᑎᓕᕐᓗᒋᑦ, ᐱᔭᕆᐊᖃᕐᑕᖏᓐᓂᒃ ᑲᒪᒋᑦᓯᐊᓚᐅᕐᐰᑦ, ᑭᓯᐊᓂᓕ ᐃᓐᓇᖓᖃᑎᒋᓚᐅᓐᖏᓔᑦ. ᐱᑦᑍᓕᓕᕐᑎᓚᐅᕐᐰᑦ ᐃᓅᓯᓕᒫᖏᓐᓂ, ᐃᓅᓕᓚᐅᕐᐳᑦ ᐅᐃᒡᒐᕐᓂᑯᑎᑐᑦ.

ᑯᕉᓂᑲ ᓯᕗᓪᓖᑦ 5:1

ᕉᐱᓂᐅᑉ ᐃᕐᓂᖏᑦ ᐃᓴᕆᐊᓕᐅᑉ ᐊᖓᔪᒃᓯᕐᐹᖁᑎᖓᑕ ᐊᖓᔪᒃᓯᕐᐹᖑᒐᓗᐊᖅ, ᑭᓯᐊᓂ ᐊᑖᑕᖓᑕ ᓄᓕᐊᒃᑲᓐᓂᖓᓂᒃ ᐃᓐᓇᖓᖃᑎᖃᓚᐅᕐᒪᑦ ᓱᒃᑯᑎᕆᓚᐅᕐᐳᖅ, ᑕᕝᕙ ᐊᖓᔪᒃᓯᕐᐸᐅᓂᖓᑕ ᑎᑎᕋᕐᑕᐅᓯᒪᓂᖓ ᑐᓂᔭᐅᓚᐅᕐᐳᖅ ᐃᓴᕆᐊᓕᐅᑉ ᐃᕐᓂᖓᑕ ᔫᓯᐱᐅᑉ ᐃᕐᓂᖏᓐᓄᑦ, ᑍᒤᒻᒪᑦ ᐊᖓᔪᒃᓯᕐᐹᖑᓂᖓᑕ ᐃᓚᖏᑦ ᑎᑎᕋᕐᑕᐅᓯᒪᓐᖏᓚᑦ ᐊᖓᔪᒃᓯᕐᐹᕐᓯᐅᑎᑎᒍᑦ.

ᒨᓯᓯ ᐂᑉᐸᖏᑦ 2:1

ᑕᒪᓐᓇᓕ ᓇᓪᓕᐅᑎᓯᒪᓕᕐᑎᓪᓗᒍ, ᐊᖑᑦ ᓕᕔᒃᑯᑦ ᐃᓚᖏᓐᓂᓐᖔᕐᓯᒪᔪᖅ ᓄᓕᐊᓂᓚᐅᕐᐳᖅ ᐊᕐᓇᒥᒃ ᐃᓅᖃᑎᓪᓚᕆᖕᒥᓂᒃ.

ᒨᓯᓯ ᐱᖓᔪᖏᑦ 18:8

ᐊᑖᑕᕕᑦ ᓄᓕᐊᖓᑕ ᑲᓐᖑᓇᕐᓂᖏᓐᓂᒃ ᓴᖅᑭᑎᑦᓯᔪᒃᓴᐅᓐᖏᓚᑎᑦ; ᐊᑖᑕᕕᑦ ᑲᓐᖑᓇᕐᓂᕆᖕᒪᒍ.

ᒨᓯᓯ ᓯᑕᒪᖏᑦ 10:14

ᐅᓇᑕᕐᑐᓴᐅᖃᑎᒌᒃᔪᐊᑦ ᔫᑕᐅᑉ ᕿᑐᕐᖓᖏᑦ ᓯᕗᓪᓕᕐᐸᐅᓪᓗᑎᒃ ᐅᓇᑕᕐᑐᒃᓴᐅᖃᑎᒌᒃᑐᑦ ᒪᓕᒡᓗᒋᑦ; ᓈᓲᓂ ᐊᒥᓇᑕᐱᐅᑉ ᐃᕐᓂᖓ ᐅᓇᑕᕐᑐᒃᓴᓄᑦ ᑖᒃᑯᓄᖓ ᐊᖓᔪᖅᑳᖑᓚᐅᕐᐳᖅ.

ᒨᓯᓯ ᓯᑕᒪᖏᑦ 13:4

ᐅᑯᐊᖑᓚᐅᕐᐳᑦ: ᕉᐱᓂᐅᑉ ᑭᖑᕚᖏᓐᓂᑦ, ᓵᒧᐊ ᔭᑯᕆᐅᑉ ᐃᕐᓂᖓ;

ᐋᐴᓯᑕᓖᑦ ᐱᓂᐊᕐᓂᖏᑦ 7:8

ᒎᑎᐅᑉ ᐊᖏᕈᑎᓂ ᓇᓗᓁᒃᑯᑦᓯᓚᐅᕐᐹ ᑭᐱᔭᐅᓂᕐᒥᒃ. ᑍᒤᒻᒪᑦ ᐂᑉᕋᕼᐋᑉ ᐂᓴᑭ ᐃᕐᓂᕐᑖᕆᒐᒥᐅᒃ, ᐅᓪᓗᐃ ᓯᑕᒪᐅᔪᕐᑐᖓᓐᓂ ᑭᐱᕚ; ᐂᓴᑭᐅᓪᓗ ᔧᑯ ᐃᕐᓂᕐᑖᕆᒐᒥᐅᒃ ᑭᐱᒋᕚ, ᔧᑰᓪᓗ ᐃᕐᓂᓂ ᓯᕗᓕᕆᔭᕗᑦ 12 ᑭᐱᓚᐅᕆᕔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 5:1

ᐅᖃᐅᓯᐅᓪᓚᕆᒃᓯᒪᖕᒪᑦ ᓄᓕᐊᕐᓂᑰᕐᑐᒥᒃ ᐊᑐᒐᒃᓴᐅᖏᑦᑐᒥᒃ ᐃᓗᐊᖏᑦᔪᑎᖃᕐᓂᕋᕐᑕᐅᑎᓪᓗᓯ, ᐅᒃᐱᖏᑦᑑᒐᓗᐊᓂᑦ ᐱᐅᓯᕆᔭᐅᓲᖑᖏᑦᑐᒥᒃ; ᐃᓕᑦᓯᓐᓂᒎᖅ ᐊᑖᑕᒥ ᓄᓕᐊᖓᓂᒃ ᓄᓕᐊᖃᖃᑕᐅᔪᖃᖃᑦᑕᓕᕐᒪᑦ.

ᒨᓯᓯ ᑕᓪᓕᒪᖏᑦ 27:12

“ᑰᖕᒥᒃ ᔪᐊᕐᑕᓂᒥᒃ ᐃᑳᕐᓯᒪᓕᕈᑦᓯ, ᐅᑯᐊ ᑭᖑᕚᕇᑦ ᑭᖑᓕᕇᒡᓗᑎᒃ ᖃᖅᑲᒥ ᒋᕆᔨᒦᑦᑐᒃᓴᐅᕗᑦ ᐃᓄᐃᑦ ᓮᒻᒪᕐᑎᑕᐅᓕᕐᑎᓪᓗᒋᑦ: ᓯᒥᐅᓂᒃᑯᑦ, ᓕᕔᒃᑯᑦ, ᔫᑕᒃᑯᑦ, ᐃᓴᑳᕆᒃᑯᑦ, ᔫᓯᐱᒃᑯᑦ, ᐱᓐᔭᒥᓂᒃᑯᓪᓗ.

ᒨᓯᓯ ᑕᓪᓕᒪᖏᑦ 27:20

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐊᑖᑕᒥᓂᒃ ᑲᓐᖑᓇᕐᑐᒦᑎᑦᓯᔪᖅ ᐃᓐᓇᖓᖃᑎᖃᕐᓂᕐᒥᓄᑦ ᐊᑖᑕᖓᑕ ᓄᓕᐊᖓᑦᑕ ᐃᓚᖓᓐᓂᒃ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:14

ᐃᒡᓗᒐᓴᒡᔪᐊᓪᓗ ᐊᕙᓗᕐᔪᐊᖓ ᑐᓐᖓᕕᖃᕐᐳᖅ 12ᓂᒃ, ᑐᓐᖓᕕᖏᓪᓗ ᑎᑎᕋᕐᓯᒪᒋᕗᑦ ᓄᕐᕋᐅᔭᐅᑉ ᐋᐴᓯᑕᓕᖏᑕ ᐊᑎᖏᓐᓂᒃ 12ᓂᒃ.

ᐃᓗᐊᕐᓮᔩᑦ ᐊᒡᓚᖏᑦ 5:14

ᐃᕗᕅᒥᑦ ᐊᐅᓪᓚᕐᐳᑦ ᑕᐅᕗᖓ ᓇᕐᓴᒧᑦ, ᐃᓕᖕᓂᒃ ᒪᓕᒡᓗᑎᒃ, ᐱᓐᔭᒥᓂᐅᑉ ᑭᖑᕚᖏᑦ, ᑭᖑᕚᖑᖃᑎᑎᑦ ᐃᓚᒋᓪᓗᒋᑦ. ᒪᑬᕆᒥᑦ ᐱᓱᒃᐳᑦ ᑕᐅᓄᖓ ᐅᓇᑕᕐᑐᒃᓮᑦ ᐊᖓᔪᖅᑳᖏᑦ, ᓯᐳᓗᓂᒥᓪᓗ ᐱᓱᒃᐳᑦ ᐅᓇᑕᕐᑏᑦ ᑲᒪᔩᑦ ᐊᔭᐅᑉᐱᐊᓂᒃ ᑎᒍᒥᐊᕐᑐᑦ.

ᓴᒧᐃᓕ ᓯᕗᓪᓖᑦ 2:22

ᐃᓔᓕ ᐃᓄᑐᖃᒻᒪᕆᐅᓕᓚᐅᕐᐳᖅ, ᑐᓴᖃᑦᑕᕐᓗᓂᓗ ᐃᕐᓂᖏᑕ ᐱᓂᐊᕐᓂᕆᖃᑦᑕᕐᑕᖏᓐᓂᒃ ᐃᓴᕆᐊᓕᒥᐅᓕᒫᓄᑦ, ᐊᕐᓇᓂᒡᓗ ᐱᖃᑎᖃᖃᑦᑕᕐᓂᖏᓐᓂᒃ ᐊᑕᓂᐅᑉ ᓇᔪᒐᖓᑕ ᑐᐱᐅᑉ ᐃᑎᕆᐊᕐᕕᖓᓂ ᐱᓇᓱᐊᕐᑎᐅᔪᓂᒃ.