ᒨᓯᓯ ᓯᕗᓪᓖᑦ 35:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᑕᕝᕙ ᔧᑯ ᓇᖕᒥᓂᕐᒥᓄᑦ ᐃᓚᒋᔭᓕᒫᒥᓄᓪᓗ ᐅᖃᕐᐳᖅ, “ᐃᓅᖃᑎᑐᖃᕆᓐᖏᑕᑦᑕ ᒎᑎᓐᖑᐊᖏᑦ ᐱᓯᒪᔭᓯ ᐃᒋᓚᐅᕐᓯᐅᒃ; ᐃᓕᑦᓯᓐᓂᒃ ᓴᓗᒻᒪᕐᓴᕆᑦᓯ, ᐊᓯᖏᓐᓂᒡᓗ ᐊᓐᓄᕌᕐᓗᓯ.

ᒨᓯᓯ ᓯᕗᓪᓖᑦ 35:2 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:19

ᐊᓐᖏᒍᑎᓂᐊᓐᖏᓚᕋ, ᓂᕈᐊᕐᓯᒪᒐᒃᑯ, ᐱᖁᔨᔪᒫᕐᒪᑦ ᕿᑐᕐᖓᒥᓂᒃ ᐃᓚᒥᓂᒡᓗ ᐊᑕᓂᐅᑉ ᐊᖅᑯᑎᖓᓃᖁᓪᓗᒋᑦ ᐃᓱᐊᕐᑐᓕᓂᒃᑯᑦ ᐊᑦᔨᒌᒃᑎᑦᓯᓂᒃᑯᓪᓗ; ᐊᑕᓂᖅ ᑐᓂᓯᖁᓪᓗᒍ ᐂᑉᕋᕼᐋᒧᑦ ᐊᖏᕈᑎᒋᓯᒪᔭᒥᓂᒃ ᑖᑦᓱᒧᖓ.”

ᒨᓯᓯ ᓯᕗᓪᓖᑦ 31:19

ᓔᐸᓂᓕ ᓰᐱᖁᑎᒥᓂᒃ ᕿᐅᕐᑍᔭᕐᑐᕐᓯᒪᑎᓪᓗᒍ, ᕅᒋᓕᐅᑉ ᐊᑖᑕᖓᑕ ᐃᒡᓗᒥᓂ ᒎᑎᓐᖑᐊᖁᑎᖏᑦ ᑎᒡᓕᒐᕆᕔᑦ.

ᒨᓯᓯ ᓯᕗᓪᓖᑦ 31:30

ᐊᐅᓪᓚᓚᐅᕋᕕᓪᓕ ᐊᖏᕐᕋᕐᓯᕐᓂᕐᒧᑦ ᐊᑖᑕᕕᑦ ᓄᓇᖓᓄᑦ, ᓱᖕᒪᓪᓕ ᐃᒡᓗᑦᑎᓐᓂ ᒎᑎᓐᖑᐊᖁᑎᒃᑲ ᑎᒡᓕᒐᕆᓚᐅᕐᐱᒌᑦ?”

ᒨᓯᓯ ᓯᕗᓪᓖᑦ 31:34

ᕅᒋᓕᐅᓪᓕ ᒎᑎᓐᖑᐊᑦ ᐃᔨᕐᓯᒪᓚᐅᕐᐰᑦ ᑳᒥᓕᐅᑉ ᐃᑭᒪᕕᖓᓄᑦ, ᖄᖓᓂᓗ ᐃᒃᓯᕚᕐᓗᓂ. ᓔᐸᓂᓗ ᑐᐱᐅᑉ ᐃᓗᓕᒫᖓ ᕿᓂᓚᐅᕐᐹ, ᓇᓂᓯᓚᐅᓐᖏᓚᕐᓕ.

ᒨᓯᓯ ᓯᕗᓪᓖᑦ 34:2

ᓯᑭᒻᒥᐅᓪᓕ ᕼᐊᒧᕆᐅᑉ ᐃᕐᓂᖓᑕ ᕼᐃᕔᑎᒥᐅᑕᐅᑉ, ᑕᕝᕙᓂ ᐊᖓᔪᖅᑳᖑᔫᑉ, ᑕᑯᒐᒥᐅᒃ ᑎᒍᕚ ᖁᓄᑎᓪᓗᒍᓗ ᐃᓐᓇᖓᖃᑎᒋᕚ,

ᒨᓯᓯ ᓯᕗᓪᓖᑦ 35:22

ᐃᓴᕆᐊᐅᓕ ᑕᕝᕙᓂ ᓄᓇᖃᕐᑎᓪᓗᒍ, ᕉᐱᓂ ᐃᓐᓇᖓᖃᑎᖃᕐᐳᖅ ᐱᓪᕼᐊᒥᒃ, ᐊᑖᑕᖓᑕ ᐱᔨᒋᓪᓗᒍ ᓄᓕᐊᒃᑲᓐᓂᖓᓂ; ᐃᓴᕆᐊᓪᓗ ᑕᒪᓐᓇ ᑐᓴᕐᐹ. ᔧᑯ ᐃᕐᓂᖃᓚᐅᕐᐳᖅ 12ᓂᒃ.

ᓴᒧᐃᓕ ᐂᑉᐸᖏᑦ 7:23

ᐃᓴᕆᐊᓕᒥᐅᑦ ᐃᓅᖃᑎᒌᒡᔪᐊᓂᒃ ᐊᑦᔨᖃᓐᖏᓚᑦ ᓄᓇᕐᔪᐊᕐᒥ, ᐄᑦᔨᑉᑎᒥᑦ ᓴᐳᑎᔭᕐᑐᓚᐅᕐᐸᑎᑦ ᐃᓄᖁᑎᑎᑦ ᐃᓚᒋᔪᒪᓪᓗᒋᑦ, ᑲᒪᓇᕐᑐᕐᔪᐊᓪᓗ ᐱᓂᐊᕐᓂᕆᓚᐅᕐᐸᑎᑦ ᑖᒃᑯᓄᖓ ᖃᐅᔨᒪᔭᐅᓕᕐᓗᑎᒡᓗ ᓯᓚᕐᔪᐊᒥᐅᓄᑦ, ᐃᓅᖃᑎᒌᒡᔪᐊᑦ ᒎᑎᓐᖑᐊᖏᓪᓗ ᓯᖏᓚᐅᕐᐸᑎᑦ ᐃᓄᖁᑎᑎᑦ ᓄᓇᑖᖔᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 17:29

ᐃᓅᖃᑎᒌᒡᔪᐊᑦ ᓴᒥᐊᕆᐊᒧᑦ ᓄᓇᑖᕐᑐᕕᓃᑦ ᓇᖕᒥᓂᖅ ᒎᑎᓐᖑᐊᕆᔭᒥᖕᓂᒃ ᓴᓇᖃᑦᑕᑐᐃᓐᓇᓚᐅᕐᐳᑦ, ᐃᓂᖃᕐᑎᓪᓗᒋᓪᓗ ᓴᒥᐊᕆᐊᒥᐅᑦ ᒎᑎᓐᖑᐊᓄᑦ ᑐᒃᓯᐊᕐᕕᒋᖃᑦᑕᕐᑕᕕᓂᖏᓐᓂ, ᐃᓅᖃᑎᒌᒡᔪᐊᓕᒫᓪᓗ ᓄᓇᒋᔭᒥᖕᓂ ᒎᑎᓐᖑᐊᖃᕐᕕᖕᒥᖕᓂᒃ ᐊᖅᑭᒃᓯᓯᒪᔪᐃᓐᓇᐅᓚᐅᕐᐳᑦ.

ᐊᑕᓃᑦ ᐂᑉᐸᖏᑦ 5:10

ᐃᓔᓴ ᑕᕝᕙ ᑎᓕᓯᕗᖅ ᑭᒡᒐᒥᓂᒃ ᐅᖃᐅᑦᔨᖁᓪᓗᒍᓗ ᐃᒫᒃ, “ᐅᕕᓃᑦ ᐅᐊᓴᕆᐊᕐᑐᕈᒃ 7ᐃᓱᕐᓗᑎᑦ ᑰᖕᒥ ᔪᐊᕐᑕᓂᒥ, ᑕᕝᕙ ᐅᕕᓃᑦ ᐋᖅᑭᖕᓂᐊᕐᐳᖅ ᓴᓗᒻᒪᑦᓯᐊᓕᕐᓗᓂ.”

ᑯᕉᓂᑲ ᓯᕗᓪᓖᑦ 16:26

ᐃᓄᐃᑦ ᒎᑎᒋᔭᓕᒫᖏᑦ ᒎᑎᓐᖑᐊᖑᕗᑦ; ᐊᑕᓂᐅᓪᓕ ᕿᓔᑦ ᓴᓇᓚᐅᕐᐰᑦ.

ᔫᐱᐅᑉ ᐊᒡᓚᖏᑦ 1:5

ᐅᓪᓛᑕᒫᓪᓗ ᓂᕆᕕᒡᔪᐊᕐᓂᐅᑉ ᑭᖑᓂᖓᒍᑦ, ᔫᐱ ᐅᓪᓛᕌᕐᔪᒃᑯᑦ ᑐᐸᒃᐸᓚᐅᕐᐳᖅ ᑐᓂᕐᕈᓯᕈᒪᓪᓗᓂ ᑐᖁᑕᒃᓴᒥᒃ ᕿᑐᕐᖓᓂ ᐊᑐᓂᑦ ᐱᑦᔪᑎᒋᓪᓗᒋᑦ ᐊᔪᕐᑐᓕᓂᕐᒧᑦ ᐸᓯᔭᒃᓴᐅᔪᖃᖁᓇᒍ. ᑍᒤᓕᐅᖏᓐᓇᕐᐸᓚᐅᕐᐳᕐᓗ ᐃᓱᒪᖃᕐᓗᓂ ᕿᑐᕐᖓᖏᑕ ᓇᓪᓕᐊᓐᓂᒃ ᒎᑎᒧᑦ ᐱᔮᖅᑯᑕᐅᖏᑦᑐᒥᒃ ᐊᑭᕋᕐᑐᕐᑐᖃᑐᐃᓐᓇᕆᐊᖃᕋᓱᒋᓪᓗᓂᒋᑦ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᒨᓯᓯ ᐂᑉᐸᖏᑦ 19:14

ᑕᕝᕙ ᒨᓯᓯ ᖃᖅᑲᒥᑦ ᐊᑎᕐᐳᖅ ᐃᓄᖕᓄᐊᕐᓗᓂᓗ, ᐅᖃᐅᑎᕔᑦ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᖁᓪᓗᒋᑦ ᐊᓐᓄᕌᒥᖕᓂᒡᓗ ᐅᐊᓴᓕᕐᐳᑦ,

ᒨᓯᓯ ᐂᑉᐸᖏᑦ 23:13

“ᑕᒪᒃᑯᐊ ᐃᓕᑦᓯᓐᓄᑦ ᐅᖃᐅᓯᕆᔭᓕᒫᒃᑲ ᓈᓚᒃᓯᒋᒃ; ᐊᓯᓐᓂᒃ ᒎᑎᐅᓂᕅᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᓂᐊᕋᓯᓗ ᑍᒤᑦᑐᓂᒃ, ᐊᑎᖏᓐᓂᒃ ᐊᒡᓛᑦ ᐅᖃᕐᑐᖃᕐᑐᒃᓴᐅᓐᖏᓚᖅ ᖃᓂᑦᓯᒍᑦ.”

ᐃᓕᓯᒪᓃᑦ ᐃᒃᓖᓯᐊᓯᑏᔅ 5:1

ᐊᓪᓗᕐᓂᑎᑦ ᐅᑦᔨᕆᑦᓯᐊᒃᑭᑦ ᐊᑕᓂᐅᑉ ᐃᒡᓗᖓᓄᑦ ᐂᓕᕈᕕᑦ; ᑕᕝᕗᓐᖓᓗ ᖃᒡᓕᓕᕆᑦ ᑐᓵᔭᕐᑐᕐᓗᑎᑦ ᓯᓔᑦᑐᑦ ᑐᓂᕐᕈᓯᑐᐃᓐᓇᕐᓂᖏᑦ ᐱᐅᓂᕐᓴᐅᖏᒻᒪᑕ, ᑖᒃᑯᐊᓗ ᑕᒻᒪᓕᕋᓗᐊᕐᒪᖔᕐᒥᒃ ᖃᐅᔨᔪᓐᓇᖏᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 52:11

ᐊᐅᓪᓚᕆᑦᓯ! ᐊᐅᓪᓚᕆᑦᓯ! ᓴᓗᒤᑦᑐᓂᒃ ᐊᒃᑐᕐᓯᑦᑍᓕᒋᑦᓯ; ᑕᕝᕙᓐᖓᑦ ᐊᓂᒍᑦᓯ ᓴᓗᒻᒪᕐᓴᑦᓯᐊᕆᑦᓯ, ᐊᑕᓂᐅᑉ ᐱᖁᑎᖏᓐᓂᒃ ᐊᒡᔭᕐᓯᔨᐅᔪᓯ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 16:20

ᐃᓄᐃᑦ ᓇᖕᒥᓂᖅ ᓴᓇᔭᒥᖕᓂᒃ ᒎᑎᖃᕈᓐᓇᕐᐹᑦ? ᑍᒤᑦᑐᓪᓕ, ᒎᑎᐅᓐᖏᓚᑦ!

ᔨᕆᒤᐊᐅᑉ ᐊᒡᓚᖏᑦ 5:7

“ᓱᖕᒪᑦ ᐃᓱᒪᒋᔪᓐᓁᕐᕕᒋᔭᖃᕐᑐᒃᓴᐅᕗᖔ ᐃᓕᑦᓯᓐᓂᒃ? ᕿᑐᕐᖓᓯ ᐊᒡᓛᑦ ᒪᓕᒍᒪᔪᓐᓁᕐᐳᑦ ᐅᕙᓐᓂᒃ, ᐊᖏᒻᒪᕆᒃᐸᒡᓗᑎᒡᓗ ᒎᑎᓐᖑᐊᑦ ᐊᑎᖏᑦ ᐊᑐᕐᓗᒋᑦ. ᐃᓅᑦᔪᑎᒃᓴᓕᒫᖏᓐᓂᒃ ᐊᔪᕐᓴᕐᑎᖏᒃᑲᓗᐊᕋᒃᑭᑦ, ᓱᓕᓕ ᐊᓯᓐᓂᐊᕐᐳᑦ, ᐊᖑᓐᓂᐊᕐᑎᓪᓗ ᐃᒡᓗᖏᓐᓃᖃᑦᑕᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 18:31

ᐱᐅᖏᑦᑐᓕᓂᓕᒫᑦ ᐱᓇᓱᐊᓚᐅᕐᑕᓯ ᕿᒪᒡᓗᒋᑦ, ᓄᑖᒥᒃ ᐆᒻᒪᑎᑖᓕᕆᑦᓯ ᓄᑖᒥᒡᓗ ᐊᓂᕐᓂᕐᑖᕐᓗᓯ! ᓱᖕᒪᑦ ᐃᓴᕆᐊᓕᒥᐅᑦ ᑭᖑᕚᖑᖃᑎᒌᑦ ᑐᖁᔪᒪᕕᓰ?

ᐃᓯᑭᐊᓕᐅᑉ ᐊᒡᓚᖏᑦ 20:7

ᐅᖃᐅᑎᓚᐅᕐᐸᒃᑲᓗ, ᑕᑯᒥᒋᔭᓯ ᓇᕐᕈᓇᕐᑐᑦ ᐃᒋᓚᐅᕐᓯᐅᒃ, ᐊᑕᖏᕐᓗᓯ ᐃᓕᑦᓯᓐᓂᒃ ᐃᑦᔪᕐᓇᕐᑎᑐᓐᓃᕆᑦᓯ ᐄᑦᔨᑉᑎᒥᐅᑦ ᒎᑎᓐᖑᐊᖏᓐᓄᑦ; ᐅᕙᖓᐅᒐᒪ ᐊᑕᓂᖅ ᒎᑎᓯ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᑖᓂᐊᓕᐅᑉ ᐊᒡᓚᖏᑦ 5:4

ᕔᓂᑐᕐᓗᑎᒡᓗ, ᒎᑎᑎᒃ ᒎᓗᐃᑦ ᓯᐅᓪᕕᕇᓪᓗ, ᖃᖁᕐᓖᓪᓗ, ᓴᕕᕋᔧᓪᓗ, ᕿᔪᐃᓪᓗ ᐅᔭᕅᓪᓗ ᓂᕐᑐᕐᐰᑦ.

ᒨᓯᓯ ᐱᖓᔪᖏᑦ 15:5

ᑭᓇᑐᐃᓐᓇᐅᑉ ᒪᕐᓴᕐᑑᑉ ᐃᒡᓕᖓ ᐊᒃᑐᕐᐸᒍ, ᐊᒃᑐᐃᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ, ᑖᓐᓇ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 17:16

ᐊᓐᓄᕌᓂ ᐅᐊᓴᖏᑉᐸᒋᑦ ᐅᕕᓂᓕᒫᓂᓗ ᐅᐊᓴᖏᑉᐸᒍ ᐃᒥᕐᒧᑦ ᑕᕝᕙ ᐸᓯᔭᒃᓴᐅᓂᐊᕐᐳᖅ.”

ᒨᓯᓯ ᓯᑕᒪᖏᑦ 31:24

ᐊᓐᓄᕌᓯ ᐅᐊᓴᕆᐊᖃᕐᐸᓯ ᐅᓪᓗᐃᑦ 7ᖓᓂ ᓴᓗᒻᒪᕐᓗᓯᓗ, ᑭᖑᓂᖓᒍᑦ ᑕᖕᒫᕐᓯᒪᔪᓄᑦ ᐃᑎᕈᓐᓇᕐᓯᓂᐊᕐᐳᓯ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:26

ᖃᐅᔨᒪᕗᓯ ᑐᓴᐅᒪᓕᕐᓗᓯᓗ ᐸᐅᓗᓯ ᖃᓄᐃᓕᐅᖃᑦᑕᕐᓂᖓᓂᒃ ᐃᐱᓲᓯᒥᑐᐃᓐᓇᐅᖏᑦᑐᖅ, ᐂᓯᐊᒥᓗ ᓇᓂᑐᐃᓐᓇᖅ ᑖᓐᓇ ᐸᐅᓗᓯ ᐅᒃᐱᕈᓐᓃᕐᑎᑦᓯᓇᓱᐊᕐᒪᑦ ᐃᓄᖕᓂᒃ ᐊᒥᓱᓂᒃ, ᐅᖃᕐᓗᓂ, ‘ᒎᑏᑦ ᐊᒡᒐᓄᑦ ᓴᓇᓯᒪᔪᑦ ᒎᑎᐅᖏᓐᓂᕋᕐᖢᓂᒋᑦ.’

ᑯᕆᓐᑎᐊᒥᐅᓄᑦ ᓯᕗᓪᓖᑦ 10:7

ᒎᑎᓐᖑᐊᖃᖁᓇᑕᓗ ᑍᒃᑯᑎᑐᓇᖅ; ᑎᑎᕋᕐᓯᒪᔪᖃᕐᒪᑦ, “ᐃᓄᐃᑦ ᐃᖏᑉᐳᑦ ᓂᕆᓪᓗᑎᒃ ᐃᒥᕐᓗᑎᒃᓗ, ᓂᑯᕕᓐᓇᒥᒡᓗ ᓈᒻᒪᖏᑦᑐᓂᒃ ᐱᓇᓱᐊᓕᕐᐳᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᒐᓔᑎᐊᒥᐅᓄᑦ 4:8

ᑕᒪᑐᒪ ᓯᕗᓂᖓᒍᑦ, ᒎᑎᒥᒃ ᖃᐅᔨᒪᓚᐅᕐᑎᓐᓇᓯ, ᓯᐊᓛᕆᔭᐅᓚᐅᕐᐳᓯ ᐃᓕᖅᑯᓯᑐᐃᓐᓇᕐᓄᑦ ᒎᑎᐅᖏᑦᑐᓄᑦ.

ᒨᓯᓯ ᑕᓪᓕᒪᖏᑦ 11:28

ᓱᒋᐊᕐᑕᐅᓂᕐᓕ, ᐊᑕᓂᐅᑉ ᒎᑎᑦᓯ ᐱᖁᔨᑦᔪᑎᖏᑦ ᓈᓚᖏᒃᑯᑦᓯᒋᒃ, ᓴᖑᒍᑦᓯᓗ ᐊᖅᑯᒻᒥᑦ ᐅᓪᓗᒥ ᐊᑐᕐᑕᐅᖁᓪᓗᒍ ᐅᖃᐅᓯᕆᔭᓐᓂᑦ, ᒎᑎᓐᖑᐊᓄᓪᓗ ᑐᒃᓯᐊᖃᑦᑕᖔᓕᕈᑦᓯ ᑕᒪᑐᒪ ᓯᕗᕐᖓᒍᑦ ᖃᐅᔨᒪᓚᐅᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 32:16

ᒎᑎᓐᖑᐊᓄᑦ ᓵᓐᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᓮᓪᓗᑎᒃ ᓯᖕᓇᑎᑦᓯᓚᐅᕐᐳᑦ; ᓇᕐᕈᓇᕐᑐᓕᓂᕐᒥᖕᓄᑦ ᐊᑕᓂᕐᒥᒃ ᓂᓐᖓᒃᑎᑦᓯᓚᐅᕐᐳᑦ.

ᒨᓯᓯ ᑕᓪᓕᒪᖏᑦ 5:7

“‘ᐊᓯᓐᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐅᕙᓐᓂᒃ ᑭᓯᐊᓂ.

ᒨᓯᓯ ᑕᓪᓕᒪᖏᑦ 6:14

ᒎᑎᒋᔭᐅᔪᓂᒃ ᑖᑦᓱᒪ ᐊᓯᐊᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᓇᓪᓕᐊᓐᓂᒡᓘᓐᓃᑦ ᖃᓂᒋᔭᑦᓯᓐᓂ ᓄᓇᖃᕐᑐᓄᑦ ᒎᑎᒋᔭᐅᔪᓂᒃ.

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.

ᔮᓱᐊᑉ ᐊᒡᓚᖏᑦ 24:14

“ᒫᓐᓇᓕ ᑍᒤᒻᒪᑦ ᐊᑕᓂᖅ ᓯᕘᕋᒋᓯᐅᒃ, ᐅᐱᒋᑦᓯᐊᕐᓗᒍ ᐱᔨᑦᓯᕐᓯᐅᒃ ᓱᓕᑦᓯᐊᕐᓗᓯ ᓱᖁᓯᔪᐃᑦᑑᓗᓯᓗ; ᓯᕗᓕᓯ ᒎᑎᒋᓚᐅᕐᑕᒋᑦ ᖁᔭᓈᕐᓯᐅᒃ ᑐᒃᓯᐊᕐᕕᒋᓚᐅᕐᑕᖏᑦ ᑰᑉ ᐊᑭᐊᓂ, ᐄᑦᔨᑉᑎᒥᓗ, ᐊᑕᓂᕐᓕ ᐱᔨᑦᓯᕐᓯᐅᒃ.

ᔮᓱᐊᑉ ᐊᒡᓚᖏᑦ 24:15

ᐊᑕᓂᕐᓕ ᐱᔨᑦᓯᕈᒪᓂᐊᖏᒃᑯᑦᓯᐅᒃ, ᐅᓪᓗᒥ ᑐᑭᑖᓕᕆᑦᓯ ᑭᓇᒥᒃ ᐱᔨᑦᓯᕐᓂᐊᕐᒪᖔᑦᓯ, ᓯᕗᓕᓯ ᒎᑎᒋᓚᐅᕐᑕᒋᓐᓂᒃ ᑐᒃᓯᐊᕐᕕᒋᖃᑦᑕᓚᐅᕐᑕᖏᓪᓗ ᑰᑉ ᐊᑭᐊᓂ, ᐅᕝᕙᓗ ᐊᒧᕅᒥᐅᑦ ᒎᑎᖏᓐᓂᒃ, ᒫᓐᓇ ᑖᒃᑯᐊ ᓄᓇᖓᓂ ᓄᓇᖃᓕᕋᑦᓯ; ᐅᕙᖓᓕ ᐃᒡᓗᒥᐅᖃᑎᒃᑲᓗ, ᐊᑕᓂᖅ ᐱᔨᑦᓯᕐᓂᐊᕐᐸᕗᑦ.”

ᔮᓱᐊᑉ ᐊᒡᓚᖏᑦ 24:2

ᔮᓱᐊᓪᓗ ᐃᓄᓕᒫᑦ ᐅᖃᐅᑎᕔᑦ, “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓᑦ ᐃᒫᒃ ᐅᖃᕐᐳᖅ: ‘ᓯᕗᓕᕆᓚᐅᕐᑕᓯ, ᑏᕋ ᐃᓚᐅᓪᓗᓂ ᐂᑉᕋᕼᐋᒻ ᐊᑖᑕᖓ, ᓇᕼᐅᕆᐅᓪᓗ ᐊᑖᑕᖓ, ᑍᑦᓱᒪᓂᐊᓗᒃ ᓄᓇᖃᓚᐅᕐᐳᑦ ᑰᑉ ᐊᑭᐊᓂ; ᒎᑎᓂᒡᓗ ᐊᓯᖏᓐᓂᒃ ᐱᔨᑦᓯᓚᐅᕐᐳᑦ.

ᔮᓱᐊᑉ ᐊᒡᓚᖏᑦ 24:20

ᐊᑕᓂᖅ ᕿᒪᖕᓂᐊᕈᑦᓯᐅᒃ ᐱᔨᑦᓯᓕᕐᓗᓯᓗ ᐃᓅᖃᑎᒋᓐᖏᑕᑦᑕ ᒎᑎᖏᓐᓂᒃ, ᑕᕝᕙ ᑖᑦᓱᒪ ᓵᑦᑐᒫᕐᐹᓯ, ᓱᒋᐊᕐᓗᓯᓗ ᓄᖑᑦᓱᒫᕐᐹᓯ, ᐃᓕᑦᓯᓐᓄᑦ ᐱᐅᔪᓂᒃ ᐱᓇᓱᐊᖃᑦᑕᓚᐅᕋᓗᐊᕐᑎᓪᓗᒍ.”

ᔮᓱᐊᑉ ᐊᒡᓚᖏᑦ 24:23

ᔮᓱᐊᑉ ᐅᖃᐅᑎᕔᑦ, “ᑍᒤᒻᒪᑦ ᐃᓅᖃᑎᒋᓐᖏᑕᑦᑕ ᒎᑎᖏᑦ ᐊᑯᓐᓇᑦᓯᓐᓃᑦᑐᑦ ᐲᔭᓕᕐᓯᐅᒃ, ᓇᓗᓁᕐᓯᓕᕆᑦᓯᓗ ᐆᒻᒪᑎᑦᓯᒍᑦ ᓱᓕᑦᓯᐊᕐᓂᑦᓯᓐᓂᒃ ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓄᑦ.”

ᔫᑎᐅᑉ ᐊᒡᓚᖏᑦ 1:23

ᐃᓚᖏᑦ ᓄᓱᒃᓯᒋᒃ ᓴᐳᑎᓗᒋᓪᓗ ᐃᑯᒪᕐᔪᐊᒥᑦ; ᐃᓚᖏᑦ ᓂᑲᒋᓗᒋᑦ ᓯᕘᕋᓂᕐᒥᑦ, ᐊᓐᓄᕌᖏᑦ ᐆᒥᒋᓗᒋᑦ ᑎᒥᐅᑉ ᐃᒃᖠᒎᕐᓂᖓᓄᑦ ᐃᑦᓴᒃᑕᐅᓯᒪᔪᑦ.

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.

ᕉᑎᐅᑉ ᐅᓂᒃᑲᐅᓯᓂᖓ 1:15

ᑕᕝᕙ ᓁᐅᒥᐅᑉ ᐅᖃᐅᑎᕚ, “ᑕᑯᒋᑦ ᐆᐸ ᐃᓅᖃᑎᒥᓄᑦ ᒎᑎᒋᔭᒥᓄᓪᓗ ᐅᑎᓯᕗᖅ; ᐅᑎᖃᑎᒋᓕᕈᒃ.”

ᓴᒧᐃᓕ ᓯᕗᓪᓖᑦ 16:5

ᑖᓐᓇ ᐅᖃᕐᐳᖅ, “ᓮᒪᓂᒃᑯᑦ ᑎᑭᑉᐳᖓ; ᑐᓂᕐᕈᓯᕆᐊᕐᑐᕐᐳᖓ ᐊᑕᓂᕐᒧᑦ; ᐃᑦᔪᕐᓁᑎᓕᕆᑦᓯ ᐃᓕᑦᓯᓐᓂᒃ, ᕾᓗᓯᓗ ᑐᓂᕐᕈᓯᖃᑎᒋᔭᕐᑐᕐᓗᖓ.” ᔨᓯᓗ ᐃᕐᓂᖏᓪᓗ ᐃᑦᔪᕐᓁᓕᑎᑉᐰᑦ, ᕾᖁᓪᓗᒋᓪᓗ ᑐᓂᕐᕈᓯᕆᐊᕐᑐᖁᓪᓗᒋᑦ.

ᓴᒧᐃᓕ ᓯᕗᓪᓖᑦ 7:3

ᓴᒧᐃᓕᓕ ᐅᖃᕐᐳᖅ ᐃᓴᕆᐊᓕᒥᐅᑦ ᐃᓄᓕᒫᖏᓐᓄᑦ, “ᐊᑕᓂᕐᒧᑦ ᐅᑎᕐᓂᐊᕈᑦᓯ ᐆᒻᒪᑎᑦᓯᓐᓄᑦ ᐊᑕᖏᕐᑐᒧᑦ, ᑕᕝᕙ ᒎᑎᓐᖑᐊᑦ ᐱᒃᓴᔭᕆᓐᖏᑕᓯ ᐃᒋᑕᒃᓴᕆᕙᓯ ᒎᑎᓐᖑᐊᓪᓗ ᐊᕐᓇᐅᑉ ᐋᔅᑕᕉᑎᐅᑉ ᐊᑦᔨᓐᖑᐊᖏᑦ, ᐆᒻᒪᑎᑦᓯᒍᑦ ᑐᓂᒃᑲᓐᓂᓕᕆᑦᓯ ᐊᑕᖏᕐᑐᒧᑦ ᐊᑕᓂᖅ ᐱᔨᑦᓯᕐᑕᑐᐊᕆᓕᕐᓗᒍ, ᑕᕝᕙ ᐱᐅᓕᓂᐊᕐᐹᓯ ᐱᓕᔅᑍᓂᒥᐅᑦ ᐱᔪᓐᓇᕐᓂᖏᓐᓂᑦ.”