ᒨᓯᓯ ᓯᕗᓪᓖᑦ 35:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᑕᕝᕙᓐᖓᓪᓗ ᐱᑎᓕᒥᑦ ᐊᐅᓪᓚᕐᐳᑦ, ᓱᓕ ᐃᐸᕋᑦᒧᑦ ᐅᖓᓯᒃᑎᓪᓗᒋᑦ, ᕅᒋᓕᐅᑉ ᐃᕐᓂᕕᒃᓴᖓ ᓇᓪᓕᐅᑎᕗᖅ, ᐃᕐᓂᓱᒃᓗᓂᓕ ᐃᕐᓂᔪᓐᓁᓪᓕᖅᑲᓕᕐᐳᖅ ᐋᓐᓂᐊᒻᒪᕆᒃᓗᓂᓗ.

ᒨᓯᓯ ᓯᕗᓪᓖᑦ 35:16 ပူးပေါင်းရင်းမြစ်များ

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 2:18

“ᕌᒪᒥ ᓂᐱ ᑐᓴᕐᓴᐅᕗᖅ, ᕿᐊᓂᖅ ᐅᒡᒍᐊᕕᒃᔪᐊᕐᓂᕐᓗ, ᕅᒋᓕᐅᑉ ᕿᑐᕐᖓᓂ ᕿᐊᑦᔪᑎᒋᕔᑦ; ᓮᒻᒪᕐᓴᕐᑕᐅᔪᒪᓐᖏᓚᖅ ᕿᑐᕐᖓᖏᑦ ᓄᖑᑕᐅᖕᒪᑕ.”

ᒨᓯᓯ ᓯᕗᓪᓖᑦ 48:7

ᓄᓇᒥᓪᓕ ᐸᑖᓐᒥᑦ ᑎᑭᓐᓇᒪ, ᕅᒋᓕ ᑐᖁᓚᐅᕐᐳᖅ ᓴᓂᐊᓂ ᓇᔫᑎᑎᓪᓗᖓ ᓄᓇᒥ ᑬᓇᓂᒥ, ᐃᖏᕐᕋᑎᓪᓗᑕ ᓄᓇ ᐃᐸᕋᑕ ᓱᓕ ᐅᖓᓯᒋᓪᓗᑎᒍ ᑍᑯᓐᖓᕐᐸᓪᓕᐊᓕᕐᓗᑕ; ᑕᕝᕙᓂᓗ ᐃᓗᕕᓚᐅᕐᐸᕋ ᐃᐸᕋᑕᓕᐊᕆᐊᒥ ᐊᖅᑯᒻᒥ (ᑕᕝᕙ ᐱᑦᓕᐊᒥ).”

ᑎᒧᑎᒧᑦ ᓯᕗᓪᓖᑦ 2:15

ᐊᕐᓇᕐᓕ ᐱᐅᓕᔭᐅᔪᒫᕐᐳᖅ ᕿᑐᕐᖓᕐᑖᖃᑦᑕᕐᓗᓂ, ᐅᒃᐱᕐᓂᕐᒦᖏᓇᕈᓂ ᓇᒡᓕᖕᓂᕐᒥᓗ ᐃᑦᔪᕐᓁᓐᓂᕐᒥᓗ, ᐱᐅᔪᕆᖏᓪᓗᓂ.

ᒫᑎᐅᓯᐅᑉ ᐊᒡᓚᖏᑦ 2:16

ᐃᕉᑕᓯ ᖃᐅᔨᓕᕋᒥ ᐅᓪᓗᕆᐊᓂᒃ ᐃᓕᓯᒪᔪᓄᑦ ᓴᒡᓗᕿᑕᐅᓂᕐᒥᓂᒃ, ᓂᓐᖓᕕᒃᔪᐊᕐᐳᖅ, ᐱᖁᔨᓕᕐᐳᖅ ᓄᑕᕅᑦ ᓄᑲᑉᐱᐊᖑᒃᐸᑕ ᐱᑦᓕᐊᒦᑦᑐᑦ ᖃᓂᒋᔮᓃᑦᑐᓪᓗ ᑕᒪᕐᒥᒃ ᑐᖁᕋᕐᑕᐅᖁᓪᓗᒋᑦ, ᒪᕐᕉᖕᓂᒃ ᐊᕐᕌᒍᓖᑦ ᓄᑲᕐᖠᓪᓗ, ᑍᒤᓕᐅᓚᐅᕐᐳᖅ ᑖᒃᑯᐊ ᐅᓪᓗᕆᐊᖓᓂᒃ ᑕᑯᓚᐅᕐᑐᑦ ᑐᑭᓯᕕᒋᑦᓯᐊᓚᐅᕋᒥᒋᑦ ᖃᖓᐅᑎᓪᓗᒍ ᓴᖅᑭᓚᐅᕐᒪᖔᑦ.

ᒫᑎᐅᓯᐅᑉ ᐊᒡᓚᖏᑦ 2:1

ᔩᓱᓯ ᐃᕐᓂᐊᖑᖕᒪᑦ ᐱᑦᓕᐊᒥ ᔫᑎᐊᒦᑦᑐᒥ, ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ, ᑕᑯᒋᑦ, ᐊᖑᑏᑦ ᐅᓪᓗᕆᐊᓂᒃ ᐃᓕᓯᒪᔪᑦ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᑦ, ᔨᕉᓴᓕᒻᒧᑦ ᑎᑭᑉᐳᑦ.

ᐃᓐᖏᕈᑎᑦ 132:6

ᑕᑯᒋᑦ, ᑐᓴᓚᐅᕐᐸᕗᑦ ᐃᐸᕋᑕᒦᑦᑐᖅ; ᓇᒡᕚᓚᐅᕐᐸᕗᓪᓗ ᓇᐹᕐᑐᓂ ᔮᕆᒥᒥ.

ᑯᕉᓂᑲ ᓯᕗᓪᓖᑦ 2:19

ᐊᔪᐸ ᑐᖁᖕᒪᑦ, ᑬᓚᐱᐅᑉ ᓄᓕᐊᕐᑖᕆᕚ ᐃᐸᕋᑕ, ᑖᑦᓱᒨᓇ ᐃᕐᓂᕐᑖᕐᐳᖅ ᕼᐊᕐᒥᒃ.

ᐊᑕᓃᑦ ᐂᑉᐸᖏᑦ 5:19

ᐃᓔᓴᐅᑉ ᐅᖃᐅᑎᕚ, “ᓮᒪᓂᖃᑦᓯᐊᕐᓗᑎᑦ ᐃᖏᕐᕋᓕᕆᑦ.” ᓁᒪᓐᑯᑦ ᐅᖓᓯᓗᐊᖏᑦᑐᒧᑦ ᐃᖏᕐᕋᓕᕐᑎᓪᓗᒋᑦ.

ᕉᑎᐅᑉ ᐅᓂᒃᑲᐅᓯᓂᖓ 1:2

ᑖᓐᓇᓕ ᐃᓔᒥᓕᒃ ᐃᕗᕅᑎᐅᑉ ᑭᖑᕚᖏᑕ ᐃᓚᖓᑦ ᓄᓕᐊᖃᓚᐅᕐᐳᖅ ᓁᐅᒥᒥ, ᐃᕐᓂᖏᒃ ᒪᕐᕉᒃ ᐊᑎᖃᕐᐴᒃ ᒪᕼᐊᓚᓐ ᐊᒻᒪ ᓯᓕᐅᓐ; ᐃᕗᕅᑎᒥᐅᖑᕗᑦ ᓄᓇᖃᕐᓗᑎᒃ ᐱᑦᓕᐊᒥ ᔫᑕᒦᑐᒥ. ᑖᒃᑯᐊ ᐃᓚᒌᑦ ᒧᐊᐱᒥᐅᑦ ᓄᓇᖓᓄᐊᓚᐅᕐᐳᑦ ᑕᕝᕙᓃᓕᕐᓗᑎᒡᓗ.

ᒨᓯᓯ ᓯᕗᓪᓖᑦ 35:19

ᕅᒋᓕᓕ ᑐᖁᖕᒪᑦ, ᐃᓗᕕᕐᑕᐅᕗᖅ ᐃᐸᕋᑕᓕᐊᕆᐊᑉ ᐊᖅᑯᑎᖓᓂ, ᒫᓐᓇᒃᑯᑦ ᐊᑎᖃᓕᕐᑑᑉ ᐱᑦᓕᐊᒥᒃ.

ᒨᓯᓯ ᓯᕗᓪᓖᑦ 3:16

ᐊᕐᓇᒧᓪᓗ ᐅᖃᕐᐳᖅ, “ᐋᓐᓂᐊᕐᔪᐊᖃᑦᑕᕈᒫᓕᕐᐳᑎᑦ ᐃᕐᓂᓱᓕᕌᖓᕕᑦ; ᐋᓐᓂᐊᕐᓗᑎᑦ ᕿᑐᕐᖓᕐᑖᖃᑦᑕᕈᒫᓕᕐᐳᑎᑦ, ᑍᒤᒃᑲᓗᐊᕐᑎᓪᓗᒍ ᐅᐃᖕᓄᑦ ᐱᔪᒪᓂᕾᓐᓇᕐᓂᐊᕐᐳᑎᑦ, ᐅᐃᓪᓗ ᐊᖓᔪᖅᑳᖑᓂᐊᕐᐳᖅ ᐃᓕᖕᓄᑦ.”

ᕉᑎᐅᑉ ᐅᓂᒃᑲᐅᓯᓂᖓ 4:11

ᑖᒃᑯᐊ ᐊᖓᔪᖅᑳᑦ ᐊᓯᖏᓪᓗ ᐅᖃᕐᐳᑦ, “ᐃᓛᒃ ᑕᒪᑐᒥᖓ ᖃᐅᔨᓯᒪᓂᐊᕐᐳᒍᑦ, ᑐᒃᓯᐊᕐᐳᒍᓪᓗ ᐊᑕᓂᕐᒧᑦ ᑖᓐᓇ ᓄᓕᐊᑖᕆᓂᐊᕐᑍᑦ ᓲᕐᓗ ᕅᒋᓕᑐᑦ ᓕᐊᑐᓪᓗ ᐱᖁᓪᓗᒍ, ᑖᒃᑯᐊᒃ ᕿᑐᕐᖏᐅᓚᐅᕐᒪᑎᒃ ᔧᑯᒃᑯᑦ; ᐊᔪᕐᓴᖏᑦᓯᐊᖁᕙᑦᑎᒋᑦ ᐃᐸᕋᑕᐅᑉ ᑭᖑᕚᕇᖑᖃᑎᒌᖏᓐᓂ ᐃᖅᑲᐅᒪᔭᐅᑦᓯᐊᖁᓪᓗᑎᓪᓗ ᐱᑦᓕᐊᒥ.

ᓴᒧᐃᓕ ᓯᕗᓪᓖᑦ 4:20

ᑐᖁᓕᕐᑎᓪᓗᒍᓗ ᐊᕐᓁᑦ ᐃᑲᔪᓚᐅᕐᑐᑦ ᐅᖃᕐᐳᑦ ᑖᑦᓱᒧᖓ, “ᓯᕘᕋᑦᑍᓕᒋᑦ, ᐃᕐᓂᕐᑖᕐᐳᑎᑦ!” ᑭᓯᐊᓂᓕ ᑭᐅᓚᐅᓐᖏᓚᖅ ᐃᒃᐱᒍᓱᒐᓂᓘᓐᓃᑦ.

ᓴᒧᐃᓕ ᓯᕗᓪᓖᑦ 10:2

ᐅᓪᓗᒥ ᕿᒪᒃᑯᕕᖓ, ᑲᑎᓯᓂᐊᕐᐳᑎᑦ ᐊᖑᑏᖕᓂᒃ ᒪᕐᕉᖕᓂᒃ ᕅᒋᓕᐅᑉ ᐃᓗᕕᐊᑕ ᓴᓂᐊᓂ ᔨᐅᓪᔭᒥ ᐱᓐᔭᒥᓂᐅᑉ ᓄᓇᖓᓂ, ᐅᖃᐅᑦᔭᐅᓂᐊᕐᐳᑎᓪᓗ, ‘ᑍᒃᑯᐊ ᓯᐅᑎᖅᑯᕐᑐᔪᑦ ᕿᓂᓚᐅᕐᑕᑎᑦ ᓇᓂᔭᐅᓯᒪᓂᖏᓐᓂᒃ, ᐊᑖᑕᕕᓪᓗ ᐃᓱᒫᓗᒋᔪᓐᓃᕋᒥᒋᑦ ᐃᓕᖕᓂᖔᖅ ᐃᓱᒫᓗᓕᕐᐳᖅ, ᐅᕾᓐᓇᓕᕐᓗᓂᓗ, “ᖃᓄᐃᓕᐅᕐᑐᒃᓴᐅᕗᖓᓕ ᐃᕐᓂᓐᓄᑦ?”’