ᒨᓯᓯ ᓯᕗᓪᓖᑦ 35:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᒎᑎᐅᓪᓗ ᐅᖃᐅᑎᕚ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᐅᓄᕐᑐᓂᒃ ᕿᑐᕐᖏᐅᕆᑦᓯ ᐅᓄᕐᓯᕙᓪᓕᐊᓗᓯᓗ; ᐃᓅᖃᑎᒌᒡᔪᐊᑦ ᐃᓅᖃᑎᒌᒐᓴᒡᔪᐊᓪᓗ ᐃᓕᖕᓂᑦ ᐱᔪᒫᕐᐳᑦ, ᐊᖓᔪᖅᑳᕐᔪᐊᓂᒡᓗ ᑭᖑᕚᖃᕈᒫᕐᐳᑎᑦ.

ᒨᓯᓯ ᓯᕗᓪᓖᑦ 35:11 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:1

ᐂᑉᕋᒻᓕ 99ᓂᒃ ᐊᕐᕌᒍᖃᓕᕐᓗᓂ, ᐊᑕᓂᐅᑉ ᓴᖅᑭᕝᕕᒋᕚ ᐅᖃᐅᑎᓪᓗᒍᓗ, “ᐅᕙᖓ ᒎᑎᐅᕗᖓ ᐊᔪᒐᖃᖏᑦᑐᖅ; ᓵᓐᓂ ᐃᓅᒋᑦ ᐸᓯᔭᒃᓴᐅᖏᓪᓗᑎᓪᓗ.

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 9:1

ᒎᑎᐅᓪᓗ ᓄᐊ ᐃᕐᓂᖏᓪᓗ ᓮᒻᒪᕐᑎᑉᐰᑦ, ᐅᖃᕐᓗᓂ, “ᕿᑐᕐᖏᐅᕆᑦᑎ ᐅᓄᕐᑐᓂᒃ, ᓄᓇᓗ ᐃᓄᒋᐊᒃᓯᑎᓕᕐᓯᐅᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:18

ᐃᓕᑦᓯᓐᓄᑦ ᐊᑖᑕᒋᔭᐅᓂᐊᕐᐳᖓ, ᐅᕙᖓᓕ ᐃᕐᓂᕆᓂᐊᕐᐸᑦᓯ ᐸᓂᒋᓗᓯᓗ, ᐊᑕᓂᖅ ᐊᔪᒐᖃᖏᑦᑐᖅ ᐅᖃᕐᐳᖅ.”

ᒨᓯᓯ ᐂᑉᐸᖏᑦ 6:3

ᓴᖅᑭᓚᐅᕐᐳᖓᓗ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ, ᐊᔪᒐᖃᖏᑦᑑᓪᓗᖓ ᒎᑎᐅᒐᒪ, ᑭᓯᐊᓂᓕ ᐊᑕᓂᕐᒥᒃ ᐊᑎᖃᕐᓂᓐᓂᒃ ᐊᑎᕐᒪᓗ ᐃᑦᔪᕐᓁᓐᓂᖓᓂᒡᓗ ᓇᓗᓁᕐᓯᓚᐅᓐᖏᓚᖓ ᑖᒃᑯᓄᖓ.

ᒨᓯᓯ ᓯᕗᓪᓖᑦ 17:16

ᓮᒻᒪᕐᑎᓐᓂᐊᕐᐸᕋ, ᓱᓕᓗ ᑖᑦᓱᒨᓇ ᐃᕐᓂᕐᑖᕐᑎᑦᓱᒫᕐᐸᒋᑦ; ᓮᒻᒪᕐᑎᓐᓂᐊᕋᒃᑯ, ᐃᓅᖃᑎᒌᒡᔪᐊᓄᓪᓗ ᐊᓈᓇᒋᔭᐅᔪᒫᕐᐳᖅ; ᐃᓄᐃᓪᓗ ᐊᖓᔪᖅᑳᕐᔪᐊᖏᑦ ᑖᑦᓱᒪᓐᖓᑦ ᐱᔪᒫᕐᐳᑦ.

ᒨᓯᓯ ᓯᕗᓪᓖᑦ 15:5

ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”

ᒨᓯᓯ ᓯᕗᓪᓖᑦ 12:2

ᐃᓅᖃᑎᒌᒡᔪᐊᓐᖑᕐᑎᑦᓱᒫᕋᒃᑭᑦ, ᓮᒻᒪᕐᑎᓪᓗᑎᓪᓗ, ᐊᑏᓪᓗ ᐅᐱᒋᔭᐅᑦᓯᐊᕐᑎᓪᓗᒍ, ᓮᒻᒪᕐᑎᑦᓯᑦᔪᑎᒃᓴᐅᖁᓪᓗᑎᑦ.

ᒨᓯᓯ ᐂᑉᐸᖏᑦ 1:7

ᑭᓯᐊᓂᓕ ᑭᖑᕚᖏᑦ ᐃᓴᕆᐊᓕᒥᐅᑦ ᕿᑐᕐᖓᕐᑖᖃᑦᑕᕐᓂᕐᒧᑦ ᐅᓄᕐᓯᓚᐅᕐᐳᑦ ᓲᖑᓂᖃᕐᓗᑎᒡᓗ ᐄᑦᔨᑉᑎᓗ ᐃᓄᒋᐊᒃᓯᓚᐅᕐᐳᖅ ᑖᒃᑯᓄᖓ.

ᒨᓯᓯ ᓯᕗᓪᓖᑦ 43:14

ᒎᑎᐅᑉ ᐊᔪᒐᖃᖏᑦᑑᑉ ᓂᑲᒋᔭᐅᔪᓐᓇᕐᑎᓪᓕᓯ ᑖᑦᓱᒧᖓ ᐊᖑᒻᒧᑦ, ᐅᑎᕈᓐᓇᖁᓪᓗᓯ ᖃᑕᓐᖑᑎᓯ ᐃᓚᒋᓕᕐᓗᒍ ᐱᓐᔭᒥᓂᓗ. ᐅᕙᖓᓕ ᕿᑐᕐᖓᓐᓄᑦ ᕿᒃᓵᒃᑎᑕᐅᔭᕆᐊᖃᕈᒪ, ᑕᕝᕙ ᕿᒃᓵᖕᓂᐊᕐᐳᖓ.”

ᒨᓯᓯ ᓯᕗᓪᓖᑦ 32:12

ᐅᖃᓚᐅᕐᐳᑎᓪᓕ, ‘ᐱᐅᔪᒥᒃ ᐱᓂᐊᕐᕕᒋᓂᐊᕐᐸᒋᑦ, ᑭᖑᕚᒃᓴᑎᓪᓗ ᐃᒪᐅᑉ ᑭᒡᓕᖓᓂ ᓯᐅᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᐃᓄᒋᐊᓗᐊᕐᓂᕐᒧᑦ ᓈᓴᕐᑕᐅᔪᓐᓇᖏᓪᓗᑎᒃ.’”

ᒨᓯᓯ ᓯᕗᓪᓖᑦ 28:14

ᑭᖑᕚᑎᑦ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᒫᕐᐳᑦ, ᓄᓇᖁᑎᖏᓪᓗ ᐅᖓᓯᒃᑐᓄᑦ ᑎᑭᐅᒪᔪᒫᕐᐳᑦ; ᐸᐅᖓ ᐅᓄᖓᓗ ᓯᑭᓂᐅᑉ ᓄᐃᕕᐊᑕ ᓇᓛᓄᑦ ᓂᐱᕕᐊᑕᓗ ᓇᓛᓄᑦ; ᐃᕝᕕᓪᓗ ᑭᖑᕚᑎᓪᓗ ᐊᖅᑯᑎᒋᓗᒋᑦ ᐃᓅᖃᑎᒋᒡᔪᐊᑦ ᓄᓇᕐᔪᐊᕐᒦᑦᑐᑦ ᓮᒻᒪᕐᑎᑕᐅᔪᒫᕐᐳᑦ.

ᒨᓯᓯ ᓯᕗᓪᓖᑦ 18:18

ᖃᐅᔨᒪᒐᒪ ᐂᑉᕋᕼᐋᒻ ᑭᖑᕚᒃᓴᖏᑦ ᐃᓄᒐᓴᒡᔪᐊᓐᖑᕈᒫᕐᒪᑕ ᐱᔪᓐᓇᕐᑐᕐᔪᐊᖑᓗᑎᒡᓗ, ᑖᑦᓱᒨᓇᓗ ᐃᓅᖃᑎᒌᒡᔪᐊᑦ ᓮᒻᒪᕐᑎᑦᓱᒫᕐᐸᒃᑲ.

ᒨᓯᓯ ᓯᕗᓪᓖᑦ 18:14

ᐊᑕᓂᕐᒧᑦ ᐊᔪᕐᓇᓗᐊᕐᑐᖃᕐᐹ? ᐅᖃᖅᑲᐅᒐᒪ, ᐱᕕᒃᓴᖅ ᓈᒻᒪᒃᓯᒃᐸᑦ ᐅᑎᓛᕆᕗᖓ, ᓵᕋᓗ ᐃᕐᓂᖃᓕᓛᕐᐳᖅ.”

ᒨᓯᓯ ᓯᕗᓪᓖᑦ 13:16

ᑭᖑᕚᒃᓴᖃᕐᑎᑦᓱᒫᕐᐸᒋᓪᓗ ᐅᓄᕐᑐᕐᔪᐊᕌᓗᖕᓂᒃ ᓄᓇᒥ ᐳᔪᕋᕐᑎᑐᑦ ᐅᓄᕐᑎᒋᔪᓂᒃ; ᓄᓇᐅᑉ ᐳᔪᕋᖏᑦ ᓈᓴᕐᑕᐅᔪᓐᓇᕐᐸᑕ, ᑕᕝᕙ ᑭᖑᕚᒃᓴᑎᑦᑕᐅᖅ ᓈᓴᕐᑕᐅᔪᓐᓇᕋᔭᕆᕗᑦ!

ᒨᓯᓯ ᓯᕗᓪᓖᑦ 46:3

ᑕᕝᕙ ᐅᖃᕐᐳᖅ, “ᒎᑎᐅᕗᖓ, ᐊᑖᑕᕕᑦ ᒎᑎᒋᕚᖓ; ᓯᕘᕋᓂᐊᕐᓇᒃ ᑕᐅᓄᖓ ᐄᑦᔨᑉᑎᒧᐊᕆᐊᒃᓴᖅ, ᑕᕝᕙᓂ ᐃᓅᖃᑎᒌᒡᔪᐊᓐᖑᕐᑎᓐᓂᐊᕋᒃᑭᑦ.

ᒨᓯᓯ ᓯᕗᓪᓖᑦ 9:7

“ᐃᓕᑦᓯᓕ ᕿᑐᕐᖓᕐᑖᕐᑐᕆᑦᓯ ᐅᓄᕐᓯᓗᓯᓗ, ᐃᓄᒋᐊᒃᓯᒋᑦᓯ ᓄᓇᕐᔪᐊᕐᒥ ᐅᓄᕐᓯᕙᓪᓕᐊᓗᓯᓗ ᑕᒫᓂ.”

ᒨᓯᓯ ᓯᕗᓪᓖᑦ 17:4

“ᑕᑯᒋᑦ, ᐊᖏᖃᑎᒌᒍᑎᓕᐅᕐᐳᖓ ᐃᓕᖕᓄᑦ, ᓯᕗᓕᕆᔭᐅᔪᒫᕋᕕᑦ ᐃᓅᖃᑎᒌᒡᔪᐊᓄᑦ ᐅᓄᕐᑐᓄᑦ.

ᒨᓯᓯ ᓯᕗᓪᓖᑦ 36:31

ᐅᑯᐊ ᑕᕝᕙ ᐊᖓᔪᖅᑳᕐᔪᐊᑦ ᓄᓇᒥ ᐄᑐᒥᒥ ᐊᖓᔪᖅᑳᕐᔪᐊᖑᓚᐅᕐᑐᑦ, ᐃᓴᕆᐊᓕᒥ ᓱᓕ ᐊᖓᔪᖅᑳᕐᔪᐊᕐᑕᖃᓚᐅᕐᑎᓐᓇᒍ:

ᒨᓯᓯ ᓯᕗᓪᓖᑦ 47:27

ᑕᕝᕙ ᐃᓴᕆᐊᓕ ᓄᓇᖃᓚᐅᕐᐳᖅ ᐄᑦᔨᑉᑎᐅᑉ ᓄᓇᖓᓂ, ᓄᓇᒥ ᒎᓯᓂᒥ; ᑖᓐᓇᓗ ᓄᓇᒋᔭᖓᑦ ᐊᖏᒡᓕᕙᓪᓕᐊᓚᐅᕐᐳᖅ, ᐊᔪᕐᓴᖏᑦᑐᕐᔪᐊᖑᓕᕐᓗᑎᒃ ᐃᓄᒋᐊᒃᓯᕙᓪᓕᐊᓪᓗᑎᒡᓗ ᓱᒃᑲᔪᒥᒃ.

ᒨᓯᓯ ᐱᖓᔪᖏᑦ 26:42

ᑕᕝᕙ ᐃᖅᑬᓕᕋᔭᕐᐳᖓ ᐊᖏᖃᑎᒌᒍᑎᒋᓯᒪᔭᓐᓂᒃ ᔧᑯᒧᑦ, ᐂᓴᑭᒧᓪᓗ, ᐂᑉᕋᕼᐋᒻᒧᓪᓗ, ᐊᖏᕈᑎᒋᓯᒪᔭᕋ ᓄᓇ ᐃᓄᖁᑎᓐᓄᑦ ᓄᑖᓐᖑᕐᑎᓕᕋᔭᕐᐸᕋ.

ᑯᕉᓂᑲ ᓯᕗᓪᓖᑦ 16:17

ᓇᓗᓁᒃᑲᓐᓂᓚᐅᕐᐹ ᔧᑯᒧᑦ ᐊᑐᕐᑕᐅᖁᓯᒪᔭᓂ, ᐃᓴᕆᐊᓕᒧᑦ ᐊᖏᖃᑎᒌᖕᓂᓐᖑᕐᑎᓚᐅᕐᐹ ᐃᓱᖃᖏᑦᑐᒧᑦ,

ᒨᓯᓯ ᐂᑉᐸᖏᑦ 2:24

ᓂᓪᓕᐊᓂᖓᑦ ᐃᓖᔭᕆᔭᐅᓂᕐᒧᑦ ᒎᑎᐅᑉ ᑐᓴᕋᒥᐅᑉ ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐂᓴᑭᒧᓪᓗ, ᔧᑯᒧᓪᓗ ᐃᖅᑲᕐᐹ.

ᑯᕉᓂᑲ ᓯᕗᓪᓖᑦ 16:16

ᐊᖏᖃᑎᒌᒍᑎᒋᓚᐅᕐᑕᓂ ᐂᑉᕋᕼᐋᒧᑦ, ᐅᖃᕕᒃᓗᓂ ᐊᖏᕈᑎᒋᓚᐅᕐᐹ ᐂᓴᑭᒧᑦ,

ᑯᕉᓂᑲ ᓯᕗᓪᓖᑦ 16:18

ᐅᖃᐅᑎᓪᓗᒍ, “ᐃᓕᖕᓄᑦ ᓄᓇ ᑬᓇᓂ ᑐᓂᓂᐊᕐᐸᕋ, ᑭᖑᕐᖑᑎᔭᒃᓴᕐᓄᑦ ᐱᑖᕆᔭᕆᐊᖃᕐᓯᒪᒐᕕᐅᒃ.”