ᒨᓯᓯ ᓯᕗᓪᓖᑦ 35:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”

ᒨᓯᓯ ᓯᕗᓪᓖᑦ 35:1 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 12:8

ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᕐᑎᕐᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ.

ᒨᓯᓯ ᓯᕗᓪᓖᑦ 16:8

ᐅᖃᐅᑎᓪᓗᒍᓗ, “ᐂᒡᒑ, ᓴᕅᑉ ᐱᔨᖓ, ᓇᑭᓐᖔᕐᐱᑦ ᐊᒻᒪ ᓇᒧᓐᖓᐅᕖᑦ?” ᑖᑦᓱᒪᓗ ᑭᐅᕚ, “ᕿᒫᕗᖓ ᐊᕐᓇᒥᑦ ᐊᖓᔪᖅᑳᓐᓂᑦ ᓴᕅᒥᑦ.”

ᒨᓯᓯ ᓯᕗᓪᓖᑦ 22:14

ᐂᑉᕋᕼᐋᒻᓗ ᑖᓐᓇ ᓇᔪᕐᑕᓂ ᐊᑦᓯᕐᐹ, ᐊᑕᓂᖅ ᐱᒃᓴᖃᕐᑎᑦᓯᓂᐊᕐᐳᖅ; ᐅᓪᓗᒥᒧᑦ ᑎᑭᓪᓗᒍ ᐅᖃᐅᓯᐅᕙᓕᕐᐳᖅ, “ᐊᑕᓂᐅᑉ ᖃᖅᑲᖁᑎᖓᓂ ᐱᒃᓴᖃᕐᑎᑕᐅᓇᕐᐳᖅ.”

ᒨᓯᓯ ᓯᕗᓪᓖᑦ 29:1

ᔧᑯᓗ ᐅᐸᒃᑕᒥᓄᑦ ᐂᓕᕆᕗᖅ, ᑎᑭᓪᓗᓂᓗ ᐃᓄᖕᓄᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᓄᑦ.

ᒨᓯᓯ ᓯᕗᓪᓖᑦ 31:13

ᐅᕙᖓ ᒎᑎᐅᕗᖓ ᐱᑎᓕᒥ, ᑕᕝᕙᓂ ᐅᔭᕋᒃ ᒥᖑᐊᓚᐅᕋᕕᐅᒃ ᓇᐹᕐᑑᑉ ᐅᕐᓱᖓᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑕᕝᕙᓂᓗ ᐅᖃᕕᓚᐅᕐᐳᑎᑦ ᐅᕙᓐᓄᑦ. ᑍᒤᒻᒪᑦ ᐸᕐᓇᓕᕆᑦ ᐅᑎᓕᕐᓗᑎᓪᓗ ᓄᓇᒧᑦ ᐃᓅᕕᒋᓚᐅᕐᑕᕐᓄᑦ.’”

ᒨᓯᓯ ᓯᕗᓪᓖᑦ 31:3

ᐊᑕᓂᐅᓪᓗ ᔧᑯ ᐅᖃᐅᑎᕚ, “ᓯᕗᓕᕐᐱᑦ ᐃᓚᕕᓪᓗ ᓄᓇᖓᓄᑦ ᐅᑎᓕᕆᑦ, ᐅᕙᖓᓗ ᐃᓚᒋᓂᐊᕐᐸᒋᑦ.”

ᒨᓯᓯ ᓯᕗᓪᓖᑦ 34:31

ᑖᒃᑯᐊᒡᓕ ᑭᐅᕗᒃ, “ᓇᔭᕗᑦ ᓄᓕᐊᒐᑐᐃᓐᓇᕐᑎᑐᑦ ᑍᒤᑕᐅᔭᕆᐊᖃᕐᐹ?”

ᒨᓯᓯ ᓯᕗᓪᓖᑦ 35:15

ᑖᓐᓇᓗ ᔧᑰᑉ ᐊᑎᖃᕐᑎᑉᐹ ᐱᑎᓕᒥᒃ ᑕᕝᕙᓂ ᒎᑎᐅᑉ ᐅᖃᕐᕕᒋᓚᐅᕐᒪᒍ.

ᒨᓯᓯ ᓯᕗᓪᓖᑦ 35:7

ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ, ᑖᓐᓇᓗ ᐊᑎᖃᕐᑎᑉᐹ ᐃᓪ-ᐱᑎᓕᒥᒃ, ᑕᕝᕙᓂ ᒎᑎᐅᑉ ᓴᖅᑭᕝᕕᒋᓚᐅᕐᒪᒍ ᕿᒫᑎᓪᓗᒍ ᐊᖓᔪᒥᓂᑦ.

ᐃᓐᖏᕈᑎᑦ 46:1

ᒎᑎ ᕿᒫᕕᒋᕙᕗᑦ ᐱᔪᓐᓇᐅᑎᒋᓪᓗᒍᓗ, ᐃᑲᔪᕐᑎᒋᓪᓗᒍᓗ ᐃᓱᐊᖏᑦᑐᖃᓕᕐᑎᓪᓗᒍ.

ᐃᓐᖏᕈᑎᑦ 47:4

ᐱᒋᔭᒃᓴᑦᑎᓐᓂᒡᓗ ᓂᕈᐊᕈᑎᓂᐊᕐᐹᑎᒍᑦ, ᓇᒡᓕᒋᔭᒥ, ᔧᑰᑉ ᖁᕕᐊᒋᓪᓚᕆᒃᑕᖓᓂᒃ. ᓰᓚ

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᒨᓯᓯ ᐂᑉᐸᖏᑦ 2:15

ᐊᖓᔪᖅᑳᕐᔪᐊᖅ ᖃᐅᔨᓕᕋᒥ ᖃᓄᐃᑦᑐᖃᕐᓂᕕᓂᖓᓂᒃ, ᒨᓯᓯ ᑐᖁᑕᐅᑎᒐᓱᒃᑲᓗᐊᕐᐹ, ᒨᓯᓯᓕ ᕿᒫᕗᖅ ᓄᓇᑖᕐᓗᓂᓗ ᒥᑎᐊᓂᐅᑉ ᓄᓇᖓᓂ.

ᕼᐆᓯᐊᑉ ᐊᒡᓚᖏᑦ 12:4

ᐃᓛᒃ, ᐹᖃᑎᖃᓚᐅᕐᐳᖅ ᐂᖏᓕᒥᒃ ᓵᓚᖃᕐᓗᓂᓗ, ᖁᕝᕕᐅᕐᓗᓂ ᖁᕕᐊᒋᔭᐅᔪᒪᓕᓚᐅᕐᐳᖅ ᑖᑦᓱᒧᖓ. ᐱᑎᓕᒥ ᒎᑎᒥᒃ ᖃᐅᔨᓚᐅᕐᐳᖅ, ᑍᑲᓂᓗ ᒎᑎᐅᑉ ᐅᖃᕐᕕᒋᓚᐅᕐᐹ;

ᓇᕼᐅᒥᐅᑉ ᐊᒡᓚᖏᑦ 1:15

ᑕᑯᒋᑦ, ᐅᖃᕆᐊᕐᑐᕐᑐᖅ ᕾᓕᕐᐳᖅ ᖃᖅᑲᑎᒍᑦ ᐅᖃᕆᐊᕐᑐᕐᑐᖅ ᑐᓴᕈᒥᓇᕐᑐᒥᒃ, ᓵᓚᖃᕐᓂᕐᒥᒃ ᐅᖃᕆᐊᕐᑐᕐᐳᖅ! ᐃᓕᑦᓯ ᔫᑕᐅᑦ ᐃᓄᖏᑦ, ᓇᓪᓕᐅᓐᓂᕐᓯᐅᓕᕆᑦᓯ ᓇᓪᓕᐅᑎᕙᒃᑐᓂᒃ, ᐊᖏᕈᑎᒋᓯᒪᔭᓯᓗ ᑲᔪᓯᑎᓪᓗᒋᑦ, ᐱᐅᖏᑦᑐᓄᑦ ᓄᓇᓯ ᓵᓚᒋᔭᐅᒃᑲᓐᓂᕐᓂᐊᕈᓐᓃᕐᐳᖅ, ᑕᒪᑐᒪ ᑭᖑᕐᖓᒍᑦ ᐱᕕᒃᓮᕈᑦᔭᐅᖕᒪᑕ.

ᒨᓯᓯ ᑕᓪᓕᒪᖏᑦ 32:36

ᐊᑕᓂᐅᑉ ᐃᓄᖁᑎᓂ ᓴᐳᑎᓂᐊᕐᒪᒋᑦ ᐱᔨᓂ ᓈᒃᑭᒋᓂᐊᕐᒪᒋᑦ, ᐱᔪᓐᓇᕐᓂᖃᖏᑦᑐᑦ ᑕᑯᓕᕈᓂᒋᑦ, ᓇᓪᓕᐊᓪᓘᓐᓃᑦ, ᐱᔨᐅᒐᓗᐊᕐᐸᑦ ᐱᔨᐅᖏᒃᑲᓗᐊᕐᐸᓪᓘᓐᓃᑦ.

ᓴᒧᐃᓕ ᓯᕗᓪᓖᑦ 10:3

ᑍᑲᓐᖓᓪᓗ ᐊᐅᓪᓚᕈᒫᕐᐳᑎᑦ ᑎᑭᓪᓗᑎᓪᓗ ᓇᐹᕐᑐᒧᑦ ᐆᒃᒧᑦ ᐃᑦᔪᕐᓁᑦᑐᒧᑦ ᑍᐳᐊᒦᑦᑐᒧᑦ; ᑍᑲᓂᓗ ᑲᑎᓯᔪᒫᕐᐳᑎᑦ ᐊᖑᑎᓂᒃ ᐱᖓᓱᓂᒃ ᐱᑎᓕᒥ ᑐᓂᕐᕈᓯᕆᐊᕐᑐᕐᑐᓂᒃ ᒎᑎᒧᑦ, ᐃᓚᖓᑦ ᐱᖓᓱᓂᒃ ᒎᑦᓰᑦ ᓄᕐᕋᖏᓐᓂᒃ ᑎᒍᒥᐊᕈᒫᕐᐳᖅ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᓂᐊᖂᔭᓂᒃ ᐱᖓᓱᓂᒃ, ᐃᓚᖓᓪᓗ ᐊᒡᔭᕐᓯᔪᒫᕐᐳᖅ ᕿᓯᖕᒥᒃ ᕔᓂᖃᐅᑎᒥᒃ.