31 ᑖᒃᑯᐊᒡᓕ ᑭᐅᕗᒃ, “ᓇᔭᕗᑦ ᓄᓕᐊᒐᑐᐃᓐᓇᕐᑎᑐᑦ ᑍᒤᑕᐅᔭᕆᐊᖃᕐᐹ?”
ᔧᑰᑉ ᐃᕐᓂᖏᑦ ᑭᐅᓕᕐᐳᑦ ᓯᓔᕐᕆᒃᓯᕐᓗᑎᒃ ᓯᑭᒻᒥᒃ ᐊᑖᑕᖓᓂᒡᓗ ᕼᐊᒧᕆᒥᒃ, ᓇᕐᕈᓇᕐᓯᑎᑦᓯᓚᐅᕐᓂᖓᓄᑦ ᓇᔭᖓᓐᓂᒃ ᑍᓇᒥᒃ.
ᔧᑰᓪᓕ ᐃᕐᓂᖏᑦ ᑐᖁᑕᐅᓯᒪᔪᓄᐊᕐᐳᑦ, ᑎᒎᖅᑬᕕᒋᓪᓗᒋᓪᓗ ᐃᒡᓗᒐᓴᒡᔪᐊᕐᒥᐅᑦ, ᓇᔭᖓᑦᑕ ᓇᕐᕈᓇᕐᓯᑎᑕᐅᓯᒪᓂᖓᓄᑦ.
ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”
ᒎᑎ ᔧᑯᒧᑦ ᐅᖃᕐᐳᖅ, “ᒪᑭᓪᓗᑎᑦ, ᐱᑎᓕᒧᑦ ᐂᓕᕆᑦ, ᑍᑲᓂᓗ ᓄᓇᑖᕐᓗᑎᑦ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᓗᑎᑦ ᒎᑎᒧᑦ ᐃᓕᖕᓄᑦ ᓴᖅᑭᓚᐅᕐᑐᒧᑦ ᕿᒫᑎᓪᓗᑎᑦ ᐊᖓᔪᖕᓂᑦ ᐄᓴᒥᑦ.”
ᑖᒃᑯᐊᒃ ᓂᓐᖓᖕᓂᖏᒃ ᓯᕗᓂᕐᓗᓕᕐᓕᒃ, ᑲᑉᐱᐊᓇᕐᑐᐊᓘᖕᒪᑦ; ᓂᓐᖓᐅᒪᓂᖏᒡᓗ ᐃᓖᔭᕐᓱᐃᓂᐅᓪᓗᑎᒃ! ᑖᒃᑯᐊᒃ ᐊᒡᒍᕐᓂᐊᕐᐹᒃᑲᒃ ᔧᑰᑉ ᓄᓇᖓᓂ ᓯᐊᒻᒪᕐᑎᓪᓗᒋᒡᓗ ᐃᓴᕆᐊᓕᐅᑉ ᓄᓇᖓᓂ.
ᓯᖕᓇᓂᕐᒧᑦ ᐅᐃᖓ ᓂᓐᖓᐅᒪᕕᒃᔪᐊᓕᕈᓐᓇᕐᒪᑦ, ᐊᑭᓂᐊᕈᒪᓕᕈᓂᓗ ᐊᑦᑕᕆᔭᖃᕐᓂᐊᓐᖏᓚᖅ.
