ᒨᓯᓯ ᓯᕗᓪᓖᑦ 34:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᕼᐊᒧᕆᓗ ᐃᕐᓂᖓᓗ ᓯᑭᒻᒥ ᑲᑎᕕᐅᕙᒃᑐᓄᐊᕐᓗᑎᒃ ᐃᒡᓗᒐᓮᑦ ᐃᑎᕐᑕᕐᕕᖓᓄᑦ; ᐅᖃᓪᓚᓕᕐᐳᑦ ᓄᓇᖃᑎᒥᖕᓄᑦ:

ᒨᓯᓯ ᓯᕗᓪᓖᑦ 34:20 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 22:17

ᓱᓕᔪᒥᒃ ᓮᒻᒪᕐᑎᑦᓱᒫᕐᐸᒋᑦ, ᑭᖑᕚᒃᓴᑎᑦ ᐅᓄᕐᓯᑎᑦᓱᒫᕐᐸᒃᑲ ᕿᓚᖕᒥ ᐅᓪᓗᕆᐊᑎᑐᑦ ᓯᐅᖅᑲᑎᑐᓪᓗ ᑕᕆᐅᑉ ᓯᓈᓃᑦᑐᑎᑐᑦ ᐅᓄᕐᑎᒋᔪᓂᒃ. ᑭᖑᕚᑎᓪᓗ ᐊᑭᕋᒥ ᐃᑎᕐᑕᕐᕕᖏᓐᓂᒃ ᐱᓯᒪᔪᒫᕐᐳᑦ.

ᒨᓯᓯ ᓯᕗᓪᓖᑦ 23:10

ᐃᐳᕋᓐᓗ ᑕᕝᕙᓂ ᐃᒃᓯᕙᖃᑕᐅᓚᐅᕐᐳᖅ ᕼᐃᑍᑎᓄᑦ; ᑕᕝᕙ ᐃᐸᕋᓐ ᑭᐅᓕᕐᐳᖅ ᐂᑉᕋᕼᐋᒻᒧᑦ ᕼᐃᑍᑎᑦ ᑐᓵᑎᓪᓗᒋᑦ, ᑕᒪᕐᒥᒃ ᐃᒃᓯᕙᖃᑕᐅᔪᑦ ᐃᑎᕐᑕᕐᕕᖕᒥ,

ᒨᓯᓯ ᓯᕗᓪᓖᑦ 34:19

ᑖᓐᓇᓗ ᐊᖑᑦ ᐃᓅᓱᒃᑐᖅ ᐱᒋᐊᑦᓴᐅᑎᒋᓚᐅᕐᐳᖅ ᐃᓱᒪᓕᐅᕈᑕᐅᔪᒥᒃ, ᐅᖓᓕᕋᒥ ᔧᑰᑉ ᐸᓂᖓᓂᒃ. ᐅᐱᒋᔭᐅᓂᕐᐹᐅᓕᕐᓗᓂᓗ ᐃᓚᒥᓂᑦ.

ᒨᓯᓯ ᓯᕗᓪᓖᑦ 34:21

“ᐅᑯᐊ ᐃᓄᐃᑦ ᐃᓚᒋᔭᒃᓴᑦᓯᐊᑦ ᐅᕙᑦᑎᓐᓄᑦ; ᑕᒫᓂ ᓄᓇᖃᓚᐅᕐᓕᑦ ᑕᐅᕐᓰᖃᑦᑕᕈᓐᓇᕐᓗᑎᒡᓗ ᑕᒫᓂ. ᑕᒪᓐᓇᓗ ᓄᓇ ᑖᒃᑯᓄᖓ ᐊᖏᓂᖓ ᓈᒻᒪᒡᓗᓂ; ᐸᓂᖏᓐᓂᒃ ᓄᓕᐊᓂᒍᓐᓇᓚᐅᕐᑕ ᐅᕙᒍᓪᓗ ᐸᓂᑦᑎᓐᓂᒃ ᓄᓕᐊᕐᑖᖑᑎᑦᓯᓗᑕ ᑖᒃᑯᓄᖓ.

ᓴᒧᐃᓕ ᐂᑉᐸᖏᑦ 15:2

ᐅᓪᓛᒃᑯᑦ ᒪᑭᖃᑦᑕᓚᐅᕐᐳᖅ ᐂᕙᒡᓗᓂᓗ ᐊᖅᑯᑎᐅᑉ ᓴᓂᐊᓄᑦ ᐃᒡᓗᒐᓮᑦ ᐃᑎᕐᑕᕐᕕᐊᓄᑦ ᑕᕝᕙᓂᓗ ᓇᖏᕐᐸᒡᓗᓂ; ᓇᓪᓕᐊᓪᓗ ᑕᒪᐅᓈᕋᖓᑦ ᐃᓱᐃᓪᓕᐅᕈᑎᖃᕐᓗᓂ ᐊᖓᔪᖅᑳᕐᔪᐊᒧᑦ ᐋᖅᑭᒃᑕᐅᖁᔭᒥᓂᒃ, ᐋᑉᓴᓚᐅᑉ ᕾᖁᓚᐅᕐᐹ ᓇᑭᓐᖔᕐᒪᖔᓪᓗ ᐊᐱᕆᓪᓗᒍ, ᐊᖑᑎᐅᓪᓗ ᐅᖃᐅᑎᑐᐊᕐᐸᒍ ᓇᓪᓕᐊᓐᓂᑦ ᑭᖑᕙᕇᓂᑦ ᐱᓯᒪᖕᒪᖔᑦ,

ᔫᐱᐅᑉ ᐊᒡᓚᖏᑦ 29:7

ᐃᒡᓗᒐᓴᖕᓂ ᐊᖓᔪᖅᑳᕆᔭᐅᔪᓄᑦ ᐅᐸᒍᑎᔭᕌᖓᒪ, ᐃᓚᒋᓪᓗᒋᑦ ᐃᒃᓯᕙᖃᑎᒋᕙᓚᐅᕐᐸᒃᑲ ᑲᑎᒪᑎᓪᓗᒋᑦ,

ᐃᓐᖏᕈᑎᑦ 127:5

ᑐᓱᓐᓇᕐᐳᖅ ᐊᖑᑎᐅᑉ ᖃᕐᔪᖃᐅᑎᖓ ᖃᕐᔪᓂᒃ ᑕᑕᑦᑐᖅ! ᑕᕝᕙ ᑲᓐᖑᓱᒃᑎᑕᐅᓂᐊᓐᖏᓚᖅ ᐊᑭᕋᖏᑕ ᐃᑎᕐᑕᕐᕕᐊᓂ ᐅᖃᓪᓚᓕᕈᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 31:23

ᐅᐃᖓᓗ ᖃᐅᔨᒪᔭᐅᑦᓯᐊᕐᐳᖅ ᐃᓄᖕᓄᑦ, ᐊᖓᔪᖅᑳᖑᖃᑕᐅᓪᓗᓂᓗ ᓄᓇᒥᓂ.

ᐂᒨᓯᐅᑉ ᐊᒡᓚᖏᑦ 5:10

“ᐆᒥᓱᖕᒪᑕ ᐃᓂᕐᑎᕆᔪᒥᒃ, ᓇᕐᕈᓪᓗᑎᒡᓗ ᓱᓕᔪᒥᒃ ᐅᖃᐅᓯᓕᖕᒥᒃ ᐃᖅᑲᕐᑐᐃᕕᖕᒥ.

ᐂᒨᓯᐅᑉ ᐊᒡᓚᖏᑦ 5:12

ᐊᔪᕐᓂᓯ ᐅᓄᕐᓂᖏᑦ ᖃᐅᔨᒪᒐᒃᑭᑦ, ᐊᔪᕐᑐᓕᓯᒪᔪᐊᓘᓂᓯᓗ, ᐊᑭᕋᕐᑐᕋᑦᓯᐅᒡᓗ ᐃᓱᐊᕐᑐᓕᔪᑦ, ᐊᑭᓕᕐᑕᐅᓪᓗᓯᓗ ᓴᖑᑎᑕᐅᕙᒃᓗᓯ; ᐊᔪᕐᓴᕐᑐᓪᓗ ᐱᑦᓯᐊᕐᕕᒋᓇᒋᑦ ᐃᖅᑲᕐᑐᐃᕕᖕᓂ.

ᐂᒨᓯᐅᑉ ᐊᒡᓚᖏᑦ 5:15

ᐱᐅᖏᑦᑐᖅ ᐆᒥᒋᓯᐅᒃ, ᐱᐅᔪᖅ ᐅᖓᒋᓗᒍ, ᐊᑲᐅᔪᒥᒡᓕ ᐱᓇᓱᐊᕆᑦᓯ ᐃᖅᑲᕐᑐᐃᕕᖕᓂ, ᕿᓚᖕᒥᐅᒐᓴᒡᔪᐊᑦ ᐊᑕᓂᖓ ᒎᑎ ᓂᑲᒍᓱᓕᖁᓪᓗᒍ ᔫᓯᐱᐅᑉ ᑭᖑᕚᖏᑕ ᐊᒥᐊᒃᑯᖏᓐᓂᒃ.”

ᓴᑲᕅᐊᐅᑉ ᐊᒡᓚᖏᑦ 8:16

ᐃᒫᒃ ᑕᕝᕙ ᐃᓕᑦᓯᓐᓄᑦ ᐱᐅᓯᕆᔭᐅᖁᔭᒃᑲ: ᓱᓕᔪᒥᒃ ᐃᓕᑦᓯᓐᓄᑦ ᐅᖃᐅᓯᖃᖃᑦᑕᕐᓗᓯ. ᐃᖅᑲᕐᑐᐃᕕᖕᓂᓗ, ᓱᓕᑦᓯᐊᕐᑐᒥᒃ ᓮᒻᒪᕐᓮᔪᒥᒡᓗ ᐃᖅᑲᕐᑐᐃᖃᑦᑕᕐᓗᓯ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᕉᑎᐅᑉ ᐅᓂᒃᑲᐅᓯᓂᖓ 4:1

ᐳᐊᓯᓕ ᑲᑎᕕᐅᖃᑦᑕᕐᑐᒧᐊᕐᓗᓂ ᐃᒃᓯᕙᓕᕐᐳᖅ ᓄᓇᓕᑦ ᐃᑎᕐᑕᕐᕕᖓᓐᓂ; ᑕᕝᕙ ᐃᓔᒥᓕᑭᐅᑉ ᐃᓚᒋᔭᖏᑕ ᖃᓂᒋᓂᕐᐹᖓᑦ ᑕᕝᕗᓐᖓᕐᐳᖅ ᐳᐊᓯᐅᑉ ᐅᖃᐅᓯᕆᓚᐅᕐᑕᖓ ᑖᓐᓇ ᕉᑎᒧᑦ. ᐳᐊᓯᐅᑉ ᐅᖃᐅᑎᕚ, “ᕾᓚᐅᕆᑦ ᐃᖏᓪᓗᑎᑦ ᐅᖃᖃᑎᒌᓚᐅᕐᓗᒃ.” ᑕᕝᕙ ᐳᐊᓯᒧᐊᕐᐳᖅ ᐃᒃᓯᕙᖃᑎᒋᓕᕐᓗᒍᓗ.