ᒨᓯᓯ ᓯᕗᓪᓖᑦ 34:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐅᖃᐅᑎᓪᓗᒋᓪᓗ, “ᑍᒤᓕᐅᕈᓐᓇᓐᖏᓚᒍᑦ, ᓇᔭᕗᑦ ᓄᓕᐊᕐᑖᖑᑎᑦᓱᓐᓇᓐᖏᓐᓇᑦᑎᒍ ᐊᖑᒻᒧᑦ ᑭᐱᔭᐅᓯᒪᖏᑦᑐᒧᑦ; ᑕᒪᓐᓇ ᐅᕙᑦᑎᓐᓄᑦ ᑲᓐᖑᓲᑎᒃᓴᐅᒐᔭᕐᒪᑦ.

ᒨᓯᓯ ᓯᕗᓪᓖᑦ 34:14 ပူးပေါင်းရင်းမြစ်များ

ᕉᒪᒥᐅᓄᑦ 4:11

ᑭᐱᔭᐅᓂᖓᓕ ᓇᓗᓁᒃᑯᑕᐅᓚᐅᕐᐳᖅ ᓇᓗᓁᕐᓯᑦᔪᑕᐅᓪᓗᓂᓗ ᐃᓗᐊᕐᑑᓂᕋᕐᑕᐅᖕᒪᑦ ᐅᒃᐱᕐᓂᖅ ᐱᑦᔪᑎᒋᓪᓗᒍ, ᑭᐱᔭᐅᓚᐅᕋᓂ ᓱᓕ ᐱᓚᐅᕐᑕᒥᓄᑦ ᑕᒤᓐᓄᑦ ᐅᒃᐱᕐᑐᓄᑦ ᐊᑖᑕᒋᔭᐅᖁᓪᓗᒍ ᑭᐱᔭᐅᓯᒪᖏᑦᑑᒐᓗᐊᓄᑦ ᐃᓗᐊᕐᑑᓂᕋᕐᑕᐅᓂᕐᒥᒃ ᐱᖃᑕᐅᖁᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 2:13

ᐊᐅᓪᓚᕐᒪᑕ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᔫᓯᐱ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᐃᕉᑕᓯ ᓄᑕᕋᑯᓗᖕᒥᒃ ᕿᓂᕐᓂᐊᓕᕐᒪᑦ ᑐᖁᑦᓯᔪᒪᓗᓂ. ᑍᒤᒻᒪᑦ ᒪᑭᓕᕆᑦ, ᓄᑕᕋᑯᓗᒃ ᐊᓈᓇᖓᓗ ᓇᒃᓴᕐᓗᒋᒃ ᕿᒫᓕᕆᑦ ᐄᑦᔨᑉᑎᒧᑦ, ᑍᑲᓃᓐᓂᐊᕐᐳᑎᑦ ᐅᕙᓐᓄᑦ ᓅᖁᔭᐅᓕᓚᐅᖏᓐᓂᕐᓂ.”

ᒫᑎᐅᓯᐅᑉ ᐊᒡᓚᖏᑦ 2:8

ᑭᖑᓂᖓᒍᑦ ᐱᑦᓕᐊᒧᑦ ᑎᓕᕔᑦ, ᐅᖃᐅᑎᓪᓗᒋᑦ, “ᓄᑕᕋᖅ ᓇᓃᒻᒪᖔᑦ ᕿᓂᑦᓯᐊᕐᓯᐅᒃ, ᓇᓂᒍᑦᓯᐅᒡᓗ, ᖃᐅᔨᑎᓐᓂᐊᕐᐸᑦᓯᓐᖓ, ᐅᕙᖓᑦᑕᐅᖅ ᐅᐱᒋᔭᕐᑐᕈᒪᒐᒃᑯ.”

ᐊᑕᓃᑦ ᓯᕗᓪᓖᑦ 21:9

ᐃᒫᒃ ᑎᑎᕋᕐᐳᖅ, ᐅᖃᕐᓗᓂ, “ᓂᕆᑦᑍᓕᖁᔨᒋᑦᓯ, ᓁᐹᑦᓗ ᐃᖏᑎᓪᓗᒍ ᐅᐱᒋᔭᐅᓇᕐᓂᕐᐹᒥ ᐃᓄᐃᑦ ᓵᖓᓂ;

ᓴᒧᐃᓕ ᐂᑉᐸᖏᑦ 15:7

ᐊᕐᕌᒍᐃᑦ ᓯᑕᒪᑦ ᐊᓂᒍᕐᑎᓪᓗᒋᑦ ᐋᑉᓴᓚᒻ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ ᐅᖃᕐᐳᖅ, “ᐊᖓᔪᖅᑳᒃ, ᕼᐃᐸᕋᓐᒧᐊᕈᓐᓇᕐᑎᓚᐅᓐᖓ ᐊᖏᕈᑎᒋᓯᒪᔭᓐᓂᒃ ᑲᔪᓯᑎᑦᓯᓗᖓ ᑐᓂᓯᔪᓐᓇᖁᓪᓗᖓ ᐊᑕᓂᕐᒧᑦ.

ᓴᒧᐃᓕ ᐂᑉᐸᖏᑦ 1:20

ᐅᖃᐅᓯᐅᑦᑍᓕᓕ ᒑᑎᒥ, ᐊᓯᑭᓗᓂᐅᓪᓗ ᐊᖅᑯᑎᖏᓐᓂ; ᐱᓕᔅᑍᓂᒥᐅᑦ ᐊᕐᓇᖏᑦ ᖁᕕᐊᓱᒃᑎᑕᐅᖁᓇᒋᑦ; ᒎᑎᖃᖏᑦᑐᓪᓗ ᐸᓂᖏᑦ ᖁᕕᐊᓱᒃᑎᑕᐅᖁᓇᒋᑦ.

ᓴᒧᐃᓕ ᓯᕗᓪᓖᑦ 17:36

ᐱᔩᑦ ᑐᖁᑦᑎᓯᒪᕗᖅ ᓛᔭᓂᒃ ᓇᓄᕐᓂᒡᓗ; ᑖᓐᓇᓗ ᑭᐱᔭᐅᓯᒪᖏᑦᑐᖅ ᐱᓕᔅᑍᓂᒥᐅᑕᖅ ᑖᒃᑯᑎᑐᓇᖅ ᐊᑦᔨᑐᐃᓐᓇᐅᓂᐊᕐᐳᖅ, ᒥᑕᐅᑎᖃᕐᒪᑦ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ.”

ᓴᒧᐃᓕ ᓯᕗᓪᓖᑦ 17:26

ᑍᕕᑎᐅᓪᓗ ᐊᖑᑏᑦ ᓇᖏᖃᑎᓂ ᐅᖃᐅᑎᕔᑦ, “ᖃᓄᐃᑕᐅᔪᒫᕐᐹ ᐊᖑᑦ ᑍᓐᓇ ᑐᖁᑦᓯᔪᖅ ᑖᑦᓱᒥᖓ ᐱᓕᔅᑍᓂᒥᐅᒥᒃ, ᐃᓴᕆᐊᓕᒥᐅᓪᓗ ᑲᓐᖑᓇᕐᑐᒦᑎᐅᓂᖓᓂᒃ ᐲᕐᓯᔪᖅ? ᑖᓐᓇ ᖃᓄᐃᑦᑑᕙ ᑭᐱᔭᐅᓯᒪᖏᑦᑐᖅ ᐱᓕᔅᑏᓂᒥᐅᑖᖅ, ᒥᑕᐅᑎᖃᕐᑐᖅ ᒎᑎᐅᑉ ᐆᒪᔫᑉ ᐅᓇᑕᕐᑐᒃᓴᖁᑎᖏᓐᓂᒃ?”

ᓴᒧᐃᓕ ᓯᕗᓪᓖᑦ 14:6

ᔫᓇᑕᓂ ᐅᖃᕐᐳᖅ ᐃᓅᓱᒃᑐᒧᑦ ᐅᓇᑕᐅᑎᒥᓂᒃ ᐊᒡᔭᕐᓯᔨᒥᓄᑦ, “ᐃᑳᓚᐅᕐᓗᒃ ᐱᓕᔅᑏᓂᒥᐅᑦ ᑭᐱᔭᐅᓯᒪᖏᑦᑐᑦ ᑕᖕᒫᕐᓯᒪᕕᖓᓄᑦ; ᐃᒻᒪᖄ ᐊᑕᓂᐅᑉ ᐱᓇᓱᐊᕈᑎᓂᐊᕐᐹᑎᒃᑯᒃ; ᐊᑕᓂᖅ ᐊᒡᕕᐊᕐᑕᐅᔪᓐᓇᖏᒻᒪᑦ ᓵᓚᖃᕐᑎᑦᓯᖁᓪᓗᒍ ᐅᓄᕋᓗᐊᕈᑦᑕ ᐅᓄᖏᒃᑲᓗᐊᕈᑦᑕᓘᓐᓃᑦ.”

ᒨᓯᓯ ᓯᕗᓪᓖᑦ 17:14

ᓇᓪᓕᐊᓪᓗ ᐊᖑᑦ ᐅᕕᓂᒃᑯᑦ ᐅᓕᕝᕙᖓ ᑭᐱᔭᐅᓯᒪᖏᑉᐸᑦ ᑖᓐᓇ ᐃᓅᖃᑎᒥᓂᑦ ᐃᓚᒋᔭᐅᑎᑕᐅᔭᕆᐊᖃᓐᖏᓚᖅ; ᐊᖏᖃᑎᒌᒍᑎᓐᓂᒃ ᒪᓕᖏᒻᒪᑦ.”

ᒨᓯᓯ ᓯᕗᓪᓖᑦ 17:11

ᑭᐱᔭᐅᔪᒃᓴᐅᕗᓯ ᐊᖑᑎᓕᒫᑦ ᐅᓕᕝᕙᖏᑦ; ᑕᒪᓐᓇᓗ ᓇᓗᓁᒃᑯᑕᐅᓂᐊᕐᐳᖅ ᐊᖏᖃᑎᒌᒍᑎᑦᑎᓐᓄᑦ ᐅᕙᓐᓄᑦ ᐃᓕᖕᓄᓪᓗ.

ᒨᓯᓯ ᓯᕗᓪᓖᑦ 34:13

ᔧᑰᑉ ᐃᕐᓂᖏᑦ ᑭᐅᓕᕐᐳᑦ ᓯᓔᕐᕆᒃᓯᕐᓗᑎᒃ ᓯᑭᒻᒥᒃ ᐊᑖᑕᖓᓂᒡᓗ ᕼᐊᒧᕆᒥᒃ, ᓇᕐᕈᓇᕐᓯᑎᑦᓯᓚᐅᕐᓂᖓᓄᑦ ᓇᔭᖓᓐᓂᒃ ᑍᓇᒥᒃ.

ᒨᓯᓯ ᓯᕗᓪᓖᑦ 34:15

ᐃᒤᓕᐅᕈᑦᓯ ᑭᓯᐊᓂ ᐊᖏᕈᓐᓇᕐᑐᒍᑦ, ᐅᕙᑦᑎᓐᓂᒃ ᐊᑦᔨᖃᓕᕈᑦᓯ ᑭᐱᔭᐅᓯᒪᓕᕐᓗᓯ ᐊᖑᑎᓕᒫᑦ.

ᐃᓗᐊᕐᓮᔩᑦ ᐊᒡᓚᖏᑦ 14:3

ᐊᑖᑕᖓᑕᓗ ᐊᓈᓇᖓᑕᓗ ᐊᐱᕆᕚ, “ᓇᓂᓯᓐᖏᓚᑏᑦ ᐊᕐᓇᒥᒃ ᐃᓚᕕᑦ ᐸᓂᖏᓐᓂᑦ, ᐃᓅᖃᑎᑦᑎᓐᓂᒡᓘᓐᓃᑦ ᓇᓪᓕᐊᓐᓂᑦ? ᑍᒫᒃ ᑭᐱᓯᒪᖏᑦᑐᓂᑦ ᐱᓕᔅᑍᓂᒥᐅᑕᕐᓂᑦ ᓄᓕᐊᓂᒋᐊᖃᕐᐲᑦ?” ᓵᒻᓲᓂᐅᓪᓕ ᐊᑖᑕᓂ ᐅᖃᐅᑎᕚ, “ᑍᓐᓇ ᐊᕐᓇᖅ ᐂᓚᐅᕈᒃ ᐱᐅᒋᒐᒃᑯ.”