20 ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑦᑎᕐᓱᓂᐅᒡᓗ ᐃᓪ ᐃᓗᕼᐃ-ᐃᓴᕆᐊᓪᒥᒃ.
ᑕᕝᕙ ᐂᑉᕋᒻ ᑕᕝᕙᓐᖓᑦ ᓅᓪᓗᓂ, ᓄᓇᑖᕐᐳᖅ ᓇᐹᕐᑐᓕᖕᒥ ᐆᒃᓂᒃ ᐊᑎᖃᕐᑐᓂᒃ ᒪᒻᕆᒦᑦᑐᒥ ᕼᐃᐸᕋᓐᓂᒥ; ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ ᐊᑕᓂᕐᒧᑦ.
ᑭᖑᓂᖓᒍᓪᓗ ᐂᑉᕋᕼᐋᒻ ᓇᐹᕐᑐᒃᓴᒥᒃ ᑕᒪᕆᔅᑭᒥᒃ ᐊᑎᓕᖕᒥᒃ ᓇᑉᐸᕐᓯᕗᖅ ᐱᐊᕐᓯᐸᒥ, ᐊᑕᓂᕐᓗ ᑕᕝᕙᓂ ᑐᒃᓯᐊᕐᕕᒋᕚ, ᒎᑎᐅᔪᖅ ᐃᓱᖃᖏᑦᑐᒧᑦ.
ᐊᖑᑎᐅᑉ ᐅᖃᐅᑎᕚ, “ᒫᓐᓇᒥᑦ ᐱᒋᐊᕐᓗᒍ ᔧᑯᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐃᓴᕆᐊᓕᐅᓂᐊᓕᕐᐳᑎᑦ, ᒎᑎᒥᒃ ᐅᓇᑕᖃᑎᖃᕐᓯᒪᒐᕕᑦ ᓵᓚᖃᕐᓱᑎᑦ ᐃᓄᖕᓂᒡᓗ ᓵᓚᖃᕆᓪᓗᑎᑦ.”
ᓄᓇᓗ ᑕᖕᒫᕐᕕᒋᔭᓂ ᓂᐅᕕᐊᕆᕚ ᕼᐊᒧᕆᐅᑉ ᑭᖑᕚᖏᓐᓂᑦ, ᓯᑭᒻᒥᐅᑉ ᐊᑖᑕᖓᓂᑦ, ᓯᐅᓪᕕᕆᓄᑦ 100ᓄᑦ.
ᑍᓇᓕ, ᔧᑰᑉ ᓕᐊᓪᓗ ᐸᓂᖓ, ᐳᓛᕆᐊᓚᐅᕐᐳᖅ ᓄᓇᐅᑉ ᓇᔪᕐᑕᖓᑦᑕ ᐊᕐᓇᖏᓐᓄᑦ;
ᑕᕝᕙᓂᓗ ᑐᓂᕐᕈᓯᕐᕕᓕᐅᕐᐳᖅ, ᑖᓐᓇᓗ ᐊᑎᖃᕐᑎᑉᐹ ᐃᓪ-ᐱᑎᓕᒥᒃ, ᑕᕝᕙᓂ ᒎᑎᐅᑉ ᓴᖅᑭᕝᕕᒋᓚᐅᕐᒪᒍ ᕿᒫᑎᓪᓗᒍ ᐊᖓᔪᒥᓂᑦ.
ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.
ᑍᒤᒻᒪᑦ ᑍᕕᑎᐅᑉ ᐊᑕᓂᖅ ᓂᕐᑐᕐᐹ ᐃᓄᐃᑦ ᑲᑎᒪᔪᑦ ᓵᖓᓂ; ᑍᕕᑎᓗ ᐅᖃᕐᐳᖅ: “ᓂᕐᑐᕐᓇᕐᐳᑎᑦ ᐊᑕᓃᖅ ᐃᓴᕆᐊᓕᒥᐅᑦ ᒎᑎᖓᑦ ᐊᑖᑕᕗᑦ, ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
ᓯᕗᓕᕗᑦ ᐅᕙᓂ ᖃᖅᑲᒥ ᒎᑎᒧᑦ ᑐᒃᓯᐊᖃᑦᑕᓚᐅᕐᐳᑦ; ᐃᓕᑦᓯᓕ ᔫᑎᐅᔪᓯ ᐅᖃᕐᐳᓯ ᔨᕉᓴᓕᒻᒥ ᑭᓯᐊᓂ ᒎᑎᒧᑦ ᐃᓄᐃᑦ ᑐᒃᓯᐊᕆᐊᖃᕐᓂᕋᕐᓗᒋᑦ.”
