ᒨᓯᓯ ᓯᕗᓪᓖᑦ 32:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑕᕝᕙ ᔧᑯ ᑐᒃᓯᐊᕐᐳᖅ, “ᐊᑖᑕᒪ ᐂᑉᕋᕼᐋᒻ ᒎᑎᖓ ᐊᑖᑕᒪᓗ ᐂᓴᑭᐅᑉ ᒎᑎᖓ, ᐊᑕᓃᖅ, ᐅᖃᐅᑎᓚᐅᕋᕕᖓ, ‘ᓄᓇᑐᖃᓐᓄᑦ ᐅᑎᕆᑦ ᐃᓚᖕᓄᑦ, ᐱᐅᔪᒥᒡᓗ ᐱᓂᐊᕐᕕᒋᓂᐊᕐᐸᒋᑦ.’

ᒨᓯᓯ ᓯᕗᓪᓖᑦ 32:9 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 28:15

ᑕᑯᒋᓪᓗ ᐃᓚᒌᓐᓇᕐᓂᐊᕐᐸᒋᑦ ᓴᐳᑎᓯᒪᓗᑎᓪᓗ ᓇᒧᑐᐃᓐᓇᖅ ᐂᒐᓗᐊᕈᕕᑦ, ᓄᓇᒧᓪᓗ ᑕᒪᑐᒧᖓ ᐅᑎᕐᑎᑦᓱᒫᕆᕙᒋᑦ; ᕿᒪᖕᓂᐊᓐᖏᓚᒋᑦ ᐅᖃᐅᓯᕆᔭᓕᒫᒃᑲ ᐃᓕᖕᓄᑦ ᐊᑐᓚᐅᖏᓐᓂᖏᓐᓂ.”

ᒨᓯᓯ ᓯᕗᓪᓖᑦ 31:13

ᐅᕙᖓ ᒎᑎᐅᕗᖓ ᐱᑎᓕᒥ, ᑕᕝᕙᓂ ᐅᔭᕋᒃ ᒥᖑᐊᓚᐅᕋᕕᐅᒃ ᓇᐹᕐᑑᑉ ᐅᕐᓱᖓᓂᒃ ᐃᖅᑲᐅᒪᑦᔪᑎᒃᓴᐅᖁᓪᓗᒍ ᑕᕝᕙᓂᓗ ᐅᖃᕕᓚᐅᕐᐳᑎᑦ ᐅᕙᓐᓄᑦ. ᑍᒤᒻᒪᑦ ᐸᕐᓇᓕᕆᑦ ᐅᑎᓕᕐᓗᑎᓪᓗ ᓄᓇᒧᑦ ᐃᓅᕕᒋᓚᐅᕐᑕᕐᓄᑦ.’”

ᒨᓯᓯ ᓯᕗᓪᓖᑦ 31:29

ᐱᔪᓐᓇᕐᓂᖃᕋᓗᐊᕐᐳᖓ ᖃᓄᐃᓕᐅᕈᓐᓇᕐᓗᑎᑦ; ᐅᓐᓄᐊᕐᓕ ᐊᑖᑕᕕᑦ ᒎᑎᖓ ᐅᕙᓐᓄᑦ ᐅᖃᓚᐅᕐᐳᖅ, ᐅᖃᕐᓗᓂ, ‘ᐃᒃᐱᒍᓱᑦᓯᐊᕆᑦ ᔧᑯ ᐅᖃᐅᑎᓂᐊᕐᓇᒍ ᓯᕘᕋᓇᕐᑐᒥᒃ.’

ᒨᓯᓯ ᓯᕗᓪᓖᑦ 31:3

ᐊᑕᓂᐅᓪᓗ ᔧᑯ ᐅᖃᐅᑎᕚ, “ᓯᕗᓕᕐᐱᑦ ᐃᓚᕕᓪᓗ ᓄᓇᖓᓄᑦ ᐅᑎᓕᕆᑦ, ᐅᕙᖓᓗ ᐃᓚᒋᓂᐊᕐᐸᒋᑦ.”

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᒨᓯᓯ ᓯᕗᓪᓖᑦ 31:53

ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᒨᓯᓯ ᓯᕗᓪᓖᑦ 32:8

ᐃᓱᒪᖃᓚᐅᕋᒥ, “ᐄᓴ ᑎᑭᒃᑯᓂ ᑐᖁᕅᓯᒃᐸᑦ ᐊᕕᒃᓯᒪᔪᑦ ᐂᑉᐸᖏᓐᓄᑦ, ᑕᕝᕙ ᐂᑉᐸᖏᑦ ᕿᒫᔪᓐᓇᕐᓯᒐᔭᕆᐊᖏᓐᓂᒃ.”

ᒨᓯᓯ ᓯᕗᓪᓖᑦ 49:25

ᐊᑖᑕᕕᑦ ᒎᑎᖓᑕ ᐃᑲᔪᕈᒫᕐᐹᑎᑦ, ᐊᔪᒐᖃᖏᑦᑑᓪᓗ ᑖᑦᓱᒪ ᒎᑎᐅᑉ ᓮᒻᒪᕐᑎᑦᓱᒫᕐᐹᑎᑦ ᓮᒻᒪᕐᑎᑦᓯᓂᕐᒧᑦ ᕿᓚᖕᒥᑦ ᖁᑦᓯᒃᑐᒥᑦ ᐱᔪᒧᑦ, ᓮᒻᒪᕐᑎᑦᓯᓂᕐᒧᑦ ᐃᑎᔪᒧᑦ ᐃᓗᐊᓂ ᐃᑎᔪᒥ ᐃᓂᖃᕐᑐᒧᑦ, ᓮᒻᒪᕐᑎᑦᓯᓂᕐᒧᑦ ᐃᕕᐊᖏᕐᓂᑦ ᐃᒡᓕᐊᕐᓂᓪᓗ ᐱᔪᒧᑦ.

ᑯᕉᓂᑲ ᐂᑉᐸᖏᑦ 20:12

ᒎᑎᕗᑦ, ᐃᖅᑲᕐᑐᕈᓐᓇᕐᐱᒌᑦ? ᐱᔪᓐᓇᕐᓂᖃᖏᓐᓇᑦᑕ ᐃᓄᒋᐊᒃᑐᕐᔪᐊᑦ ᐅᕙᑦᑎᓐᓄᑦ ᐅᓇᑕᕆᐊᕐᓂᖏᓐᓄᑦ. ᖃᓄᐃᓕᐅᕐᑐᒃᓴᐅᖕᒪᖔᑦᑕᓗ ᖃᐅᔨᒪᓇᑕ, ᐃᔨᑦᑎᓐᓄᓪᓕ ᐃᓕᖕᓄᑦ ᑕᑯᓴᕐᐳᒍᑦ ᐅᑕᖅᑭᓪᓗᑕ.”

ᑯᕉᓂᑲ ᐂᑉᐸᖏᑦ 20:6

ᐅᖃᕐᓗᓂᓗ, “ᐊᑕᓃᖅ ᓯᕗᓕᑦᑕ ᒎᑎᖓᑦ, ᒎᑎᐅᓐᖏᓚᑏᑦ ᕿᓚᖕᒥ? ᐊᐅᓚᑦᓯᓐᖏᓚᑏᑦ ᐊᑕᓂᐅᕕᓕᒫᓂᒃ ᐃᓅᖃᑎᒌᒡᔪᐊᓂᒡᓗ? ᐱᔪᓐᓇᕐᓂᕐᔪᐊᖅ ᐊᔪᖏᑦᑐᕐᔪᐊᖑᓂᕐᓗ ᐊᒡᒐᖕᓃᑉᐳᑦ, ᓇᓪᓕᐊᓐᓄᓪᓘᓐᓃᑦ ᐊᑭᒪᔭᐅᔪᓐᓇᓐᖏᓚᑎᑦ.

ᑯᕉᓂᑲ ᐂᑉᐸᖏᑦ 32:20

ᑕᒪᓐᓇ ᐱᓪᓗᒍ ᐊᖓᔪᖅᑳᕐᔪᐊᖅ ᕼᐃᓯᑬᐊ ᒎᑎᐅᓪᓗ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐂᒨᓯᐅᑉ ᐃᕐᓂᖓ, ᑐᒃᓯᐊᓕᕐᐴᒃ ᐃᓗᖏᕐᓱᕐᓗᑎᒃ ᕿᓚᖕᒧᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᐃᓐᖏᕈᑎᑦ 91:15

ᓂᓪᓕᐊᕕᒋᒃᐸᖓ, ᑕᕝᕙ ᑭᐅᓂᐊᕐᐸᕋ; ᐊᑲᐅᖏᑦᑐᒦᓕᕐᐸᑦ ᓇᔪᕐᓂᐊᕐᐸᕋ, ᓴᐳᑎᓗᒍ ᐅᐱᓐᓇᕐᓯᑎᓐᓂᐊᕐᐸᕋ.

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᔨᕆᒤᐊᐅᑉ ᐊᒡᓚᖏᑦ 32:16

ᐸᕉᒃᒧᑦ ᓂᕅᐊᐅᑉ ᐃᕐᓂᖓᓄᑦ ᓄᓇᒥᒃ ᓂᐅᕕᕐᓯᒪᓂᓐᓂᒃ ᓇᓗᓁᕐᓯᑦᔪᑏᑦ ᑐᓂᔭᕇᕋᒃᑭᑦ, ᐊᑕᓂᕐᒧᑦ ᑐᒃᓯᐊᓕᕐᐳᖓ ᐅᖃᕐᓗᖓ,

ᓴᒧᐃᓕ ᓯᕗᓪᓖᑦ 30:6

ᑍᕕᑎ ᐅᖁᒤᒃᓴᒻᒪᕆᓕᓚᐅᕐᐳᖅ; ᐃᓚᖏᑦ ᐊᒡᓛᑦ ᐅᖃᓕᓚᐅᕐᐳᑦ ᒥᓪᓗᐊᕆᔪᒪᓪᓗᒍ, ᐃᓄᓕᐊᒪᑦ ᓂᓐᖓᐅᒪᓂᖃᒻᒪᕆᓕᓚᐅᕐᒪᑕ ᐊᓯᐅᔨᓂᑎᒃ ᕿᑐᕐᖓᒥᖕᓂᒃ ᐱᑦᔪᑎᖃᕐᓗᑎᒃ. ᑍᕕᑎᓕ ᒎᑎᖓᑕ ᐊᑕᓂᐅᑉ ᓴᐱᖏᓐᓂᕐᒥᒃ ᑐᓂᓚᐅᕐᐹ.