ᒨᓯᓯ ᓯᕗᓪᓖᑦ 32:29 - ᐊᒡᓔᑦ ᐃᑦᔪᕐᖕᓁᑦᑐᑦ

²⁹ ᔧᑰᓪᓗ ᐅᖃᐅᑎᕚ, “ᐅᖃᐅᑎᓚᐅᓐᖓ ᑭᓇᐅᖕᒪᖔᕐᐱᑦ.” ᑖᑦᓱᒪᓕ ᑭᐅᕚ, “ᓱᖕᒪ ᖃᐅᔨᔪᒪᕕᑦ ᑭᓇᐅᖕᒪᖔᕐᒪ?” ᑕᕝᕙᓂᓗ ᔧᑯ ᓮᒻᒪᕐᑎᑉᐹ.

ᒨᓯᓯ ᓯᕗᓪᓖᑦ 32:29 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 17:5

ᐂᑉᕋᒻᒥᒃ ᐊᑎᖃᕐᓂᐊᕈᓐᓃᕐᐳᑎᑦ, ᐂᑉᕋᕼᐋᒻᒥᒡᓕ; ᐅᓄᕐᑐᓄᑦ ᐃᓅᖃᑎᒌᒡᔪᐊᓄᑦ ᓯᕗᓕᕆᔭᐅᑎᓐᓂᐊᓕᕋᒃᑭᑦ.

ᒨᓯᓯ ᓯᕗᓪᓖᑦ 35:10

ᒎᑎᐅᓪᓗ ᐅᖃᐅᑎᕚ, “ᔧᑯᒥᒃ ᐊᑎᖃᕋᕕᑦ; ᒫᓐᓇᒥᑦ ᔧᑯᒥᒃ ᑍᔭᐅᓂᐊᕈᓐᓃᕐᐳᑎᑦ, ᐃᓴᕆᐊᓕᒥᒃ ᐊᑎᖃᕐᓂᐊᓕᕐᐳᑎᑦ.” ᑍᒤᒻᒪᑦ ᐃᓴᕆᐊᓕᒥᒃ ᑍᔭᐅᕙᓕᓚᐅᕐᐳᖅ.

ᒨᓯᓯ ᓯᕗᓪᓖᑦ 35:9

ᒎᑎᐅᓪᓕ ᔧᑯ ᓴᖅᑭᕝᕕᒋᒃᑲᓐᓂᕐᐹ, ᐅᑎᕐᓯᒪᓕᕐᑎᓪᓗᒍ ᐸᑖᓐ-ᐊᕋᓐᒥᑦ ᓮᒻᒪᕐᑎᓪᓗᒍᓗ.

ᐊᑕᓃᑦ ᓯᕗᓪᓖᑦ 18:31

ᐃᓔᑦᔭ ᐅᔭᕋᖕᓂᒃ 12ᓂᒃ ᑲᑎᕐᓱᐃᕗᖅ, ᔧᑰᑉ ᐃᕐᓂᖏᑕ ᑭᖑᕚᖏᑕ ᐅᓄᕐᓂᖏᑦ ᒪᓕᒡᓗᒋᑦ, ᐊᑕᓂᐅᑉ ᐅᖃᐅᓯᖏᑦ ᑖᑦᓱᒧᖓ ᑎᑭᓚᐅᕐᑐᑦ ᒪᓕᒡᓗᒋᑦ, ᐅᖃᕐᓗᓂ, “ᐃᓴᕆᐊᓕᒥᒃ ᐊᑎᖃᕐᑐᒃᓴᐅᕗᑎᑦ.”

ᐊᑕᓃᑦ ᐂᑉᐸᖏᑦ 17:34

ᑍᒫᒡᓗ ᐅᓪᓗᒥ ᑎᑭᓪᓗᒍ ᐱᐅᓯᑐᖃᕐᒥᖕᓂᒃ ᒪᓖᓐᓇᓚᐅᕐᐳᑦ. ᐊᑕᓂᕐᒥᒃ ᑐᒃᓯᐊᕐᕕᖃᕈᒪᓚᐅᓐᖏᓚᑦ ᐱᖁᔭᖏᓐᓂᒡᓗ ᒪᓕᒍᒪᓇᑎᒃ ᔧᑰᑉ ᑭᖑᕚᖏᓐᓄᑦ ᒪᓕᒃᑕᐅᖁᓚᐅᕐᑕᖏᓐᓂᒃ, ᑍᓕᓚᐅᕐᑕᖓᓂᒃ ᐃᓴᕆᐊᓕᒥᒃ.

ᑯᕉᓂᑲ ᓯᕗᓪᓖᑦ 1:34

ᐂᑉᕋᕼᐋᒻ ᐃᕐᓂᖃᕐᐳᑉ ᐂᓴᑭᒥᒃ. ᐂᓴᑭ ᐃᕐᓂᕐᑖᕐᐳᖅ ᐄᓴᒥᒃ ᐃᓴᕆᐊᓕᒥᒡᓗ.

ᔫᐱᐅᑉ ᐊᒡᓚᖏᑦ 11:7

ᖃᐅᔨᔪᓐᓇᕋᓱᒋᕖᑦ ᒎᑎᐅᑉ ᖃᐅᔨᒪᓂᕐᔪᐊᖓᓂᒃ? ᐊᔪᒐᖃᖏᑦᑐᕐᔪᐊᖑᓂᖓᓗ ᐃᓱᓕᓪᓗᒍ ᖃᐅᔨᔪᓐᓇᕋᓱᒋᕕᐅᒃ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:4

ᑭᓇ ᕿᓚᓕᐊᓚᐅᕐᓯᒪᕚ ᐊᒻᒪ ᐅᑎᕐᒥᓗᓂ ᓄᓇᒧᑦ? ᑭᓇ ᐊᓄᕆᒥᒃ ᐊᒡᒐᖕᒥᓄᑦ ᑎᒎᖅᑬᔪᓐᓇᕐᐹ? ᑭᓇ ᐃᒥᕐᒥᒃ ᐊᓐᓄᕌᒥᓄᑦ ᕿᓚᒃᓱᐃᓯᒪᕚ? ᑭᓇ ᑲᑎᑦᓯᓯᒪᕙ ᐃᒪᕐᔪᐊᕐᒥᒃ ᐊᓐᓄᕌᒥᓄᑦ? ᑭᓇ ᐋᖅᑭᒃᓯᓯᒪᕙ ᓄᓇᕐᔪᐊᑉ ᑭᒡᓕᖏᓐᓂᒃ? ᑭᓇᒥᒃ ᐊᑎᖃᕐᐸ, ᐃᕐᓂᖓᓗ ᑭᓇᐅᕙ?

ᐂᓮᐊᓯᐅᑉ ᐊᒡᓚᖏᑦ 9:6

ᓄᑕᕋᑯᓗᒃ ᐃᕐᓂᐊᖑᖕᒪᑦ ᐅᕙᑦᑎᓐᓄᑦ! ᐃᕐᓂᖅ ᑐᓂᔭᐅᖕᒪᑦ ᐅᕙᑦᑎᓐᓄᑦ! ᒐᕙᒤᑦ ᑐᐃᖏᓐᓃᑦᓱᒫᕐᐳᑦ. ᐊᑎᖓᓗ ᑍᔭᐅᔪᒫᕐᐳᖅ, “ᐋᖅᑭᒃᓱᐃᔨᑦᓯᐊᒥᒃ,” “ᒎᑎᒥᒃ ᐊᔪᒐᖃᖏᑦᑐᒥᒃ,” “ᐊᑖᑕᐅᔪᒥᒃ ᐃᓱᖃᖏᑦᑐᒥᑦ,” “ᖃᓄᐃᖏᑦᓯᐊᕐᓂᐅᑉ ᐊᖓᔪᖅᑳᖓᓂᒃ.”

ᕼᐆᓯᐊᑉ ᐊᒡᓚᖏᑦ 6:1

“ᕾᓗᓯ ᐅᑎᓚᐅᕐᑕ ᐊᑕᓂᕐᒧᑦ; ᑖᑦᓱᒪ ᐋᓐᓂᕐᓯᒪᖕᒪᑎᒍᑦ, ᐋᖅᑭᒍᒪᓪᓗᑕ; ᑖᑦᓱᒪ ᐃᑭᓕᕐᓯᒪᖕᒪᑎᒍᑦ, ᑖᑦᓱᒪᓗ ᒪᑦᑐᓯᕐᓂᐊᕐᐹᑎᒍᑦ.

ᒨᓯᓯ ᓯᑕᒪᖏᑦ 20:14

ᒨᓯᓯᓗ ᑎᓕᓯᕗᖅ ᐅᖃᕆᐊᕐᑐᕐᑐᓂᒃ ᓄᓇᒥᑦ ᑲᑎᓯᒥᑦ ᐄᑐᒥᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐃᒫᒃ, “ᐃᓴᕆᐊᓕᒥᐅᑦ ᖃᑕᓐᖑᑎᑎᑦ ᐃᒫᒃ ᐅᖃᕐᐳᑦ: ‘ᖃᐅᔨᒪᕗᓯ ᐅᖁᒤᑦᑐᑎᒍᑦ ᐊᑐᕐᓯᒪᒐᑦᑕ,

ᓘᑲᓯᐅᑉ ᐊᒡᓚᖏᑦ 1:19

ᐂᖏᓕᐅᑉ ᑭᐅᕚ, “ᒊᐳᕆᐅᓕᐅᕗᖓ, ᒎᑎᐅᑉ ᓇᔪᒐᖓᓂᓐᖔᕐᐳᖓ; ᑖᑦᓱᒪ ᑎᓕᕚᖓ ᐃᓕᖕᓄᑦ ᐅᖃᕆᐊᕐᑐᖁᓪᓗᖓ; ᑕᒪᑐᒥᖓ ᑐᓴᕈᒥᓇᕐᑐᒥᒃ ᐅᖃᐅᑦᔭᐅᖁᖕᒪᑎᑦ.

ᒨᓯᓯ ᑕᓪᓕᒪᖏᑦ 29:29

“ᓱᓕᓕ ᐊᑕᓂᖅ ᒎᑎᕗᑦ ᐊᓐᖏᐊᕆᔭᖃᕐᐳᖅ; ᐱᖁᔭᒥᓂᒡᓕ ᓴᖅᑭᑎᑦᓯᓯᒪᒐᓗᐊᕐᐳᖅ, ᐅᕙᒍᑦ ᑭᖑᕚᕗᓪᓗ ᓈᓚᒋᐊᖃᕐᑕᑦᑎᓐᓂᒃ ᐃᓱᖃᖏᑦᑐᒧᑦ, ᐱᖁᔭᓕᒪᑦ ᐅᑯᐊ ᒪᓕᒃᑕᐅᖁᓪᓗᒋᑦ.”