ᒨᓯᓯ ᓯᕗᓪᓖᑦ 31:53 - ᐊᒡᓔᑦ ᐃᑦᔪᕐᖕᓁᑦᑐᑦ

⁵³ ᐂᑉᕋᕼᐋᒻ ᒎᑎᖓ ᓇᕼᐅᕆᐅᓪᓗ ᒎᑎᖓ, ᐊᑖᑕᕕᓂᖏᑕᓗ ᒎᑎᖓ, ᐅᕙᑦᑎᓐᓂᒃ ᖃᐅᔨᓴᕐᑎᐅᓂᐊᕐᐳᖅ ᑕᒪᑐᒥᖓ.” ᑕᕝᕙ ᔧᑯ ᐊᖏᒻᒪᕆᒃᐳᖅ ᐊᑖᑕᖓᑕ ᐂᓴᑭᐅᑉ ᒎᑎᖓᑕ ᐊᑎᖓᓂ.

ᒨᓯᓯ ᓯᕗᓪᓖᑦ 31:53 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 11:31

ᑏᕋᐅᓪᓕ ᐃᕐᓂᓂ ᐂᑉᕋᒻ ᓇᒃᓴᕐᓗᓂᐅᒃ, ᐃᕐᖑᑕᓂᓗ ᓘᑎ, ᕼᐊᕋᓂᐅᑉ ᐃᕐᓂᖓ, ᐅᑯᐊᓂᓗ ᓴᕅ, ᐂᑉᕋᐅᑉ ᓄᓕᐊᖓ, ᑖᒃᑯᐊ ᐃᓚᒋᓪᓗᒋᑦ ᑕᕝᕙᓐᖓᑦ ᓄᓇᓕᖕᓂᑦ ᐊᐅᓪᓚᓚᐅᕐᐳᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᑬᓇᓂᐅᑉ ᓄᓇᖓᓄᐊᕐᓗᑎᒃ. ᓄᓇᒧᑦ ᕼᐊᕋᓐᒥᒃ ᐊᑎᓕᖕᒧᑦ ᑎᑭᓪᓗᑎᒃ ᑕᕝᕙᓂᓗ ᓄᓇᖃᓕᓚᐅᕐᐳᑦ.

ᒨᓯᓯ ᓯᕗᓪᓖᑦ 14:22

ᐂᑉᕋᐅᑉ ᑭᐅᕚ ᓱᑑᒪᐅᑉ ᐊᖓᔪᖅᑳᕐᔪᐊᖓ, “ᐊᑕᓂᐅᑉ, ᒎᑎᐅᑉ ᖁᑦᓯᖕᓂᕐᐹᖑᔫᑉ, ᕿᓚᖕᒥᒡᓗ ᓄᓇᒥᒡᓗ ᓴᓇᓚᐅᕐᑑᑉ ᓵᖓᓂ ᐅᖃᕕᒃᐳᖓ,

ᒨᓯᓯ ᓯᕗᓪᓖᑦ 16:5

ᑕᕝᕙ ᓴᕅ ᐅᖃᕐᐳᖅ ᐂᑉᕋᒻᒧᑦ, “ᓈᒻᒪᖏᑦᑐᓕᕕᐅᓂᕋ ᐃᕝᕕᑦ ᓵᑕᒃᓴᐅᑦᔪᑎᒃᓴᕆᕙᑦ! ᐱᔨᒐ ᑐᓂᓚᐅᕋᒃᑯ ᐃᓕᖕᓄᑦ, ᑍᒪᓐᖓᓪᓕ ᓄᑕᕋᒃᓴᖃᓕᕐᓂᕐᒥᓂᒃ ᖃᐅᔨᑐᐊᕋᒥ, ᐅᕙᓐᓂᒃ ᐆᒥᓱᓕᕐᐳᖅ. ᐊᑕᓂᕐᓕ ᓇᖕᒥᓂᖅ ᖃᐅᔨᓴᕐᓕ ᓇᓕᕐᐳᒃ ᑕᒻᒪᕐᓯᒪᖕᒪᖔᑦ ᐃᕝᕕᓪᓘᓐᓃᑦ ᐅᕙᖓᓘᓐᓃᑦ!”

ᒨᓯᓯ ᓯᕗᓪᓖᑦ 17:7

“ᐊᖏᖃᑎᒌᒍᑎᒋᔭᕋᓗ ᐅᕙᓐᓂᑦ ᐃᓕᖕᓄᑦ ᑭᖑᕚᒃᓴᕐᓄᓪᓗᑦᑕᐅᖅ ᑭᖑᓂᕐᓂ ᑭᖑᕚᕇᖑᔪᒫᕐᑐᓄᓪᓗ ᐃᓱᖃᖏᑦᑐᒧᑦ ᑐᕌᖓᓂᐊᕐᐳᖅ, ᐃᓕᖕᓄᑦ ᒎᑎᒋᔭᐅᓂᐊᕐᐳᖓ ᑭᖑᕚᒃᓴᕐᓄᓪᓗ ᒎᑎᒋᔭᐅᔪᒫᕆᕗᖓ.

ᒨᓯᓯ ᓯᕗᓪᓖᑦ 28:13

ᐊᑕᓂᕐᓗ ᑕᑯᕚ ᓇᖏᕐᑐᖅ ᖁᓛᓂ ᐅᖃᕐᓗᓂᓗ, “ᐊᑕᓂᐅᕗᖓ, ᓯᕗᓕᕐᐱᑦ ᐂᑉᕋᕼᐋᒻ ᐂᓴᑭᐅᓪᓗ ᒎᑎᖓ; ᑐᓂᓯᕕᒋᓂᐊᕋᒃᑭᑦ ᑭᖑᕚᒃᓴᑎᓪᓗ ᑕᒪᑐᒥᖓ ᓄᓇᒥᒃ ᓇᓚᕝᕕᒋᔭᕐᓂᒃ.

ᒨᓯᓯ ᓯᕗᓪᓖᑦ 31:42

ᓯᕗᓕᕐᒪᓕ ᒎᑎᖓᑕ, ᐂᑉᕋᕼᐋᒻ ᒎᑎᖓᑕ ᐂᓴᑭᐅᓪᓗ ᓯᕘᕋᒋᔭᖓᑕ, ᐃᓚᒋᓚᐅᖏᑉᐸᖓ, ᐊᐅᓪᓚᕐᑎᓯᒪᓕᕋᔭᕐᐸᕐᒪ ᓱᓇᖃᖏᑦᓯᐊᕐᓗᖓ, ᒎᑎᐅᓪᓕ ᓯᕐᓕᕿᓇᕐᑐᒃᑰᕐᓯᒪᓂᒃᑲ ᐊᒃᓱᕈᕐᓗᖓᓗ ᐱᓇᓱᐊᕐᓯᒪᓂᒃᑲ ᑕᑯᓐᓇᕋᒥᒋᑦ, ᑕᕝᕙ ᐅᓐᓄᐊᖅ ᐃᓂᕐᑎᓚᐅᕐᐹᑎᑦ.”

ᒨᓯᓯ ᓯᕗᓪᓖᑦ 31:52

ᐅᑯᐊ ᐅᔭᕅᑦ ᖃᓕᕇᑦ ᓇᓗᓁᒃᑯᑍᑦ, ᐅᔭᕋᒡᓗ ᓇᑉᐸᕐᑎᓯᒪᔭᕗᑦ ᓇᓗᓁᕐᓯᔪᑦ ᖄᖏᕆᐊᖃᕐᓂᐊᓐᖏᓚᒃᑲ ᐃᓕᑦᓯᓐᓄᐊᕐᓗᖓ, ᐃᕕᓪᓗᑦᑕᐅᖅ ᖄᖏᕆᐊᖃᕐᓂᐊᖏᒻᒥᔭᑎᑦ ᐅᕝᕙᓐᓄᐊᕐᓗᑎᑦ, ᐅᓇᑕᕆᐊᕐᓂᕐᒧᑦ.

ᒨᓯᓯ ᓯᕗᓪᓖᑦ 47:31

ᔧᑯᓗ ᐅᖃᕐᐳᖅ, “ᐊᖏᒻᒪᕆᒡᕕᒋᓕᓐᖓ”; ᑕᕝᕙ ᔫᓯᐱ ᐊᖏᒻᒪᕆᒃᐳᖅ ᑖᑦᓱᒧᖓ. ᐃᓴᕆᐊᓕᐅᓪᓗ ᓂᐊᖁᓂ ᐅᑯᕚ ᓇᓪᓚᖓᕕᖕᒥᓂ.

ᒨᓯᓯ ᐂᑉᐸᖏᑦ 3:6

ᓯᕗᓕᑦᓯ ᒎᑎᒋᕚᖓ; ᐂᑉᕋᕼᐋᒻ, ᐂᓴᑭᐅᑉ, ᔧᑰᓪᓗ ᒎᑎᒋᕚᖓ.” ᒨᓯᓯᐅᑉ ᑮᓇᓂ ᒪᑐᕚ ᒎᑎᒥᒃ ᑕᐅᑐᒋᐊᒃᓴᖅ ᓯᕘᕋᒐᒥ.

ᒨᓯᓯ ᐂᑉᐸᖏᑦ 5:21

ᐅᖃᕐᐳᓪᓗ, “ᐊᑕᓂᐅᑉ ᑕᑯᓐᓇᕐᐹᓯᒃ ᐊᑭᓂᐊᕐᓕᓯᒡᓗ ᖃᓄᐃᓕᐅᕐᑕᐅᑎᑦᓯᓂᑦᓯᖕᓂᒃ, ᐰᕉᒧᑦ ᐱᔨᒋᔭᖏᓐᓄᓪᓗ ᐊᑭᕋᕐᑐᕐᑕᐅᓕᕐᑎᑦᓯᒐᑦᓯᒃ ᐅᕙᑦᑎᓐᓂᒃ, ᑖᒃᑯᓄᖓᓗ ᑐᖁᑕᐅᑦᔪᑎᒃᓴᑦᑎᓐᓂᒃ ᐋᖅᑭᒃᓯᓯᒪᕗᓯ.”

ᒨᓯᓯ ᑕᓪᓕᒪᖏᑦ 6:13

ᐊᑕᓂᖅ ᒎᑎᓯ ᓯᕘᕋᒋᔭᒃᓴᕆᕙᓯ, ᑖᓐᓇᑐᐊᕐᓗ ᑐᒃᓯᐊᕐᕕᒋᓗᒍ, ᐊᖏᒻᒪᕆᓕᕈᑦᓯᓗ ᐊᑎᖓ ᑖᓐᓇᑐᐊᖅ ᐊᑐᕐᑕᒃᓴᕆᕙᓯ.

ᔮᓱᐊᑉ ᐊᒡᓚᖏᑦ 24:2

ᔮᓱᐊᓪᓗ ᐃᓄᓕᒫᑦ ᐅᖃᐅᑎᕔᑦ, “ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓᑦ ᐃᒫᒃ ᐅᖃᕐᐳᖅ: ‘ᓯᕗᓕᕆᓚᐅᕐᑕᓯ, ᑏᕋ ᐃᓚᐅᓪᓗᓂ ᐂᑉᕋᕼᐋᒻ ᐊᑖᑕᖓ, ᓇᕼᐅᕆᐅᓪᓗ ᐊᑖᑕᖓ, ᑍᑦᓱᒪᓂᐊᓗᒃ ᓄᓇᖃᓚᐅᕐᐳᑦ ᑰᑉ ᐊᑭᐊᓂ; ᒎᑎᓂᒡᓗ ᐊᓯᖏᓐᓂᒃ ᐱᔨᑦᓯᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 11:27

ᑍᒤᒻᒪᑦ ᐊᔪᕐᑐᓕᓚᐅᓐᖏᓚᒍᑦ ᐃᓕᑦᓯᓐᓄᑦ, ᑕᒻᒪᕐᐳᑎᑦ ᐅᓇᑕᕋᓱᐊᕋᕕᑦ ᐅᕙᑦᑎᓐᓂᒃ. ᐊᑕᓂᖅ ᐃᖅᑲᕐᑐᐃᔨ ᑖᓐᓇ ᑐᑭᑖᕐᓂᐊᕐᐳᖅ ᐅᓪᓗᒥ ᓇᓪᓕᐊᓐᓄᑦ ᐃᓴᕆᐊᓕᒥᐅᑦ ᐃᓄᖏᓐᓄᓪᓘᓐᓃᑦ ᐅᕝᕙᓘᓐᓃᑦ ᐊᒧᓁᑎᒥᐅᓄᑦ.”

ᓴᒧᐃᓕ ᓯᕗᓪᓖᑦ 20:23

ᐅᖃᐅᓯᕆᓚᐅᕐᑕᕗᒡᓕ ᐱᑦᔪᑎᒋᓗᒋᑦ, ᑕᑯᒋᑦ, ᐊᑕᓂᖅ ᐊᑯᓐᓇᑦᑎᓐᓃᓐᓂᐊᕐᐳᖅ ᐃᓱᖃᖏᑦᑐᒧᑦ.”

ᓴᒧᐃᓕ ᓯᕗᓪᓖᑦ 24:12

ᐊᑕᓂᐅᑉ ᐃᖅᑲᕐᑐᕐᓕᑎᒍᒃ, ᐊᑕᓂᐅᓪᓗ ᐊᑭᓂᐊᕐᓕᖓ ᐃᕝᕕᑦ ᐱᓪᓗᑎᑦ; ᐊᒡᒐᓐᓄᓪᓕ ᐃᓕᖕᓄᑦ ᓵᓐᖓᓂᐊᓐᖏᓚᖓ.