45 ᑕᕝᕙ ᔧᑯ ᐅᔭᕋᖕᒥᒃ ᓇᑉᐸᕐᓯᕗᖅ ᓇᓗᓁᒃᑯᑕᓕᐅᕐᓗᓂ.
ᔧᑰᓪᓗ ᐃᓅᖃᑎᓂ ᐅᖃᐅᑎᕔᑦ, “ᐅᔭᕋᖕᓂᒃ ᑲᑎᑦᓯᒋᑦᓯ.” ᑕᕝᕙ ᐅᔭᕋᖕᓂᒃ ᑲᑎᑦᓯᕗᑦ ᖃᓕᕇᓕᑎᓪᓗᒋᑦ, ᑖᑦᓱᒪᓗ ᓴᓂᐊᓂ ᑕᕝᕙ ᓂᕆᖃᑎᒌᓕᕐᐳᑦ.
ᔧᑯᓗ ᑕᕝᕙᓂ ᓇᑉᐸᕐᓯᕗᖅ ᐅᖃᓪᓚᒡᕕᐅᕕᖕᒥᓂ, ᐅᔭᕋᖕᒥᒃ ᓇᓗᓁᒃᑯᑕᕐᒥᒃ; ᐃᒥᒃᓴᓕᐊᕆᓯᒪᔪᒥᒡᓗ ᑐᓂᕐᕈᑎᒃᓴᒥᒃ ᑯᕝᕕᕆᕚ, ᓇᐹᕐᑑᓪᓗ ᐅᕐᓱᖓᓂᒃ ᑯᕝᕕᕆᒋᓪᓗᒍ.
ᔮᓱᐊᓪᓗ ᐅᖃᐅᓰᑦ ᑕᒪᒃᑯᐊ ᑎᑎᕋᕐᐰᑦ ᒎᑎᐅᑉ ᐱᖁᔭᖏᑎᒍᑦ; ᐱᔭᕇᕋᒥ ᐅᔭᕋᒡᔪᐊᒥᒃ ᑎᒍᓯᕗᖅ, ᓇᑉᐸᕐᓗᒍᓗ ᓇᐹᕐᑑᑉ ᓯᑎᔫᑉ ᐊᑖᓄᑦ ᐊᑕᓂᐅᑉ ᓇᔪᒐᖓᑕ ᓴᓂᐊᓃᑦᑐᒧᑦ.
ᔮᓱᐊᓪᓗ ᐃᓄᐃᑦ ᐅᖃᐅᑎᕔᑦ, “ᑕᑯᒋᑦ, ᐅᓇ ᐅᔭᕋᒃ ᓇᓗᓁᒃᑯᑕᐅᕗᖅ ᐅᕙᑦᑎᓐᓄᑦ; ᐊᑕᓂᐅᑉ ᐅᖃᐅᓯᕆᔭᓕᒫᖏᑦ ᐅᕙᑦᑎᓐᓄᑦ ᑐᓴᓚᐅᕋᑦᑎᒍ ᐅᖃᐅᓯᕆᑎᓪᓗᓂᒋᑦ, ᑍᒤᒻᒪᑦ ᓇᓗᓁᒃᑯᑕᐅᓂᐊᕐᐳᖅ ᐃᓕᑦᓯᓐᓄᑦ, ᓱᓕᖏᑦᑐᒥᒃ ᐱᔨᑦᓯᓕᖁᓇᓯ ᒎᑎᑦᓯᓐᓂᒃ.”
