ᒨᓯᓯ ᓯᕗᓪᓖᑦ 31:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᐊᕐᕌᒍᑦ ᐊᕙᑎᑦ ᓈᓪᓗᒋᑦ ᐃᓕᑦᓯᓐᓂᒥᐅᑕᐅᓚᐅᕐᐳᖓ; ᐊᕐᕌᒍᓂᒡᓗ 14ᓂᒃ ᐃᓕᖕᓂᒃ ᐱᔨᑦᓯᓚᐅᕐᐳᖓ ᐸᓃᖕᓂᒃ ᒪᕐᕉᖕᓂᒃ ᐊᑭᓕᕐᑕᐅᑦᔪᑎᖃᕈᒪᓪᓗᖓ, ᐊᕐᕌᒍᓂᒡᓗ ᐱᖓᓲᔪᕐᑐᓂᒃ ᐱᔨᑦᓯᓚᐅᕆᕗᖓ ᐆᒪᔪᖁᑎᖕᓂᒃ ᐱᑖᕈᓐᓇᖁᓪᓗᖓ, ᓱᓕ ᐊᑭᓕᕐᑕᐅᑦᔪᑎᒃᓴᒃᑲ ᖁᓕᕕᒃᓗᒋᑦ ᐊᓯᑦᔨᖃᑦᑕᓚᐅᕐᐸᑎᑦ.

ᒨᓯᓯ ᓯᕗᓪᓖᑦ 31:41 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 27:44

ᓇᔪᑬᓐᓇᕐᓂᐊᕐᐸᑦ; ᐊᖓᔪᐃᑦ ᓂᓐᖓᐅᒪᔪᓐᓃᕐᓯᐊᕆᓗᒍ,

ᒨᓯᓯ ᓯᕗᓪᓖᑦ 29:15

ᓔᐸᓂ ᔧᑯᒧᑦ ᐅᖃᕐᐳᖅ, “ᐃᓚᒋᒐᒃᑭᑦ ᐅᕙᓐᓄᑦ ᐊᑭᖃᖏᓪᓗᒍ ᓴᓇᔭᕆᐊᖃᓐᖏᓚᑎᑦ ᐃᓚᒌᖕᓂᕗᒃ ᐱᓪᓗᒍ, ᖃᓄᖅ ᐊᖏᑎᒋᔪᒥᒃ ᐊᑭᓕᕐᑕᐅᖃᑦᑕᕈᒪᕖᑦ?”

ᒨᓯᓯ ᓯᕗᓪᓖᑦ 30:28

ᐊᑭᓕᕐᑕᐅᑦᔪᑎᒋᔪᒪᔭᕐᓂᒃ ᐅᖃᓚᐅᕆᑦ, ᑕᕝᕙ ᑐᓂᓂᐊᕐᐸᒋᑦ.”

ᒨᓯᓯ ᓯᕗᓪᓖᑦ 31:38

ᐊᕐᕌᒍᓂᒃ 20ᓂᒃ ᐃᓕᖕᓃᓯᒪᓕᕋᒪ; ᓰᐱᖁᑎᑎᑦ ᒎᑦᓯᖁᑎᑎᓪᓗ ᐃᕐᓂᐊᕐᓗᒃᑐᖃᓚᐅᓐᖏᓚᑦ, ᓰᐱᖁᑎᕕᓪᓗ ᐊᖑᓴᓪᓗᖏᓐᓂᒃ ᓂᕆᓚᐅᕐᓯᒪᓐᖏᓚᖓ.

ᒨᓯᓯ ᓯᕗᓪᓖᑦ 31:40

ᐃᒤᑉᐸᓚᐅᕐᐳᖓ ᐅᓪᓗᒃᑯᑦ ᐅᖅᑰᓗᐊᕐᐸᒃᓱᖓ, ᐅᓐᓄᐊᒃᑯᓪᓗ ᕿᐅᔭᕙᒃᓱᖓ, ᓯᓂᒍᓐᓁᓪᓕᖅᑲᕙᒃᓱᖓᓗ.

ᒨᓯᓯ ᓯᕗᓪᓖᑦ 31:6

ᖃᐅᔨᒪᕗᓯᒡᓗ ᐊᑖᑕᓯᓐᓄᑦ ᐱᔨᑦᓯᓚᐅᕋᒪ ᐱᔪᓐᓇᕐᓂᓕᒫᓐᓄᑦ.

ᒨᓯᓯ ᓯᕗᓪᓖᑦ 31:7

ᐊᑖᑕᑦᓯᓕ ᓯᓔᕐᕆᓯᒪᕚᖓ ᐊᑭᓕᕐᑕᐅᑦᔪᑎᒃᑲᓗ ᖁᓕᕕᒃᓗᒋᑦ ᐊᓯᑦᔨᕐᓯᒪᕔᑦ, ᒎᑎᐅᓪᓕ ᑖᑦᓱᒪᓐᖓᑦ ᓴᐳᑎᓯᒪᓚᐅᕐᐹᖓ ᖃᓄᐃᓕᔭᐅᖁᓇᖓ.

ᒨᓯᓯ ᓯᕗᓪᓖᑦ 32:4

ᐃᒫᒡᓗ ᐅᖃᖁᕔᑦ: “ᐊᖓᔪᖅᑳᕋ ᐄᓴ ᐅᖃᐅᑎᓯᐅᒃ; ‘ᔧᑯ ᐱᔩᑦ ᐅᖃᖁᔨᖕᒪᑦ, ᓔᐸᓂᒥ ᐊᑯᓂ ᓇᔫᑎᓚᐅᕋᒪ, ᒫᓐᓇᓕ ᐊᐅᓪᓚᕈᓐᓇᕐᓯᑍᓐᓇᕐᐳᖓ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:10

ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᒍᑦ ᐃᓅᓯᕆᓕᕐᑕᕋ ᒫᓐᓇ ᐃᓅᓯᕆᕙᕋ, ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓗ ᑕᒪᐅᖓᑐᐃᓐᓈᕐᓯᒪᓐᖏᓚᖅ ᐅᕙᓐᓄᑦ. ᐋᐴᓯᑕᓕᖕᓂᓪᓕ ᑕᒤᓐᓂᑦ ᐊᒃᓱᕈᕐᓇᕐᑐᑰᓂᕐᓴᐅᓯᕐᒪᕗᖓ ᐱᓇᓱᐊᕐᑎᓪᓗᖓ, ᓇᖕᒥᓂᕐᓕ ᐱᓇᓱᐊᕐᓂᓐᓅᖏᑦᑐᖅ, ᒎᑎᐅᓪᓕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓃᑦᑐᖅ ᐱᓇᓱᐊᕐᓯᒪᕗᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:26

ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ;